go search
go contents

MONGOLIAN

Гэр бүлийн шалтгаанаар цагаачлах

Өөр өөр улсын иргэний харьяалалтай хүмүүс хоорондоо гэрлэхийг олон улсын харьяат иргэдийн гэрлэлт гэнэ.

Бүгд Найрамдах Солонгос улсад олон улсын харьяат иргэдийн гэрлэлтийг хууль ёсны дагуу хүчин төгөлдөр болгох үүднээс гэрлэж буй талууд тус тусын харьяат улсын гэр бүлийн тухай хууль, тогтоомжид заасан гэрлэх нөхцөлийг хангаж эрх бүхий байгууллагад гэрлэлтээ бүртгүүлэх ёстой бөгөөд гэрлэлтийг гэр бүлийн харилцааг бүртгэх бүртгэлд бүртгэдэг.

Хэрэв гадаад улсын иргэн нь Бүгд Найрамдах Солонгос улсын иргэнтэй гэр бүл болоод Солонгос улсад оршин сууж байгаа бол гадаад улсын иргэн нь Бүгд Найрамдах Солонгос улсын иргэний эхнэр/нөхрийн хувьд тухайн гадаад иргэнд Солонгос улсын иргэний статусыг олгодог. Тиймээс Солонгос улсын иргэнтэй гэрлэсэн гадаад улсын иргэн нь өмнө авсан статусаа Солонгос улсын иргэний эхнэр/нөхөрт олгодог Оршин Суух (F-2) визээр солих боломжтой болно.

Мөн түүнчлэн Бүгд Найрамдах Солонгос улсын Иргэншлийн тухай хуульд заасны дагуу Солонгос улсын иргэнтэй гэрлэсэн гадаад улсын иргэн нь Солонгос улсын харьяат болох боломжтой. Гэр бүл болсноос хойш түүний эхнэр/нөхөр нь нас барах тохиолдолд тухайн иргэн нь Бүгд Найрамдах Солонгос улсын Иргэний Хуульд заасан өв залгамжлах журмын дагуу нас барсан эхнэр/нөхрийнхөө эд хөрөнгийг өвлөж болно.

Олон соёлт гэр бүл

Олон соёлт гэр бүл гэж гэрлэлтээр ирсэн цагаач иргэн эсвэл иргэншлээ солиулах зөвшөөрөл авсан этгээд, төрсөн цагаасаа эхлэн БНСУ-ын иргэншилтэй байсан хүмүүсээс бүрдсэн гэр бүлийг хэлнэ. БНСУ-ын иргэнтэй хууль бус гэрлэлтийн харилцааны дундаас төрсөн хүүхдээ өсгөн хүмүүжүүлж буй олон соёлт гэр бүлийн гишүүд ч мөн адил 「Олон соёлт гэр бүлийг дэмжих тухай хууль」-д заасны дагуу тусламж дэмжлэг авах боломжтой.

БНСУ-ын иргэншил аваагүй гадаадын иргэн Хууль зүйн яамны сайдаас харьяат иргэн болох зөвшөөрөл авснаар БНСУ-ын иргэншилтэй болох боломжтой. Харьяат иргэн болголт нь энгийн, хялбаршуулсан, тусгай гэж байх бөгөөд БНСУ-ын иргэн(эхнэр / нөхөр)тэй гэрлэлтээ батлуулсан гадаадын иргэний хувьд хялбаршуулсан харьяат иргэн болохоор дамжуулан илүү хялбар БНСУ-ын иргэншилтэй болох боломжтой.

Халдварт өвчнөөс урьдчилан сэргийлж, хяналт тавих тухай

Халдварт өвчин гэж 1~5 дугаар зэрэглэлийн халдварт өвчин, шимэгч хорхойн гаралтай, Дэлхийн Эрүүл мэндийн байгууллагын тандалтад байдаг, биологийн зэвсэг болгон ашигладаг халдварт өвчнүүд болон бэлгийн замын болон зоонозын, эмнэлгийн тусламж үйлчилгээний явцад халдварлан дамждаг өвчнүүдийг хэлнэ.
Халдварт өвчнөөс урьдчилан сэргийлэх хамгийн наад захын гар угаах·ханиахад мөрдөх халдвар хамгааллын дүрмийг дагаж мөрдсөнөөр халдварт өвчнөөс 50~70% -иар сэргийлэх боломжтой.

Эрүүл мэндийн даатгал(байгууллагаар төлөгч)

Эрүүл мэндийн даатгал гэдэг нь албадан хамруулалтаар дамжуулан эрүүл мэндийн зардлыг ачааллыг эрүүл мэндийн даатгалд хамрагдагч нарт бүгдэд нь тэнцвэржүүлэн иргэдийн амьжиргааны тогтвортой байдлыг бий болгодог нийгмийн даатгалыг хэлдэг бөгөөд, аж ахуй эрхлэгч болон хөдөлмөр эрхлэгч, төрийн албан хаагч болон сургууль боловсролын ажилтан нар байгууллагаар төлөгч болдог.

Энэхүү контент нь аливаа байгууллагад ажиллангаа байгууллагаар төлөгч болж эрүүл мэндийн даатгалын төлбөрийг төлж буй хүмүүсийн мэдэж авахыг хүсдэг асаргаа халамжийн тэтгэмж, эрүүл мэндийн шинжилгээ зэргийн даатгалын тэтгэмж олгогдохоос эхлээд эрүүл мэндийн даатгалын төлбөрийн тооцоолол·төлөлт гэх мэт эрүүл мэндийн даатгалтай холбоотой байгууллагаар төлөгчийн мэдвэл зохих, шаардлагатай хууль эрх зүйн мэдээллээр хангана.