CAMBODIA

ប្រាក់បៀវត្សគ្មានការងារធ្វើ

ប្រាក់បៀវត្សបន្តពិសេស

ការទទួលប្រាក់បៀវត្សបន្តពិសេស

ការសម្របសម្រួលពីការទទួលប្រាក់នៃប្រាក់បៀវត្សបន្តពិេសស

ប្រាក់បៀវត្សបន្តពិសេស

តើប្រាក់បៀវត្សបន្តពិសេសគឺជាអ្វី?

- “ប្រាក់បៀវត្សបន្តពិសេស” គឺសំដៅលើប្រាក់បៀវត្សស្វែងរកការងារដែលអ្នកមាន សិទ្ធិទទួលប្រាក់អាចបន្តទទួលបន្ថែមទៀតលើចំនួនថ្ងៃដែលបានទទួលស្គាល់ថាគ្មានការងារធ្វើ ដោយមានមូលហេតុកំណត់ណាមួយដូចជា ការកើនឡើងនៃអ្នកគ្មានការងារធ្វើ ជាដើម (「ច្បាប់ការធានារ៉ាប់រងផ្តល់ការងារ」 មាត្រា 53 កថាខ័ណ្ឌលេខ1)។

ការទទួលប្រាក់បៀវត្សបន្តពិសេស

មូលហេតុនៃការទទួលប្រាក់បៀវត្សបន្តពិសេស

- ប្រសិនបើមានមូលហេតុដូចខាងក្រោម អ្នកអាចទទួលប្រាក់បៀវត្សបន្តពិសេសបាន (「ច្បាប់ការធានារ៉ាប់រងផ្តល់ការងារ」 មាត្រា 53 កថាខ័ណ្ឌលេខ1 កថាតួសេចក្តី និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា74)។

· ករណីដែលអត្រាទទួលបានលើសពី 3% ក្នុងរយៈពេល 3ខែជាប់គ្នា តាមការគណនា យកចំនួនអ្នកដែលបានទទួលប្រាក់បៀវត្សស្វែងរកការងារប្រចាំខែ(លើកលេង អ្នកដែលបានទទួលប្រាក់បៀវត្សបន្តការបណ្តុះបណ្តាល ប្រាក់បៀវត្សបន្តដាច់ដោយឡែក ឬ ប្រាក់បៀវត្សបន្តពិសេសចេញ) ចែកនឹង ចំនួនអ្នកធានារ៉ាប់រងនៅចុងខែ

· ករណីដែលអត្រាអ្នកដាក់ពាក្យស្នើសុំសិទ្ធិទទួលប្រាក់ប្រចាំខែមានចំនួនលើសពី 1% ក្នុងរយៈពេល 3 ខែជាប់គ្នា (សម្រាប់ករណីដែលគិិតថាស្ថានភាពនោះនឹងបន្តទៅមុខទៀត)

· ករណីដែលអត្រាអ្នកគ្មានការងារធ្វើប្រចាំខែមានចំនួនលើសពី 6% ក្នុងរយៈពេល 3 ខែជាប់គ្នា (សម្រាប់ករណីដែលគិិតថាស្ថានភាពនោះនឹងបន្តទៅមុខទៀត)

· ករណីដែលបានចេញសេចក្តីសម្រេចថាចាំបាច់ត្រូវផ្តល់ប្រាក់បៀវត្សបន្តពិសេសនៅក្នុង អង្គប្រជុំគោលនយោបាយការងារដែលកំពុងជួបប្រទះភាពធ្ងន់ធ្ងរក្នុងទីផ្សារការងារ ដោយសារការកើនឡើងនៃភាពគ្មានការងារធ្វើ

※ "សមាជិកធានារ៉ាប់រង" គឺសំដៅលើអ្នកដែលស្ថិតក្នុងចំណុចណាមួយដូចខាងក្រោម(「ច្បាប់ការធានារ៉ាប់រងផ្តល់ការងារ」 មាត្រា 2 ចំណុច1)។

· ពលករ សិល្បៈករឬ អ្នកផ្តល់ការងារដែលបានចុះឈ្មោះជាសមាជិកឬ ចាត់ទុកថាបានចុះឈ្មោះជាសមាជិកធានារ៉ាប់រងដោយអនុលោមតាម「ច្បាប់ស្តីពីការដកថ្លៃសេវាកម្មធានារ៉ាប់រងនៃការធានារ៉ង់ការងារ និង ធានារ៉ាប់រងសំណងគ្រោះថ្នាក់ឧស្សាហកម្ម」 មាត្រា5 កថាខ័ណ្ឌលេខ 1• កថាខ័ណ្ឌលេខ2, មាត្រា 6 កថាខ័ណ្ឌលេខ1, មាត្រា 8 កថាខ័ណ្ឌលេខ1• កថាខ័ណ្ឌលេខ2,មាត្រា48-2 កថាខ័ណ្ឌលេខ1និង មាត្រា 48-3 កថាខ័ណ្ឌលេខ1

· អ្នកប្រកបមុខរបរផ្ទាល់ខ្លួនដែលបានចុះឈ្មោះជាសមាជិក ឬ ចាត់ទុកថាបានចុះឈ្មោះជាសមាជិកធានារ៉ាប់រងការងារដោយអនុលោមតាម 「ច្បាប់ស្តីពីការដកថ្លៃសេវាកម្មធានារ៉ាប់រងនៃការធានារ៉ង់ការងារ និង ធានារ៉ាប់រងសំណងគ្រោះថ្នាក់ឧស្សាហកម្ម」 មាត្រា 49(2) កថាខ័ណ្ឌលេខ1 • កថាខ័ណ្ឌលេខ2

អ្នកដែលមិនអាចទទួលប្រាក់បៀវត្សបន្តពិសេស

- ប៉ុន្តែ សម្រាប់អ្នកណាដែលស្ថិតក្នុងចំណុចណាមួយដូចជា ទទួលបានប្រាក់ចំណូលលើស ពីស្តង់ដាកំណត់សម្រាប់ជីវភាពរស់នៅប្រចាំថ្ងៃក្រោយពេលផ្លាស់ប្តូរការងារ ជាដើម នោះត្រូវលើកលែងចេញពីអ្នកដែលអាចទទួលប្រាក់បៀវត្សបន្តពិសេស (「ច្បាប់ការធានារ៉ាប់រងផ្តល់ការងារ」 មាត្រា 53 កថាខ័ណ្ឌលេខ1 កថាលើកលែង និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 97)។

· អ្នកមានសិទ្ធិទទួលប្រាក់ដែលទទួលប្រាក់បានលើសពី 24ខែ(730ថ្ងៃ)នៃចំនួនប្រាក់អតិបរិមាននៃទឹកប្រាកចំណូលមូលដ្ឋានប្រចាំថ្ងៃទោះបីជា ទទួលប្រាក់ក្នុងរូបភាពបែបណាដ៏ដោយ នៅពេលផ្លាស់ប្តូរការងារ

· អ្នកមានសិទ្ធិទទួលប្រាក់ដែលមិនចង់ទទួលប្រាក់បៀវត្សបន្តពិសេសដោយសារមូល ហេតុដូចជាំ ថវិកាបណ្តុះបណ្តាលស្វែងរកការងារសម្រាប់អ្នកគ្មានការងារធ្វើ មានចំនួន លើសទឹកប្រាក់បៀវត្សបន្តពិសេស

រយៈពេលទទួលប្រាក់បៀវត្សបន្តពិេសស

- ប្រាក់បៀវត្សបន្តពិេសសអាចទទួលបានក្នុងដែនកំណត់នៃរយៈពេល 60ថ្ងៃ (「ច្បាប់ការធានារ៉ាប់រងផ្តល់ការងារ」 មាត្រា 53 កថាខ័ណ្ឌលេខ1)។

- ក្នុងករណីដែលបានទទួលប្រាក់បៀវត្សបន្តពិសេស នោះរយៈពេលនៃការទទួលប្រាក់ របស់អ្នកមានសិទ្ធិទទួលប្រាក់នោះត្រូវកំណត់ជារយៈពេលដោយបូកបន្ថែមចំនួនថ្ងៃនៃ ប្រាក់បៀវត្សស្វែងរកការងារដែលបានបន្តលើរយៈពេលទទួលប្រាក់នោះ (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ1)។

ចំនួនប្រាក់ស្វែងរកការងារប្រចាំថ្ងៃនៃប្រាក់បៀវត្សបន្តពិសេស

- ចំនួនប្រាក់ស្វែងរកការងារប្រចាំថ្ងៃនៃប្រាក់បៀវត្សបន្តពិសេសគឺជាចំនួនទឹកប្រាក់ដែលយកចំនួនប្រាក់ស្វែងរកការងារប្រចាំថ្ងៃរបស់អ្នកមានសិទ្ធិទទួលប្រាក់ គុណនឹង 70% (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ2)។

- ក្នុងករណីដែលចំនួនប្រាក់ប្រៀវត្សស្វែងរកការងារប្រចាំថ្ងៃមានចំនួនតិចជាង ចំនួនប្រាក់ប្រៀវត្សស្វែងរកការងារអប្បបរិមាប្រចាំថ្ងៃ នោះត្រូវកំណត់យកចំនួនប្រាក់ប្រៀវត្សស្វែងរកការងារអប្បបរិមាប្រចាំថ្ងៃ ជាចំនួនប្រាក់ប្រៀវត្សស្វែងរកការងារប្រចាំថ្ងៃ(「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ3)។

របៀបទទួលប្រាក់បៀវត្សបន្តពិេសស

- ក្នុងករណីដែលប្រធានមជ្ឈមណ្ឌលផ្តល់ការងារចង់បើកប្រាក់បៀវត្សបន្តពិសេស ហើយបានផ្តល់ដំណឹងដល់អ្នកមានសិទ្ធិទទួលប្រាក់នោះរួច ប្រធានមជ្ឈមណ្ឌល ត្រូវតែបញ្ជាក់ខ្លឹមសារទាក់ទងនឹងថ្ងៃទទួួលស្គាល់ថាគ្មានការងារធ្វើ ជាដើម នៅលើលិខិត បញ្ជាក់សិទ្ធិទទួលប្រាក់ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 96)។