សាមីខ្លួនដែលស្នើសុំត្រួតពិនិត្យលើកទីពីរ
អ្នកដាក់ពាក្យស្នើសុំត្រួតពិនិត្យលើកទីពីរ
- អ្នកដែលបានស្នើសុំការត្រួតពិនិត្យតវ៉ាចំពោះសេចក្តីសម្រេចទាក់ទងនឹងប្រាក់បៀវត្សពេលគ្មានការងារធ្វើ(ខាងក្រោមហៅថា “សេចក្តីសម្រេចដំបូង”) ទៅកាន់ស្ថាប័នត្រួតពិនិត្យការធានារ៉ាប់រងការងារ” ហើយមិនសុខចិត្តនឹងសេចក្តីសម្រេចរបស់ស្ថាប័ន អ្នកនោះអាចដាក់ពាក្យស្នើសុំត្រួតពិនិត្យលើកទីពីរទៅកាន់គណកម្មការត្រួតពិនិត្យការធានារ៉ាប់រងការងារ(ខាងក្រោមហៅថា “គណកម្មការត្រួតពិនិត្យ” 「ច្បាប់ការធានារ៉ាប់រងផ្តល់ការងារ」 មាត្រា 99) បាន (「ច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ1)។
អ្នកតំណាង ដាក់ពាក្យស្នើសុំត្រួតពិនិត្យលើកទីពីរ
- អ្នកដាក់ពាក្យស្នើសុំត្រួតពិនិត្យលើកទីពីរ អាចចាត់តាំងនរណាម្នាក់ដូចមានចែងខាងក្រោមជាអ្នកតំណាង ជំនួសអ្នកតំណាងផ្លូវច្បាប់បាន(「ច្បាប់ការធានារ៉ាប់រងផ្តល់ការងារ」 មាត្រា 88)។
· តី ឬ ប្រពន្ធ ញាតិសន្តានដូនតា កូនចៅ ឬ បងប្អូនរបស់អ្នកដាក់ពាក្យស្នើសុំ
· សមាជិក ឬ បុគ្គលិកក្រុមហ៊ុនរបស់អ្នកដាក់ពាក្យស្នើសុំ
· មេធាវី ឬ មន្ត្រីទទួលបន្ទុកការងារសាធារណៈ
· អ្នកដែលបានទទួលការអនុញ្ញាតិពីគណកម្មការត្រួតពិនិត្យ
អ្នកស្នងតំណែងរបស់អ្នកដាក់ពាក្យស្នើសុំលើកទីពីរ
- ក្នុងករណីដែលអ្នកដាក់ពាក្យទទួលមរណភាព ហើយអ្នកដាក់ពាក្យស្នើសុំត្រួតពិនិត្យលើកទីពីរ ជាអ្នកមានសិទ្ធិ ទទួលប្រាក់បៀវត្សស្វែងរកការងារ នោះគ្រួសាររបស់មរណជនអនុលោមតាម「ច្បាប់ការធានារ៉ាប់រងផ្តល់ការងារ」 មាត្រា 57 ឬ អ្នកដទៃដែលបានស្នងសិទ្ធិ ឬ ផលចំណេញពាក់ព័ន្ធនឹងសេចក្តីសម្រេចដំបូងរបស់អ្នកស្នងមរតក ឬ អ្នកដាក់ពាក្យស្នើសុំត្រួតពិនិត្យលើកទីពីរ ត្រូវស្នងតំណែងជាអ្នកស្នើសុំការត្រួតពិនិត្យលើកទីពីរ តាមដំណាក់កាលនីមួយៗ(「ច្បាប់ការធានារ៉ាប់រងផ្តល់ការងារ」 មាត្រា 89 កថាខ័ណ្ឌលេខ5)។
- អ្នកស្នងតំណែងរបស់អ្នកដាក់ពាក្យស្នើសុំត្រួតពិនិត្យ ត្រូវដាក់លិខិតរាយការណ៍ការស្នងតំណែងអ្នកដាក់ពាក្យទៅប្រធានគណកម្មការត្រួតពិនិត្យ ដោយភ្ជាប់ជាមួយនូវលិខិតបញ្ជាក់ការស្នងតំណែងនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 142, មាត្រា 124, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 137 និង ឧបសម្ព័ន្ធ សំណុំបែបបទលេខ113)។
ភាគីម្ខាងទៀតនៃការស្នើសុំត្រួតពិនិត្យលើកទីពីរ
- ភាគីម្ខាងទៀតនៃការដាក់ពាក្យស្នើសុំត្រួតពិ និត្យលើកទីពីរ គឺស្ថាប័នទទួលស្គាល់ការងារ ឬ អង្គភាពសុខុមាលភាពងារដែលបានចេញសេចក្តីសម្រេចពាក់ព័ន្ធនឹងប្រាក់បៀវត្សការងារ(「ច្បាប់ការធានារ៉ាប់រងផ្តល់ការងារ」 មាត្រា 100)។
ការស្នើសុំត្រួតពិនិត្យលើកទីពីរ
ការស្នើសុំត្រួតពិនិត្យលើកទីពីរ
- ការស្នើសុំត្រួតពិនិត្យត្រូវតែជាពាក្យស្នើសុំត្រួតពិនិត្យលើកទីពីរ ដែលមានកត់ត្រូវនូវចំណុចដូចខាងក្រោម (「ច្បាប់ការធានារ៉ាប់រងផ្តល់ការងារ」 មាត្រា 102, មាត្រា 91, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 140 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 151 កថាតួសេចក្តី និង ឧបសម្ព័ន្ធ សំណុំបែបបទលេខ126)។
· ឈ្មោះ និង អាស័យដ្ឋានរបស់អ្នកស្នើសុំ
· ឈ្មោះសេចក្តីសម្រេចដែលចេញដោយភាគីម្ខាងទៀត(「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 125 កថាខ័ណ្ឌលេខ1 ចំណុច2)
· ខ្លឹមសារនៃសេចក្តីសម្រេចចំពោះអ្នកស្នើសុំ(「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 125 កថាខ័ណ្ឌលេខ1 ចំណុច3)
· ថ្ងៃដែលដឹងពីការចេញសេចក្តីសម្រេច(「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 125 កថាខ័ណ្ឌលេខ1 ចំណុច4)
· ថ្ងៃដែលដឹងពីសេចក្តីសម្រេច
· ឈ្មោះរបស់មន្ត្រីត្រួតពិនិត្យដែលចេញសេចក្តីសម្រេច
· ការមាន ឬ គ្មានសេចក្តីប្រកាស និង ខ្លឹមសារនៃសេចក្តីប្រកាសទាក់ទងនឹងការស្នើសុំត្រួតពិនិត្យលើកទីពីរដែលកើតឡើងដោយសារមន្ត្រីត្រួតពិនិត្យដែលចេញសេចក្តីសម្រេច
· គោលបំណង និង មូលហេតុនៃការស្នើសុំត្រួតពិនិត្យលើកទីពីរ
· កាលបរិច្ឆេទស្នើសុំត្រួតពិនិត្យលើកទីពីរ
※ ប៉ុន្តែ ប្រសិនបើអ្នកស្នើសុំចង់បាន នោះមិនចាំបាច់ធ្វើតាមសំណុំបែបពាក្យស្នើសុំត្រួតពិនិត្យលើកទីពីរ ក៏បានដែរ(「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 151 កថាលើកលែង)។
រយៈពេលកំណត់នៃការស្នើសុំត្រួតពិនិត្យលើកទីពីរ
- ការស្នើសុំត្រួតពិនិត្យលើកទីពីរ ត្រូវដាក់ប្តឹងក្នុងរយៈពេល 90 ថ្ងៃ ក្រោយពេលដឹងថាមានសេចក្តីសម្រេចទាក់ទងនឹងការស្នើសុំត្រួតពិនិត្យលើកដំបូង(「ច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ2)។
ការបញ្ឈប់អនុវត្តសេចក្តីសម្រេចដំបូង
- ការស្នើសុំត្រួតពិនិត្យ មិនអាចបញ្ឈប់ការអនុវត្តន៍សេចក្តីសម្រេចដំបូងឡើយ(「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 93 កថាខ័ណ្ឌលេខ1 កថាតួសេចក្តី)។
※ ប៉ុន្តែ បើគណកម្មការត្រួតពិនិត្យអាចបញ្ឈប់ការអនុវត្តន៍ដោយសិទ្ធិផ្ទាល់ខ្លួននៅពេលពិនិត្យឃើញថាត្រូវការបន្ទាន់ ដើម្បីបញ្ចៀសនូវការខូចខាតយ៉ាងខ្លាំងដែលអាចកើតមានឡើងដោយសារការអនុវត្តន៍សេចក្តីសម្រេចដំបូង(「ច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 93 កថាខ័ណ្ឌលេខ1)។
ការពិនិត្យឡើងវិញទាក់ទងនឹងការស្នើសុំត្រួតពិនិត្យលើកទីពីរ
រយៈពេលជម្រះក្តីពីការស្នើសុំត្រួតពិនិត្យលើកទីពីរ
- គណកម្មការត្រួតពិនិត្យត្រូវតែចេញសេចក្តីសម្រេចអំពីការស្នើសុំត្រួតពិនិត្យក្នុលើកទីពីរ រយៈពេល 50ថ្ងៃ ក្រោយពេលទទួលបានពាក្យស្នើសុំត្រួតពិនិត្យលើកទីពីរ (「ច្បាប់ការធានារ៉ាប់រងផ្តល់ការងារ」 មាត្រា 99 កថាខ័ណ្ឌលេខ7 កថាតួសេចក្តី)។
※ ប៉ុន្តែ ប្រសិនមិនអាចចេញសេចក្តីសម្រេចក្នុងរយៈពេលកំណត់ ដោយមូលហេតុដែលមិនអាចជៀសរយច នោះអាចបន្តរយៈពេលបាន 1លើក ដែលរយៈពេលនោះមិនអាចលើសពី 10ថ្ងៃបានឡើយ(「ច្បាប់ការធានារ៉ាប់រងផ្តល់ការងារ」 មាត្រា 99 កថាខ័ណ្ឌលេខ7 កថាលើកលែង និង មាត្រា 89 កថាខ័ណ្ឌលេខ2 កថាលើកលែង)។
ការពិនិត្យឡើងវិញទាក់ទងនឹងការស្នើសុំត្រួតពិនិត្យលើកទីពីរ
- ប្រសិនបើរយៈពេលលើសពី 90ថ្ងៃក្រោយពេលដឹងថាមានសេចក្តីបញ្ជាក់ ឬ សេចក្តីសម្រេចលើការស្នើសុំត្រួតពិនិត្យ(「ច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ2) ឬ ខ្លឹមសារមិនបានធានា ដោយល្មើសពីវិធីសាស្រ្តដែលកំណត់ដោយច្បាប់ នោះគណកម្មការតពិនិត្យត្រូវតែបដិសេធពីការទទួលយកការស្នើសុំត្រួតពិនិត្យនោះ ដោយសេចក្តីសម្រេច (「ច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 92 កថាខ័ណ្ឌលេខ1)។
- នៅពេលមន្ត្រីត្រួតពិនិត្យបានបញ្ជប់ការជម្រះក្តី ត្រូវធ្វើការលុបចោលសេចក្តីសម្រេចដំបូងទាំងស្រុង ឬ មួយផ្នែក ឬបដិសេធការស្នើសុំត្រួតពិនិត្យលើកទីពីរ ទាំងស្រុង ឬ មួយផ្នែក(「ច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 96)។
ការផ្តល់ដំណឹងពីការសម្រេចលើការស្នើសុំត្រួតពិនិត្យលើកទីពីរ
- នៅលើសេចក្តីសម្រេចលើកទីពីរ ទាក់ទងនឹងការស្នើសុំត្រួតពិនិត្យលើកទីពីរ ប្រធានគណកម្មការត្រួតពិនិត្យត្រូវបំពេញចំណុចដូចខាងក្រោម ហើយត្រូវចុះហត្ថលេខា និង ប្រថាប់ត្រា (「ច្បាប់ការធានារ៉ាប់រងផ្តល់ការងារ」 មាត្រា 102, មាត្រា 97 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 141, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 153 និង និង ឧបសម្ព័ន្ធ សំណុំបែបបទលេខ127)។
· លេខសំណុំរឿង និង ឈ្មោះសំណុំរឿង
· ឈ្មោះ និង អាស័យដ្ឋានរបស់អ្នកស្នើសុំ
· ឈ្មោះស្ថាប័នដែលចេញសេចក្តីសម្រេចដំបូង
· ឈ្មោះរបស់មន្ត្រីត្រួតពិនិត្យដែលចេញសេចក្តីសម្រេចលើការស្នើសុំត្រួតពិនិត្យដំបូង
· មាត្រាច្បាប់
· បំណងនៃការស្នើសុំ
· មូលហេតុ
· កាលបរិច្ឆេទចេញសេចក្តីសម្រេចលើកទីពីរ
- ប្រសិនបើ គណកម្មការត្រួតពិនិត្យចេញសេចក្តីសម្រេច ត្រូវផ្ញើរច្បាប់ដើមនៃសេចក្តីសម្រេចនោះទៅភាគីស្នើសុំត្រួតពិនិត្យលើកទីពីរ និង មជ្ឈមណ្ឌលផ្តល់ការងារដែលចេញសេចក្តីសម្រេចដំបូងម្នាក់ 1ច្បាប់ (「ច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 97 កថាខ័ណ្ឌលេខ2)។
ប្រសិទិ្ធភាពនៃសេចក្តីសម្រេចលើកទីពីរ
ប្រសិទិ្ធភាពនៃសេចក្តីសម្រេចលើកទីពីរ
- សេចក្តីសម្រេចលើកទីពីរ នឹងចូលជាធរមានចាប់ពីថ្ងៃដែលបានផ្ញើច្បាប់ដើមនៃសេចក្តីសម្រេចទៅភាគីស្នើសុំត្រួតពិនិត្យលើកទីពីរ និង ស្ថាប័នទទួលស្គាល់ការងារ ឬ អង្គភាពសុខុមាលភាពងារ(「ច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 98 កថាខ័ណ្ឌលេខ1)។
- សេចក្តីសម្រេចលើកទីពីរដាក់បន្ទុកដល់ស្ថាប័នទទួលស្គាល់ការងារ ឬ អង្គភាពសុខុមាលភាពងារដែលចេញសេចក្តីសម្រចដំបូង(「ច្បាប់ការធានារ៉ាប់រងផ្តល់ការងារ」 មាត្រា 102 និង មាត្រា 98 កថាខ័ណ្ឌលេខ2)។
- សេចក្តីសម្រេចលើកទីពីរទាក់ទងនឹងការដាក់ពាក្យស្នើសុំត្រួតពិនិត្យលើកទីពីរ ប្រសិនបានអនុវត្តតាម 「ច្បាប់បណ្តឹងរដ្ឋបាល」 មាត្រា 18 នោះអាចចាត់ទុកថាជាសេចក្តីសម្រេចលើបណ្តឹងរដ្ឋបាលបាន (「ច្បាប់ការធានារ៉ាប់រងផ្តល់ការងារ」 មាត្រា 104 កថាខ័ណ្ឌលេខ1)។
ការតវ៉ាចំពោះសេចក្តីសម្រេចលើកទីពីរ
បណ្តឹងរដ្ឋបាល
- អ្នកដែលចង់តវ៉ាចំពោះសេចក្តីសម្រេចលើកទីពីរទាក់ទងនឹងការស្នើសុំត្រួតពិនិត្យលើកទីពីរ អាចដាក់ពាក្យបណ្តឹងរដ្ឋបាលប្តីប្រធានស្ថាប័នការងារខេត្តដែលចេញសេចក្តីសម្រេចដំបូងក្នុងរយៈពេល90ថ្ងៃ ក្រោយពីទទួលបានច្បាប់ដើមនៃសេចក្តីសម្រេចលើកទីពីរ ពីគណកម្មការត្រួតពិនិត្យបាន (「ច្បាប់បណ្តឹងរដ្ឋបាល」 មាត្រា 13 និង មាត្រា 20)។