បញ្ហាដែលទាក់ទងនឹងប្រាក់ឈ្នួល និងបទដ្ឋានការងារ- នៅក្នុងករណីការណាមួយនៃករណីដូចខាងក្រោមនេះ ពលករបរទេសអាចពិគ្រោះយោបល់ជាមួយផ្នែកត្រួតពិនិត្យ កម្លាំងពលកម្មនិងការងារ និងការគ្រប់គ្រងការងារប្រចាំតំបន់ ដែលមានសមត្ថកិច្ចចំពោះកន្លែងធ្វើការរបស់ពួកគេ
1. គ្មានការទូទាត់ប្រាក់ឈ្នួល ឬការធានារ៉ាប់រងការចូលនិវត្តន៍;
2. អំពើហឹង្សាជាក់ស្តែងដោយនិយោជក ឬប្រធានគ្រប់គ្រងការងារ; ឬ
3. ចំនួនម៉ោងការងារដែលអូសបន្លាយ ឬពលកម្មដោយបង្ខំ ដោយគ្មានការយល់ព្រមពីពលករ។
បញ្ហាទាក់ទងនឹងសុវត្ថិភាពឧស្សាហកម្ម
- ចំពោះបណ្តឹងតវ៉ាដែលពាក់ព័ន្ធនឹងសុវត្ថិភាព និងសុខភាពនៅទីកន្លែងធ្វើការនោះ ពលករបរទេសអាចពិគ្រោះយោបល់ជាមួយផ្នែកសុវត្ថិភាពឧស្សាហកម្មនៃគ្រប់គ្រងការងារ និងកម្លាំងពលកម្មប្រចាំតំបន់ ដែលមានសមត្ថកិច្ចចំពោះកន្លែងធ្វើការរបស់ពួកគេ។
បញ្ហាដែលទាក់ទងនឹងការងារ
- នៅក្នុងករណីការណាមួយនៃករណីដូចខាងក្រោមនេះ ពលករបរទេសអាចពិគ្រោះយោបល់ជាមួយមជ្ឈមណ្ឌលការងារ ដែលមានសមត្ថកិច្ចចំពោះកន្លែងធ្វើការរបស់ពួកគេ
1. ការពិគ្រោះយោបល់ដែលតម្រូវឱ្យមាន ដែលទាក់ទងនឹងការផ្លាស់ប្តូរកន្លែងធ្វើការ ឬការរកកន្លែងធ្វើ;
2. ឯកសារភ័ស្តុតាងចាំបាច់ក្នុងអំឡុងពេលស្នាក់នៅបណ្តោះអាសន្នរបស់ពួកគេនៅក្នុងសាធារណរដ្ឋកូរ៉េ ដូចជាលិខិតបញ្ជាក់ការងារ ដែលចេញជូន; ឬ
3. ការពិគ្រោះយោបល់ដែលទាក់ទងនឹងបណ្តឹងតវ៉ា ដែលតម្រូវឱ្យមានតាមរបៀបផ្សេងក្នុងអំឡុងពេលការងារនេះ។
បញ្ហាដែលទាក់ទងនឹងការគាំទ្រផ្នែកភាសា
- នៅក្នុងការណាមួយនៃករណីដូចខាងក្រោមនេះ ពលករបរទេសអាចពិគ្រោះយោបល់ជាមួយមជ្ឈមណ្ឌលអតិថិជន (ទូរស័ព្ទលេខ៖ 1350) ឬផ្នែកគោលនយោបាយកម្លាំងពលកម្មបរទេសនៃក្រសួងការងារនិងកម្លាំងពលកម្ម
1. វាគឺជាការចាំបាច់ ដើម្បីផ្តល់ជូនការពិគ្រោះយោបល់ និងព័ត៌មានជាភាសារបស់ពលករបរទេស; ឬ
2. វាគឺជាការចាំបាច់ ដើម្បីផ្តល់ជូនព័ត៌មានអំពីការពិគ្រោះយោបល់ជនស៊ីវិផ្សេងៗគ្នា និងអង្គភាពដែលដោះស្រាយបណ្តឹងតវ៉ា។
បញ្ហាដែលទាក់ទងនឹងការស្នាក់នៅបណ្តោះអាសន្ន
- នៅក្នុងករណីការណាមួយនៃករណីដូចខាងក្រោមនេះ ពលករបរទេសអាចពិគ្រោះយោបល់ជាមួយការិយាល័យកណ្តាលផ្នែកគោលនយោបាយអន្តោប្រវេសន៍និងជនបរទេស។
1. ការពិគ្រោះយោបល់ដែលតម្រូវឱ្យមាន ដែលទាក់ទងនឹងបញ្ហានានាដែលពាក់ព័ន្ធនឹងការស្នាក់នៅបណ្តោះអាសន្ននៅសាធារណរដ្ឋកូរ៉េ ដែលរួមមានការចេញប័ណ្ណចុះបញ្ជីឈ្មោះជនបរទេស ការពន្យាពេលការស្នាក់នៅបណ្តោះអាសន្ន និងការអនុញ្ញាតការផ្លាស់ប្តូរកន្លែងធ្វើការ; ឬ
2. ការចាត់ទុកដោយមិនស្មើភាព កើតមានឡើងដោយជាក់ស្តែង ឬត្រូវបានគេរំពឹងថានឹងកើតមានឡើងនៅក្នុងកម្មវិធីអន្តោប្រវេសន៍ ឬការស្នាក់នៅបណ្តោះអាសន្ននៅក្នុងប្រទេសនេះ។
បញ្ហាទាក់ទងនឹងសំណងគ្រោះថ្នាក់ឧស្សាហកម្ម
- ពលករបរទេសអាចពិគ្រោះយោបល់អំពីសំណងពលករ និងសេវាសុខុមាលភាពនៃប្រទេសកូរ៉េ សម្រាប់ការដាក់ពាក្យសុំសំណង ឬការថែទាំដោយគិលានុបដ្ឋាក ដោយសារតែគ្រោះថ្នាក់ឧស្សាហកម្ម។
បញ្ហាដែលទាក់ទងនឹងឧក្រិដ្ឋកម្ម
- នៅក្នុងករណីមានការខូចខាតដោយជនឧក្រិដ្ឋកម្មណាម្នាក់ ឬការចាត់ទុកមិនស្មើភាពក្នុងអំឡុងពេលការងារនោះ ពលករបរទេស អាចទាក់ទងប៉ូលីស (ទូរស័ព្ទលេខ៖ 112)។