ការទទួលប្រាក់បៀវត្សបន្តដាច់ដោយឡែក
បុគ្គលដែលអាចទទួលប្រាក់បៀវត្សបន្តដាច់ដោយឡែក
- អ្នកមានសិទ្ធិទទួលប្រាក់ហើយមានលក្ខខ័ណ្ឌទាំងអស់ដូចខាងក្រោម អាចទទួលប្រាក់បៀវត្សបន្តដាច់ដោយឡែកបាន (「ច្បាប់ការធានារ៉ាប់រងផ្តល់ការងារ」 មាត្រា 52 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 73 កថាខ័ណ្ឌលេខ1 និង 「សេចក្តីប្រកាសសម្រាប់អ្នកកំពុងសិក្សាក្នុងចំណោមកត្តាទទួលប្រាក់បៀវត្សបន្តដាច់ដោយឡែក」)។
· អ្នកដែលមិនទាន់រកការងារថ្មីបាន ដោយទោះបីជាបានចូលរួមកម្មវិធីណែនាំការងារ របស់ប្រធានមជ្ឈមណ្ឌលផ្តល់ការងារ ចាប់តាំងពីថ្ងៃប្រកាសថាគ្មានការងារធ្វើ រហូតដល់ថ្ងៃដែលទទួលប្រាក់បៀវត្សស្វែងរក ការងារត្រូវបានបញ្ចប់(បូកបញ្ចូលទាំងការទទួលប្រឹក្សាយោបល់ស៊ីជម្រៅ និង ការចូលរួមប្រឹក្សាយោបល់ជាក្រុមដែលរៀបចំដោយប្រធានមជ្ឈមណ្ឌលផ្តល់ការងារ) ចាប់ពី 3ដងឡើង ហើយជាអ្នកមានសមាជិកក្នុងបន្ទុកគ្រួសារដូចចំណុចណាមួយខាងក្រោម
√ អាយុក្រោម 18ឆ្នាំ ឬ 65ឆ្នាំ ឡើង
√ ជនពិកាអនុលោមតាម「ច្បាប់ជំរុញការផ្តល់ការងារដល់ជនពិកា និង ជីវិតរស់នៅជាមួយការងារ」
√ អ្នកជំងឺដែលទាមទារឲ្យមើលថែលើសពី 1ខែ
√ ប្តី ឬ ប្រពន្ធដែលគ្មានប្រាក់ចំណូល
√ អ្នកដែលកំពុងសិក្សានៅសាលារៀនដូចមានចែងក្នុង「ច្បាប់ស្តីពីការអប់រំឧត្តមសិក្សា」 មាត្រា 2 ឬ អ្នកដែលកំពុងសិក្សានៅថ្នាក់បរិញ្ញាបត្រជាន់ខ្ពស់ដូចមានចែងក្នុង「ច្បាប់ស្តីពីការអប់រំឧត្តមសិក្សា」 មាត្រា 29
※ ប៉ុន្តែលើកលែង តែសាកលវិទ្យាល័យមុខវិជ្ជាការផ្សព្វផ្សាយ សាកលវិទ្យាល័យទូរគមនាគមន៍សាកលវិទ្យាល័យផ្សព្វផ្សាយទូរគមនាគមន៍ និងសាកលវិទ្យាល័យតាមប្រព័ន្ធកុំព្យូទ័រដែលការធ្វើការងារ និងការសិក្សាអាចទៅស្របគ្មាបាន។
· អ្នកដែលមានចំនួនទឹកប្រាក់ទ្រព្យសម្បត្តិសរុបនៃ ប្រាក់ឈ្នួលប្រចាំថ្ងៃនៃប្រាក់បៀវត្សមូលដ្ឋាន របស់សាមីខ្លួន និង ប្តីឬប្រពន្ធ មានកម្រិតទាបជាងស្តង់ដាខាងក្រោម (「សេចក្តីប្រកាសពីថវិកាសម្រាប់ផ្តល់ជាប្រាក់បៀវត្សបន្តដាច់ដោយឡែក និង ស្តង់ដាទ្រព្យសម្បត្តិ」)
ផ្នែក
|
ស្តងដា
|
ឯកសារបញ្ជាក់
|
ប្រាក់ឈ្នួលប្រចាំថ្ងៃនៃប្រាក់បៀវត្សមូលដ្ឋាន
|
ប្រាក់ឈ្នួលប្រចាំថ្ងៃនៃប្រាក់បៀវត្សមូលដ្ឋាននៅក្នុងកន្លែងការងារចុងក្រោយមុនពេលប្តូរការងាររបស់អ្នកមានសិទ្ធិទទួលប្រាក់ មានចំនួនទឹកប្រាក់ក្រោម 80,000 វ៉ុន
|
មិនត្រូវការ
|
ចំនួនទឹកប្រាក់ទ្រព្យសម្បត្តិសរុប
|
ករណីដែលសាមីខ្លួន ប្តីឬប្រពន្ធ មានផ្ទះ ឬ អគារជាកម្មសិទ្ធិ
|
ករណីដែលចំនួនសរុបនៃពន្ធលើទ្រព្យសម្បត្តិ ក្រោម 160,000វ៉ុន
|
លិខិតបញ្ជាក់ពន្ធលើទ្រព្យសម្បត្តិរបស់ សាមីខ្លួន ប្តីឬប្រពន្ធ
|
ករណីដែលសាមីខ្លួន ប្តីឬប្រពន្ធ គ្មានផ្ទះ ឬ អគារជាកម្មសិទ្ធិ
|
ចំនួនទឹកប្រាក់នៃសម្បត្តិសរុបរបស់ សាមីខ្លួន និង ប្តីឬប្រពន្ធ ក្រោម 200 លានវ៉ុន
|
① លិខិតបញ្ជាក់ពន្ធលើទ្រព្យសម្បត្តិរបស់ សាមីខ្លួន ប្តីឬប្រពន្ធ (ចាំបាច់) ② កិច្ចសន្យាជួលផ្ទះ (សម្រាប់អ្នកជួលផ្ទះគេនៅ) ③ លិខិតបញ្ជាក់ការជួលដោយឥតគិតថ្លៃ (សម្រាប់អ្នកដែលរស់នៅក្នុងផ្ទះជួលដោយឥតគិតថ្លៃ)
|
ចំណាំ
|
1. សាមីខ្លួន ប្តីឬប្រពន្ធដែលមានសិទ្ធិទទួលបានម្នាក់ៗ ត្រូវដាក់លិខិតបញ្ជាក់ពន្ធលើទ្រព្យសម្បត្តិម្នាក់1ច្បាប់ដោយឈ្មោះរបស់ខ្លួន ផ្សេងៗគ្នា ហើយត្រូវតែជាលិខិ្តបញ្ជាក់ការបង់ពន្ធថ្មីចុងក្រោយបំផុត។ ពន្ធលើទ្រព្យសម្បត្តិគឺធ្វើនៅដើមខែ មិថុនា រៀងរាល់ឆ្នាំ 2. សម្រាប់អ្នកដែលគ្មានផ្ទះ ឬ អគារ ត្រូវធ្វើលិខិតបញ្ជាក់បងពន្ធទ្រព្យសម្បត្តិដោយសរសេរថា “គ្មានខ្លឹមសារបង់ពន្ធ”
|
របៀបដាក់ពាក្យស្នើសុំប្រាក់បៀវត្សបន្តដាច់ដោយឡែក
- ប្រសិនបើអ្នកមានសិទ្ធិទទួលប្រាក់ចង់ដាក់ពាក្យស្នើសុំប្រាក់បៀវត្សបន្តដាច់ដោយឡែក អ្នកនោះត្រូវតែដាក់ឯកសារដូចខាងក្រោមទៅកាន់មជ្ឈមណ្ឌលផ្តល់ការងារមានសមត្ថកិច្ច ឲ្យបានមុនថ្ងៃបើកប្រាក់បៀវត្សស្វែងរកការងារត្រូវបានបញ្ចប់ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 73 កថាខ័ណ្ឌលេខ3, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 95 កថាផ្នែកខាងមុខ និង ឧបសម្ព័ន្ធ សំណុំបែបបទលេខ 89)។
· ពាក្យស្នើសុំប្រាក់បៀវត្សបន្តដាច់ដោយឡែក
· លិខិតបញ្ជាក់សិទ្ធិទទួលប្រាក់
· ឯកសារដែលអាចបញ្ជាក់ពីទំហំទ្រព្យសម្បត្តិ៍សាមីខ្លួន ប្តី ឬ ប្រពន្ធ
រយៈពេលទទួលប្រាក់បៀវត្សបន្តដាច់ដោយឡែក
- ប្រាក់បៀវត្សបន្តដាច់ដោយឡែកនឹងត្រូវបើកឲ្យយូរបំផុតត្រឹមរយៈពេល 60ថ្ងៃ ហើយរយៈ ពេលដែលត្រូវបើកឲ្យអាចកំណត់ក្រោម 60ថ្ងៃ យោងតាមសេចក្តីសម្រេចរបស់រដ្ឋ មន្ត្រីក្រសួងមុខរបរ និង ការងារ ដោយពិចារណាលើកម្រិតនៃការទទួលប្រាក់បៀវត្សស្វែង រកការងាររយៈពេលកំណត់ (「ច្បាប់ការធានារ៉ាប់រងផ្តល់ការងារ」 មាត្រា 52 កថាខ័ណ្ឌលេខ2 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 73 កថាខ័ណ្ឌលេខ2)។
- ក្នុងករណីដែលបានទទួលប្រាក់បៀវត្សបន្តដាច់ដោយឡែក នោះរយៈពេលនៃការទទួលប្រាក់ របស់អ្នកមានសិទ្ធិទទួលប្រាក់នោះត្រូវកំណត់ជារយៈពេលដោយបូកបន្ថែមចំនួនថ្ងៃនៃ ប្រាក់បៀវត្សស្វែងរកការងារដែលបានបន្តលើរយៈពេលទទួលប្រាក់នោះ (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ1)។
ចំនួនប្រាក់ស្វែងរកការងារប្រចាំថ្ងៃនៃប្រាក់បៀវត្សបន្តដាច់ដោយឡែក
- ចំនួនប្រាក់ស្វែងរកការងារប្រចាំថ្ងៃនៃប្រាក់បៀវត្សបន្តដាច់ដោយឡែកគឺជាចំនួនទឹកប្រាក់ដែលយកចំនួនប្រាក់ស្វែងរកការងារប្រចាំថ្ងៃរបស់អ្នកមានសិទ្ធិទទួលប្រាក់ គុណនឹង 70% (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ2)។
- ក្នុងករណីដែលចំនួនប្រាក់ប្រៀវត្សស្វែងរកការងារប្រចាំថ្ងៃមានចំនួនតិចជាង ចំនួនប្រាក់ប្រៀវត្សស្វែងរកការងារអប្បបរិមាប្រចាំថ្ងៃ នោះត្រូវកំណត់យកចំនួនប្រាក់ប្រៀវត្សស្វែងរកការងារអប្បបរិមាប្រចាំថ្ងៃ ជាចំនួនប្រាក់ប្រៀវត្សស្វែងរកការងារប្រចាំថ្ងៃ (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ3)។
ការសម្របសម្រួលពីការទទួលប្រាក់នៃប្រាក់បៀវត្សបន្តដាច់ដោយឡែក
ការសម្របសម្រួលទៅវិញទៅមកនៃប្រាក់បៀវត្សបន្តដាច់ដោយឡែក
- ប្រាក់បៀវត្សបន្តដាច់ដោយឡែកត្រូវបើកឲ្យក្រោយពេលការបើកប្រាក់បៀវត្សដែលអ្នក មានសិទ្ធិទទួលប្រាក់បានទទួលត្រូវបានបញ្ចប់(「ច្បាប់ការធានារ៉ាប់រងផ្តល់ការងារ」 មាត្រា 55 កថាខ័ណ្ឌលេខ1)។
- ប្រសិនបើអ្នកមានសិទ្ធិទទួលប្រាក់កំពុងទទួលប្រាក់បៀវត្សបន្តដាច់ដោយឡែក ហើយបានទទួលប្រាក់ប្រាក់បៀវត្សបន្តការបណ្តុះបណ្តាល នោះប្រាក់បៀវត្សបន្តដាច់ដោយឡែកនឹងមិនត្រូវបើកឲ្យបន្តទៀតឡើយ (「ច្បាប់ការធានារ៉ាប់រងផ្តល់ការងារ」 មាត្រា 55 កថាខ័ណ្ឌលេខ3)។
- សម្រាប់អ្នកដែលកំពុងទទួលប្រាក់បៀវត្សបន្តពិសេស នោះមិនអាចទទួលប្រាក់បៀវត្សបន្តដាច់ដោយឡែកបានឡើយ ប្រសិនបើការទទួលប្រាក់បៀវត្សបន្តពិសេសនោះមិនទាន់បានបញ្ចប់ (「ច្បាប់ការធានារ៉ាប់រងផ្តល់ការងារ」 មាត្រា 55 កថាខ័ណ្ឌលេខ4)។