បើខ្ញុំភ្លេចសម្ភារៈនៅក្នុងរថយន្តក្រុង ឬ រថភ្លើងក្រោមដី តើខ្ញុំត្រូវធ្វើដូចម្តេច?
នៅពេលយើងងងុយគេង ឬ គិតពីអ្វីមួយច្រើននៅក្នុងរថយន្តក្រុង ឬ រថភ្លើងក្រោមដី ហើយពេលទៅដល់ស្ថានីយ៍ដែលត្រូវចុះ ក៏ភ្លេចសម្ភារៈ ដោយសារប្រញ៉ាប់ចុះមកលឿនពេក។
ជាពិសេសនៅពេលយើងដឹងថា ភ្លេចរបស់សំខាន់ៗដូចជាកាបូបលុយដែលមានកាត អត្តសញ្ញាណបណ្ណ ឬ ទូរស័ព្ទដៃ ពេលនោះយើងស្លន់ស្លោ ហើយបែកញើសជោគមិនខាន។
ប៉ុន្តែ រឿងនេះវាបានកើតឡើងរួចទៅហើយ ដូច្នេះហើយ យើងមិនគួរស្លន់ស្លោទេ សូមសាកល្បងដោះស្រាយបែបនេះវិញ
ពេលភ្លេចសម្ភារៈនៅលើរថយន្តក្រុង
- ជាបឋម សូមទាក់ទងទៅក្រុមហ៊ុនរថយន្តក្រុងដើម្បីឆែកមើលសម្ភារៈដែលបានបាត់។ បើសិនជាមិនទាន់ត្រូវបានគេយកមកនោះទេ សូមផ្តល់ពត៌មានលំអិតដូចជា ខ្សែរថយន្តក្រុង លេខរថយន្តក្រុង ដាក់សម្ភារៈអ្វី នៅកន្លែងណា ហើយចុះពីរថយន្តក្រុងនៅចំណតណា។
- មួយទៀត, អ្នកអាចសួរពត៌មាននៅប៉ូលីសយាមល្បាត ឬ ប៉ុស្តិ៍ប៉ូលីសដែលនៅក្បែរនោះ ឬ ចូលទៅក្នុង <ព័ត៌មាន ពីរបស់បាត់ និងរើសបានរបស់នៃទីភ្នាក់ងារប៉ូលីសជាតិ (
http://www.lost112.go.kr)> ដើម្បីស្វែងរកសម្ភារៈរបស់អ្នក ឬ រាយការណ៍សម្ភារៈដែលបាត់នោះបាន។
- ហើយយើងក៏អាចឆែកនៅ <មជ្ឈមណ្ឌលថែរក្សាសម្ភារៈបាត់នៅលើយានជំនិះសាធារណៈ> ដើម្បីសួរថាមានបានរក្សាសម្ភារៈដែលខ្លួនបានបាត់ដែរឬអត់។
· គេហទំព័រនេះ គឺស្ថិតក្រោមការគ្រប់គ្រងផ្ទាល់របស់ក្រុងសេអ៊ូល ដោយសហប្រតិបត្តិការជាមួយ<មជ្ឈមណ្ដលខលស្វែងរកទូរស័ព្ទ > ដែលប្រតិបត្តិដោយសមាគមពត៌មានវិទ្យាកូរ៉េ ដែលអ្នកអាចស្វែងរកទូរស័ព្ទដែលបាត់ក្នុងគេហទំព័រនេះបាន។
· សម្រាប់អ្នកដែលមិនសូវចេះប្រើអ៊ីនធើនែត <
មូលនិធិហៅទូរស័ព្ទៅកាន់ 120 Dasan> រង់ចាំ24ម៉ោង។ អ្នកអាចខលមកលេខ 120 ដើម្បីទទួលពត៌មានពីសម្ភារៈដែលបាត់របស់អ្នក ថាតើគេទុកវានៅឯណាបាន។
ករណីភ្លេចសម្ភារៈនៅលើរថភ្លើងក្រោមដី
- ជាបឋម ត្រូវទាក់ទងនឹងស្ថានីយ៍រថភ្លើងចុងក្រោយ និង ស្ថានីយ៍រថភ្លើងដែលអ្នកបានជិះ។ បើភ្លេចនៅស្ថានីយ៍សម្រាប់ប្តូរខ្សែ នោះសូមទាក់ទងនឹងគ្រប់ស្ថានីយ៍ចុងក្រោយនៃខ្សែរថភ្លើងទាំងនោះ គឺជាការល្អ។
· ដោយសាររថភ្លើងក្រោមដី មានសម្ភារៈដែលបាត់ច្រើន ដូច្នេះហើយ នៅពេលទាក់ទង បើអាចបាន សូមនិយាយពីលក្ខណៈពិសេស(ម៉ោងបាត់, រូបរាង ខ្លឹមសារ លក្ខណៈពិសេស) នៃសម្ភារៈដែលបាត់នោះ ទើបល្អ ត្រូវទេ?
- មួយទៀត, អ្នកអាចសួរពត៌មាននៅប៉ូលីសយាមល្បាត ឬ ប៉ុស្តិ៍ប៉ូលីសដែលនៅក្បែរនោះ ឬ ចូលទៅក្នុង <ព័ត៌មានរបស់បាត់ និងរកឃើញនៃទីភ្នាក់ងារប៉ូលីសជាតិ> ដើម្បីស្វែងរកសម្ភារៈរបស់អ្នក ឬ រាយការណ៍សម្ភារៈដែលបាត់នោះបាន។
- ហើយ យើងក៏អាចឆែកនៅ ក្នុងគេហទំព័រស្ថាប័នប្រតិបត្តិការរថភ្លើងក្រោមដី ឬ មជ្ឈមណ្ឌលថែរក្សាសម្ភារៈបាត់នៅលើយានជំនិះសាធារណៈ ដើម្បីសួរថាមានបានរក្សាសម្ភារៈដែលខ្លួនបានបាត់ដែរឬអត់។
បើខ្ញុំរើសបានសម្ភារៈដែលបាត់ តើខ្ញុំត្រូវធ្វើយ៉ាងម៉េច?
តើខ្ញុំត្រូវធ្វើយ៉ាងម៉េចជាមួយសម្ភារៈដែលខ្ញុំរើសបាន?
- ប្រសិនបើអ្នកស្គាល់លេខទូរស័ព្ទម្ចាស់សម្ភារៈ អ្នកអាចទូរស័ព្ទដោយផ្ទាល់បាន តែប្រសិនបើមិនអញ្ចឹងទេ អ្នកអាចយកសម្ភារៈនោះឲ្យទៅអ្នកបើករថយន្តក្រុង ហើយក្នុងករណីជិះរថភ្លើងក្រោមដី អ្នកអាចយកទៅទុកនៅមជ្ឈមណ្ឌលអតិថិជននៅកន្លែងលក់សំបុត្របាន។
- ឬក៏អាចដាក់ទៅប៉ុស្តិ៍ប៉ូលីសដែលនៅក្បែរនោះ(បូករួមទាំងស្ថាប័នចំណុះដូចជា ប៉ូលីសយាមល្បាត ឬ ប៉ុស្តិ៍បូលីសតូចៗតាមតំបន់) ក៏បាន (「ច្បាប់ស្តីពីសម្ភារៈបាត់」 មាត្រា 1 កថាខ័ណ្ឌលេខ1)។
※ ក្នុងករណីរើសបានទូរស័ព្ទដៃ អ្នកអាចរាយការណ៍ទៅប្រៃសណីយ៍ ឬ ដាក់នៅក្នុងប្រអស់ប្រៃសណីយ៍បាន។ បើធ្វើបែបនេះ <មជ្ឈណ្ឌលខលស្វែងរកទូរស័ព្ទ> នឹងរក្សាទុក ហើយផ្តល់ពត៌មានទៅម្ចាស់ទូរស័ព្ទ។
បើស្វែងរកម្ចាស់វិញ តើខ្ញុំអាចបានទទួលសំណងដែរឬទេ?
- អ្នកដែលទទួលបានសម្ភារៈបាត់មកវិញ ត្រូវសងជាសំណងដល់អ្នកប្រគល់ឲ្យ នូវចំនួនពី 5% ទៅ 20%នៃចំនួនថ្លៃសម្ភារៈនោះ។ (「ច្បាប់ស្តីពីសម្ភារៈបាត់」 មាត្រា4)។
- ប៉ុន្តែ សំណងនេះ មានអាចស្នើសុំដើម្បីទទួល ក្រោយពេលប្រគល់សម្ភារៈបាត់លើសពី 1ខែបានឡើយ។ (「ច្បាប់ស្តីពីសម្ភារៈបាត់」 មាត្រា 4 និង មាត្រា 6)។
បើមិនប្រគល់ឲ្យម្ចាស់គេវិញ តើមានរឿងអ្វីកើតឡើង?
- ប្រសិនបើមិនប្រគល់សម្ភារៈដែលរើសបានឲ្យម្ចាស់គេវិញទេ នោះអាចជាប់ទោសលួចសម្ភារៈម្ចាស់បាត់ម្ចាស់ការបាន។
· អ្នកដែលយកសម្ភារៈដែលបាត់ ឬ សម្ភារៈបណ្តែត ឬ សម្ភារៈដែលបាត់ម្ចាស់ការ នឹងត្រូវជាប់ក្នុងពន្ធធនាគារក្រោម 1ឆ្នាំ ឬ ទទួលទោសបង់ប្រាក់ពិន័យក្រោម 3លានវ៉ុន ឬ នឹងត្រូវបង់ប្រាក់ពិន័យបន្ថែម (「ច្បាប់ព្រហ្មទ័ណ្ឌ」 មាត្រា 360 កថាខ័ណ្ឌលេខ1)។
សម្រាប់សម្ភារៈដែលរកម្ចាស់មិនឃើញ សូមដោះស្រាយបែបនេះ។
សម្ភារៈដែលរកម្ចាស់មិនឃើញ នឹងត្រូវរក្សាទុកនៅក្នុងក្រុមហ៊ុនរថយន្តក្រុង ឬ មជ្ឈមណ្ឌលថែរក្សាសម្ភារៈបាត់ រយៈពេល 7ថ្ងៃ បន្ទាប់នឹងត្រូវបញ្ជូនទៅកាន់ប៉ុស្តិ៍នគរបាលមានសមត្ថកិច្ចក្នុងតំបន់។ (ប្រភព៖ ការផ្តល់ពត៌មានរួមទាក់ទងនឹងវត្ថុដែលបាត់របស់ស្នងការនគរបាលព័ត៌មាន).
នៅពេលគ្មានមនុស្សណាម្នាក់ទាមទារអះអាងការប្រមូលយកវិញនៃរបស់ដែលត្រូវបានរក្សាទុកដោយស្ថានីយប៉ូលីស ភាពជាម្ចាស់កម្មសិទ្ធិនៅក្នុងរបស់នោះជារបស់ រតនាគារជាតិ ឬរតនាគារនៃខេត្តស្វ័យអភិបាលពិសេសជេជូ (「ច្បាប់ស្តីពីសម្ភារៈបាត់」 មាត្រា15)។