ការឆ្លងកាត់ការធ្វើតេស្តជំនាញភាសាកូរ៉េ (EPS-KLT)
បុគ្គលនានា តម្រូវឱ្យមានការរធ្វើតេស្ត
- ពលករបរទេសណាដែលមានបំណងឱ្យជួលបម្រើការងារនៅសាធារណរដ្ឋកូរ៉េ ដែលស្ថិតក្រោមទិដ្ឋាការប្រភេទការងារមិនមានវិជ្ជាជីវៈ (E-9) ត្រូវឆ្លងកាត់ការធ្វើតេស្តជំនាញភាសាកូរ៉េ ដែលគ្រប់គ្រងនៅក្នុងប្រទេសកំណើតរបស់ខ្លួន (មាត្រា 7 (2) នៃច្បាប់ការងារពលករជាដើម) ។
- ពលករបរទេសដែលមានទិដ្ឋាការប្រភេទទស្សនកិច្ចការងារ (H-2) ដែលកំណត់ចំពោះការងារដែលអាចអនុញ្ញាតពិសេស មិនត្រូវការធ្វើតេស្តជំនាញភាសាកូរ៉េឡើយ។
- ពលករបរទេសដែលបានចាកចេញពីសាធារណរដ្ឋកូរ៉េ ដោយសារតែការផុតកំណត់រយៈពេលបម្រើការងាររបស់ពួកគេដែលមានរយៈពេល 3 ឆ្នាំ ប៉ុន្តែមានបំណងចង់ចូលប្រទេសឡើងវិញសម្រាប់បម្រើការងារបន្ទាប់ពីរយៈពេល 6 ខែនោះ តម្រូវឱ្យឆ្លងកាត់ការធ្វើតេស្តជំនាញភាសាកូរ៉េជាថ្មីម្តងទៀត។
ភាពមានសិទ្ធិស្របច្បាប់ ធ្វើតេស្ត
- លក្ខខណ្ឌខាងក្រោម ត្រូវបំពេញដើម្បីធ្វើតេស្តជំនាញភាសាកូរ៉េ៖
√ បុគ្គលដែលធ្វើតេស្ត ត្រូវមានអាយុពី 18 ដល់ 39 ឆ្នាំ;
√ បុគ្គលមិនធ្លាប់ត្រូវបានផ្តន្ទាទោសដាក់ពន្ធនាគារ ឬការផ្តន្ទាទោសព្រហ្មទណ្ឌធ្ងន់ជាង;
√ បុគ្គលមិនធ្លាប់ត្រូវបាននិរទេស ឬបញ្ជាឱ្យចាកចេញពីសាធារណរដ្ឋកូរ៉េ និង
√ បុគ្គលមិនមានការកំណត់លក្ខខណ្ឌតឹងរ៉ឹងចំពោះការចាកចេញពីប្រទេសកំណើតរបស់ខ្លួន (ស្ថានភាពគ្មានលក្ខណៈសម្បត្តិគ្រប់គ្រាន់) ។
ការគ្រប់គ្រងការធ្វើតេស្តជំនាញភាសាកូរ៉េ
- ការធ្វើតេស្តជំនាញភាសាកូរ៉េ ត្រូវបានធ្វើឡើងយ៉ាងហោចណាស់ម្តងក្នុងមួយឆ្នាំ។ តាមគោលការណ៍ ការធ្វើតេស្តនេះ ត្រូវមានការធ្វើតេស្ត សរសេរដែលមានសំណួរមួយនិងមានចម្លើយច្រើនត្រូវជ្រើសរើស ប៉ុន្តែអាចរាប់បញ្ចូលចម្លើយខ្លីៗ មួយចំនួនពីសំណួរសរសេរ (មាត្រា 13 (3) -3 នៃសេចក្តីសម្រេចអនុវត្តច្បាប់ការងារពលករបរទេសជាដើម) ។
※ សម្រាប់ព័ត៌មានលម្អិតបន្ថែម សូមមើលផ្នែកការងារកម្លាំងពលកម្មបរទេសនៅលើគេហទំព័រសេវាកម្មអភិវឌ្ឍធនធានមនុស្សនៃប្រទេសកូរ៉េ (
http://www.hrdkorea.or.kr) ។
ការវាយតម្លៃលក្ខណៈសម្បត្តិ
វិធីសាស្រ្ត និងព័ត៌មានលម្អិតអំពីការវាយតម្លៃលក្ខណៈសម្បត្តិគ្រប់គ្រាន់
- ការវាយតម្លៃលក្ខណៈសម្បត្តិគ្រប់គ្រាន់ ត្រូវធ្វើឡើងដោយការធ្វើតេស្តសរសេរ ការធ្វើតេស្តអនុវត្ត និងការធ្វើសម្ភាសន៍ (មាត្រា 13.2 (1)-1 នៃសេចក្តីសម្រេចអនុវត្តច្បាប់ការងារពលករបរទេសជាដើម) ។
- ព័ត៌មានលម្អិតអំពីការវាយតម្លៃលក្ខណៈសម្បត្តិគ្រប់គ្រាន់ (មាត្រា 13.2 (1)-2 នៃសេចក្តីសម្រេចអនុវត្តច្បាប់ការងារពលករបរទេសជាដើម) ។
√ កម្រិតជំនាញបច្ចេកទេសចាំបាច់ ដើម្បីធ្វើការទៅតាមប្រភេទអាជីវកម្ម ដែលជ្រើសរើសដោយអ្នកស្វែងរកការងារ;
√ ការពង្រឹងកម្លាំងចិត្តជាក់ស្តែងចំពោះអ្នកស្វែងរកការងារជាជនបរទេស៖
√ បទពិសោធន៍ការងារ៖ និង
√ បញ្ហាផ្សេងទៀតដែលបានចាត់ទុកថា ជាការចាំបាច់ដើម្បីវាយតម្លៃ ថាតើអ្នកស្វែងរកការងារនេះ បំពេញតាមតម្រូវការកម្លាំង ពលកម្មឬទេ។
ការបញ្ចប់ការបណ្តុះបណ្តាលការងារជនបរទេស
កាតព្វកិច្ចបញ្ចប់ការបណ្តុះបណ្តាល
- ពលករបរទេសដែលបានចូលទៅក្នុងសាធារណរដ្ឋកូរ៉េ ដើម្បីឱ្យជួលបម្រើការងារនៅប្រទេសនេះ [អ្នកទាំងនោះ ដែលមានទិដ្ឋាការប្រភេទការងារមិនមានវិជ្ជាជីវៈ (E-9) ឬទិដ្ឋាការប្រភេទទស្សនកិច្ចការងារ (H-2)] ត្រូវទទួលការបណ្តុះបណ្តាលការងារជនបរទេសដែលរៀបចំឡើងដោយសេវាកម្មអភិវឌ្ឍធនធានមនុស្សនៃប្រទេសកូរ៉េ ឬដោយស្ថាប័នអប់រំកម្លាំងពលករបរទេសក្នុងរយៈពេល 15 ថ្ងៃដោយគិតចាប់ពីថ្ងៃចូលប្រទេសនេះ (មាត្រា 11 នៃច្បាប់ការងារពលករបរទេសជាដើម មាត្រា 18 នៃសេចក្តីសម្រេចអនុវត្តច្បាប់ការងារពលករ មាត្រា 11 នៃវិធានអនុវត្តច្បាប់ការងារពលករបរទេស ជាដើម) ។
- ការចំណាយលើការបណ្តុះបណ្តាលការងារពលករបរទេសដែលមានទិដ្ឋាការប្រភេទការងារមិនមានវិជ្ជាជីវៈ (E-9) ត្រូវទទួលបន្ទុកដោយនិយោជករបស់ខ្លួន (មាត្រា 11 (4) នៃវិធានអនុវត្តច្បាប់ការងារពលករបរទេសជាដើម) ។
- ការចំណាយលើការបណ្តុះបណ្តាលការងារពលករបរទេសដែលមានទិដ្ឋាការប្រភេទទស្សនកិច្ចការងារ (H-2) ត្រូវទទួលបន្ទុកដោយ ពលករបរទេស។
ចំនួនម៉ោង និងព័ត៌មានលម្អិតអំពីការបណ្តុះបណ្តាល
- ការបណ្តុះបណ្តាលការងារជនបរទេស ត្រូវមានរយៈពេលយ៉ាងតិច 16 ម៉ោង។ ទោះជាយ៉ាងណា ចំនួនម៉ោងបែបនេះអាចត្រូវកាត់បន្ថយមកនៅតិចជាង 16 ម៉ោង សម្រាប់ពលករបរទេសដែលបានចាកចេញពីសាធារណរដ្ឋកូរ៉េ ដោយសារការផុតកំណត់ រយៈពេលបម្រើការងារ ប៉ុន្តែបានវិលត្រឡប់ចូលមកប្រទេសនេះឡើងវិញតាមរយៈនីតិវិធីត្រឹមត្រូវ (មាត្រា 11 (2) នៃ វិធានអនុវត្តច្បាប់ការងារពលករបរទេសជាដើម) ។
- ការបណ្តុះបណ្តាលពលករបរទេស ត្រូវរាប់បញ្ចូលចំណុចដូចខាងក្រោម (អត្ថបទសំខាន់ៗនៃមាត្រា 11 (3) នៃ វិធានអនុវត្តច្បាប់ការងារពលករបរទេស ជាដើម) ។
1. បញ្ហានានាដែលទាក់ទងនឹងជំនាញជាមូលដ្ឋានចាំបាច់សម្រាប់សកម្មភាពការងារតាមប្រភេទអាជីវកម្ម;
2. បញ្ហានានាដែលទាក់ទងនឹងប្រព័ន្ធលិខិតអនុញ្ញាតការងារពលករបរទេស;
3. បញ្ហានានាដែលទាក់ទងនឹងសុវត្ថិភាពឧស្សាហកម្ម និងសុខភាព;
4. បញ្ហានានាដែលទាក់ទងនឹងច្បាប់ ដែលរួមមានច្បាប់ស្តង់ដារការងារ និងច្បាប់គ្រប់គ្រងអន្តោប្រវេសន៍;
5. បញ្ហានានាដែលទាក់ទងនឹងវប្បធម៌ និងជីវិតរស់នៅក្នុងប្រទេសកូរ៉េ និង
6. បញ្ហាផ្សេងទៀតដែលចាត់ទុកថាចាំបាច់ដោយរដ្ឋមន្ត្រីក្រសួងការងារ និងកម្លាំងពលកម្មសម្រាប់សកម្មភាពការងារ។
- ចំពោះពលករបរទេសដែលបានចាកចេញពីប្រទេសនេះ ដោយសារតែរយៈពេលសកម្មភាពការពារបានផុតកំណត់ ហើយបន្ទាប់មកវិលត្រឡប់ចូលប្រទេសនេះវិញ ដែលកំណត់ថាជាការងារពិសេសសម្រាប់ពលករបរទេសនោះ ការបណ្តុះបណ្តាលការងារ 1 និង 5 អាចត្រូវលុប (លក្ខខណ្ឌក្នុងកិច្ចសន្យានៃមាត្រា 11 (3) នៃវិធានអនុវត្តច្បាប់ការងារពលករបរទេសជាដើម)។
ការចេញវិញ្ញាបនប័ត្របញ្ចប់ការបណ្តុះបណ្តាល
- នៅពេលបញ្ចប់ការបណ្តុះបណ្តាលការងារជនបរទេសនោះ ពលករបរទេសនឹងទទួលវិញ្ញាបនប័ត្របញ្ចប់ការបណ្តុះបណ្តាលការងារជនបរទេស ត្រូវបានចេញជូន (មាត្រា 11(4) និងសំណុំបែបបទភ្ជាប់ 8 នៃវិធានអនុវត្តច្បាប់ការងាររបស់ពលករបរទេសជាដើម) ។