CAMBODIA

- អ្នកអាចទទួលជំនួសប្រាក់បៀវត្សស្វែងរកការងារ នូវចំនួនទឹកប្រាក់ដូចនឹងចំនួនទឹកប្រាក់ ប្រចាំថ្ងៃនៃប្រាក់បៀវត្សស្វែងរកការងារទៅតាមសំណើររបស់អ្នកដាក់ពាក្យ(ខាងក្រោមហៅថា “ប្រាក់បៀវត្សសម្រាប់ជំងឺ”) ក្នុងកំឡុងពេល ដែលមិនត្រូវបានទទួលស្គាល់ពីភាពគ្មានការងារធ្វើ ដោយសារមិនអាចចូលធ្វើការបាន ព្រោះមានជំងឺ មានរបួស ឬ ដោយសារការសម្រាលកូន ក្រោយពេលបានរាយការណ៍ពី ភាពគ្មានការងារធ្វើរួច (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ1 កថាតួសេចក្តី)

- អ្នកមិនអាចទទួលប្រាក់បៀវត្សសម្រាប់ជំងឺ ក្នុងកំឡុងពេលដែលការផ្តល់ប្រាក់បៀវត្សស្វែងរកការងារត្រូវផ្អាកដោយសារ អ្នកមានសិទ្ធិទទួលប្រាក់ បានបដិសេធក្នុងការចូលធ្វើការងារនៅកន្លែងដែល មជ្ឈមណ្ឌលផ្តល់ការងារណែនាំ ឬ បដិសេធមិនចូលរួមកម្មវិធីបណ្តុះបណ្តាលសមត្ថភាព ការងារដែលចង្អុលបង្ហាញដោយប្រធានមជ្ឈមណ្ឌលផ្តល់ការងារ ឬ បដិសេធការណែនាំ ការងារដើម្បីជំរុញការស្វែងរកការងារថ្មីដែលរៀបចំប្រធានមជ្ឈមណ្ឌលផ្តល់ការងារ ។ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ1 កថាលើកលែង)។

- ចំនួនថ្ងៃនៃការទទួលប្រាក់បៀវត្សសម្រាប់ជំងឺ គឺកំណត់ ដោយដក់ចំនួនថ្ងៃដែលទទួលបាន ប្រាក់បៀវត្សស្វែងរកការងារទៅតាមសិទ្ធិទទួលប្រាក់នោះនៅក្នុងចំនួនថ្ងៃនៃការទទួលប្រាក់បៀវត្សស្វែងរកការងារ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ2 កថាផ្នែកខាងមុខ)។

- ប្រសិនបើអ្នកមានសិទ្ធិទទួលប្រាក់ចង់ដាក់ពាក្យស្នើសុំបើប្រាក់បៀវត្សសម្រាប់ជំងឺ អ្នកត្រូវ ដាក់ឯកសារដូចខាងក្រោម ក្នុងរយៈពេល 14ថ្ងៃ(ក្នុងករណីដែលរយៈពេលទទួលប្រាក់ ត្រូវបានបញ្ចប់ក្នុងកំឡុងពេលដែលមិនអាចធ្វើការងារបាន គឺរយៈពេល 30ថ្ងៃ ក្រោយពេលបញ្ចប់) គិតចាប់ពីថ្ងៃដែលលែងមានមូលហេតុដែលមិនអាចចូលធ្វើការងារបាន ដោយផ្ទាល់ ឬ តាមរយៈអ្នកតំណាង ដោយភ្ជាប់មកជាមួយនូវលិខិតបញ្ជាក់សិទ្ធិទទួលប្រាក់ទៅកាន់មជ្ឈ មណ្ឌលផ្តល់ការងារ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 82 កថាខ័ណ្ឌលេខ1 កថាតួសេចក្តី, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 90 ចំណុច1, មាត្រា 107 កថាខ័ណ្ឌលេខ1, ឧបសម្ព័ន្ធ សំណុំបែបបទលេខ 95 និង ឧបសម្ព័ន្ធ សំណុំបែបបទលេខ 96)។

- ប៉ុន្តែ ក្នុងករណីដែលមានឧបទ្ទេវហេតុធម្មជាតិ ឬ មូលហេតុដែលមិនអាចជៀសរួច នោះ ត្រូវដាក់ឯកសាររយៈពេល 7ថ្ងៃក្រោយពេលលែងមានមូលហេតុនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 82 កថាខ័ណ្ឌលេខ1 កថាលើកលែង)។

- ក្នុងករណីដែលអ្នកមានសិទ្ធិទទួលប្រាក់បានចូលធ្វើការងារ ក្នុងកំឡុងពេល ដែលមិនត្រូវបានទទួលស្គាល់ថាគ្មានការងារធ្វើ អ្នកនោះត្រូវរាយការណ៍ដោយបំពេញខ្លឹម សារនៅលើពាក្យស្នើសុំបើកប្រាក់បៀវត្សសម្រាប់ជំងឺ គិតចាប់ពីថ្ងៃដែលបានចូលធ្វើការងារនោះ រហូតដល់ថ្ងៃដែលបានទទួលស្គាល់ថាគ្មាន ការងារធ្វើលើកដំបូង (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ5, មាត្រា 47 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 83, មាត្រា 69 កថាខ័ណ្ឌលេខ1 និង「អនុក្រិតនៃច្បាប់ការធានារ៉ាប់រងផ្តល់ការងារ」 ឧបសម្ព័ន្ធ សំណុំបែបបទលេខ 95)។

- អ្នកអាចទទួលប្រាក់បៀវត្សសម្រាប់ជំងឺនៅថ្ងៃដែលបានទទួលប្រាក់បៀវត្សស្វែងរកការងារ ជាលើកដំបូង(ប្រសិនបើគ្មានថ្ងៃដែលបានទទួលប្រាក់បៀវត្សស្វែងរកការងារ នោះ ត្រូវយកថ្ងៃដែលប្រធានមជ្ឈមណ្ឌលផ្តល់ការងារកំណត់ឲ្យ) ក្រោយពេលលែងមានហេតុផលថាមិនអាចធ្វើការងារបាន (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ3 កថាតួសេចក្តី)។

- ប្រសិនបើអ្នកមានសិទ្ធិទទួលប្រាក់បំពេញ លេខកុងធនាគារ និង ឈ្មោះស្ថាប័នហិរញ្ញវត្ថុដែលចង់ទទួលប្រាក់ប្រៀវត្សសម្រាប់ជំងឺនៅលើពាក្យស្នើសុំបើកប្រាក់បៀវត្សសម្រាប់ជំងឺ ក្នុងថ្ងៃដែលទទួលស្គាល់ថាគ្មានការងារធ្វើជាលើកដំបូង នៅពេលបង្ហាញខ្លួននៅមជ្ឈ មណ្ឌលផ្តល់ការងារមានសមត្ថកិច្ចរបស់ខ្លួន នោះប្រាក់ប្រៀវត្សសម្រាប់ជំងឺនឹងត្រូវផ្ទេរ បញ្ជូនចូលទៅកុងធនាគារនោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 83, មាត្រា 75 កថាខ័ណ្ឌលេខ1 • កថាខ័ណ្ឌលេខ2, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 107 កថាខ័ណ្ឌលេខ3, មាត្រា 99 និង ឧបសម្ព័ន្ធ សំណុំបែបបទលេខ 95)។

- ក្នុងករណីដែលអាចទទួលសំណង ឬ ប្រាក់បៀវត្ស ដែលជាប្រាក់សំណងឈប់សម្រាក់ការ ងារដែលអនុលោមតាម 「ច្បាប់ស្តីពីស្តង់ដាការងារ」 មាត្រា 79, ប្រាក់បៀវត្សឈប់សម្រាក់ការងារ អនុលោមតាម「ច្បាប់ស្តីពីសំណងការធានារ៉ាប់រងគ្រោះថ្នាក់ឧស្សាហកម្ម」 មាត្រា 52~56 ប្រាក់បៀវត្ស ឬ ប្រាក់សំណងផ្សេងទៀត ជាដើមដូចខាងក្រោម អ្នកនោះមិនអាចទទួលប្រាក់បៀវត្ស សម្រាប់ជំងឺបានឡើយ (「ច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ4 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 82 កថាខ័ណ្ឌលេខ2)។