តើការគ្រប់គ្រងសុវត្ថិភាពរថភ្លើងក្រោមដីប្រព្រឹត្តិទៅយ៉ាងដូចម្តេច?
ការគ្រប់គ្រងសុវត្ថិភាពបន្ទប់រថភ្លើងក្រោមដី និង គ្រឿងបរិក្ខារថភ្លើងក្រោមដី
- អ្នកប្រតិបត្តិការរថភ្លើងក្រោមដី ឬ អ្នកគ្រប់គ្រងគ្រឿងបរិក្ខារថភ្លើងក្រោមដី (ខាងក្រោមហៅថា “អ្នកប្រតិបត្តិការរថភ្លើងក្រោមដី ជាដើម”។ លើកលែង អ្នកបើករថភ្លើងផ្ទាល់ខ្លួន) ហើយចង់ប្រតិបត្តិការ ឬ គ្រប់គ្រងគ្រឿងបរិក្ខារថភ្លើងក្រោមដី ត្រូវបំពាក់នូវប្រព័ន្ធទាក់ទងនឹងការគ្រប់គ្រងរថភ្លើងក្រោមដី ឬ គ្រឿងបរិក្ខារថភ្លើងក្រោមដី(ខាងក្រោមហៅថា “ប្រព័ន្ធគ្រប់គ្រងសុវត្ថិភាព) ដូចជា ធនធានមនុស្ស គ្រឿងបរិក្ខា បន្ទប់សម្រាប់ជិះ គ្រឿងម៉ាស៊ីន នីតិវិធីនៃការដំណើរការ ការបណ្តុះបណ្តាលអប់រំ និង ផែនការឆ្លើយតបនឹងគ្រោះថ្នាក់អាសន្ន ជាដើម ហើយត្រូវទទួលការអនុញ្ញាតិពីរដ្ឋមន្ត្រីក្រសួងដែនដី និង ចរាចរ (「ច្បាប់ស្តីពីសុវត្ថិភាពផ្លូវដែក」 មាត្រា 7 (1) និង តួសេចក្តីនៃ (3))។
· ជនដែលប្រតិបត្តិការដំណើរការរថភ្លើងក្រោមដី ឬ គ្រប់គ្រងគ្រឿងបរិក្ខារថភ្លើងក្រោមដី ដោយមិនបានទទួលការអនុញ្ញាតិប្រព័ន្ធសុវត្ថិភាព នោះនឹងត្រូវជាប់ក្នុងពន្ធធនាគារក្រោម 3ឆ្នាំ ឬ ទទួលទោសបង់ប្រាក់ពិន័យក្រោម 30លានវ៉ុន (「ច្បាប់ស្តីពីសុវត្ថិភាពផ្លូវដែក」មាត្រា 79 លេខ2 ចំណុច1), រីឯជនដែលទទួលបានការអនុញ្ញាតិប្រព័ន្ធគ្រប់គ្រងសុវត្ថិភាពដោយការកុហក ឬ អំពើអវិជ្ជមានណាមួយ នឹងត្រូវជាប់ក្នុងពន្ធធនាគារក្រោម 2ឆ្នាំ ឬ ទទួលទោសបង់ប្រាក់ពិន័យក្រោម 20លានវ៉ុន (「ច្បាប់ស្តីពីសុវត្ថិភាពផ្លូវដែក」មាត្រា 79 កថាខ័ណ្ឌលេខ3 ចំណុច1)។
- ក្នុងរកណីដែលអ្នកប្រតិបត្តិការរថភ្លើងក្រោមដី ជាដើម ត្រូវដំណើរការរថភ្លើងក្រោមដី ឬ គ្រប់គ្រងគ្រឿងបរិក្ខារថភ្លើងក្រោមដី ត្រូវរក្សាឲ្យមាននិរន្តភាពនូវប្រព័ន្ធគ្រប់គ្រងសុវត្ថិភាព ដែលបានទទួលការអនុញ្ញាតិដោយយោងតាមបទបញ្ញតិខាងលើ (「ច្បាប់ស្តីពីសុវត្ថិភាពផ្លូវដែក」 មាត្រា 8 កថាខ័ណ្ឌលេខ1)។
· ជនដែលបង្កឲ្យមានផលប៉ះពាល់ធ្ងន់ធ្ងរ ឬ ជាក់ស្តែងដល់ការប្រតិបត្តិការរថភ្លើងក្រោមដី ឬ ការគ្រប់គ្រងគ្រឿងបរិក្ខា នឹងត្រូវជាប់ក្នុងពន្ធធនាគារក្រោម 2ឆ្នាំ ឬ ទទួលទោសបង់ប្រាក់ពិន័យក្រោម 20លានវ៉ុន (「ច្បាប់ស្តីពីសុវត្ថិភាពផ្លូវដែក」 មាត្រា 79 កថាខ័ណ្ឌលេខ3 ចំណុច2)។
<នៅពេលស្ថានភាពបន្ទាន់ ដូចជាអគ្គីភ័យកើតឡើងសូមធ្វើបែបនេះ!>
· ប្រសិនបើមានផ្សែង ឬ អគ្គីភ័យកើតឡើងក្នុងស្ថានីយ៍រថភ្លើងក្រោមដី ត្រូវប្រើទូរស័ព្ទអាសន្នបន្ទាន់ដែលបំពាក់នៅកន្លែងជិះរថភ្លើង ប្រាប់ទៅបុគ្គលិកស្ថានីយ៍ជាបន្ទាន់។
· ត្រូវគេចខ្លួនដោយស្ងប់ស្ងាត់តាមការណែនាំរបស់បុគ្គលិកស្ថានីយ។
√ ការគេចខ្លួននៅលើដី : គេចខ្លួនដោយឈរជាជួរនៅជណ្តើរតាមភ្លើងសញ្ញា។ ត្រូវធ្វើដំណើរដោយឱនឲ្យទាប ហើយប្រើកន្សែងសើម ឬ ជាយអាវមកខ្ទប់មាត់។
√ ការគេចខ្លួនតាមផ្លូវរូងក្រោមដី : ក្រោយពេលផ្លូវចេញចូលនៅចុងបន្ទប់ជិះបើក ត្រូវគេចខ្លួនតាមផ្លូវដែកនោះ។ ត្រូវធ្វើដំណើរដោយឱនឲ្យទាប ហើយប្រើកន្សែងសើម ឬ ជាយអាវមកខ្ទប់មាត់។
· លោកអ្នកអាចមើលពត៌មានលំអិតបន្ថែមទាក់ទងនឹងការប្រើប្រាស់ ទូរស័ព្ទអាសន្នបន្ទាន់ ពិលអាសន្ន របាំងមុខការពារផ្សែង និង ការប្រើប្រាស់ប្រដាប់ពន្លត់អគ្គីភ័យនៅក្នុងស្ថានីយ៍ នៅ <ប្លុកផ្លូវការរបស់ រដ្ឋាករស្វ័យតចរាចរក្រុងសេអ៊ូល >បាន។
<ប្រភព : ប្លុកផ្លូវការរបស់ រដ្ឋាករស្វ័យតចរាចរក្រុងសេអ៊ូល >
តើការគ្រប់គ្រងសុវត្ថិភាពបើកបរ ដំណើរការយា៉ងដូចម្តេច?
ការផ្អាកដំណើរការរថភ្លើងក្រោមដីបណ្តោះអាសន្ន
- ក្នុងករណីពិនិត្យឃើញថាវាមានផលប៉ះពាល់ដល់ការដំណើរការរថភ្លើងក្រោមដី ដូចចំណុចណាមួយខាងក្រោម នោះស្ថានីយ៍អាចផ្អាកដំណើរការរថភ្លើងក្រោមដីបណ្តោះអាសន្នបាន (「ច្បាប់ស្តីពីសុវត្ថិភាពផ្លូវដែក」 មាត្រា 40 (1))។
· ករណីដែលមានការរងគ្រោះកើតឡើងដោយសារ ឧបទ្ទវហេតុធម្មជាតិ ឬ អាកាសធាតុអាក្រក់ដូចជា ការរញ្ជួយដី ខ្យល់ព្យុះ ភ្លៀងខ្លាំង ឬ ធ្លាក់ព្រិលខ្លាំង ឬ ស្ថានភាពណាមួយដែលស្មានថាអាចនឹងនាំមកនូវការរងគ្រោះកើតឡើង
· ឧបសគ្គធ្ងន់ធ្ងរក្នុងការដំណើរការរថភ្លើងផ្សេងៗទៀតដែលបានកើតឡើង ឬ ស្ថានភាពណាមួយដែលស្មានថាអាចនឹងនាំមកនូវការរងគ្រោះកើតឡើង
បំរាមយកវត្ថុគ្រោះថ្នាក់តាមខ្លួន
- អ្នកណាក៏ដោយ មិនអាចយកវត្ថុ ឬ សារធាតុណាមួយ(ខាងក្រោមហៅថា “វត្ថុគ្រោះថ្នាក់”) ដូចខាងក្រោមដែលអាចនាំផលប៉ះពាល់អល់អ្នកដំណើរផ្សេងទៀតដូចជា អាវុធ, រំសេវ សារធាតុគីមីដែលនាំផលគ្រោះថ្នាក់ ឬ សារធាតុដែលងាយឆេះ ចូលមកក្នុងរថភ្លើងក្រោមដីបានឡើយ (「ច្បាប់ស្តីពីសុវត្ថិភាពផ្លូវដែក」 មាត្រា 42 និង 「អនុក្រិតនៃច្បាប់ស្តីពីសុវត្ថិភាពផ្លូវដែក」 មាត្រា 78 កថាខ័ណ្ឌលេខ1)។
1. រំសេវ
2. ហ្គាសកំលាំងខ្លាំង
3. សារធាតុងាយឆេះ
4. សារធាតុចំហេះ
5. សារធាតុអុកស៊ីដកម្ម
6. សារធាតុពុលដែលងាយចម្លងជាតិពុល ឬ មេរោគ
7. សារធាតុដែលមានវិទ្យុសកម្ម
8. សារធាតុស៊ីបំផ្លាសជាលិកាដែលផ្តល់គ្រោះថ្នាក់ធ្ងន់ធ្ងរដល់រាងកាយ ឬ ផ្តល់ភាពខូចខាតផ្នែកសម្ភារៈក្នុងរថភ្លើង
9. សារធាតុស្អុយដែលផ្តល់នូវការឈឺចាប់ ឬ ពិបាកក្នុងការទ្រាំ ដែលបណ្តាលឲ្យបុគ្គលិកដែលបំរើការក្នុងបន្ទប់រថភ្លើង មិនអាចបំពេញការជាប្រក្រតីបាន
10. អាវុធក្លែងក្លាយដែលដូចជាកាំភ្លើង ឬ ដាវ
11. សារធាតុដែលកើតមានដោយសារបំរែបម្រួលគីមី ក្រៅពីលេខ1 ដល់ លេខ10 ហើយផ្តល់គ្រោះថ្នាក់ដល់អ្នកផ្សេង ឬ នូវផលខូចខាតសម្ភារៈក្នុងរថភ្លើង។
- អ្នកបំរើការក្នុងរថភ្លើងអាចបណ្តេញអ្នកដែលកាន់សារធាតុគ្រោះថ្នាក់ ឬ យកសារធាតុគ្រោះថ្នាក់ទាំងនោះចេញទៅខាងក្រៅបាន(「ច្បាប់ស្តីពីសុវត្ថិភាពផ្លូវដែក」 មាត្រា 50 ចំណុច1)។
- ជនដែលយក ឬ កាន់វត្ថុគ្រោះថ្នាក់ក្នុងរថភ្លើងដោយគ្មានហេតុផលសមស្រប នឹងត្រូវជាប់ក្នុងពន្ធធនាគារក្រោម 2ឆ្នាំ ឬ ទទួលទោសបង់ប្រាក់ពិន័យក្រោម 20លានវ៉ុន (「ច្បាប់ស្តីពីសុវត្ថិភាពផ្លូវដែក」 មាត្រា 79 កថាខ័ណ្ឌលេខ3 ចំណុច16)។
ការត្រួតពិនិត្យសន្តិសុខដើម្បីសុវត្ថិភាពអ្នកដំណើរ
- មន្ត្រីនៃប៉ូលីសតុលាការពិសេសសម្រាប់ផ្លូវដែក ច្ចការរថភ្លើងអាចបើកការត្រួតពិនិត្យសន្តិសុខលើរាងកាយរបស់អ្នកដំណើរ សម្ភារៈដែលកាន់តាមខ្លួនឬឥវ៉ាន់ក្នុងករណីចាំបាច់ដើម្បីការពារការដំណើរការសុវត្ថិភាពរថភ្លើងឬគ្រឿងបរិក្ខារថភ្លើងក្រោមដីបាន (「ច្បាប់ស្តីពីសុវត្ថិភាពផ្លូវដែក」 មាត្រា 48-2(1) )។
· ការគ្រប់គ្រងរបស់នគរបាលព្រហ្មទណ្ឌពិសេសសម្រាប់កិច្ចការរថភ្លើង អាចប្រើប្រាស់សម្ភារៈដើម្បីបំពេញភារកិច្ចដូចជាខ្នោះដៃ សម្រាប់ហេតុផលដែលបាននិយាយពីមុនមកនេះ ដៃ ខ្សែចំណង ប្រដាប់បាញ់ហ្គាស ម៉ាស៊ីនឆក់អេឡិកត្រូនិក និង ដំបងសន្តិសុខ ជាដើមបាន ក្នុងករណីដែលវាយតំលៃថាសមហេតុផល និង ចាំបាច់ ដោយមានហេតុផលសមស្រប ដើម្បីអនុវត្តភារកិច្ចតាមខ្លឹមសារខាងលើបាន (「ច្បាប់ស្តីពីសុវត្ថិភាពផ្លូវដែក」 មាត្រា 48-5 (1), (2))។
· អ្នកបំរើការក្នុងរថភ្លើងអាចបណ្តេញអ្នកដែលមិនធ្វើតាមការត្រួតពិនិត្យសន្តិសុខ ចេញពីរថភ្លើង ឬ ចេញពីស្ថានីយ៍រថភ្លើងឲ្យទៅក្រៅបាន (「ច្បាប់ស្តីពីសុវត្ថិភាពផ្លូវដែក」 មាត្រា 50 ចំណុច6)។
ការគោរពតាមសេចក្តីណែនាំក្នុងភារកិច្ចរបស់អ្នកបំរើការក្នុងរថភ្លើង
- ក្នុងករណីប្រើប្រាស់រថភ្លើង ឬ រថភ្លើងក្រោមដី អ្នកដំណើរត្រូវគោរពតាមការណែនាំក្នុងភារកិច្ចការងាររបស់អ្នកបំរើការក្នុងរថភ្លើងដើម្បីសុវត្ថិភាព ការការពារ ឬ សណ្តាប់ធ្នាប់ក្នុងរថភ្លើង (「ច្បាប់ស្តីពីសុវត្ថិភាពផ្លូវដែក」 មាត្រា 49 កថាខ័ណ្ឌលេខ1)។
· អ្នកបំរើការក្នុងរថភ្លើងអាចបណ្តេញអ្នកដែលមិនគោរពតាមការណែនាំក្នុងភារកិច្ចការងារ ចេញពីរថភ្លើង ឬ ចេញពីស្ថានីយ៍រថភ្លើងឲ្យទៅក្រៅបាន (「ច្បាប់ស្តីពីសុវត្ថិភាពផ្លូវដែក」 មាត្រា 50 ចំណុច7)។
· អ្នកដែលមិនគោរពតាមការណែនាំក្នុងភារកិច្ចការងាររបស់អ្នកបំរើការក្នុងរថភ្លើងនឹងទទួលទោសជាប្រាក់ពិន័យក្រោម 10លានវ៉ុន (「ច្បាប់ស្តីពីសុវត្ថិភាពផ្លូវដែក」 មាត្រា 82 កថាខ័ណ្ឌលេខ1 ចំណុច14)។
- អ្នកណាក៏ដោយ មិនអាចប្រើអំពើហឹង្សា ឬ ការគំរាមគំហែងក្នុងគោលបំណងរារាំងការអនុវត្តភារកិច្ចរបស់អ្នកបំរើការក្នុងរថភ្លើងបានឡើយ (「ច្បាប់ស្តីពីសុវត្ថិភាពផ្លូវដែក」 មាត្រា 49 កថាខ័ណ្ឌលេខ2)។
· អ្នកបំរើការក្នុងរថភ្លើងអាចបណ្តេញរារាំងការអនុវត្តភារកិច្ចរបស់ខ្លួន ចេញពីរថភ្លើង ឬ ចេញពីស្ថានីយ៍រថភ្លើងឲ្យទៅក្រៅបាន(「ច្បាប់ស្តីពីសុវត្ថិភាពផ្លូវដែក」 មាត្រា 50 ចំណុច7)។
· អ្នកដែលប្រើអំពើហឹង្សា ឬ ការគំរាមគំហែងក្នុងគោលបំណងរារាំងការអនុវត្តភារកិច្ចរបស់អ្នកបំរើការក្នុងរថភ្លើង នឹងត្រូវជាប់ក្នុងពន្ធធនាគារក្រោម 5ឆ្នាំ ឬ ទទួលទោសបង់ប្រាក់ពិន័យក្រោម 50លានវ៉ុន (「ច្បាប់ស្តីពីសុវត្ថិភាពផ្លូវដែក」 មាត្រា 79 កថាខ័ណ្ឌលេខ1)។
អ្នកមិនត្រូវធ្វើសកម្មភាពទាំងនេះនៅក្នុងរថភ្លើងក្រោមដីឡើយ!
នៅក្នុងរថភ្លើងក្រោមដីអ្នកមិនអាចធ្វើសកម្មភាពដូចខាងក្រោមបានឡើយ (「ច្បាប់ស្តីពីសុវត្ថិភាពផ្លូវដែក」 មាត្រា 47 (1) 「អនុក្រិតនៃច្បាប់ស្តីពីសុវត្ថិភាពផ្លូវដែក」 មាត្រា 79 និង មាត្រា 80)។
1. សកម្មភាពនៃការចូលក្នុងកន្លែងហាមឃាត់ដោយគ្មានមូលហេតុសមស្រប ដូចជា បន្ទប់បើកបរ បន្ទប់កំដៅម៉ាស៊ីន បន្ទប់ម៉ាស៊ីនភ្លើង ឬ បន្ទប់ផ្សព្វផ្សាយជាដើម។
2. សកម្មភាពនៃការលេខម៉ាស៊ីនបញ្ជារថភ្លើង ឬ គ្រឿងបរិក្ខា ដូចជា ការចុចកណ្តឹងបញ្ឈប់អាសន្ន ឬ បើទ្វារចេញចូលសម្រាប់ឡើងជិះនៅពេលកំពុងបើកបរដោយគ្មានមូលហេតុសមស្រប
3. សកម្មភាពនៃការគប់វត្ថុដែលផ្តល់នូវភាពបារម្ភថាអាចធ្វើឲ្យអ្នកនៅខាងក្រៅគ្រោះថ្នាក់ ចេញទៅខាងក្រៅ
4. សកម្មភាពនៃការជក់បារី
5. សកម្មភាពផ្លូវភេទដែលនាំភាពអាម្មាស់ដល់អ្នកបំរើការក្នុងរថភ្លើង ឬ អ្នកដំណើរ
6. សកម្មភាពដែលផ្តល់ភាពគ្រោះថ្នាក់ដល់អ្នកដទៃដូចជាការពិសារគ្រឿងស្រវឹង ឬ ការប្រើប្រាស់ថ្នាំ
7. សកម្មភាពដែលនាំសត្វ ឬ រុក្ខជាតិចូលមកជាមួយ ដែលនាំឲ្យមានគ្រោះថ្នាក់ដល់អ្នកដំណើរ ដោយគ្មានការការពារសុវត្ថិភាពឲ្យត្រឹមត្រូវ។
8. អ្នកជំងឺរាតត្បាតដែលចេញសាលសម្រេចពីតុលារ ឡើងមកជិះរថភ្លើងដោយគ្មានការអនុញ្ញាតិពីអ្នកបំរើការងារក្នុងរថភ្លើង
9. ទង្វើណាមួយដែលរំខានធ្វើឲ្យគ្មានភាពងាយស្រួលដល់អ្នកដំណើរដោយគ្មានការអនុញ្ញាតនៃបុគ្គលិកធ្វើការផ្លូវដែក ដូចជា ការរៃអង្គាសប្រាក់បរិច្ចាគ ពី ការលក់ ឬចែកចាយទំនិញទៅកាន់ ឬធ្វើការនិយាយ ឬណែនាំផ្តល់អនុសាសន៍ទៅដល់ អ្នកដំណើរ
- អ្នកបើកបរយានយន្តអ្នកដំណើរ ឬ អ្នកបម្រើក្នុងយានយន្ត ឬ បុគ្គលិកក្នុងស្ថានីយរថយន្តអ្នកដំណើរ អាចដាក់បំរាមដល់ជនល្មើសដែលប្រព្រឹត្តអំពើហាមឃាត់ដូចមានចែងនៅខាងលើ ហើយអាចថតសំលេង ឬ វីដេអូបាន។ (「ច្បាប់ស្តីពីសុវត្ថិភាពចរាចរណ៍ផ្លូវដែក」 មាត្រា 47(2)) ។
អាចទទួលទោសបែបនេះបាន។
- អ្នកបំរើការក្នុងរថភ្លើងអាចបណ្តេញអ្នកដែលប្រព្រឹត្តិអំពើបំរាមទាំងនោះចេញទៅខាងក្រៅរថភ្លើង ឬ ទៅក្រៅស្ថានីយ៍រថភ្លើងបាន (「ច្បាប់ស្តីពីសុវត្ថិភាពផ្លូវដែក」 មាត្រា 50 ចំណុច4)។
- ជនណាដែលបានរំលោភលើករណីដែលបានរៀបរាប់ខាងលើ 1. និង 3. ដោយចូលទៅតំបន់ដែលមានកំណត់ចំពោះអ្នកដំណើរ ឬបោះចោលវត្ថុខាងក្រៅរថភ្លើងដឹកអ្នកដំណើរនឹងត្រូវពិន័យជាប្រាក់មិនលើសពី 5លានវ៉ុន (នៃ「ច្បាប់ស្តីពីសុវត្ថិភាពផ្លូវដែក」មាត្រាទី 82(2) លេខ8)។
- ជនណាដែលរំលោភលើករណីដែលបានរៀបរាប់ ខាងលើ 2. ដោយចុចប៊ូតុងបញ្ឈប់បន្ទាន់ ឬបើកទ្វារចូលត្រូវទទួលការផ្តន្ទាទោសដាក់ពន្ធនាគារមិនលើសពី 2ឆ្នាំ ឬពិន័យជាប្រាក់មិនលើសពី 20 លានវ៉ុន (「ច្បាប់ស្តីពីសុវត្ថិភាពផ្លូវដែក」មាត្រាទី 79(3) លេខ18)។
- ជនណាដែលរំលោភលើករណីដូចបានរៀបរាប់ខាងលើ 4. ដោយជក់បារីក្នុងរថភ្លើងដឹកអ្នកដំណើរត្រូវទទួលពិន័យជាប្រាក់មិនលើសពី1លានវ៉ុន (「ច្បាប់ស្តីពីសុវត្ថិភាពផ្លូវដែក」មាត្រាទី 82(4) លេខ2) ។
- ជនណារំលោភលើករណីដែលបានរៀបរាប់ខាងលើ 5. ដោយ ការយាយីផ្លូវភេទ ត្រូវទទួលពិន័យជាប្រាក់មិនលើសពី 5លានវ៉ុន (「ច្បាប់ស្តីពីសុវត្ថិភាពផ្លូវដែក」មាត្រាទី 79 (5))។
- ជនណាដែលរំលោភលើករណីដូចបានរៀបរាប់ខាងលើ 6. ដោយការធ្វើឱ្យអន្តរាយដល់អ្នកដទៃដោយការសេពសុរាឬផឹកគ្រឿងញៀនត្រូវផ្ដន្ទាទោសដាក់ពន្ធនាគារមិនលើសពី 1ឆ្នាំ ឬពិន័យជាប្រាក់មិនលើសពី 10 លានវ៉ុន (「ច្បាប់ស្តីពីសុវត្ថិភាពផ្លូវដែក」មាត្រាទី 79 (4) លេខ12 ។
- ជនណាដែលរំលោភលើករណីដែលបានរៀបរាប់ខាងលើ 7. ដោយធ្វើឱ្យអន្តរាយដល់សាធារណជន ឬអ្នកដំណើរនឹងត្រូវទទួលពិន័យជាប្រាក់មិនលើសពី 50ម៉ឺន វ៉ុន (「ច្បាប់ស្តីពីសុវត្ថិភាពផ្លូវដែក」មាត្រាទី 82(5) លេខ2)។