CAMBODIA

- វិធីសាស្រ្តទីមួយ ដើម្បីសន្សំសំចៃថ្លៃរថភ្លើងក្រោមដីគឺការប្រើប្រាស់ កាតរថភ្លើងក្រោមដីមានកំណត់។

- សម្រាប់អ្នកដែលរស់នៅក្នុងក្រុងសេអ៊ូល ឬ ខេត្តក្យុងគីដូ សូមសាកល្បងជ្រើសរើសរថយន្តក្រុងដែលមានតំលៃថោក ក្នុងចំណោមរថយន្តក្រុងក្រុងសេអ៊ូល និង រថយន្តក្រុងខេត្តក្យុងគី។ សព្វថ្ងៃប្រព័ន្ធថ្លៃយានជំនិះសាធារណៈរបស់ក្រុងសេអ៊ូល និង ខេត្តក្យុងគី មានលក្ខណៈខុសគ្នាបន្តិចបន្តួច។ មានន័យថា ប្រសិនបើប្រើប្រាស់រថយន្តក្រុងឆ្លងកាតទីក្រុងធំៗ នោះ រថយន្តក្រុងសេអ៊ូលមានអត្ថប្រយោជន៍ តែប្រសិនបើប្រើសម្រាប់ការជិះក្នុងទីប្រជុំជន នោះរថយន្តក្រុងខេត្តក្យុងគឺមានអត្ថប្រយោជន៍ជាង។ ប៉ុន្តែ ក្នុងករណីជិះតែ 1លើក រថយន្តក្រុងក្រុងសេអ៊ូលគឺគិតថ្លៃជិះដំបូងប៉ុណ្ណោះ តែសម្រាប់រថយន្តក្រុងខេត្តក្យុងគីវិញ ប្រសិនបើចំងាយផ្លូវលើសពី 10km ឡើងទៅ គឺត្រូវគិតបន្ថែម 100វ៉ុន រៀងរាល់ 5kmម្តង។ ដូច្នេះហើយ ប្រសិនបើអ្នកជិះតែ 1លើក ហើងចំងាយផ្លូវឆ្ងាយជាង 10km អ្នកគួរជិះរថយន្តក្រុង ក្រុងសេអ៊ូល ព្រោះវាមានអត្ថប្រយោជន៍ជាង។.

- ឧទាហរណ៍, រថយន្តក្រុងឆ្លងកាត់ទីក្រុងធំៗ(រថយន្តពណ៌ក្រហម) ដែលរត់ទៅមករវាង ប៊ូនដាំង ក្រុងសង់ណាំ ខេត្តក្យុងគី និង ក្វាងហ្វាមុន ក្រុងសេអ៊ូល មានលេខ 9401 និង លេខ 9001។ រថយន្តក្រុងទាំងពីរនេះ រត់កាត់លើផ្លូវប្រហាក់ប្រហែលគ្នា តែដោយសាររថយន្តលេខ 9401 ជារថយនន្តក្រុងសេអ៊ូល ហើយ លេខ 9001 ជារថយន្តក្រុងខេត្តក្យុងគី ដូច្នេះហើយ ថ្លៃធ្វើដំណើររបស់រថយន្តលេខ 9401 មានតំលៃថោកជាង។ ដូចនេះ ប្រសិនបើមានរថយន្តក្រុងរថឆ្លងកាត់ ក្រុងសេអ៊ូល និង ខេត្តក្រុងគឺ មាន2ខ្សែ ហើយរត់ក្នុងទិសដៅប្រហាក់ប្រហែលគ្នា នោះការជ្រើសរថយន្តក្រុង ក្រុងសេអ៊ូលជិះ គឺអាចជួយក្នុងការសន្សំសំចៃបាន។ មួយទៀត, យើងអាចដឹងថារថយន្តក្រុងនោះជារបស់ក្រុង ឬ ខេត្តបានតាមរយៈឈ្មោះតំបន់ដែលមាននៅលើលេខឡានបាន។

- សព្វថ្ងៃនេះ មានកាតឥណទានជាច្រើនដែលផ្តល់ការបញ្ចុះតំលៃសម្រាប់ថ្លៃយានជំនិះសាធារណៈ ពិតមែនទេ? ប្រសិនបើអ្នកប្រើប្រាស់កាតឥណទាន អ្នកគួរតែពិនិត្យអំពីគម្រូនៃការប្រើប្រាស់យានជំនិះសាធារណៈដែលអ្នកជិះ ដើម្បីជ្រើសរើសកាតឥណទានដែលត្រូវនឹងអ្នក នោះវាក៏ជាវិធីសាស្ត្រប្រើប្រាស់យានជំនិះសាធារណៈដែលមានភាពសន្សំសំចៃដែរ។