ការទទួលថ្លៃចំណាយប្តូរលំនៅស្ថាន
បទដ្ឋានដើម្បីទទួលថ្លៃចំណាយប្តូរលំនៅស្ថាន
- អ្នកមានសិទ្ធិទទួលប្រាក់ហើយមានលក្ខខ័ណ្ឌទាំងអស់ដូចខាងក្រោម អាចទទួល ថ្លៃចំណាយប្តូរលំនៅស្ថានបាន (「ច្បាប់ការធានារ៉ាប់រងផ្តល់ការងារ」 មាត្រា 67 កថាខ័ណ្ឌលេខ1 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 90 កថាខ័ណ្ឌលេខ1)។
· នៅពេលប្រធានមជ្ឈមណ្ឌលផ្តល់ការងារមានសមត្ថកិច្ច ឃើញថាចាំបាច់ត្រូវផ្លាស់ប្តូរលំនៅស្ថាននៅពេលត្រូវចូលធ្វើការ ឬ ត្រូវចូលរួមកម្មវិធីបណ្តុះបណ្តាលការងារ ជាដើម ដោយយោងតាមបទដ្ឋានដែលកំណត់ដោយ រដ្ឋមន្ត្រីក្រសួងមុខរបរ និង ការងារ
· ករណីដែលថវិកាចំណាយសម្រាប់ការស្វែងរកការងារ មិនគ្រប់គ្រាន់នឹងថវិកាសម្រាប់ផ្លាស់ប្តូរលំនៅស្ថាន ដោយទោះបីជាមិនបាន ឬ បានទទួលប្រាក់ឧបត្ថម្ភពីម្ចាស់ក្រុមហ៊ុនក៏ដោយ
· ករណីត្រូវផ្លាស់ប្តូរលំនៅស្ថានដើម្បីចូលធ្វើការងារគឺត្រូវចូលធ្វើការដោយកំណត់រយៈពេលនៃកិច្ចសន្យាការងារលើសពី 1ឆ្នាំ
ការគណនាកំណត់ថ្លៃចំណាយប្តូរលំនៅស្ថាន
- ចំនួនទឹកប្រាក់នៃថ្លៃចំណាយប្តូរលំនៅស្ថាន ត្រូវកំណត់យកថ្លៃចំណាយទូទៅសម្រាប់ការ ផ្លាស់ប្តូរលំនៅស្ថានរបស់អ្នកមានសិទ្ធិទទួលប្រាក់ ឬ របស់ ញាតិសន្តានដែលរស់នៅជាមួយនឹងអ្នកមានសិទ្ធិទទួលប្រាក់ដើម្បីរក្សាជីវភាពរស់នៅ ហើយត្រូវគណនាតាមរបៀបធ្វើ ដំណើរធម្មតាពីលំនៅស្ថានរបស់អ្នកមានសិទ្ធិទទួលប្រាក់ ទៅដល់លំនៅស្ថានថ្មី (「ច្បាប់ការធានារ៉ាប់រងផ្តល់ការងារ」 មាត្រា 67 កថាខ័ណ្ឌលេខ2 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 113 កថាខ័ណ្ឌលេខ1)។
- ថ្លៃចំណាយប្តូរលំនៅស្ថានត្រូវគណនាតាមចំងាយផ្លូវ នៃស្តង់ដាដូចខាងក្រោម (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 113 កថាខ័ណ្ឌលេខ2 និង 「សេចក្តីប្រកាសថ្លៃផ្លាស់ប្តូរលំនៅស្ថាន」)។
|
ផ្នែក
|
ស្តង់ដាផ្តល់ឲ្យ
|
ចំនួនទឹកប្រាក់ផ្តល់ឲ្យ
|
|
ថ្លៃចំណាយប្តូរលំនៅស្ថានក្នុងស្រុក
|
យានយន្តផ្លាស់ប្តូរលំនៅស្ថានក្រោម 5តោន
|
ថ្លៃចំណាយជាក់ស្តែងតាម យានយន្តផ្លាស់ប្តូរលំនៅស្ថាននោះ(បូកបញ្ចូលទាំងការប្រើប្រាស់ជណ្តើរ ឬជណ្តើរយន្ត)
|
|
យានយន្តផ្លាស់ប្តូរលំនៅស្ថាន លើសពី 5តោន (បើយានយន្តផ្លាស់ប្តូរលំនៅស្ថានមានទំងន់លើសពី 7.5 តោន នោះត្រូវកំណត់យក 7.5តោន ជាទំងន់អតិបរិមា)
|
ថ្លៃចំណាយជាក់ស្តែងតាម យានយន្តផ្លាស់ប្តូរលំនៅស្ថានដែលមានទំងន់ 5តោន (បូកបញ្ចូលទាំងការប្រើប្រាស់ជណ្តើរ ឬជណ្តើរយន្ត) បូកបន្ថែមនឹង 50% នៃថ្លៃចំណាយជាក់ស្តែងតាមយានយន្តផ្លាស់ប្តូរលំនៅស្ថានលើយាន្តដែលមានទំងន់លើសពី 5តោន ហើយក្រោម 7.5តោម(បូកបញ្ចូលទាំងការប្រើប្រាស់ជណ្តើរ ឬជណ្តើរយន្ត)
|
- ប្រសិនបើអ្នកមានសិទ្ធិទទួលប្រាក់បានទទួល ឬ នឹងត្រូវទទួលថ្លៃចំណាយសម្រាប់ការផ្លាស់ប្តូរលំនៅស្ថាន ពីម្ចាស់កន្លែងការងារ ត្រូវផ្តល់ឲ្យដោយកាត់ចំនួនទឹកប្រាក់ ដែលបានទទួលបានពីថ្លៃចំណាយសម្រាប់ការផ្លាស់ប្តូរលំនៅស្ថានដូចមានកំណត់ខាងលើចេញ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 113 កថាខ័ណ្ឌលេខ3)។
ការដាក់ពាក្យស្នើសុំថ្លៃចំណាយសម្រាប់ការផ្លាស់ប្តូរលំនៅស្ថាន
- ប្រសិនបើអ្នកមានសិទ្ធិទទួលប្រាក់ចង់បើថ្លៃចំណាយសម្រាប់ការផ្លាស់ប្តូរលំនៅស្ថាន អ្នក នោះត្រូវទទួលការបញ្ជាក់ពីម្ចាស់កន្លែងការងារថាផ្តល់ការងារដល់ខ្លួននៅលើ ពាក្យស្នើសុំថ្លៃចំណាយសម្រាប់ការផ្លាស់ប្តូរលំនៅស្ថាន ហើយដាក់ទៅមជ្ឈមណ្ឌលផ្តល់ ការងារមានសមត្ថកិច្ចក្នុងលំនៅស្ថានថ្មី ដោយភ្ជាប់ជាមួយនូវ លិខិតបញ្ជាក់សិទ្ធិទទួលប្រាក់ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 90 កថាខ័ណ្ឌលេខ2, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 114 កថាខ័ណ្ឌលេខ1 និង ឧបសម្ព័ន្ធ សំណុំបែបបទលេខ 99)។
- ពាក្យស្នើសុំថ្លៃចំណាយសម្រាប់ការផ្លាស់ប្តូរលំនៅស្ថាន ត្រូវតែដាក់ស្នើសុំក្នុងរយៈពេល 14ថ្ងៃ ក្រោយពេលផ្លាស់ប្តូរលំនៅស្ថានរួច (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 114 កថាខ័ណ្ឌលេខ2 កថាតួសេចក្តី)។
· ប៉ុន្តែ ក្នុងករណីដែលមានឧបទ្ទេវហេតុធម្មជាតិ ឬ មូលហេតុដែលមិនអាចជៀសរួច នោះ ត្រូវដាក់ឯកសាររយៈពេល 7ថ្ងៃក្រោយពេលលែងមានមូលហេតុនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 114 កថាខ័ណ្ឌលេខ2 កថាលើកលែង)។
របៀបទទួលថ្លៃចំណាយសម្រាប់ការផ្លាស់ប្តូរលំនៅស្ថាន
- ចំនួនប្រាក់នៃថ្លៃចំណាយសម្រាប់ការផ្លាស់ប្តូរលំនៅស្ថាននឹងផ្ទេរចូលក្នុងលេខកុងនៃស្ថាប័នហិរញ្ញវត្ថុ ដែលអ្នកមានសិទ្ធិទទួលប្រាក់បានសរសេរកំណត់ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 90 កថាខ័ណ្ឌលេខ2 និង មាត្រា75)។