ការទទួលប្រាក់បៀវត្សសម្រាប់ជំងឺ
អ្នកដែលមិនអាចទទួលប្រាក់បៀវត្សសម្រាប់ជំងឺ
- អ្នកមិនអាចទទួលប្រាក់បៀវត្សសម្រាប់ជំងឺ ក្នុងកំឡុងពេលដែលការផ្តល់ប្រាក់បៀវត្សស្វែងរកការងារត្រូវផ្អាកដោយសារ អ្នកមានសិទ្ធិទទួលប្រាក់ បានបដិសេធក្នុងការចូលធ្វើការងារនៅកន្លែងដែល មជ្ឈមណ្ឌលផ្តល់ការងារណែនាំ ឬ បដិសេធមិនចូលរួមកម្មវិធីបណ្តុះបណ្តាលសមត្ថភាព ការងារដែលចង្អុលបង្ហាញដោយប្រធានមជ្ឈមណ្ឌលផ្តល់ការងារ ឬ បដិសេធការណែនាំ ការងារដើម្បីជំរុញការស្វែងរកការងារថ្មីដែលរៀបចំប្រធានមជ្ឈមណ្ឌលផ្តល់ការងារ ។ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ1 កថាលើកលែង)។
ចំនួនថ្ងៃទទួលប្រាក់បៀវត្សសម្រាប់ជំងឺ
- ចំនួនថ្ងៃនៃការទទួលប្រាក់បៀវត្សសម្រាប់ជំងឺ គឺកំណត់ ដោយដក់ចំនួនថ្ងៃដែលទទួលបាន ប្រាក់បៀវត្សស្វែងរកការងារទៅតាមសិទ្ធិទទួលប្រាក់នោះនៅក្នុងចំនួនថ្ងៃនៃការទទួលប្រាក់បៀវត្សស្វែងរកការងារ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ2 កថាផ្នែកខាងមុខ)។
· ក្នុងករណីបែបនេះ ប្រសិនបើអនុវត្តបទបញ្ញតិជំងឺ [លើកលែង កំហិតដែលផ្តល់ប្រាក់បៀវត្សតាមសកម្មភាពបោកប្រាស់(「ច្បាប់ការធានារ៉ាប់រងផ្តល់ការងារ」 មាត្រា 61) និង សេចក្តីបង្គាប់សំណង (「ច្បាប់ការធានារ៉ាប់រងផ្តល់ការងារ」 មាត្រា 62) ចេញ]នៃ「ច្បាប់ការធានារ៉ាប់រងផ្តល់ការងារ」 ចំពោះអ្នកដែលបាន ទទួលប្រាក់បៀវត្សសម្រាប់ព្យាបាលជំងឺ នោះចំនួនថ្ងៃ ដែលត្រូវនឹងថ្ងៃទទួលប្រាក់បៀវត្សសម្រាប់ជំងឺ ត្រូវចាត់ទុកថាបានទទួលប្រាក់បៀវត្ស ស្វែងរកការងារ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ2 កថាផ្នែងខាងក្រោយ)។
ការដាក់ពាក្យស្នើសុំប្រាក់បៀវត្សសម្រាប់ជំងឺ
- ប្រសិនបើអ្នកមានសិទ្ធិទទួលប្រាក់ចង់ដាក់ពាក្យស្នើសុំបើប្រាក់បៀវត្សសម្រាប់ជំងឺ អ្នកត្រូវ ដាក់ឯកសារដូចខាងក្រោម ក្នុងរយៈពេល 14ថ្ងៃ(ក្នុងករណីដែលរយៈពេលទទួលប្រាក់ ត្រូវបានបញ្ចប់ក្នុងកំឡុងពេលដែលមិនអាចធ្វើការងារបាន គឺរយៈពេល 30ថ្ងៃ ក្រោយពេលបញ្ចប់) គិតចាប់ពីថ្ងៃដែលលែងមានមូលហេតុដែលមិនអាចចូលធ្វើការងារបាន ដោយផ្ទាល់ ឬ តាមរយៈអ្នកតំណាង ដោយភ្ជាប់មកជាមួយនូវលិខិតបញ្ជាក់សិទ្ធិទទួលប្រាក់ទៅកាន់មជ្ឈ មណ្ឌលផ្តល់ការងារ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 82 កថាខ័ណ្ឌលេខ1 កថាតួសេចក្តី, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 90 ចំណុច1, មាត្រា 107 កថាខ័ណ្ឌលេខ1, ឧបសម្ព័ន្ធ សំណុំបែបបទលេខ 95 និង ឧបសម្ព័ន្ធ សំណុំបែបបទលេខ 96)។
· ករណីដែលដាក់ពាក្យស្នើសុំបើកប្រាក់បៀវត្សសម្រាប់ជំងឺដោយសារ ជំងឺ ឬ របួស
√ ពាក្យស្នើសុំបើកប្រាក់បៀវត្សសម្រាប់ជំងឺ
√ លិខិតបញ្ជាក់វេជ្ជបណ្ឌិតដែលកត់ត្រាពីស្ថានភាព ឈ្មោះរួច នៃជំងឺ ឬ របួស ការព្យាបាលដំបូង និង ក្រោយពេលព្យាបាល ឬ លិខិតបញ្ជាក់ពីអ្នកទទួលបន្ទុកព្យាបាលផ្សេងពីនោះ
· ករណីស្នើសុំបើកប្រាក់បៀវត្សសម្រាប់ជំងឺដោយសារសម្រាលកូន
√ ពាក្យស្នើសុំបើកប្រាក់បៀវត្សសម្រាប់ជំងឺ(ពេលសម្រាលកូន)
√ លិខិតបញ្ជាក់ពាក់ព័ន្ធនឹងការសម្រាលកូន
· លិខិតបញ្ជាក់សិទ្ធិទទួលប្រាក់
- ប៉ុន្តែ ក្នុងករណីដែលមានឧបទ្ទេវហេតុធម្មជាតិ ឬ មូលហេតុដែលមិនអាចជៀសរួច នោះ ត្រូវដាក់ឯកសាររយៈពេល 7ថ្ងៃក្រោយពេលលែងមានមូលហេតុនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 82 កថាខ័ណ្ឌលេខ1 កថាលើកលែង)។
ការរាយការណ៍ពលកម្មជាដើម
- ក្នុងករណីដែលអ្នកមានសិទ្ធិទទួលប្រាក់បានចូលធ្វើការងារ ក្នុងកំឡុងពេល ដែលមិនត្រូវបានទទួលស្គាល់ថាគ្មានការងារធ្វើ អ្នកនោះត្រូវរាយការណ៍ដោយបំពេញខ្លឹម សារនៅលើពាក្យស្នើសុំបើកប្រាក់បៀវត្សសម្រាប់ជំងឺ គិតចាប់ពីថ្ងៃដែលបានចូលធ្វើការងារនោះ រហូតដល់ថ្ងៃដែលបានទទួលស្គាល់ថាគ្មាន ការងារធ្វើលើកដំបូង (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ5, មាត្រា 47 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 83, មាត្រា 69 កថាខ័ណ្ឌលេខ1 និង「អនុក្រិតនៃច្បាប់ការធានារ៉ាប់រងផ្តល់ការងារ」 ឧបសម្ព័ន្ធ សំណុំបែបបទលេខ 95)។
របៀបទទួលប្រាក់បៀវត្សសម្រាប់ជំងឺ
- អ្នកអាចទទួលប្រាក់បៀវត្សសម្រាប់ជំងឺនៅថ្ងៃដែលបានទទួលប្រាក់បៀវត្សស្វែងរកការងារ ជាលើកដំបូង(ប្រសិនបើគ្មានថ្ងៃដែលបានទទួលប្រាក់បៀវត្សស្វែងរកការងារ នោះ ត្រូវយកថ្ងៃដែលប្រធានមជ្ឈមណ្ឌលផ្តល់ការងារកំណត់ឲ្យ) ក្រោយពេលលែងមានហេតុផលថាមិនអាចធ្វើការងារបាន (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ3 កថាតួសេចក្តី)។
- ប្រសិនបើអ្នកមានសិទ្ធិទទួលប្រាក់បំពេញ លេខកុងធនាគារ និង ឈ្មោះស្ថាប័នហិរញ្ញវត្ថុដែលចង់ទទួលប្រាក់ប្រៀវត្សសម្រាប់ជំងឺនៅលើពាក្យស្នើសុំបើកប្រាក់បៀវត្សសម្រាប់ជំងឺ ក្នុងថ្ងៃដែលទទួលស្គាល់ថាគ្មានការងារធ្វើជាលើកដំបូង នៅពេលបង្ហាញខ្លួននៅមជ្ឈ មណ្ឌលផ្តល់ការងារមានសមត្ថកិច្ចរបស់ខ្លួន នោះប្រាក់ប្រៀវត្សសម្រាប់ជំងឺនឹងត្រូវផ្ទេរ បញ្ជូនចូលទៅកុងធនាគារនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 83, មាត្រា 75 កថាខ័ណ្ឌលេខ1 • កថាខ័ណ្ឌលេខ2, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 107 កថាខ័ណ្ឌលេខ3, មាត្រា 99 និង ឧបសម្ព័ន្ធ សំណុំបែបបទលេខ 95)។
※ ការទទួលប្រាក់បៀវត្សសម្រាប់ជំងឺមុនពេលរាយការណ៍ថាគ្មានការងារធ្វើ
Q. ប្រសិនបើមានជំងឺ ហើយមិនអាចធ្វើការបានមុនពេលរាយការណ៍ថាគ្មានការងារធ្វើ តើខ្ញុំអាចទទួលប្រាក់បៀវត្សសម្រាប់ជំងឺបានដែរឬទេ?
A. អ្នកអាចដាក់ពាក្យស្នើសុំប្រាក់ប្រៀវត្សសម្រាប់ជំងឺបាន នៅពេលអ្នកមិនអាចចូលធ្វើ ការងារថ្មីបានដោយសារជំងឺ ដោយសាររបួស ឬ ការសម្រាលកូនក្រោយពេលរាយការណ៍ថាគ្មានការងារធ្វើរួច។ ដូចនេះហើយ ក្នុងករណីដែលអ្នកមិនអាចធ្វើការបានមុនពេលរាយការណ៍ថាគ្មានការងារដោយសារជំងឺ ដោយសាររបួស ឬ ការសម្រាលកូន នោះមិនអាចស្នើសុមបើកប្រាក់បៀវត្សសម្រាប់ជំងឺទេ គឺត្រូវដាក់ពាក្យ ស្នើសុំបន្តរយៈពេលទទួលប្រាក់វិញ (「ច្បាប់ការធានារ៉ាប់រងផ្តល់ការងារ」 មាត្រា 48 កថាខ័ណ្ឌលេខ2)។
កំហិតនៃការទទួលប្រាក់ប្រៀវត្សសម្រាប់ជំងឺ
អ្នកដែលស្ថិតក្នុងកំហិតនៃការទទួលប្រាក់ប្រៀវត្សសម្រាប់ជំងឺ
- ក្នុងករណីដែលអាចទទួលសំណង ឬ ប្រាក់បៀវត្ស ដែលជាប្រាក់សំណងឈប់សម្រាក់ការ ងារដែលអនុលោមតាម 「ច្បាប់ស្តីពីស្តង់ដាការងារ」 មាត្រា 79, ប្រាក់បៀវត្សឈប់សម្រាក់ការងារ អនុលោមតាម「ច្បាប់ស្តីពីសំណងការធានារ៉ាប់រងគ្រោះថ្នាក់ឧស្សាហកម្ម」 មាត្រា 52~56 ប្រាក់បៀវត្ស ឬ ប្រាក់សំណងផ្សេងទៀត ជាដើមដូចខាងក្រោម អ្នកនោះមិនអាចទទួលប្រាក់បៀវត្ស សម្រាប់ជំងឺបានឡើយ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ4 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 82 កថាខ័ណ្ឌលេខ2)។
· ប្រាក់សំណងខូចខាតការសម្រាក់ការងារ (「ច្បាប់សំណងជាតិ」 មាត្រា 3 កថាខ័ណ្ឌលេខ2 ចំណុច2)
· ប្រាក់សំណង(「ច្បាប់ស្តីពីការឧបត្ថម្ភ និង គាំពារដល់វេជ្ជបណ្ឌិត」 មាត្រា 8)