ប្រាក់បៀវត្សបន្តការបណ្តុះបណ្តាល
តើប្រាក់បៀវត្សបន្តការបណ្តុះបណ្តាលគឺជាអ្វី?
- “ប្រាក់បៀវត្សបន្តបណ្តុះបណ្តាល” គឺសំដៅលើប្រាក់បៀវត្សបន្តបន្ថែមលើចំនួនថ្ងសដែលត្រូវបានទទួលស្គាល់ថាគ្មានការងារធ្វើក្នុងរយៈពេលដែលអ្នកមានសិទ្ធិទទួលប្រាក់ ទទួលការបណ្តុះបណ្តាលអភិវឌ្ឍន៍សមត្ថភាពការងារតាមការចង្អុលបង្ហាញរបស់ប្រធានមជ្ឈមណ្ឌលផ្តល់ការងារ (「ច្បាប់ការធានារ៉ាប់រងផ្តល់ការងារ」 មាត្រា 51 កថាខ័ណ្ឌលេខ2)។
ការទទួលប្រាក់បៀវត្សបន្តការបណ្តុះបណ្តាល
បុគ្គលដែលទទួលការចង្អុលបង្ហាញក្នុងការទទួលការបណ្តុះបណ្តាលអភិវឌ្ឍន៍សមត្ថភាពការងារ ជាដើម
- អ្នកទទួលប្រាក់ដែលប្រកបដោយលក្ខខ័ណ្ឌដូចខាងក្រោម អាចទទួលការចង្អុលបង្ហាញពី ប្រធានមជ្ឈមណ្ឌលផ្តល់ការងារដើម្បីទទួលការបណ្តុះបណ្តាលអភិវឌ្ឍន៍សមត្ថភាពការងារ ដែលចាំបាច់សម្រាប់ការស្វែងរកការងារថ្មី ដោយពិចារណាលើវ័យ និង បទពិសោធន៍ការងាររបស់អ្នកមានសិទ្ធិទទួលប្រាក់ (「ច្បាប់ការធានារ៉ាប់រងផ្តល់ការងារ」 មាត្រា 51 កថាខ័ណ្ឌលេខ1 • កថាខ័ណ្ឌលេខ3 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 94 កថាខ័ណ្ឌលេខ1)។
· នៅពេលទទួលស្គាល់ថា បើបានទទួលការបណ្តុះបណ្តាលអភិវឌ្ឍន៍សមត្ថភាពការងារ នោះអាចងាយស្រួលក្នុងការស្វែងរកការងារថ្មី
· ករណីដែលគ្មាន ឬ មានលិខិតបញ្ជាក់សមត្ថភាពជំនាញដែលអនុលោមតាម「ច្បាប់ស្តីពីសមត្ថភាពបច្ចេកទេសជាតិ」 មាត្រា 13 ហើយ តំរូវការទីផ្សារការងារទាក់ទងនឹងជំនាញនោះ មានការថយចុះខ្លាំង
· អ្នកដែលមិនបានទទួលការបណ្តុះបណ្តាលអភិវឌ្ឍន៍សមត្ថភាពការងារក្នុងរយៈពេល 1ឆ្នាំ ចុងក្រោយ
· អ្នកទទួលដែលមានភាពសាកសមបានបរាជ័យខកខានក្នុងការបានការងារ ថ្វីបើ គាត់បាន ឆ្លើយតបទៅនឹងការដាក់ឲ្យចូលកន្លែងធ្វើការ ឬការផ្តល់ប្រឹក្សាការងារក៏ដោយក្តី (ការផ្តល់ប្រឹក្សាស៊ីជម្រៅ ឬការផ្តល់ប្រឹក្សាជាក្រុមតែប៉ុណ្ណោះ) ដោយប្រធាននៃមជ្ឈមណ្ឌលការងារយ៉ាងហោចណាស់បីដងចាប់តាំងពីថ្ងៃនៃការរាយការណ៍ពីស្ថានភាពអត់ការងារធ្វើ។
រយៈពេលទទួលប្រាក់នៃប្រាក់បៀវត្សបន្តការបណ្តុះបណ្តាល
- រយៈពេលទទួលប្រាក់នៃប្រាក់បៀវត្សបន្តការបណ្តុះបណ្តាលកំណត់ត្រឹម 2ឆ្នាំប៉ុណ្ណោះ (「ច្បាប់ការធានារ៉ាប់រងផ្តល់ការងារ」 មាត្រា 51 កថាខ័ណ្ឌលេខ2 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 72)។
- ក្នុងករណីដែលបានទទួលប្រាក់បៀវត្សបន្តការបណ្តុះបណ្តាល នោះរយៈពេលនៃការទទួល ប្រាក់របស់អ្នកមានសិទ្ធិទទួលប្រាក់ ត្រូកំណត់ជារយៈពេលដោយបូកបន្ថែមចំនួនថ្ងៃនៃប្រាក់បៀវត្សស្វែងរកការងារដែលបានបន្តលើរយៈពេលទទួលប្រាក់របស់អ្នកមានសិទ្ធិទទួលប្រាក់នោះ (「ច្បាប់ការធានារ៉ាប់រងផ្តល់ការងារ」 មាត្រា54 កថាខ័ណ្ឌលេខ1)។
ចំនួនប្រាក់ប្រៀវត្សស្វែងរកការងារប្រចាំថ្ងៃនៃ ប្រាក់បៀវត្សបន្តការបណ្តុះបណ្តាល
- ចំនួនប្រាក់ប្រៀវត្សស្វែងរកការងារប្រចាំថ្ងៃដែលគណនាតាមប្រភេទនៃប្រាក់បៀវត្សបន្ត ការបណ្តុះបណ្តាល គឺត្រូវកំណត់យក 100%នៃចំនួនប្រាក់ប្រៀវត្សស្វែងរកការងារប្រចាំថ្ងៃ របស់អ្នកមានសិទ្ធិទទួលប្រាក់នោះ (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ2)។
- ក្នុងករណីដែលចំនួនប្រាក់ប្រៀវត្សស្វែងរកការងារប្រចាំថ្ងៃមានចំនួនតិចជាង ចំនួនប្រាក់ប្រៀវត្សស្វែងរកការងារអប្បបរិមាប្រចាំថ្ងៃ នោះត្រូវកំណត់យកចំនួនប្រាក់ប្រៀវត្សស្វែងរកការងារអប្បបរិមាប្រចាំថ្ងៃ ជាចំនួនប្រាក់ប្រៀវត្សស្វែងរកការងារប្រចាំថ្ងៃ (「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ3)។
របៀបទទួលប្រាក់បៀវត្សបន្តការបណ្តុះបណ្តាល
- ក្នុងករណីដែលប្រធានមជ្ឈមណ្ឌលផ្តល់ការងារចង់បើកប្រាក់បៀវត្សបន្តការបណ្តុះបណ្តាល ហើយបានផ្តល់ដំណឹងដល់អ្នកមានសិទ្ធិទទួលប្រាក់នោះរួច ប្រធានមជ្ឈមណ្ឌល ត្រូវតែបញ្ជាក់ខ្លឹមសារទាក់ទងនឹងថ្ងៃទទួួលស្គាល់ថាគ្មានការងារធ្វើ ជាដើម នៅលើលិខិត បញ្ជាក់សិទ្ធិទទួលប្រាក់ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា96)។
ការសម្របសម្រួលពីការទទួលប្រាក់ ប្រាក់បៀវត្សបន្តការបណ្តុះបណ្តាល
ការសម្របសម្រួលទៅវិញទៅមកនៃប្រាក់បៀវត្សបន្តការបណ្តុះបណ្តាល
- ប្រាក់បៀវត្សបន្តការបណ្តុះបណ្តាលត្រូវបើកឲ្យក្រោយពេលការបើកប្រាក់បៀវត្សដែលអ្នក មានសិទ្ធិទទួលប្រាក់បានទទួលត្រូវបានបញ្ចប់ (「ច្បាប់ការធានារ៉ាប់រងផ្តល់ការងារ」 មាត្រា 55 កថាខ័ណ្ឌលេខ1)។
- សម្រាប់អ្នកមានសិទ្ធិទទួលប្រាក់ដែលកំពុងទទួលប្រាក់បៀវត្សបន្តការបណ្តុះបណ្តាល ហើយការផ្តល់ប្រាក់នោះមិនទាន់បានបញ្ចប់ នោះមិនអាចទទួល ប្រាក់បៀវត្សបន្តដាច់ដោយឡែក ឬ ប្រាក់បៀវត្សបន្តពិសេសបានឡើយ (「ច្បាប់ការធានារ៉ាប់រងផ្តល់ការងារ」 មាត្រា 55 កថាខ័ណ្ឌលេខ2)។
ការអនុវត្តន៍កម្មវិធីបណ្តុះបណ្តាលអភិវឌ្ឍន៍សមត្ថភាពការងារ
ការបង្អុលបង្ហាញពីកម្មវិធីបណ្តុះបណ្តាលអភិវឌ្ឍន៍សមត្ថភាពការងារ
- ប្រធានមជ្ឈមណ្ឌលផ្តល់ការងារ ត្រូវចង្អុលបង្ហាញពីកម្មវិធីបណ្តុះបណ្តាលអភិវឌ្ឍន៍សមត្ថភាពការងារ មុនពេលវគ្គបណ្តុះបណ្តាលអភិវឌ្ឍន៍សមត្ថភាពការងារចាប់ផ្តើម (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 94 កថាខ័ណ្ឌលេខ2)។
- ក្នុងករណីបានចូលរួមកម្មវិធីបណ្តុះបណ្តាលអភិវឌ្ឍន៍សមត្ថភាពការងារទៅតាមការចង្អុល បង្ហាញពីកម្មវិធីបណ្តុះបណ្តាលអភិវឌ្ឍន៍សមត្ថភាពការងារ នោះប្រធានមជ្ឈមណ្ឌលការងារមានសមត្ថកិច្ច ត្រូវធ្វើការត្រួតពិនិត្យវត្តមានរបស់អ្នកមានសិទ្ធិទទួលប្រាក់នោះជារៀង រាល់ខែ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 94 កថាខ័ណ្ឌលេខ3 កថាផ្នែកខាងមុខ)។