ការចុះបញ្ជីឈ្មោះជនបរទេសជាដើម
ការចុះបញ្ជីឈ្មោះជនបរទេស
- ពលករបរទេសត្រូវបានទាមទារឱ្យបំពេញការចុះបញ្ជីឈ្មោះជនបរទេសជាមួយប្រធានមន្ទីរអន្តោប្រវេសន៍និងជនបរទេស (ជាតទៅនឹងហៅថា “ប្រធានមន្ទី”), ប្រធានការិយាល័យអន្តោប្រវេសន៍និងជនបរទេស(ជាតទៅនឹងហៅថា “ប្រធានការិយាល័យ”), ឬប្រធានសាខានៃមន្ទីរ និង ការិយាល័យដែលមានសមត្ថកិច្ចចំពោះកន្លែងស្នាក់នៅបណ្តោះអាសន្នពលករនៅក្នុងរយៈពេល 90 ថ្ងៃដោយគិតចាប់ពីថ្ងៃពលករចូលទៅក្នុងសាធារណរដ្ឋកូរ៉េ។ អ្នករំលោភបំពានត្រូវកំណត់ដាក់ពន្ធនាគាររហូតដល់1 ឆ្នាំ ឬពិន័យជាប្រាក់រហូតដល់ KRW 10 លានវ៉ុន។(មាត្រា 31 (1) និងមាត្រា 95-7 នៃច្បាប់គ្រប់គ្រងអន្តោប្រវេសន៍)
ការផ្លាស់ប្តូរព័ត៌មានអំពីការចុះបញ្ជីឈ្មោះជនបរទេស
- ប្រសិនបើមានបញ្ហាដូចខាងក្រោមផ្លាស់ប្តូរបន្ទាប់ពីការចុះឈ្មោះ ពលករបរទេសត្រូវរាយការណ៍អំពីការកែប្រែដែលឆ្លើយតបក្នុងរយៈពេល 15 ថ្ងៃ ចំពោះស្នងការ/មន្រ្តីការិយាល័យ ឬមន្រ្តីមូលដ្ឋានដែល មានសមត្ថកិច្ច (មាត្រាទី 35 នៃ “ច្បាប់ស្តីពីការត្រួតពិនិត្យ អន្តោប្រវេសន៍” មាត្រាទី 44 (1) នៃ “ក្រឹត្យអនុវត្តច្បាប់ស្តីពីការត្រួតពិនិត្យអន្តោប្រវេសន៍” និងមាត្រាទី 49-2 នៃ “បទបញ្ញត្តិអនុវត្តច្បាប់ស្តីពីការត្រួតពិនិត្យអន្តោប្រវេសន៍”)។
1. ឈ្មោះ ភេទ ថ្ងៃខែឆ្នាំកំណើត ឬសញ្ជាតិ;
2. លេខលិខិតឆ្លងដែន កាលបរិច្ឆេទចេញ ឬរយៈពេលផុតកំណត់;
3. ការចាប់ផ្តើមការងារក្នុងករណីនៃអ្នកការកាន់ទិដ្ឋាការប្រភេទទស្សនកិច្ចការងារ (H-2) ដែលជួលបម្រើការងារដោយបុគ្គល អង្គការ ក្រុម ឬក្រុមហ៊ុនជាលើកដំបូង;
4. ការផ្លាស់ប្តូរចំពោះបុគ្គល អង្គការ ក្រុម ឬក្រុមហ៊ុន (រួមមានការផ្លាស់ប្តូរឈ្មោះរបស់ខ្លួន) នៅក្នុងករណីអ្នកការកាន់ទិដ្ឋាការប្រភេទទស្សនកិច្ចការងារ (H-2) ត្រូវបានជួលបម្រើការងាររួចមកហើយដោយបុគ្គល អង្គការ ក្រុម ឬក្រុមហ៊ុននេះ។
※ អ្នករំលោភបំពាន ត្រូវបានកំណត់ពិន័យជាប្រាក់ KRW 1 លានវ៉ុន (តាមមាត្រា 100 (2)-1 នៃច្បាប់គ្រប់គ្រងអន្តោប្រវេសន៍)។
សេចក្តីចែងនៃជីវមាត្រ។ល។
- បុគ្គលណាមដែលមានអាយុដប់ប្រាំពីរឆ្នាំ ឬច្រើនជាងនេះ ហើយតម្រូវឱ្យបំពេញការចុះបញ្ជីឈ្មោះជនបរទេសនោះ ត្រូវទទួលការស្កេនស្នាមម្រាមដៃនៃម្រាមដៃទាំងអស់ និងការស្កេនមុខដោយម៉ាស៊ីនស្កេនដែលត្រូវកំណត់ដោយមន្ត្រីគ្រប់គ្រង អន្តោប្រវេសន៍ នៅពេលចុះបញ្ជីឈ្មោះជនបរទេស។ ទោះជាយ៉ាងណាបុគ្គលដែលបានបញ្ចប់ការចុះបញ្ជីឈ្មោះជនបរទេសមុនពេលឈានដល់អាយុ 17 ឆ្នាំ ត្រូវផ្ដល់ជូនព័ត៌មាននេះនៅក្នុងរយៈពេល 90 ថ្ងៃ ដោយគិតចាប់ពីថ្ងៃដែលបុគ្គលនោះអាយុ 17 ឆ្នាំ (មាត្រា 38 (1) -1 នៃច្បាប់គ្រប់គ្រងអន្តោប្រវេសន៍ និងមាត្រា 50-1 នៃ វិធានអនុវត្តច្បាប់គ្រប់គ្រងអន្តោប្រវេសន៍) ។
ស្នងការ/មន្រ្តី ឬមន្រ្តីមូលដ្ឋានមិនអាចអនុញ្ញាតឱ្យមានការពន្យារពេលរស់នៅបានទេ។ល។ សម្រាប់អ្នកបរទេសដែលបដិសេធផ្តល់ជីវមាត្រក្រោម “ច្បាប់ស្តីពីការត្រួតពិនិត្យអន្តោប្រវេសន៍” (មាត្រាទី 38 (2) នៃ “ច្បាប់ស្តីពីការត្រួតពិនិត្យអន្តោប្រវេសន៍”) ។
លិខិតអនុញ្ញាតពន្យាពេលស្នាក់នៅបណ្តោះអាសន្ន
- ប្រសិនបើពលករបរទេសមានបំណងចង់ស្នាក់នៅបន្ទាប់ពីកាលបរិច្ឆេទផុតកំណត់នៃការរស់នៅ គាត់នឹងដាក់សម្រាប់ការពន្យាពេលស្នាក់នៅមុនកាលបរិច្ឆេទផុតកំណត់នៃការស្នាក់នៅ (មាត្រាទី 25 នៃ “ច្បាប់ស្តីពីការត្រួតពិនិត្យអន្តោប្រវេសន៍” និងមាត្រាទី 31 នៃ “ក្រឹត្យអនុវត្តច្បាប់ស្តីពីការត្រួតពិនិត្យ អន្តោប្រវេសន៍”)។
- អ្នកទាំងនោះដែលមានបំណងចង់បានការពន្យាពេលស្នាក់នៅបណ្តោះអាសន្នរបស់ពួកគេ ត្រូវដាក់ពាក្យសុំការពន្យាពេលស្នាក់នៅបណ្តោះអាសន្ន (សូមមើលតារាងភ្ជាប់ 5-2 ដែលភ្ជាប់ជាមួយវិធានអនុវត្តច្បាប់គ្រប់គ្រងអន្តោប្រវេសន៍) ជូនទៅកាន់ ប្រធានមន្ទីរ ប្រធានការិយាល័យ ឬ ប្រធានសាខា ដែលមានដែនសមត្ថកិច្ច ដែលអ្នកដាក់ពាក្យសុំស្នាក់នៅដោយមានឯកសារដែលបានទាមទារដោយផ្អែកលើប្រភេទនៃស្នាក់នៅបណ្តោះអាសន្នរបស់ពួកគេ (តាមមាត្រា 31 (1) នៃសេចក្តីសម្រេចអនុវត្តច្បាប់ត្រួតពិនិត្យអន្តោប្រវេសន៍) ។
※ ប្រសិនបើពលករបរទេសរំលោភកាតព្វកិច្ចខាងលើ គាត់នឹងត្រូវផ្តន្ទាទោសដាក់ពន្ធនាគារមិនលើសពីបីឆ្នាំ ឬពិន័យជាប្រាក់មិនលើសពី 30 លានវ៉ុន (មាត្រាទី 94-17 នៃ “ច្បាប់ស្តីពីការត្រួតពិនិត្យអន្តោប្រវេសន៍”) ។
លិខិតអនុញ្ញាត និងរបាយការណ៍អំពីការផ្លាស់ប្តូរឬការបន្ថែមទីកន្លែងធ្វើការ
លិខិតអនុញ្ញាតការផ្លាស់ប្តូរ ឬការបន្ថែមទីកន្លែងធ្វើការ
- ប្រសិនបើពលករបរទេសដែលស្នាក់នៅក្នុងប្រទេសកូរ៉េមានបំណងកែប្រែ ឬបន្ថែមកន្លែងធ្វើការរបស់គាត់លើវិសាលភាពគុណវុឌ្ឍិរស់នៅ គាត់ត្រូវស្នើសុំការអនុញ្ញាតពីអគ្គព្រះរាជអាជ្ញាជាមុន មាត្រាទី 26 នៃ “ក្រឹត្យអនុវត្តច្បាប់ស្តីពីការត្រួតពិនិត្យអន្តោប្រវេសន៍” (អត្ថបទនៃមាត្រាទី 21 (1) នៃ “ច្បាប់ស្តីពីការគ្រប់គ្រងអន្តោប្រវេសន៍)។
- បុគ្គលដែលសស្វែងរកទទួលបានលិខិតអនុញ្ញាតការផ្លាស់ប្តូរឬការបន្ថែមទីកន្លែងធ្វើការនោះ ត្រូវប្រគល់ជូនពាក្យសុំលិខិតអនុញ្ញាតនេះ ជូនទៅកាន់ ប្រធានមន្ទីរ ប្រធានការិយាល័យ ឬ ប្រធានសាខា ដែលមានសមត្ថកិច្ចលើកន្លែងស្នាក់នៅបណ្តោះអាសន្ន ដោយមាន ឯកសារដែលពាក់ព័ន្ធនឹងឋានៈស្នាក់នៅបណ្តោះអាសន្នភ្ជាប់ជាមួយពាក្យសុំ (មាត្រា 26 (1) នៃសេចក្តីសម្រេចអនុវត្តច្បាប់គ្រប់គ្រង អន្តោប្រវេសន៍ និងតារាងភ្ជាប់ 5-2 នៃវិធានអនុវត្តច្បាប់គ្រប់គ្រងអន្តោប្រវេសន៍)។
របាយការណ៍អំពីការផ្លាស់ប្តូរ ឬការបន្ថែមទីកន្លែងធ្វើការ
- អ្នកដែលមានចំណេះដឹងជំនាញ បច្ចេកវិទ្យា ឬជំនាញបច្ចេកទេសដែលមានគុណវុឌ្ឍិដូចខាងក្រោមត្រូវរាយការណ៍ក្នុងរយៈពេល 15 ថ្ងៃ បន្ទាប់ពីការកែប្រែកន្លែងធ្វើការ ឬកាលបរិច្ឆេទបន្ថែមទៅអគ្គព្រះរាជអាជ្ញាក្រោម មាត្រាទី 26-2 នៃ “ក្រឹត្យអនុវត្តស្តីពីការអនុវត្តច្បាប់ត្រួតពិនិត្យអន្តោប្រវេសន៍” [ជនបរទេសមានគុណវុឌ្ឍិក្នុងការផ្លាស់ប្តូរ ឬបន្ថែមកន្លែងធ្វើការរបស់ខ្លួនដោយរបាយការណ៍តែប៉ុណ្ណោះ សេចក្តីចែងនៃមាត្រាទី 21 (1) នៃ “ច្បាប់ស្តីពីការត្រួតពិនិត្យអន្តោប្រវេសន៍” និងមាត្រាទី 26-2(1) នៃ “ក្រឹត្យអនុវត្តច្បាប់ស្តីពីការត្រួតពិនិត្យអន្តោប្រវេសន៍” ឬ ការរាយការណ៍អនុលោមតាមមាត្រាទី 26-2(1) នៃ “ក្រឹត្យអនុវត្តច្បាប់ស្តីពីការត្រួតពិនិត្យអន្តោប្រវេសន៍”]។
1. លក្ខណៈសម្បត្តិ
√ ត្រូវតែស្នាក់នៅបណ្តោះអាសន្នក្នុងប្រទេសនេះ បន្ទាប់ពីការបញ្ចប់ការចុះបញ្ជីឈ្មោះជនបរទេសដែលស្ថិតក្រោមទិដ្ឋាការប្រភេទមុខងារជាគ្រូបង្រៀនឬសាស្រ្តាចារ្យ (E-1), គ្រូបង្រៀនភាសាបរទេស (E-2), ការស្រាវជ្រាវ (E-3), ការផ្ទេរបច្ចេកវិទ្យា (E-4), ការងារមានវិជ្ជាជីវៈ (E-5), សិល្បៈនិងការសម្តែង (E-6), ឬមុខរបរពិសេស (E-7)។
√ ត្រូវមានលក្ខណៈសម្បត្តិគ្រប់គ្រាន់ ដែលតម្រូវឱ្យមានដើម្បីធ្វើការនៅទីកន្លែងធ្វើការដែលត្រូវផ្លាស់ប្តូរឬបន្ថែម។
2. ការលើកលែង
√ អ្នកកាន់ទិដ្ឋាការប្រភេទសិល្បៈនិងការសម្តែង (E-6) ដែលបានចូលរួមក្នុងសកម្មភាពសម្តែងនៅឯសណ្ឋាគារ គ្រឹះស្ថានកម្សាន្តជាដើម (E-6-2)
√ បុគ្គលដែលប្រឡូកពាក់ព័ន្ធនៅក្នុងមុខរបរដូចតទៅនេះដែលត្រូវការការគ្រប់គ្រងជាមុនដោយសារកម្រិតដែនកំណត់នៅលើចំនួននៃមនុស្សដែលអនុញ្ញាតសម្រាប់ក្រុមហ៊ុននីមួយៗនិងហេតុផលដទៃផ្សេងទៀតក្នុងចំណោម អស់អ្នកទាំងឡាយណាដែលកាន់កាប់ឋានៈ មុខរបរពិសេស (E-7)៖ អ្នកបច្ចេកទេសវិស្វកម្មមេកានិច(2351) អ្នកគូរប្លង់ពង្រាង (2395) បុគ្គលិកលក់ផលិតផលលើបណ្តាញអ៊ីនធឺណិតក្រៅប្រទេសនៅក្នុងប្រភេទបុគ្គលិកលក់ក្រៅប្រទេស(2742) អ្នករចនាម៉ូត (285) ស្មៀនការលក់ (31215) មេចុងភៅ និងចុងភៅ (441) ស្មៀនសេវាកម្មអតិថិជន (3991) អ្នកទទួលភ្ញៀវនៅសណ្ឋាគារ(3922) អ្នកសម្របសម្រួលវេជ្ជសាស្ត្រ (S3922) អ្នកបច្ចេកទេសវារីវប្បកម្ម(6301) អ្នកផ្សារសំណង់នាវា (7430) កម្មករជំនាញមានមូលដ្ឋាននៅនឹងចំណុចទីតាំង〔អ្នកបច្ចេកទេសជំនាញឧស្សាហកម្មដំបូល (S740) អ្នកបច្ចេកទេសជំនាញកសិកម្ម រុក្ខាប្រមាញ់បសុសត្វ និងជលផល (S610) អ្នកបច្ចេកទេសជំនាញរបស់ក្រុមហ៊ុនផលិតកម្ម និងសំណង់ទូទៅ(S700)〕
√ បុគ្គលដែលមានលក្ខណសម្បត្តិគ្រប់គ្រាន់ ប៉ុន្តែត្រូវបានគេបណ្តេញចេញ ឬសុំលាឈប់ពីការងារក្នុងអំឡុងពេលមានលក្ខខណ្ឌការងារដែលមានចុះកិច្ចសន្យាដោយសារហេតុផលដែលអាចដាក់បន្ទុកលើពួកគេ និងអ្នកដែលមិនបានទទួលការយល់ព្រមចំពោះការផ្ទេរពីនិយោជកដើម
- បុគ្គលដែលសស្វែងរករាយការណ៍អំពីការផ្លាស់ប្តូរឬការបន្ថែមទីកន្លែងធ្វើការនោះ ត្រូវប្រគល់ជូនរបាយការណ៍អំពីអំពី ការផ្លាស់ប្តូរឬការបន្ថែមនេះជូនទៅកាន់ ប្រធានមន្ទីរ ប្រធានការិយាល័យ ឬ ប្រធានសាខា ដែលមានសមត្ថកិច្ចលើ កន្លែងស្នាក់នៅបណ្តោះអាសន្ន ដោយមានឯកសារដែលពាក់ព័ន្ធនឹងឋានៈស្នាក់នៅបណ្តោះអាសន្នភ្ជាប់ជាមួយពាក្យសុំ (មាត្រា 26.2 (2) នៃសេចក្តីសម្រេចអនុវត្តច្បាប់គ្រប់គ្រងអន្តោប្រវេសន៍ និងតារាងភ្ជាប់ 5-2 នៃវិធានអនុវត្តច្បាប់គ្រប់គ្រងអន្តោប្រវេសន៍)។
របាយការណ៍អំពីការផ្លាស់ប្តូរកន្លែងស្នាក់នៅបណ្តោះអាសន្ន
- ប្រសិនបើពលករដែលបានចុះឈ្មោះជាជនបរទេសផ្លាស់ប្តូរទីកន្លែងធ្វើការរបស់ខ្លួន គាត់ត្រូវរាយការណ៍ប្រាប់ស្នងការ Si/Gun/Gu ដែលមានសមត្ថកិច្ចនៃតំបន់ធ្វើការថ្មី (រួមទាំង Gus ដែលមិនមែនស្វ័យយ័ត) ប្រធាន Eup/Myeon/Dong ឬស្នងការ មន្ត្រី ឬមន្ត្រីប្រចាំមូលដ្ឋានដែលមានសមត្ថកិច្ចនៃតំបន់ការងារថ្មីក្នុងរយៈពេល 15 ថ្ងៃ បន្ទាប់ពីផ្លាស់ទៅកន្លែងធ្វើការថ្មី (មាត្រាទី 36 (1) នៃ “ច្បាប់ស្តីពីការត្រួតពិនិត្យអន្តោប្រវេសន៍” និងមាត្រាទី 45 (1) នៃ “ក្រឹត្យអនុវត្តច្បាប់ស្តីពីការត្រួតពិនិត្យអន្តោប្រវេសន៍”)។
កាតព្វកិច្ចកាន់លិខិតឆ្លងដែន និងប័ណ្ណចុះបញ្ជីឈ្មោះជនបរទេស
- ពលករបរទេសដែលស្នាក់នៅសាធារណរដ្ឋកូរ៉េ ត្រូវយកលិខិតឆ្លងដែន និងប័ណ្ណចុះបញ្ជីឈ្មោះជនបរទេសរបស់ខ្លួនជាប់ជាមួយអ្នកនៅគ្រប់ពេលវេលា និងត្រូវតែបង្ហាញវា នៅពេលមានការស្នើរសុំដោយមន្ត្រីគ្រប់គ្រងអន្តោប្រវេសន៍ ឬមន្រ្តីរដ្ឋាភិបាលដែលមានសិទ្ធិអនុញ្ញាត (តាមមាត្រា 27 នៃច្បាប់គ្រប់គ្រងអន្តោប្រវេសន៍)។