ករណីគ្រោះថ្នាក់កើតឡើងក្នុងពេលប្រើប្រាស់រថយន្តក្រុង
គ្រោះថ្នាក់ជាច្រើនកើតឡើងនៅពេលរថយន្តក្រុងប៉ះទង្គិចគ្នា ការចាប់ប្រាំង ឬ ចេញដំណើរលឿនពេល ឬ រអិតដោយសារភ្លៀង ឬ ព្រិលធ្លាក់ខ្លាំង ធ្វើឲ្យអ្នកដំណើរត្រូវរបួស ឬ ខូតខាតទ្រព្យសម្បត្តិ។ បើហេតុការណ៍នេះ កើតឡើងចំពោះខ្ញុំ តើគួរដោះស្រាយបែបណា?
តើដំណោះស្រាយអ្វីអាចប្រើបាន?
- ក្នុងករណីគ្រោះថ្នាក់កើតឡើងក្នុងពេលប្រើប្រាស់រថយន្តក្រុង អ្នកបើករថយន្តក្រុង ឬ បុគ្គលិកក្នុងរថយន្តក្រុងនោះ ត្រូវបញ្ឈប់រថយន្តជាបន្ទាន់ ហើយត្រូវដោះស្រាយចំាបាច់ដើម្បី សង្គ្រោះអ្នកត្រូវរបួស ឬ អ្នកស្លាប់(「ច្បាប់ស្តីពីចរាចរផ្លូវថ្នល់」 មាត្រា 54 កថាខ័ណ្ឌលេខ1)។
※ អ្នកដែលមិនដោះស្រាយបញ្ហាដូចបានរៀបរាប់ខាងលើ នឹងត្រូវជាប់ក្នុងពន្ធធនាគារក្រោម 5ឆ្នាំ ឬ ទទួលទោសបង់ប្រាក់ពិន័យក្រោម 15លានវ៉ុន។ (「ច្បាប់ស្តីពីចរាចរផ្លូវថ្នល់」 មាត្រា 148)។
- ក្នុងករណីខាងលើ ប្រសិនបើមានមន្ត្រីប៉ូលីសនៅកន្លែងកើតហេតុ ត្រូវរាយការណ៍ទៅកាន់មន្ត្រីប៉ូលីសនោះ តែប្រសិនបើគ្មាន ត្រូវរាយការណ៍ទៅប៉ុស្តិ៍ប៉ូលីស (បូករួមទាំងស្ថាប័នចំណុះដូចជា ប៉ូលីសយាមល្បាត ឬ ប៉ុស្តិ៍បូលីសតូចៗតាមតំបន់) ចំពោះករណីដែលកើតឡើង ដោយពុំមានការបង្អាក់បង្អង់ឡើយ។ តែប្រសិនបើគ្រោះថ្នាក់ មានការខូចខាតចំពោះតែរថយន្ត ដោយពុំមានរាំងស្ទះរំខានក្នុងការធ្វើដំណើរលើផ្លូវថ្នល់ មិនត្រូវការណ៍រាយការណ៍ឡើយ (「ច្បាប់ស្តីពីចរាចរផ្លូវថ្នល់」 មាត្រា 54 កថាខ័ណ្ឌលេខ2)។
· កន្លែងដែលគ្រោះថ្នាក់កើតឡើង
· ចំនួន និង កម្រិតនៃអ្នករងគ្រោះ និង ស្លាប់
· សម្ភារៈដែលខូចខាត និង កំរិតនៃការខូចខាត
· ករណីដំណោះស្រាយផ្សេងៗទៀត
※ ក្នុងករណីដែលមានគ្រោះថ្នាក់កើតឡើង តែមិនបានរាយការណ៍ដូចខាងលើ នឹងត្រូវ បង់ប្រាក់ពិន័យក្រោម 30ម៉ឺនវ៉ុន។ (「ច្បាប់ស្តីពីចរាចរផ្លូវថ្នល់」 មាត្រា 154 ចំណុច4)។
- ក្នុងករណីមានគ្រោះថ្នាក់ចរាចរកើតឡើង គ្មាននរណាម្នាក់អាចរារាំងចំពោះដំណោះស្រាយ ឬ ការរាយការណ៍របស់អ្នកបើកបរបានឡើយ (「ច្បាប់ស្តីពីចរាចរផ្លូវថ្នល់」 មាត្រា 55)។
※ អ្នកដែលរារាំងចំពោះដំណោះស្រាយ ឬ ការរាយការណ៍របស់អ្នកបើកបរ នៅពេលគ្រោះថ្នាក់ចរាចរកើតឡើង នឹងត្រូវជាប់ក្នុងពន្ធធនាគារក្រោម 6ខែ ឬ ទទួលទោសបង់ប្រាក់ពិន័យក្រោម 2លានវ៉ុន។「ច្បាប់ស្តីពីចរាចរផ្លូវថ្នល់」 មាត្រា 153 ចំណុច5)។
- ក្នុងករណីដែលបានទទួលការរាយការណ៍ មន្ត្រីប៉ូលីសអាចបញ្ជាឲ្យអ្នកបើកករដែលបានរាយការណ៍នោះចាំនៅកន្លែងកើតហេតុ នៅពេលទទួលស្គាល់ថាចាំបាច់សម្រាប់សង្គ្រោះជនរងគ្រោះ ឬ ហានិភ័យចរាចរផ្សេងទៀត រហូតដល់ពេលដែលមន្ត្រីប៉ូលីស(លើកលែងមន្ត្រីប៉ូលីសក្នុងតំបន់) ទៅដល់កន្លែងកើតហេតុ (「ច្បាប់ស្តីពីចរាចរផ្លូវថ្នល់」 មាត្រា 54 កថាខ័ណ្ឌលេខ3)។
- មន្ត្រីប៉ូលីសអាចបញ្ជា និង ចង្អុលបង្ហាញចាំបាច់ដើម្បីសង្គ្រោះជនរងគ្រោះ និង សុវត្ថិភាពចរាចរ ចំពោះអ្នកបើកបរដែលនាំឲ្យមានគ្រោះថ្នាក់ចរាចរបាន (「ច្បាប់ស្តីពីចរាចរផ្លូវថ្នល់」 មាត្រា 54 កថាខ័ណ្ឌលេខ4)។
តើអាចទទួលប្រាក់សំណងបានយ៉ាងដូចម្តេច?
- ក្នុងករណីទទួលគ្រោះថ្នាក់រាងកាយ ឬ រងការខូតខាតទ្រព្យសម្បត្តិដោយសារគ្រោះថ្នាក់ពេលប្រើប្រាស់រថយន្តក្រុង អ្នកទទួលខុសត្រូវក្នុងសំណងគ្រោះថា្នក់ ត្រូវសងសំណងដោយយោងតាម 「ច្បាប់ស្តីពីការធានាសំណងខូចខាតយានយន្ត」 មាត្រា 3, 「ច្បាប់រដ្ឋប្បវេណី」 មាត្រា 750 និង មាត្រា 756 ជាដើម។ល។
- ក្នុងករណីទទួលគ្រោះថ្នាក់រាងកាយ ឬ រងការខូតខាតទ្រព្យសម្បត្តិដោយសារគ្រោះថ្នាក់នៅពេល ប្រើប្រាស់រថយន្តក្រុង ជនរងគ្រោះអាចទទួលប្រាក់សំណងដោយឆ្លងកាត់នីតិវិធីដោះស្រាយសំណងតាមរយៈសហព័ន្ធរថយន្តក្រុងបាន។ ក្នុងករណីដែលបានទទួលសំណងនេះរួចហើយ នោះមិនអាចស្នើសុំសំណងដែលយោងតាម「ច្បាប់ស្តីពីការធានាសំណងខូចខាតយានយន្ត」 ឬ 「ច្បាប់រដ្ឋប្បវេណី」បានឡើយ។
- បន្ថែមពីនោះទៀត ប្រសិនបើជនរងគ្រោះដែលរងការខូចខាតនៅពេលប្រើប្រាស់យានជំនិះសាធារណៈ មានចុះជាសមាជិកធានារ៉ាប់រងដែលអាចទទួលប្រាក់សំណង់នៅពេលមានគ្រោះថ្នាក់ពេលប្រើប្រាស់យានជំនិះសាធារណៈ នោះត្រូវធ្វើការរាយការណ៍អំពីគ្រោះថ្នាក់ទៅក្រុមហ៊ុនធានារ៉ាប់រង បន្ទាប់ជនរងគ្រោះអាចទទួលការប្រឹក្សាយោបល់ពីការរាយការណ៍របស់ប៉ុស្តិ៍ប៉ូលីស និង អាចទទួលសេវាកម្មប្រាក់សំណងយ៉ាងលឿនបាន។
គ្រោះថ្នាក់ដែលកើតឡើងក្នុងពេលប្រើប្រាស់រថភ្លើងក្រោមដី
ការរងគ្រោះលើរាងកាយ ឬ ទ្រព្យសម្បត្តិក៏អាចកើតឡើងនៅពេលប្រើប្រាស់រថភ្លើងក្រោមដី ដោយសារហេតុផលជាច្រើនដូចជា រថភ្លើងប៉ះទង្គិចគ្នា, រថភ្លើងបើកចេញពីផ្លូវដែក ឬ អគ្គីភ័យ ជាដើម។ នៅពេលហេតុការណ៍នេះកើតឡើង តើត្រូវដោះស្រាយបែបណាទៅទើបល្អ?
តើដំណោះស្រាយអ្វីអាចប្រើដើម្បីដោះស្រាយបាន?
- នៅពេលមានគ្រោះថ្នាក់រថភ្លើង ឬ ឧបសគ្គនៃការដំណើរការរថភ្លើងកើតឡើង អ្នកប្រតិបត្តិការរថភ្លើង ឬ អ្នកគ្រប់គ្រងគ្រឿងបរិក្ខាររថភ្លើង(ខាងក្រៅហៅថា “អ្នកប្រតិបត្តិការរថភ្លើង”) ត្រូវធ្វើការដោះស្រាយដើម្បីកាត់បន្ថយជនរងគ្រោះ ឬ ការខូចខាតទ្រព្យសម្បត្តិ ដោយសង្គ្រោះជនរងគ្រោះ ឬ អ្នកស្លាប់ គ្រប់គ្រងម៉ាស៊ីនដែលមានសារធាតុប្រេង ដឹកអ្នកដំណើរ ឬ ស្តារគ្រឿងបរិក្ខារថភ្លើង ជាដើម។ល។ (「ច្បាប់ស្តីពីសុវត្ថិភាពផ្លូវដែក」មាត្រា 60 កថាខ័ណ្ឌលេខ1)។
· “គ្រោះថ្នាក់ផ្លូវដែក” សំដៅទៅលើគ្រោះថ្នាក់ដែល ពាក់ព័ន្ធនឹងការរងរបួស ឬស្លាប់ដោយសារប្រតិបត្តិការផ្លូវដែក ឬគ្រឿងបរិក្ខារផ្លូវដែក។ ក្នុងករណីណាមួយខាងក្រោមនឹងត្រូវស្ថិតក្រោម គ្រោះថ្នាក់ផ្លូវដែក (「ច្បាប់ស្តីពីសុវត្ថិភាពផ្លូវដែក」មាត្រាទី 2 លេខ11 និងមាត្រា 1-2 នៃ 「បទបញ្ញត្តិធរមាននៃច្បាប់ស្តីពីសុវត្ថិភាពផ្លូវដែក」)។
1. គ្រោះថ្នាក់ផ្លូវដែក៖ គ្រោះថ្នាក់បុកគ្នា គ្រោះថ្នាក់ធ្លាក់ផ្លូវ គ្រោះថ្នាក់ឆេះរថភ្លើង និងគ្រោះថ្នាក់ផ្សេងៗទៀត
2. គ្រោះថ្នាក់សុវត្ថិភាពផ្លូវដែក៖ គ្រោះថ្នាក់ភ្លើងឆេះផ្លូវដែក គ្រោះថ្នាក់បំផ្លាញគ្រឿងបរិក្ខារ គ្រោះថ្នាក់សុវត្ថិភាពផ្លូវដែកផ្សេងៗទៀត
· “គ្រោះថ្នាក់ដែលអាចកើតមាន” គឺជាគ្រោះថ្នាក់ដែលបង្កគ្រោះថ្នាក់ធ្ងន់ធ្ងរដល់សុវត្ថិភាពផ្លូវដែកដែលអាចបណ្តាលយ៉ាងខ្លាំងឱ្យមានគ្រោះថ្នាក់ផ្លូវដែក។ គ្រោះថ្នាក់ណាមួយដែលធ្លាក់ក្រោមករណីខាងក្រោមត្រូវបានគេចាត់ទុកថាជាគ្រោះថ្នាក់ដែលអាចកើតមាន។ (「ច្បាប់ស្តីពីសុវត្ថិភាពផ្លូវដែក 」មាត្រាទី 2 លេខ12 និង 「បទបញ្ញត្តិធរមាននៃច្បាប់ស្តីពីសុវត្ថិភាពផ្លូវដែក」មាត្រាទី 1-3)។
1. ប្រសិនបើរថភ្លើងរត់លើផ្លូវដែលមិនត្រូវបានអនុញ្ញាតសម្រាប់ប្រតិបត្តិការ។
2. ប្រសិនបើសញ្ញាដំណើរការត្រូវបានបង្ហាញសូម្បីតែនៅពេលមានមិនមានសណ្តាប់ធ្នាប់កើតឡើងនៅក្នុងផ្លូវដែកប្រតិបត្តិការ។ ទោះជាយ៉ាងណាក៏ដោយ នេះមិនរាប់បញ្ចូលផ្លូវដែលត្រូវបានអនុម័តដោយរដ្ឋាភិបាលក្រោមការជួសជុល និងការថែទាំឡើយ។
3. ប្រសិនបើរថភ្លើង ឬរថយន្តផ្លូវដែកឆ្លងកាត់ផ្លាកសញ្ញាឈប់ដោយគ្មានការអនុញ្ញាត។
4. ប្រសិនបើរថភ្លើង ឬរថយន្តផ្លូវដែករអិលរវាងស្ថានីយ៍។
5. ប្រសិនបើរថភ្លើងរត់ឆ្លងកាត់ផ្លូវដែលផ្អាកដំណើរការសម្រាប់ការសាងសង់ ឬជួសជុល។
6. ប្រសិនបើការបំផ្លាញផ្លូវដែក ឬផ្លូវដែកដែលខូចទ្រង់ទ្រាយមាននៅលើផ្លាកសញ្ញាថែទាំ ដោយធ្វើឱ្យរាំងស្ទះដល់ប្រតិបត្តិការរថភ្លើងដែលមានសុវត្ថិភាព។
7. ប្រសិនបើភាពគ្មានសណ្តាប់ធ្នាប់ កើតឡើងចំពោះកង់ ភ្លៅ ឬដុំភ្លៅរបស់រថយន្តផ្លូវដែក ដោយរារាំងដល់ប្រតិបត្តិការរថភ្លើងដែលមានសុវត្ថិភាព។
8. ប្រសិនបើសារធាតុគីមីពុល ឬទំនិញគ្រោះថ្នាក់ ដូចជារំសេវជាដើមលេចនៅក្នុងឡានផ្លូវដែក។
9. គ្រោះថ្នាក់ដែលអាចកើតមានផ្សេងទៀតគឺធ្ងន់ធ្ងរ ដូចរៀបរាប់ខាងលើពីលេខ1. ដល់8.។
· “ភាពគ្មានសណ្តាប់ធ្នាប់ក្នុងប្រតិបត្ដិការ” គឺជាអ្វីៗ ឬសកម្មភាពដែលរារាំងដល់ប្រតិបត្តិការរថយន្តផ្លូវដែក ដោយមិនរាប់បញ្ចូលគ្រោះថ្នាក់ផ្លូវដែក និងគ្រោះថ្នាក់ផ្លូវដែកដែលអាចកើតមាន និងយោងទៅលើករណីដូចខាងក្រោម (「ច្បាប់ស្តីពីសុវត្ថិភាពផ្លូវដែក」មាត្រាទី 2 លេខ13និង 「បទបញ្ញត្តិធរមាននៃច្បាប់ស្តីពីសុវត្ថិភាពផ្លូវដែក」មាត្រា 1-4)។
1. ការឆ្លងកាត់ស្ថានីយ៍ដាក់ទង់ដោយគ្មានការអនុម័តជាមុនពីរដ្ឋាភិបាល។
2. ការពន្យាពេលប្រតិបត្តិការដូចខាងក្រោម។ ទោះយ៉ាងណាក៏ដោយ នេះមិនរាប់បញ្ចូលការពន្យារពេលដែលកើតឡើងពីគ្រោះថ្នាក់ផ្លូវដែក ឬភាពគ្មានសណ្តាប់ធ្នាប់ក្នុងប្រតិបត្ដិការ។
A. រថភ្លើងលឿន ឬរថភ្លើងអគ្គិសនី៖ ច្រើនជាង 20 នាទី
B. រថភ្លើងដឹកអ្នកដំណើរទូទៅ៖ ច្រើនជាង 30 នាទី
C. ដឹកទំនិញ និងរថភ្លើងផ្សេងទៀត៖ ច្រើនជាង 60 នាទី
- ក្នុងករណីគ្រោះថ្នាក់ផ្លូវដែកកើតឡើង អ្នកបើកបរ ឬ បុគ្គលិកក្នុងស្ថានីយ៍មិនត្រូវរត់ចេញពីកន្លែងកើតហេតុនៃគ្រោះថ្នាក់ផ្លូវដែកឡើយ ហើយត្រូវអនុវត្តន៍អ្នកបើកបរ ឬ បុគ្គលិកក្នុងស្ថានីយ៍មិនត្រូវរត់ចេញពីកន្លែងកើតហេតុនៃគ្រោះថ្នាក់ផ្លូវដែកឡើយ ហើយត្រូវអនុវត្តន៍ដំណោះស្រាយដូចខាងក្រោម (「ច្បាប់ស្តីពីសុវត្ថិភាពផ្លូវដែក」 មាត្រា 40(2) កថាខ័ណ្ឌលេខ5 ខ្លឹមសារ និង 「អនុក្រិតនៃច្បាប់ស្តីពីសុវត្ថិភាពផ្លូវដែក」 មាត្រា 76(8) កថាខ័ណ្ឌលេខ1)។
1. អ្នកទទួលបន្ទុការងារក្នុងស្ថានីយ ត្រូវប្រាប់ពីស្ថានភាពនៃគ្រោះថ្នាក់ផ្លូវដែកទៅកាន់អ្នកទទួលបន្ទុកគ្រឿងបរិក្ខាក្នុងស្ថានីយ៍
2. អនុវត្តការផ្សាយពត៌មានក្នុងបន្ទប់រថភ្លើង
※ ប៉ុន្តែ ក្នុងករណីដែលប្រព័ន្ធផ្សព្វផ្សាយមិនអាចដំណើរការបាន គឺត្រូវប្រើប្រដាប់បំពងសំលេងដើម្បីផ្សាយពត៌មាន។
3. ក្នុងករណីចាំបាច់ក្នុងពង្រីកនូវសុវត្ថិភាពអ្នកដំណើរ ត្រូវនាំអ្នកដំណើរដែលនៅក្នុងបន្ទប់រថភ្លើង ចេញមកខាងក្រៅ
4. ដើម្បីបញ្ចៀសគ្រោះថ្នាក់បន្តលើកទី2 ត្រូវធ្វើយ៉ាងណាកុំឲ្យបន្ទប់រថភ្លើងដំណើរការទៀត
5. ក្នុងករណីចាំបាច់ក្នុងពង្រីកនូវសុវត្ថិភាពអ្នកដំណើរ ត្រូវបើកទ្វារអាសន្នក្នុងបន្ទប់រថភ្លើង
6. ក្នុងករណីមានអ្នករបួស ឬ អ្នកស្លាប់កើតឡើង ត្រូវធ្វើការសង្គ្រោះបឋម ឬ គាំពារដឹកជនរងគ្រោះទៅស្ថាប័នវេជ្ជសាស្រ្តជាបន្ទាន់
- ក្នុងករណីគ្រោះថ្នាក់ផ្លូវដែកកើតឡើង អ្នកប្រតិបត្តិការផ្លូវដែកទាំងអស់ ត្រូវគោរពតាមចំណុចដូចមានចែងខាងក្រោម (「ច្បាប់ស្តីពីសុវត្ថិភាពផ្លូវដែក」 មាត្រា 60 កថាខ័ណ្ឌលេខ2 និង 「អនុក្រិតនៃច្បាប់ស្តីពីសុវត្ថិភាពផ្លូវដែក」 មាត្រា 56)។
· នៅពេលប្រតិបត្តិការសម្រួលស្ថានភាពគ្រោះថ្នាក់ ឬ ស្តារស្ថានភាព ត្រូវផ្តល់អទិភាពមុនគេ ក្នុងការសង្គ្រោះ និង ការពារជីវិត
· ក្នុងករណីមានជនរងគ្រោះ ឬ អ្នកស្លាប់កើតឡើង ត្រូវប្រតិបត្តិការដំណោះស្រាយចាំបាច់ជាបន្ទាន់ ដូចជា ការសង្គ្រោះបឋម ការដឹកបន្ទាន់ទៅស្ថាប័នវេជ្ជសាស្រ្ត ឬ ការសហប្រតិបត្តិការជាមួយស្ថាប័នពាក់ព័ន្ធ ជាដើម ដោយយោងទៅតាមនីតិវិធីដោះស្រាយបញ្ហាអាសន្ន។
· ក្នុងករណីដែលការដំណើរការរថភ្លើងជួបស្ថានភាពលំបាក ត្រូវប្រតិបត្តិការដំណោះស្រាយចាំបាច់ដូចជា ការផ្តល់នូវយានជំនិះសម្រាប់ផ្លាស់ប្តូរ ដោយយោងទៅតាមនីតិវិធីដោះស្រាយបញ្ហាអាសន្ន។
តើអាចទទួលប្រាក់សំណងបានយ៉ាងដូចម្តេច?
- ក្នុងករណីទទួលគ្រោះថ្នាក់រាងកាយ ឬ រងការខូតខាតទ្រព្យសម្បត្តិដោយសារគ្រោះថ្នាក់ពេលប្រើប្រាស់រថភ្លើងក្រោមដី អ្នកទទួលខុសត្រូវក្នុងសំណងគ្រោះថា្នក់ ត្រូវសងសំណងដោយយោងតាម ច្បាប់រដ្ឋប្បវេណី」 មាត្រា 750 និង មាត្រា 756ជាដើម។ល។
- ក្នុងករណីទទួលគ្រោះថ្នាក់រាងកាយ ឬ រងការខូតខាតទ្រព្យសម្បត្តិដោយសារគ្រោះថ្នាក់នៅពេល ប្រើប្រាស់រថភ្លើងក្រោមដី ជាធម្មតា ជនរងគ្រោះអាចទទួលប្រាក់សំណងដោយឆ្លងកាតនីតិវិធីដោះស្រាយសំណងតាមរយៈការធានារ៉ាប់រងទទួលបន្ទុកសំណងនៃការធ្វើដំណើរការដែលស្ថានីយ៍រថភ្លើងនោះចុះឈ្មោះជាសមាជិក ឬ អាចទទួលសំណងតាមរយៈស្ថាប័នថ្នាក់ខេត្តបាន។ក្នុងករណីដែលបានទទួលសំណងនេះរួចហើយ នោះមិនអាចស្នើសុំសំណងដែលយោងតាម 「ច្បាប់រដ្ឋប្បវេណី」បានឡើយ។
※ "ការធានារ៉ាប់រងទទួលបន្ទុក" គឺសំដៅលើកិច្ចការធានារ៉ាប់រងការខូចខាតក្នុងគោលដៃ សងនូវសំណងខូចខាតដែលកើតឡើងដោយការអនុវត្តរបស់សមាជិក ហើយក្រុងហ៊ុនធានារ៉ាប់រងមានទំនួលខុសត្រូវក្នុងការសងដល់ជនទី3 ដែលរងគ្រោះដោយសារគ្រោះថ្នាក់ ក្នុងកំឡុងពេលសមាជិកធានរ៉ាប់រងស្ថិតក្រោមការធានា (ក្រសួងច្បាប់·វិទ្យាស្ថានស្រាវជ្រាវច្បាប់កូរ៉េ, កម្រងករណីនៃវាក្យស័ព្ទច្បាប់)។
- បន្ថែមពីនោះទៀត ប្រសិនបើជនរងគ្រោះដែលរងការខូចខាតនៅពេលប្រើប្រាស់យានជំនិះសាធារណៈ មានចុះជាសមាជិកធានារ៉ាប់រងដែលអាចទទួលប្រាក់សំណង់នៅពេលមានគ្រោះថ្នាក់ពេលប្រើប្រាស់យានជំនិះសាធារណៈ នោះត្រូវធ្វើការរាយការណ៍អំពីគ្រោះថ្នាក់ទៅក្រុមហ៊ុនធានារ៉ាប់រង បន្ទាប់ជនរងគ្រោះអាចទទួលការប្រឹក្សាយោបល់ពីការរាយការណ៍របស់ប៉ុស្តិ៍ប៉ូលីស និង អាចទទួលសេវាកម្មប្រាក់សំណងយ៉ាងលឿនបាន។
<តើការខាតបង់ដោយសារការពន្យាពេលមកដល់នៃរថភ្លើងក្រោមដី អាចទទួលប្រាក់សំណងបានទេ?>
· ប្រហែលជាមានអ្នកធា្លប់ជួបនឹងស្ថានភាពលំបាកព្រោះរថភ្លើងមកដល់យឺតដោយសារមូលហេតុដូចជា ស្ថានភាពបន្ទាន់កើតឡើង ឬ រថភ្លើងខូចដោយសារអាកាសធាតុអាក្រក់ ជាដើម។ បើយើងរងការខូចខាតដោយសាររថភ្លើងមកដល់យឺត តើយើងអាចទទួលប្រាក់សំណងបានដែរឬទេ?
· សំណងខូចខាតដែលកើតឡើងដោយសារការផ្អាកដំណើរការ ឬ ការមកយឺតនៃរថភ្លើងក្រោមដី ជាទូទៅគឺអនុវត្តតាមលក្ខខ័ណ្ឌដឹកអ្នកដំណើររបស់ស្ថានីយ៍ប្រតិបត្តិការរថភ្លើងក្រោមដីនីមួយៗ។ ដូច្នេះហើយ អ្នកអាចមើល ខ្លឹមសារលំអិតក្នុងលក្ខខ័ណ្ឌដែលផ្តល់នៅក្នុងគេហទំព័រនៃ ស្ថានីយ៍នីមួយៗបាន