ការហាមឃាត់ការរើសអើង
និយោជកមិនត្រូវរើសអើងប្រឆាំងនឹងពលករបរទេស ឬចាត់ទុកពួកគេដោយមិនត្រឹមត្រូវ ដោយផ្អែកលើមូលដ្ឋានថាពួកគេ ជាពលករបរទេស (មាត្រា 22 នៃច្បាប់ការងារពលករបរទេសជាដើម) ។
ការប្រតិបត្តិកិច្ចព្រមព្រៀងការងារតាមស្ដង់ដារ
និយោជកដែលមានបំណងជួលពលករបរទេស ត្រូវផ្តល់ជូនកិច្ចព្រមព្រៀងការងារជាមួយពលករបរទេស តាមសំណុំបែបបទកិច្ចព្រមព្រៀងការងារតាមស្ដង់ដារ។ អ្នករំលោភបំពាន ត្រូវបានកំណត់ពិន័យជាប្រាក់រហូតដល់ KRW 5 លានវ៉ុន (មាត្រា 9 (1) និងមាត្រា 32 (1) -1 នៃច្បាប់ការងារពលករបរទេសជាដើម)
ការទូទាត់ប្រាក់ឈ្នួលដោយផ្ទាល់ ពេញលេញ និងទៀងទាត់
អ្នកប្រើប្រាស់ត្រូវបង់ចំនួនសរុបនៃប្រាក់ឈ្នួលជាសាច់ប្រាក់ និងដោយផ្ទាល់នៅកាលបរិច្ឆេទកំណត់ទៀងទាត់រៀងរាល់ខែដល់ពលករបរទេស។ ប្រសិនបើអ្នកប្រើប្រាស់រំលោភលើកាតព្វកិច្ចនេះ គាត់នឹងត្រូវផ្តន្ទាទោសដាក់ពន្ធនាគារមិនលើសពីបីឆ្នាំ ឬពិន័យជាប្រាក់មិនលើស 30 លានវ៉ុន។ ទោះយ៉ាងណាក៏ដោយ ក្នុងករណីនេះ អ្នកប្រើមិនអាច ប្តឹងករណីខុសពីចេតនាជាក់លាក់របស់ជនរងគ្រោះ (មាត្រាទី 43 និង 109 នៃ “ច្បាប់ស្តីពីបទដ្ឋានការងារ”) ។
ការប្រតិបត្តិតាមតម្រូវការទាមទារប្រាក់ឈ្នួលអប្បបរមា
ប្រាក់ឈ្នួលពលករបរទេស មិនត្រូវការចាំបាច់មានស្មើនឹងអ្នកទាំងនោះដែលជាពលករក្នុងស្រុកឡើយ ហើយអាចមានខុសគ្នា អាស្រ័យលើបទពិសោធន៍ និងផលិតភាពរបស់ពួកគេ។
ទោះជាយ៉ាងណា ពលករបរទេសត្រូវទទួលបានការបង់ប្រាក់ជូន ដែលមានយ៉ាងតិចតាមកម្រិតប្រាក់ឈ្នួលតាមម៉ោង អប្បបរមា ដែលស្ថិតក្រោមច្បាប់ប្រាក់ឈ្នួលអប្បបរមា។ ប្រាក់ឈ្នួលពលករ មិនត្រូវកាត់បន្ថយពីប្រាក់ឈ្នួលអប្បបរមា ដែលជាកម្រិតចាប់ផ្តើមដំបូងរបស់ពួកគេ ដោយផ្អែកលើមូលដ្ឋានដែលថាប្រាក់ឈ្នួលបែបនេះគឺស្របច្បាប់ឡើយ (មាត្រា 6 នៃច្បាប់ប្រាក់ឈ្នួលអប្បបរមា) ។
※ ច្បាប់ប្រាក់ឈ្នួលអប្បបរមា មិនអនុវត្តចំពោះអ្នកថែទាំបោសសម្អាតផ្ទះ (បុគ្គលដែលគេជួលឱ្យជួយកិច្ចការទូទៅ ដែលរួមមានអ្នកបម្រើស្រី និងអ្នកថែទាំសួនច្បារ) ។
ចំនួនម៉ោងធ្វើការ និងការងារបន្ថែមម៉ោង ជាដើម
ចំនួនម៉ោងធ្វើការ មិនអាចលើសពី 8 ម៉ោងក្នុងមួយថ្ងៃ និង 40 ម៉ោងក្នុងមួយសប្តាហ៍ ដោយមិនរាប់បញ្ចូលចំនួនម៉ោងសម្រាក (44 ម៉ោងក្នុងមួយសប្តាហ៍ សម្រាប់កន្លែងធ្វើការមួយដែលមានពលករបម្រើការងារអចិន្ត្រៃយ៍តិចជាង 20 នាក់)។ ប្រសិនបើភាគីដែលពាក់ព័ន្ធ សម្រេចលើកិច្ចព្រមព្រៀងមួយនោះ ចំនួនម៉ោងធ្វើការអាចកើនឡើងរហូតដល់ 12 ម៉ោងក្នុងមួយសប្តាហ៍ (មាត្រា 50 និង 53 (1) នៃច្បាប់ស្តង់ដារការងារ) ។
※ អ្នករំលោភបំពាន ត្រូវផ្ដន្ទាទោសដាក់ពន្ធនាគាររយៈពេលរហូតដល់ 2 ឆ្នាំ ឬពិន័យជាប្រាក់រហូតដល់ KRW 20 លានវ៉ុន (មាត្រា 110-1 នៃច្បាប់ស្តង់ដារការងារ)។
និយោជកត្រូវបង់ប្រាក់ឈ្នូល បន្ថែមដូចដែលនឹងចែងនៅខាងក្រោមនេះ ពីលើប្រាក់ឈ្នួលធម្មតា(មាត្រាទី56នៃច្បាប់ការងារ)បើសិនជាបញ្ជាឲ្យបុគ្គលិកធ្វើការថែមម៉ោង។
- ការងារថែមម៉ោង៖ 50%នៃប្រាក់ឈ្នួលធម្មតា
- ការងារថ្ងៃឈប់សម្រាក តិចជាង 8ម៉ោង៖ 50%នៃប្រាក់ឈ្នួលធម្មតា
- ការងារថ្ងៃឈប់សម្រាក ច្រើនជាង 8ម៉ោង៖ 100%នៃប្រាក់ឈ្នួលធម្មតា
- ការងារយប់(ចាប់ពីម៉ោង10យប់ រហូតដល់ម៉ោង6ព្រឹកនៃថ្ងៃបន្ទាប់)៖ 50%នៃប្រាក់ឈ្នួលធម្មតា