សាមីខ្លួនដែលស្នើសុំត្រួតពិនិត្យ
អ្នកដាក់ពាក្យស្នើសុំត្រួតពិនិត្យ
- អ្នកដែលចង់តវ៉ាចំពោះសេចក្តីសម្រេចទាក់ទងនឹងប្រាក់បៀវត្សពេលគ្មានការងារធ្វើ(ខាងក្រោមហៅថា “សេចក្តីសម្រេចដំបូង”) អាចដាក់ពាក្យស្នើសុំត្រួតពិនិត្យទៅកាន់មន្ត្រិត្រួតពិនិត្យការធានារ៉ាប់រងការងារ(ខាងក្រោមហៅថា “មន្ត្រីត្រួតពិនិត្យ” (「ច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ1)។
អ្នកតំណាង ដាក់ពាក្យស្នើសុំត្រួតពិនិត្យ
- អ្នកដាក់ពាក្យស្នើសុំត្រួតពិនិត្យអាចចាត់តាំងនរណាម្នាក់ដូចមានចែងខាងក្រោមជាអ្នកតំណាង ជំនួសអ្នកតំណាងផ្លូវច្បាប់បាន(「ច្បាប់ការធានារ៉ាប់រងផ្តល់ការងារ」មាត្រា 88)។
· ប្តី ឬ ប្រពន្ធ ញាតិសន្តានដូនតា កូនចៅ ឬ បងប្អូនរបស់អ្នកដាក់ពាក្យស្នើសុំ
· សមាជិក ឬ បុគ្គលិកក្រុមហ៊ុនរបស់អ្នកដាក់ពាក្យស្នើសុំ
· មេធាវី ឬ មន្ត្រីទទួលបន្ទុកការងារសាធារណៈ
· អ្នកដែលបានទទួលការអនុញ្ញាតិពីគណកម្មការត្រួតពិនិត្យ(「ច្បាប់ការធានារ៉ាប់រងផ្តល់ការងារ」 មាត្រា99)
អ្នកស្នងតំណែងរបស់អ្នកដាក់ពាក្យស្នើសុំ
- ក្នុងករណីដែលអ្នកដាក់ពាក្យទទួលមរណភាព ហើយអ្នកដាក់ពាក្យស្នើសុំត្រួតពិនិត្យជាអ្នកមានសិទ្ធិ ទទួលប្រាក់បៀវត្សស្វែងរកការងារ នោះគ្រួសាររបស់មរណជនអនុលោមតាម「ច្បាប់ការធានារ៉ាប់រងផ្តល់ការងារ」 មាត្រា 57 ឬ អ្នកដទៃដែលបានស្នងសិទ្ធិ ឬ ផលចំណេញពាក់ព័ន្ធនឹងសេចក្តីសម្រេចដំបូងរបស់អ្នកស្នងមរតក ឬ អ្នកដាក់ពាក្យស្នើសុំត្រួតពិនិត្យ ត្រូវស្នងតំណែងជាអ្នកស្នើសុំការត្រួតពិនិត្យតាមដំណាក់កាលនីមួយៗ(「ច្បាប់ការធានារ៉ាប់រងផ្តល់ការងារ」 មាត្រា 89 កថាខ័ណ្ឌលេខ5)។
- អ្នកស្នងតំណែងរបស់អ្នកដាក់ពាក្យស្នើសុំត្រួតពិនិត្យ ត្រូវដាក់លិខិតរាយការណ៍ការស្នងតំណែងអ្នកដាក់ពាក្យទៅកាន់មន្ត្រីត្រួតពិនិត្យ ដោយភ្ជាប់ជាមួយនូវលិខិតបញ្ជាក់ការស្នងតំណែងនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 124, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 137 និង ឧបសម្ព័ន្ធ សំណុំបែបបទលេខ 113)។
ភាគីម្ខាងទៀតនៃការស្នើសុំត្រួតពិនិត្យ
- ភាគីម្ខាងទៀតនៃការដាក់ពាក្យស្នើសុំត្រួតពិនិត្យ គឺមជ្ឈមណ្ឌលផ្តល់ការងារដែលបានចេញសេចក្តីសម្រេចពាក់ព័ន្ធនឹងប្រាក់បៀវត្សការងារ(「ច្បាប់ជម្រះក្តីបណ្តឹងរដ្ឋបាល」 មាត្រា 17 និង 「ច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ1)។
ការស្នើសុំត្រួតពិនិត្យ
ការស្នើសុំត្រួតពិនិត្យ
- ការស្នើសុំត្រួតពិនិត្យត្រូវតែជាពាក្យស្នើសុំត្រួតពិនិត្យដែលមានកត់ត្រូវនូវចំណុចដូចខាងក្រោម (「ច្បាប់ការធានារ៉ាប់រងផ្តល់ការងារ」 មាត្រា 91,「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 125 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 139 កថាតួសេចក្តី និង ឧបសម្ព័ន្ធ សំណុំបែបបទលេខ 114)។
· ឈ្មោះ និង អាស័យដ្ឋានរបស់អ្នកស្នើសុំ
· ឈ្មោះសេចក្តីសម្រេចដែលចេញដោយភាគីម្ខាងទៀត
· ខ្លឹមសារនៃសេចក្តីសម្រេចចំពោះអ្នកស្នើសុំ
· ថ្ងៃដែលដឹងពីការចេញសេចក្តីសម្រេច
· ការមាន ឬ គ្មានសេចក្តីប្រកាស និង ខ្លឹមសារនៃសេចក្តីប្រកាសទាក់ទងនឹងការស្នើសុំត្រួតពិនិត្យតាមសេចក្តីសម្រេចរបស់ភាគីម្ខាងទៀត
· គោលបំណង និង មូលហេតុនៃការស្នើសុំត្រួតពិនិត្យ
· កាលបរិច្ឆេទស្នើសុំត្រួតពិនិត្យ
※ ប៉ុន្តែ ប្រសិនបើអ្នកស្នើសុំចង់បាន នោះមិនចាំបាច់ធ្វើតាមសំណុំបែបពាក្យស្នើសុំត្រួតពិនិត្យក៏បានដែរ(「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 139 កថាលើកលែង)។
រយៈពេលកំណត់នៃការស្នើសុំត្រួតពិនិត្យ
- ការស្នើសុំត្រួតពិនិត្យ ត្រូវដាក់ប្តឹងក្នុងរយៈពេល 90 ថ្ងៃ ក្រោយពេលដឹងថាមានសេចក្តីសម្រេចទាក់ទងនឹងប្រាក់បៀវត្សពេលគ្មានការងារធ្វើ(「ច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ2)។
ការបញ្ឈប់អនុវត្តសេចក្តីសម្រេចដំបូង
- ការស្នើសុំត្រួតពិនិត្យ មិនអាចបញ្ឈប់ការអនុវត្តន៍សេចក្តីសម្រេចដំបូងឡើយ(「ច្បាប់ការធានារ៉ាប់រងផ្តល់ការងារ」 មាត្រា 93 កថាខ័ណ្ឌលេខ1 កថាតួសេចក្តី)
※ ប៉ុន្តែ បើមន្ត្រីត្រួតពិនិត្យអាចបញ្ឈប់ការអនុវត្តន៍ដោយសិទ្ធិផ្ទាល់ខ្លួននៅពេលពិនិត្យឃើញថាត្រូវការបន្ទាន់ ដើម្បីបញ្ចៀសនូវការខូចខាតយ៉ាងខ្លាំងដែលអាចកើតមានឡើងដោយសារការអនុវត្តន៍សេចក្តីសម្រេចដំបូង(「ច្បាប់ការធានារ៉ាប់រងផ្តល់ការងារ」 មាត្រា 93 កថាខ័ណ្ឌលេខ1 កថាលើកលែង)។
សេចក្តីសម្រេចអំពីការស្នើសុំត្រួតពិនិត្យ
រយៈពេលជម្រះក្តីពីការស្នើសុំត្រួតពិនិត្យ
- មន្ត្រីត្រួតពិនិត្យត្រូវតែចេញសេចក្តីសម្រេចអំពីការស្នើសុំត្រួតពិនិត្យក្នុងរយៈពេល 30ថ្ងៃ ក្រោយពេលទទួលបានពាក្យស្នើសុំត្រួតពិនិត្យ(「ច្បាប់ការធានារ៉ាប់រងផ្តល់ការងារ」 មាត្រា 89 កថាខ័ណ្ឌលេខ2 កថាតួសេចក្តី)។
※ ប៉ុន្តែ ប្រសិនមិនអាចចេញសេចក្តីសម្រេចក្នុងរយៈពេលកំណត់ ដោយមូលហេតុដែលមិនអាចជៀសរួច នោះអាចបន្តរយៈពេលបាន 1លើក ដែលរយៈពេលនោះមិនអាចលើសពី 10ថ្ងៃបានឡើយ (「ច្បាប់ការធានារ៉ាប់រងផ្តល់ការងារ」 មាត្រា 89 កថាខ័ណ្ឌលេខ2 កថាលើកលែង)។
សេចក្តីសម្រេចអំពីការស្នើសុំត្រួតពិនិត្យ
- ប្រសិនបើរយៈពេលលើសពី 90ថ្ងៃក្រោយពេលដឹងថាមានសេចក្តីបញ្ជាក់ ឬ សេចក្តីសម្រេចលើការស្នើសុំត្រួតពិនិត្យ ឬ ខ្លឹមសារមិនបានធានា ដោយល្មើសពីវិធីសាស្រ្តដែលកំណត់ដោយច្បាប់ នោះមន្ត្រីត្រួតពិនិត្យត្រូវតែបដិសេធពីការទទួលយកការស្នើសុំត្រួតពិនិត្យនោះ ដោយសេចក្តីសម្រេច(「ច្បាប់ការធានារ៉ាប់រងផ្តល់ការងារ」 មាត្រា 92 កថាខ័ណ្ឌលេខ1)។
- នៅពេលមន្ត្រីត្រួតពិនិត្យបានបញ្ជប់ការជម្រះក្តី ត្រូវធ្វើការលុបចោលសេចក្តីសម្រេចដំបូងទាំងស្រុង ឬ មួយផ្នែក ឬបដិសេធការស្នើសុំត្រួតពិនិត្យទាំងស្រុង ឬ មួយផ្នែក(「ច្បាប់ការធានារ៉ាប់រងផ្តល់ការងារ」 មាត្រា 96)។
ការផ្តល់ដំណឹងពីការសម្រេចលើការស្នើសុំត្រួតពិនិត្យ
- សេចក្តីសម្រេចលើការស្នើសុំសម្រាប់ការពិនិត្យនឹងត្រូវធ្វើឡើងជាលាយលក្ខណ៍អក្សរ ដោយរួមមានទាំងហត្ថលេខា និងត្រាខាងក្រោមរបស់អ្នកត្រួតពិនិត្យ។ (ច្បាប់ការធានារ៉ាប់រងការងារ មាត្រា 97(1) 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 129 មាត្រា 147 និងទម្រង់លេខ 122 និង 「តារាងដែលភ្ជាប់មកជាមួយនៃវិធានអនុវត្តច្បាប់ការធានារ៉ាប់រងផ្តល់ការងា」)។
· លេខសំណុំរឿង និង ឈ្មោះសំណុំរឿង
· ឈ្មោះ និង អាស័យដ្ឋានរបស់អ្នកស្នើសុំ
· ឈ្មោះស្ថាប័នដែលចេញសេចក្តីសម្រេចដែលជាភាគីម្ខាងទៀត
· មាត្រាច្បាប់
· បំណងនៃការស្នើសុំ
· មូលហេតុ
· កាលបរិច្ឆេទចេញសេចក្តីសម្រេច
- ប្រសិនបើមន្ត្រីត្រួតពិនិត្យចេញសេចក្តីសម្រេច ត្រូវផ្ញើច្បាប់ដើមនៃសេចក្តីសម្រេចនោះទៅភាគីស្នើសុំ និង ស្ថាប័នទទួលស្គាល់ការងារ ឬ អង្គភាពសុខុមាលភាពការងារដែលចេញសេចក្តីសម្រេចដំបូងម្នាក់ 1ច្បាប់(「ច្បាប់ធានារ៉ាប់រង ការងារ」 មាត្រា 97 កថាខ័ណ្ឌលេខ2)។
ប្រសិទិ្ធភាពនៃសេចក្តីសម្រេច
ប្រសិទិ្ធភាពនៃសេចក្តីសម្រេច
- សេចក្តីសម្រេចនឹងចូលជាធរមានចាប់ពីថ្ងៃដែលបានផ្ញើច្បាប់ដើមនៃសេចក្តីសម្រេចទៅភាគីស្នើសុំ និង ស្ថាប័នទទួលស្គាល់ការងារ ឬ អង្គភាពសុខុមាលភាពការងារ(「ច្បាប់ធា នារ៉ាប់រងការងារ」 មាត្រា 98 កថាខ័ណ្ឌលេខ1)។
- សេចក្តីសម្រេចដាក់បន្ទុកដល់ប្រធានស្ថាប័នទទួលស្គាល់ការងារ ឬ អង្គភាពសុខុមាលភាពងារដែលចេញសេចក្តីសម្រចដំបូង(「ច្បាប់ការធានារ៉ាប់រងផ្តល់ការងារ」 មាត្រា 98 កថាខ័ណ្ឌលេខ2)។