សូមប្រយ័ត្នការឆក់ហោប៉ៅ!
ល្បិចក្នុងការឆក់ហៅប៉ៅ, ពិតជាមានច្រើនប្រភេទណាស់។
- នៅពេលជិះរថភ្លើងក្រោមដី ឬ រថយន្តក្រុងមានការមួយដែលយើងត្រូវប្រុងប្រយ័ត្នគ្រប់ពេល ត្រូវទេ? នោះគឺការឆក់ហោប៉ៅ។
- ដោយសារល្បិចនៃការការឆក់ហោប៉ៅមានច្រើនប្រភេទ ដូចនេះហើយទើបមានច្រើនករណីដែលមនុស្សច្រើនជួបប្រទះដោយមិនដឹងខ្លួន។ ល្បិចនៃការឆក់ហោប៉ៅដែលប្រើប្រាស់ច្រើនមានដូចខាងក្រោម។
· ល្បិចបើកកាបូប ឬ ប្រើឡាមកោពុកមាត់វះឲ្យរហែក
· ល្បិចប្រើឡាមកោពុកមាត់វះហោប៉ៅក្នុងអាវគ្រ័រសេ ឬ អាវពាក់ខាងក្រៅផ្សេងៗ
· នៅពេលឡើងជិះឡានក្រុង ជនល្មើសធ្វើពុតជាសួររបៀបធ្វើដំណើរទៅអ្នកដែលជាគោលដៅរបស់គេដោយបង្វែរចំណាប់អារម្មណ៍ ហើយអ្នករួមដំណោះររបស់គេផ្សេងទៀត ចាំលួចរបស់មានតំឡៃ។
· ល្បិចដោយឲ្យជនល្មើសនៅខាងមុខ និង ខាងក្រោយ ដោយឲ្យអ្នកដែលជាគោលដៅរបស់ពួកគេកណ្តាល បន្ទាប់មកធ្វើពុតជាសួរអ្នកបើកបរអំពីទិសដៅ ដើម្បីអូសបន្លាយពេលវេលា បន្ទាប់មកជនល្មើសម្នាក់ទៀតដែលនៅខាងក្រោយធ្វើជារុញដោយប្រាប់ថាទៅឲ្យលឿន ដើម្បីលួចរបស់បមានតំលៃ។
· ជនល្មើសវិលជុំវិញអ្នកដែលជាគោលដៅរបស់គេ បន្ទាប់មកធ្វើជាទំលាក់កាក់ ឬ សោរនៅជិតកែងជើងរបស់អ្នកដែលជាគោលដៅនោះ នៅពេលដែលអ្នកដែលជាគោលដៅនោះ អោនរើស ជនល្មើសក៏កន្ត្រាក់ឆក់យកខ្សែក
· នៅពេលទ្វារជិតបិទ ជនល្មើសយកកាបូបរបស់អ្នកដំណើរផ្សេងទៀតដែលទុកនៅលើកន្លែងដាក់ឥវ៉ាន់ (ភាគច្រើន នៅក្នុងរថភ្លើងក្រោមដី) ។
· ល្បិចដែលជនល្មើសជាច្រើននាក់ឡើងមកជិះ រួចធ្វើជាឈ្លោះគ្នាដោយសំលេងខ្លាំង ដើម្បីទាញចំណាប់អារម្មណ៍ ហើយពេលមានឱកាសក៏ធ្វើការឆក់ហោប៉ៅ។
<ប្រភព : ប្លុករបស់ស្នងការនគរបាល ភូលអ៊ីនលប>
សូមការពារបែបនេះ
- ក្រៅពីល្បិចដែលយើងបានឃើញជាមួយគ្នានៅខាងលើ គឺនៅមានល្បិចឆក់ហោប៉ៅជាច្រើនផ្សេងទៀត ប៉ន្តែប្រសិនបើយើងការពារដោយប្រុងប្រយ័ត្ន ទោះបីជាជនល្មើសនោះជាកំពូលអ្នកឆក់ហោប៉ៅក៏ដោយ ក៏មិនអាចធ្វើអ្វីយើងបានដែរ ត្រូវទេ? អញ្ចឹង តើយើងគួរធ្វើយ៉ាងម៉េចទៅ?ខាងក្រោមនេះ ជាវិធីសាស្រ្តដ៏សាមញ្ញពិតមែន តែបើយើងស្វែងយល់វាទុល នោះវាអាចក្លាយជាវិធីសាស្ត្រការពារការឆក់ហោប៉ៅ យ៉ាងមានអត្ថប្រយោជន៍បាន។
· កាន់កាបូបដៃ ឬ កាបូបស្ពាយមកខាងមុខ។
· ក្រោយពេលពិសារគ្រឿងស្រវឹងរួច មិនត្រូវងក់នៅក្នុងរថភ្លើង ឬ ក្នុងស្ថានីយ៍។
· ប្រយ័ត្នចំពោះមនុស្សដែលឆ្លៀតឱកាសនៅពេលមនុស្សរញ៉េរញៃច្រើន
· មិនដាក់កាបូបលុយក្នុងហោប៉ៅខាងក្រោយ។
· មិនដាក់កាបូបដែលសំខាន់នៅកន្លែងដាក់ឥវ៉ាន់ខាងលើ
<ប្រភព: ប្លុកផ្លូវការរបស់ រដ្ឋាករស្វ័យតចរាចរក្រុងសេអ៊ូល >
តើត្រូវទទួលទោសបែបណា?
- បើប្រព្រឹត្តិការឆក់ហោប៉ៅ ហើយត្រូវចាប់បាន នោះនឹងត្រូវជាប់ក្នុងពន្ធធនាគារក្រោម 6ឆ្នាំ ឬ ទទួលទោសបង់ប្រាក់ពិន័យក្រោម 10លានវ៉ុន (「ច្បាប់ព្រហ្មទ័ណ្ឌ」 មាត្រា 329)។
· ក្នុងករណីដែលជនល្មើសប្រព្រឹត្តិអំពើខាងលើជាក្រុម ដោយមានគ្នាចាប់ពី5នាក់ឡើងទៅ នោះជនល្មើសត្រូវជាប់ក្នុងពន្ធធនាគារចាប់ពីចន្លោះ 2ឆ្នាំ ទៅ 20ឆ្នាំ (「ច្បាប់ទាក់ទងនឹងការដាក់ទោសបន្ថែមលើបទល្មើសពិសេស」 មាត្រា 5 (4) កថាខ័ណ្ឌលេខ2)។
- ប្រសិនបើការឆក់ហោប៉ៅមានកាន់អាវុធក្លែងក្លាយ ឬ មានគ្នាចាប់ពី 2នាក់ឡើងទៅ ហើយត្រូវចាប់បាន ទោសនឹងត្រូវដាក់បន្ថែមដោយជាប់ក្នុងពន្ធធនាគារចាប់ពី1ឆ្នាំ ទៅ 10ឆ្នាំ (「ច្បាប់ព្រហ្មទ័ណ្ឌ」 មាត្រា 331 កថាខ័ណ្ឌលេខ2)។
· ក្នុងករណីដែលជនល្មើសប្រព្រឹត្តិអំពើខាងលើជាក្រុម ដោយមានគ្នាចាប់ពី5នាក់ឡើងទៅ នោះជនល្មើសត្រូវជាប់ក្នុងពន្ធធនាគារចាប់ពីចន្លោះ 2ឆ្នាំ ទៅ 20ឆ្នាំ (「ច្បាប់ទាក់ទងនឹងការដាក់ទោសបន្ថែមលើបទល្មើសពិសេស」 មាត្រា 5(4) កថាខ័ណ្ឌលេខ2)។
បទល្មើសផ្លូវភេទនៅក្នុងរថភ្លើងក្រោមដី ឬ រថយន្តក្រុង សូមដោះស្រាយបែបនេះ!
សូមដោះស្រាយបែបនេះ។
- សព្វថ្ងៃនេះ យើងអាចឃើញញឹកញាប់នូវពត៌មាន ជាករណីដែល ស្ត្រីបានរងគ្រោះដោយសារអំពើមិនល្អដូចជា ការរំលោភបំពានផ្លូវភេទ ឬ ការលួចថតកាមេរា។
- ពេលនេះ ខ្ញុំចង់ណែនាំពីរបៀបទប់ស្កាត់ និង ការពារបទល្មើសផ្លូវភេទដែលកើតមាននៅក្នុងរថភ្លើងក្រោមដី ឬ រថយន្តក្រុង ដែលសង្ឃឹមថាវានឹងមិនកើតឡើងចំពោះយើង។
· នៅកន្លែងដែលចំណោតជណ្តើរនៅក្នុងស្ថានីយ៍រថភ្លើងក្រោមដី ចោតខ្លាំង ឬ កន្លែងដែលមានជណ្តើរយន្តវែង ត្រូវស្ពាយកាបូបដាក់ទៅខាងក្រោយ ឬ យកសៀវភៅដែលកំពុងកាន់នឹងដៃដាក់ទៅខាងក្រោយ។ បើឈររៀងឱនទៅមុខបន្តិច នោះវានឹងល្អក្នុងការទប់ស្កាត់បទល្មើសបាន។
· ទោះបីជាមានការប៉ះពាល់រាងកាយបន្តិចបន្តួចក៏ដោយ អ្នកត្រូវតែតបត ដោយបង្ហាញនូវភាពមិនពេញចិត្តឲ្យឃើញភ្លាមៗ។
· នៅកន្លែងរថភ្លើងក្រោមដីដែលរញេរញៃ អ្នកគួរជិះនៅបន្ទប់រថភ្លើងចំណុចខាងមុខបំផុត ឬ ខាងក្រោយបំផុត។ ជនល្មើសបទឧក្រិដ្ឋផ្លូវភេទ តែងតែស្វែងរកកន្លែងដែលងាយនឹងរត់គេចនៅពេលបទល្មើសត្រូវគេចាប់បាន។ តែបើត្រង់ចំណុចបន្ទប់រថភ្លើងចំណុចខាងមុខបំផុត ឬ ខាងក្រោយបំផុត គឺមានផ្លូវសម្រាប់រត់គេចតែម្ខាងដូច្នេះហើយ វាមិនសមស្របសម្រាប់ជនល្មើសឡើយ។
· នៅក្នុងរថយន្តក្រុង ឬ រថភ្លើងក្រោមដីដែលមានភាពរញ៉េរញ៉ៃ បើមានបុរសប្លែកមុខដើរមកជិតនៅពីក្រោយ អ្នកមិនត្រូវបែរក្នុងដាក់ឡើយ គួរឈរក្នុងទិសដៅ 45ដឺក្រេបង្ហាញស្មាដាក់បន្តិច នោះអាចទប់ស្កាត់បទល្មើសបានខ្លាំង។
· ក្នុងករណីដែលអាចផ្លាស់ប្តូរកន្លែងបាន អ្នកគួរតែគេចប្តូរកន្លែងដោយក្លាហាន។
· សូមសាកល្បងប្រើការផ្ញើសារទៅកាន់លេខ 112 តាមរយៈទូរស័ព្ទដៃ។
√ ជនល្មើសបទឧក្រិដ្ឋផ្លូវភេទ គិតថាស្ត្រីរងគ្រោះមិនហានរាយការណ៍ទេ ព្រោះតែភាពអាម៉ាស់ ឬ ខ្លាចគេមើលងាយ ទើបជនល្មើសប្រព្រឹត្តិអំពើទាំងនេះ។ ដូចនេះ ការចូលរួមរាយការណ៍ដោយសកម្មអាចក្លាយជាវិធីសាស្រ្តដ៏មានប្រសិទ្ធិភាពក្នុងការទប់ស្កាត់បទល្មើសបាន។
√ ប្រសិនបើអ្នកឃើញអំពើបទល្មើសផ្លូវភេទកើតមាននៅក្នុងរថភ្លើងក្រោមដី ឬ រថយន្តក្រុង ឬ សាមីរងគ្រោះដោយផ្ទាល់ សូមយកទូរស័ព្ទហើយរាយការណ៍មកលេខ 112ជាបន្ទាន់។
√ ជាពិសេសក្នុងករណីជិះរថភ្លើងក្រោមដី សូមផ្ញើរជាលេខបន្ទប់រថភ្លើងដែលកំពុងជិះ(លេខបន្ទប់បិតនៅខាងលើច្រកចេញចូល និងផ្លូវដើរក្នុងបន្ទប់រថភ្លើងនីមួយ របស់រថភ្លើង) និង ទិសដៅ (បើផ្ញើរឈ្មោះស្ថានីយ៍ដែលកំពុងឆ្លងកាន់គឺកាន់តែប្រសើរ)(ឧទាហរណ៍ សូមជួយចាប់ជនល្មើសផ្លូវភេទ ជាបុរសវ័យជាង 20ឆ្នាំពាក់អាវពីក្រៅពណ៌ខ្មៅ នៅចន្លោះច្រកចេញចូលលេខ 3~4 រថភ្លើងលេខ 4169 ទិសដៅពី សាដាំងទៅ បាំងប៊ែ ម៉ោង 08:20) ។
√ នៅពេលទទួលបានការរាយការណ៍ភ្លាម នៅនគរបាលរថភ្លើងក្រោមដី ដែលមានទីតាំងនៅជិតស្ថានីយ៍នោះបំផុតនឹងចេញប្រតិបត្តិការដើម្បីចាប់ជនល្លើសភ្លាមៗ។
<ប្រភព: សូមមើលរបៀបដោះស្រាយស្ថានភាពបន្ទាន់ក្នុងរថភ្លើងរបស់ប្លុក ផ្លូវការរដ្ឋាករស្វ័យតចរាចរក្រុងសេអ៊ូល >
តើជនល្មើសត្រូវទទួលទោសបែបណា?
- ជនណាមួយដែលប្រព្រឹត្តការបំពានទៅលើផ្លូវដែកក្រោមដី ឬឡានក្រុងអាចនឹងត្រូវបានដាក់ទោសដាក់គុកមិនយូរជាង 3 ឆ្នាំ ឬការផាកពិន័យមិនច្រើនជាង 30 លានវ៉ុនកូរ៉េ (「ច្បាប់ពិសេសពាក់ព័ន្ធនឹងការដាក់ទោសលើបទល្មើស និងអំពើហឹង្សាផ្លូវភេទ」 មាត្រា11)។
- ជនណាក៏ដោយដែលប្រើប្រាស់ ម៉ាស៊ីនថត ឬ ឧបករណ៍មេកានិច ដទៃផ្សេងទៀតណាមួយក៏ដោយដែលមានមុខងាស្រដៀងគ្នា ទៅនឹងវានោះ នៅលើផ្លូវដែកក្រោមដី ឬឡានក្រុងដើម្បីថតរូបថត ឬថតវីដេអូណាមួយ ប្រឆាំងនឹងឆន្ទៈនៃមនុស្សម្នាក់ផ្សេងទៀត នៃផ្នែកនៃរាងកាយនៃជនម្នាក់នោះដែលអាចនឹងដាស់ពន្យុះចំណង់ផ្លូវភេទ ឬការប្រមាថបន្ទាបបន្ថោកអាចនឹងត្រូវបានកាត់ទោសដាក់គុកមិនយូរជាង7 ឆ្នាំ ឬការផាកពិន័យមិនលើសពី 50 លានវ៉ុនកូរ៉េ (「ច្បាប់ពិសេសពាក់ព័ន្ធនឹងការដាក់ទោសលើបទល្មើសនិងអំពើហិង្សាផ្លូវភេទ」 មាត្រា 14 (1))។
- ជនណាម្នាក់ក៏ដោយដែលចែកចាយ លក់ ជួល ផ្តល់ ឬបង្ហាញដោយបើកចំហរ ឬបញ្ចាំង (តទៅនេះហៅថា“ការចែកចាយ។ល។”) រូបថត ឬវីដេអូដែលថតបានរបៀបនោះ ឬច្បាប់ចម្លងណាមួយនៃវានោះ (រួមមានច្បាប់ចម្លងនៃច្បាប់ចម្លង អ្វីដូចគ្នានេះនឹងអនុវត្តជាមួយចាប់ពីពេលនេះតទៅ) ហើយ សូម្បីតែថតរូបថត ឬថតវីដេអូមិនមែនប្រឆាំងទាស់នឹងឆន្ទៈនៃជនដែលត្រូវបានថតរូប ឬថតវីដេអូក៏ដោយនៅពេលនៃការថតនោះ (រួមមានការថតរូបថត ឬវីដេអូនៃរាងកាយផ្ទាល់របស់ខ្លួន) ជនដែលក្រោយមកទៀតចែកចាយ លក់ ជួល ផ្តល់ ឬបង្ហាញ ឬបញ្ចាំងដោយបើកចំហរ នូវរូបថត វីដេអូ ឬច្បាប់ចម្លងនៃវានោះប្រឆាំងនឹងឆន្ទៈរបស់អ្នកពីមុនមកនឹងត្រូវបានដាក់ទោសដោយដាក់គុកមិនច្រើនជាង 7 ឆ្នាំឬដោយការផាកពិន័យមិនលើសហួសពី 50 លានវ៉ុនកូរ៉េ (「ច្បាប់ពិសេសពាក់ព័ន្ធនឹងការដាក់ទោសលើបទល្មើស និង អំពើហិង្សាផ្លូវភេទ」 មាត្រា 14 (2))។
- ជនណាម្នាក់ក៏ដោយដែលចែកចាយរូបថត ឬវីដេអូខាងលើតាមរយៈបណ្តាញការប្រាស្រ័យទាក់ទងព័ត៌មានប្រឆាំងនឹងឆន្ទៈនៃជនដែលត្រូវបានថតរូប ឬថតវីដេអូអាចនឹងត្រូវបានដាក់ទោសជាប់គុកដោយមានពលកម្មមិនយូរជាង 3 ឆ្នាំ (「ច្បាប់ពិសេសពាក់ព័ន្ធនឹងការដាក់ទោសលើបទល្មើស និង អំពើហិង្សាផ្លូវភេទ」 មាត្រា 14 (3))។