CAMBODIA

- ប្រសិនបើជនបរទេសដែលស្នាក់នៅបណ្តោះអាសន្ននៅក្នុងសាធារណរដ្ឋកូរ៉េ មានបំណងចូលរួមនៅក្នុងសកម្មភាពខុសគ្នាពីអ្នកទាំងនោះដែលអនុញ្ញាតឱ្យមានឋានៈស្នាក់នៅរបស់គាត់នោះ គាត់ត្រូវទទួលបានការអនុញ្ញាតជាមុនសម្រាប់ការផ្លាស់ប្តូរប្រភេទទិដ្ឋាការរបស់គាត់ពីរដ្ឋមន្រ្តីក្រសួងយុត្តិធម៌ (មាត្រា 24(1) នៃច្បាប់ត្រួតពិនិត្យអន្តោប្រវេសន៍)។

- បុគ្គលដែលស្ថិតនៅក្រោមករណីណាមួយខាងក្រោមនេះ ដែលមានបំណងផ្លាស់ប្តូរឋានៈស្នាក់នៅរបស់ខ្លួនដោយសារតែ ការផ្លាស់ប្តូរឋានៈរបស់ខ្លួន ត្រូវទទួលការអនុញ្ញាតឱ្យផ្លាស់ប្តូរឋានៈស្នាក់នៅពីរដ្ឋមន្រ្តីក្រសួងយុត្តិធម៌ក្នុងរយៈពេល 30 ថ្ងៃ ដោយគិតចាប់ពីកាលបរិច្ឆេទដែលឋានៈរបស់ខ្លួនត្រូវបានផ្លាស់ប្តូរ (មាត្រា 24(2) មាត្រា 31(1) នៃច្បាប់ត្រួតពិនិត្យអន្តោប្រវេសន៍; មាត្រា 45(1) នៃវិធានអនុវត្តច្បាប់ត្រួតពិនិត្យអន្តោប្រវេសន៍)។

- ជនបរទេសដែលមានបំណងទទួលបានការអនុញ្ញាតឱ្យផ្លាស់ប្តូរប្រភេទទិដ្ឋាការរបស់ខ្លួន ត្រូវដាក់ពាក្យសុំការអនុញ្ញាតឱ្យផ្លាស់ប្តូរប្រភេទទិដ្ឋាការ លិខិតឆ្លងដែន និងប័ណ្ណចុះបញ្ជីឈ្មោះជនបរទេស (ដែលអាចអនុវត្តបាន តែនៅពេលណាជនបរទេសបានចុះបញ្ជីឈ្មោះរួចហើយប៉ុណ្ណោះ) រួមជាមួយនឹងឯកសារនានាដែលទាមទារសម្រាប់ឋានៈស្នាក់នៅនីមួយៗជូនទៅប្រធានមន្ទីអន្តោប្រវេសន៍និងជនបរទេស(តទៅនឹងហៅថា “ប្រធានមន្ទី”) ប្រធានការិយាល័យអន្តោប្រវេសន៍និងជនបរទេស(តទៅនេះនឹងហៅ “ប្រធានការិយាល័យ”) (មាត្រា 30(1) នៃបទបញ្ជាច្បាប់ត្រួតពិនិត្យអន្តោប្រវេសន៍; សំណុំបែបបទលេខ 34 នៃបញ្ញត្តិ ច្បាប់ អន្តោប្រវេសន៍)។

- ប្រសិនបើព័ត៌មានអំពីឯកសារនានាសម្រាប់ការដាក់ស្នើសុំ អាចត្រូវបានបញ្ជាក់តាមរយៈការប្រើប្រាស់ព័ត៌មានរដ្ឋបាលរួមគ្នា ដែលស្ថិតនៅក្រោមមាត្រា 36(1) នៃច្បាប់អេឡិចត្រូនិករដ្ឋាភិបាលនោះ ការដាក់ឱ្យពិនិត្យឯកសារអាចត្រូវជំនួសតាមការបញ្ជាក់ដែលបានថ្លែងរួចមកហើយ (មាត្រា 76(3) នៃវិធានអនុវត្តច្បាប់ត្រួតពិនិត្យអន្តោប្រវេសន៍)។

- ប្រសិនបើបុគ្គលម្នាក់មានបំណងដាក់ពាក្យសុំការអនុញ្ញាតឱ្យផ្លាស់ប្តូរប្រភេទទិដ្ឋាការដែលមានអាយុក្រោម 17 ឆ្នាំ ហើយប្រសិនបើបុគ្គលនោះខកខានដាក់ពាក្យសុំការអនុញ្ញាតនោះ ឪពុកម្តាយ អ្នកគាំទ្រដៃគូរស់នៅជាមួយគ្នាដោយមិនរៀបការណ៍តាមច្បាប់ បងប្អូន អ្នកធានាលិខិតបញ្ជាក់របស់ខ្លួន ឬបុគ្គលផ្សេងទៀតដែលរស់នៅជាមួយគ្នា ត្រូវដាក់ពាក្យសុំលិខិតអនុញ្ញាត (កថាខណ្ឌរង 2 មាត្រា 79 នៃច្បាប់ត្រួតពិនិត្យអន្តោប្រវេសន៍; មាត្រា 89(1) សេចក្តីសម្រេចអនុវត្តច្បាប់ត្រួតពិនិត្យ អន្តោប្រវេសន៍; កថាខណ្ឌរង 2 មាត្រា 34 នៃវិធានអនុវត្តច្បាប់ត្រួតពិនិត្យអន្តោប្រវេសន៍)។

- ថ្លៃសេវាដាក់ពាក្យថ្លៃសេវាដាក់ពាក្យសុំការផ្លាស់ប្តូរកម្មប្រភេទទិដ្ឋាការគឺ KRW100,000[លើកលែងតែថ្លៃសេវាសម្រាប់ប្រភេទទិដ្ឋាការស្នាក់នៅអចិន្រ្តៃយ៍ (F-5) គឺ KRW200,000] (មាត្រា 72(5) នៃបញ្ញត្តិច្បាប់ អន្តោប្រវេសន៍)។

- នៅពេលដែលរដ្ឋមន្រ្តីក្រសួងយុត្តិធម៌ផ្តល់លិខិតអនុញ្ញាតឱ្យដាក់ពាក្យសុំនោះ ប្រធានមន្ទីរប្រធានការិយាល័យ ឬ ប្រធានសាខា ត្រូវបោះត្រាលើលិខិតអនុញ្ញាតឱ្យផ្លាស់ប្តូរឋានៈស្នាក់នៅលើលិខិតឆ្លងដែន និងឋានៈស្នាក់នៅ រយៈពេលស្នាក់នៅ និងទីកន្លែងធ្វើការ

- ប្រសិនបើមានការផ្លាស់ប្តូរប្រភេទទិដ្ឋាការមិនត្រូវបានផ្តល់ការជូនទេ លិខិតជូនដំណឹងអំពីការមិនអនុម័តលើការពន្យាពេលរយៈពេលស្នាក់នៅបណ្តោះអាសន្ន ត្រូវចេញឱ្យអ្នកដាក់ពាក្យសុំ។ ក្នុងករណីនេះជនបរទេសអាចត្រូវបានអនុញ្ញាតឱ្យស្នាក់នៅ បណ្តោះអាសន្នសម្រាប់រយៈពេលស្នាក់នៅដែលបានអនុញ្ញាតរួចហើយ (មាត្រា 33(1) នៃសេចក្តីសម្រេចអនុវត្តច្បាប់ត្រួតពិនិត្យអន្តោប្រវេសន៍; សំណុំបែបបទ 43(3) នៃវិធានអនុវត្តច្បាប់ត្រួតពិនិត្យអន្តោប្រវេសន៍)

-នៅក្នុងលិខិតជូនដំណឹងអំពីការមិនអនុម័តលើការពន្យាពេលរយៈពេលស្នាក់នៅបណ្តោះអាសន្ននោះ ថ្ងៃផុតកំណត់សម្រាប់ការចាកចេញ ត្រូវបានបញ្ជាក់រយៈពេលកំណត់មិនលើសពី 14 ថ្ងៃ ដោយគិតចាប់ពីកាលបរិច្ឆេទនៃលិខិតជូនដំណឹង ប្រសិនបើចាត់ទុកថាមានការចាំបាច់នោះកាលបរិច្ឆេទផុតកំណត់រយៈពេលស្នាក់នៅដែលបានអនុញ្ញាត នឹងត្រូវចាត់ជាថ្ងៃកំហិតចំណាកប្រទេស ពីប្រទេស ហើយនៅពេលដែលអ្នកកំពុងស្នាក់ក្នុងប្រភេទទិដ្ឋាការដែលបានអនុញ្ញាតឲ្យហើយនោះ ថ្ងៃកំហិតចំណាកប្រទេសអាចនឹងមិនបានសរសេរលើលិខិត។ (មាត្រា 33(2) នៃសេចក្តីសម្រេចអនុវត្តច្បាប់ត្រួតពិនិត្យអន្តោប្រវេសន៍; សំណុំបែបបទ 43(3) នៃវិធានអនុវត្តច្បាប់ត្រួតពិនិត្យអន្តោប្រវេសន៍)។

- ប្រសិនបើជនបរទេសណាដែលស្ថិតនៅក្រោមករណីដូចខាងក្រោមនេះ រដ្ឋមន្រ្តីក្រសួងយុត្តិធម៌អាចលុបចោល ឬផ្លាស់ប្តូរលិខិតអនុញ្ញាតឱ្យផ្លាស់ប្តូរប្រភេទទិដ្ឋាការ (មាត្រា 89(1) នៃច្បាប់ត្រួតពិនិត្យអន្តោប្រវេសន៍)។

- ប្រសិនបើការណ៍នេះត្រូវបានចាត់ទុកថា ជាការចាំបាច់ចំពោះការលុបចោល ឬការផ្លាស់ប្តូរលិខិតអនុញ្ញាតឱ្យផ្លាស់ប្តូរប្រភេទទិដ្ឋាការនោះ រដ្ឋមន្រ្តីក្រសួងយុត្តិធម៌អាចទាមទារអ្នកដាក់ពាក្យសុំដែលពាក់ព័ន្ធ ដែលស្ថិតក្រោមមាត្រា 79 ដើម្បីបង្ហាញខ្លួននៅក្នុងគោលបំណងដើម្បីស្តាប់មតិយោបល់របស់គាត់ (មាត្រា 89(2) នៃច្បាប់ត្រួតពិនិត្យអន្តោប្រវេសន៍)។

- ដើម្បីស្តាប់មតិយោបល់អ្នកដាក់ពាក្យសុំ រដ្ឋមន្រ្តីក្រសួងយុត្តិធម៌ត្រូវជូនដំណឹងដល់បុគ្គលអំពីមូលហេតុចំពោះការលុបចោល ឬការផ្លាស់ប្តូរលិខិតអនុញ្ញាតឱ្យផ្លាស់ប្តូរប្រភេទទិដ្ឋាការនិងពេលវេលានិងទីកន្លែងបង្ហាញខ្លួនដែលមានរយៈពេល 7 ថ្ងៃ មុនកាលបរិច្ឆេទបង្ហាញខ្លួន (មាត្រា 89(3) នៃច្បាប់ត្រួតពិនិត្យអន្តោប្រវេសន៍)។

- ប្រសិនបើជនបរទេសដែលស្នាក់នៅបណ្តោះអាសន្ននៅក្នុងសាធារណរដ្ឋកូរ៉េ ដែលចូលរួមនៅក្នុងសកម្មភាពខុសគ្នាពី អ្នកទាំងនោះដែលអនុញ្ញាតឱ្យមានឋានៈស្នាក់នៅរបស់គាត់ ដែលមិនទទួលបានលិខិតអនុញ្ញាតជាមុនសម្រាប់ការផ្លាស់ប្តូរប្រភេទទិដ្ឋាការរបស់គាត់ពីរដ្ឋមន្រ្តីក្រសួងយុត្តិធម៌នោះ អាចត្រូវនិរទេសចេញដោយបង្ខំពីសាធារណរដ្ឋកូរ៉េ (មាត្រា 46(1) 8 នៃច្បាប់ត្រួតពិនិត្យអន្តោប្រវេសន៍)។

-លើសពីនេះទៀតជនបរទេសដែលបានប្រព្រឹត្តការរំលោភបំពានខាងលើ ត្រូវផ្តន្ទាទោសឱ្យជាប់ពន្ធនាគារតិចជាង 3 ឆ្នាំ ឬទទួលខុសត្រូវចំពោះការផាកពិន័យជាប្រាក់តិចជាង KRW30 លានវ៉ុន (មាត្រា 94(16) នៃច្បាប់ត្រួតពិនិត្យអន្តោប្រវេសន៍)។