CAMBODIA
ប្រាក់បៀវត្សគ្មានការងារធ្វើ
ការទទួលស្គាល់ការគ្មានការងារធ្វើ
តើការទទួលស្គាល់ការគ្មានការងារធ្វើគឺជាអ្វី?- “ការទទួលស្គាល់ការគ្មានការងារធ្វើ” គឺសំដៅលើការទទួលស្គាល់ពីប្រធានមជ្ឈមណ្ឌលផ្តល់ ការងារថា បុគ្គលដែលមានសិទ្ធិទទួលប្រាក់ កំពុងខំប្រឹងប្រែងដើម្បីស្វែងរកការងារយ៉ាង សកម្មក្នុងកំឡុងពេលគ្មានការងារធ្វើ(「ច្បាប់ការធានារ៉ាប់រងផ្តល់ការងារ」 មាត្រា 2 ចំណុច4)។
- មួយទៀត, នៅថ្ងៃដែលអ្នកត្រូវបានទទួលស្គាល់ថាគ្មានការងារធ្វើ អ្នកនឹងទទួលបានប្រាក់បៀវត្សស្វែងរកការងារដែរ (「ច្បាប់ការធានារ៉ាប់រងផ្តល់ការងារ」 មាត្រា 44 កថាខ័ណ្ឌលេខ1)។
ការដាក់ពាក្យដើម្បីទទួលស្គាល់ការគ្មានការងារធ្វើ ការរាយការណ៍ពីសកម្មភាពចូលធ្វើការម្តងទៀត- បុគ្គលដែលមានសិទ្ធិទទួលប្រាក់ ហើយចង់ឲ្យគេទទួលស្គាល់ថាគ្មានការងារធ្វើ ត្រូវបង្ហាញខ្លួនក្នុង ថ្ងៃដែលប្រធានមជ្ឈមណ្ឌលផ្តល់ការងារកំណត់ឲ្យ(ខាងក្រោមហៅថា “ថ្ងៃទទួលស្គាល់ថា គ្មានការងារធ្វើ”)គិតចាប់ពីថ្ងៃដែលរាយការណ៍ពីភាពគ្មានការងារធ្វើក្នុងរយៈពេលពីសប្តាហ៍ទី1 ដល់សប្តាហ៍ទី4 ហើយត្រូវតែរាយការណ៍ថាខ្លួនបានខិតខំប្រឹងប្រែងដើម្បីស្វែងរកការងារថ្មី (「ច្បាប់ការធានារ៉ាប់រងផ្តល់ការងារ」 មាត្រា 44 កថាខ័ណ្ឌលេខ2 កថាតួសេចក្តី)។
ការដាក់ឯកសារពាក្យស្នើសុំទទួលស្គាល់ថាគ្មានការងារធ្វើ- បើសិនជាអ្នកដែលមានសិទ្ធិទទួលប្រាក់ចង់ឲ្យគេទទួលស្គាល់ថាគ្មានការងារធ្វើ អ្នកនោះ ត្រូវបង្ហាញខ្លួននៅមជ្ឈមណ្ឌលផ្តល់ការងារ ហើយបំពេញខ្លឹមសារនៃសកម្មភាពស្វែងរក ការងារថ្មី ចាប់ពីថ្ងៃបន្ទាប់ក្រោយពេលទទួលស្គាល់ថាបាត់បង់ការងារចាស់ រហូតថ្ងៃទទួល ស្គាល់ថាគ្មានការងារធ្វើក្នុងពេលឥឡូវលើពាក្យស្នើសុំទទួលស្គាល់គ្មានការងារធ្វើ ដោយ ភ្ជាប់មកជាមួយនូវលិខិតបញ្ជាក់សិទ្ធិទទួលប្រាក់ 1ច្បាប់ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខឮ1, 「អនុក្រិតនៃច្បាប់ការធានារ៉ាប់រងផ្តល់ការងារ」មាត្រា 84 លេខ1 និង ឧបសម្ព័ន្ធ សំណុំបែបបទលេខ 82)។
ពាក្យស្នើសុំបញ្ចូលបន្ថែមនៃរយៈពេលចុះសមាជិកនៃប្រាក់បៀវត្សប្រចាំឆ្នាំប្រជាពលរដ្ឋ- អ្នកដែលចង់ដាក់ពាក្យស្នើសុំបញ្ចូលបន្ថែមរយៈពេលចុះជាសមាជិកនៃប្រាក់បៀវត្សប្រចាំ ឆ្នាំប្រជាពលរដ្ឋក្នុងរយៈពេលទទួលប្រាក់បៀវត្សស្វែងរកការងារទៅកាន់ប្រធានស្ថាប័នទទួលស្គាល់ការងារដែលអនុលោមតាម「អនុក្រិតនៃច្បាប់ស្តីពីប្រាក់ប្រចាំឆ្នាំប្រជាពលរដ្ឋ」 មាត្រា 12(2) កថាខ័ណ្ឌលកេខ 1 ត្រូវតែស្នើសុំ តាមពាក្យស្នើសុំទទួលស្គាល់ថាគ្មានការងារធ្វើ(បញ្ចូលបន្ថែមនៃរយៈពេលចុះសមាជិកនៃប្រាក់បៀវត្សប្រចាំឆ្នាំប្រជាពលរដ្ឋ) នៅពេលស្នើសុំទទួលស្គាល់ថាគ្មានការងារធ្វើ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 107(2) កថាខ័ណ្ឌលេខ1, មាត្រា 107(2) កថាខ័ណ្ឌលេខ2 និង ឧបសម្ព័ន្ធ សំណុំបែបបទលេខ 82)។
ការរាយការណ៍ពីការចូលធ្វើការងារ ជាដើម ក្នុងកំឡុងពេលទទួលស្គាល់ថាគ្មានការងារធ្វើ ការរាយការណ៍ពីការចូលធ្វើការងារ ជាដើម- ករណីដែលអ្នកមានសិទ្ធិទទួលប្រាក់ ស្ថិតក្នុងចំណុចណាមួួយដូចខាងក្រោម ក្នុងកំឡុងពេលចង់ទទួលបានការទទួលស្គាល់ថាគ្មានការងារធ្វើ(ខាងក្រោមហៅថា “កំឡុងពេលទទួលស្គាល់ថាគ្មានការងារធ្វើ) អ្នកនោះត្រូវបំពេញខ្លឹមសារការពិតទាំងអស់គិតចាប់ពីថ្ងៃ ដែលចូលធ្វើការងារនោះ នៅលើពាក្យស្នើសុំទទួលស្គាល់ថាគ្មានការងារធ្វើនៅថ្ងៃដែលទទួលស្គាល់ថាគ្មានការងារធ្វើដំបូងទៅកាន់មជ្ឈមណ្ឌលផ្តល់ការងារ (「ច្បាប់ការធានារ៉ាប់រងផ្តល់ការងារ」 មាត្រា 47 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 69 កថាខ័ណ្ឌលេខ1 និង 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 92)។
· ករណីទទួលបានការងារដែលត្រូវធ្វើលើសពី 60ម៉ោង ក្នុងរយៈពេល 1ខែ(បូកបញ្ចូលទាំំងការធ្វើការរយៈពេល លើសពី15ម៉ោងក្នុងរយៈពេល 1សប្តាហ៍ដែរ)
· ករណីទទួលបានការងារដែលបន្តធ្វើលើសពី 3ខែ
· នៅពេលផ្តល់កម្លាំងពលកម្មជាកម្មករប្រចាំថ្ងៃ ឬផ្តល់កម្លាំងកម្មករជាសិល្បកររយៈពេលខ្លី ឬអ្នកផ្តល់ការងាររយៈពេលខ្លី
· ករណីដែលទទួលថ្លៃឈ្នួលជាថ្នូរនឹងពលកម្ម ទោះបីក្នុងរូបភាពបែបណាក៏ដោយដែល មានចំនួនច្រើនជាង ថ្លៃប្រាក់បៀវត្សស្វែងរកការងារប្រចាំថ្ងៃ (「ច្បាប់ការធានារ៉ាប់រងផ្តល់ការងារ」មាត្រា 46)
· ក្នុងករណីដែលផ្តល់ការងារ តាមរយៈកិច្ចសន្យាការងារថ្មីទាក់ទងនឹងសេវាកម្មវប្បធម៌ និងសិល្បៈ ដែលមានប្រាក់ចំណូលជាមធ្យមប្រចាំខែចំនួន លើស50ម៉ឺនវ៉ុន
· ក្នុងករណីផ្តល់ការងារ ដោយចូលទៅក្នុងកិច្ចសន្យាការងារជាថ្មី ដែលមានប្រាក់ឈ្នួល លើស80ម៉ឺនវ៉ុន
· ករណីដែលទទួលស្គាល់ថាមានផលវិបាក្នុងការចូលធ្វើការងារនៅកន្លែងផ្សេងភ្លាមៗ ដោយសារកំពុងធ្វើនៅនៅសហគ្រាសដូចជា ពាណិជ្ជកម្ម ឬ កសិកម្ម(បូកបញ្ចូលទាំងការងារមេផ្ទះដែលមានប្រាក់ចំណូល) ឬ ដោយសារការ កំពុងចូលរួមក្នុងការងារជាមួយអ្នកដទៃ
· ប្រសិនបើអាជីវកម្មត្រូវបានចុះបញ្ជី ដោយយោងទៅតាមឯកសារ “ច្បាប់ស្តីពីពន្ធសាជីវកម្ម” “ច្បាប់ពន្ធលើតម្លៃបន្ថែមឬច្បាប់ពន្ធសាជីវកម្ម”(ដោយមិនគិតពីការចុះឈ្មោះអាជីវកម្ម នេះមិនរាប់បញ្ចូលករណី ប្រសិនបើស្ទើរតែមិនដំណើរការអាជីវកម្ម ដូចជាការផ្អាកអាជីវកម្ម ឬកម្មករអចលនៈទ្រព្យដោយគ្មានការិយាល័យជួល និងនិយោជិត)។
· ករណីផ្សេងទៀតដែលផ្នត់គំនិតទូទៅក្នុងសង្គមទទួលស្គាល់ថាបានធ្វើការងារ
ការទទួលស្គាល់ថាគ្មានការងារធ្វើ ការទទួលស្គាល់ថាគ្មានការងារធ្វើ- ត្រូវទទួលការទទួលស្គាល់ថាគ្មានការងារធ្វើតាមថ្ងៃនីមួយចាប់ពីមួយថ្ងៃបន្ទាប់ពីថ្ងៃដែល ទទួលស្គាល់ថាគ្មានការងារធ្វើ នៃការងារមុខ រហូតដល់ថ្ងៃទទួលស្គាល់ថាគ្មានការងារធ្វើថ្មីនោះ (「ច្បាប់ការធានារ៉ាប់រងផ្តល់ការងារ」 មាត្រា 44 កថាខ័ណ្ឌលេខ2 កថាតួសេចក្តី)។
ស្តង់ដាទទួលស្គាល់សកម្មភាពស្វែងរកការងារថ្មី- ក្នុងករណីដែលស្ថិតក្នុងចំណុចណាមួយដូចខាងក្រោម គឺត្រូវចាត់ទុកថាជាសកម្មភាពស្វែង រកការងារថ្មីដោយសកម្ម (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 63 កថាខ័ណ្ឌលេខ3, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ1 កថាតួសេចក្តី និង 「បទបញ្ញតិទទួលភាពគ្មានការងារ និង គាំពារការស្វែងរកការងារថ្មី」 មាត្រា 10 កថាខ័ណ្ឌលេខ2• កថាខ័ណ្ឌលេខ3 • កថាខ័ណ្ឌលេខ4)។
1. ក្នុងករណីទៅក្រុមហ៊ុនស្វែងរកបុគ្គលិក ឬ ដាក់ពាក្យសុំចូលធ្វើការនៅក្រុមហ៊ុន ស្វែងរកបុគ្គលិកតាមរយៈប្រៃសណីយ៍ ឬ អ៊ីនធើនែត
2. ករណីចូលរួមសម្ភាសនៅកម្មវិធីជ្រើសរើសបុគ្គលិកការងារ
3. ករណីស្ថិតក្នុងចំណុចណាមួយដូចខាងក្រោម ក្នុងកំឡុងពេលទទួលការបណ្តុះបណ្តាល អភិវឌ្ឍន៍សមត្ថភាពការងារ
1) ករណីបញ្ចប់វគ្គសិក្សាដែលទទួលស្គាល់ដោយរដ្ឋមន្ត្រីក្រសួងមុខរបរ និង ការងារ អនុលោមតាម「ច្បាប់ស្តីពីការអភិវឌ្ឍសមត្ថភាពវិជ្ជាជីវៈពេញមួយជីវិត」 មាត្រា24
2) ករណីបញ្ចប់វគ្គបណ្តុះបណ្តាលដែលថ្លៃសិក្សាទាំងស្រុង ឬ មួយផ្នែកឧបត្ថម្ភដោយស្ថា ប័នថ្នាក់ជាតិ ឬ ស្ថាប័នថ្នាក់ខេត្ត (សម្រាប់វគ្គបណ្តុះបណ្តាលដែលកត់វត្តមានច្បាស់ លាស់)
4. ករណីបានចូលរួមកម្មវិធីណែនាំការងារដែលរៀបចំដោយមជ្ឈមណ្ឌលផ្តល់ការងារ
5. ករណីដែលកំណត់ថានឹងចូលធ្វើការក្នុងរយៈពេល 30ថ្ងៃ ក្រោយថ្ងៃដែលទទួលស្គាល់ថា គ្មានការងារធ្វើ
6. ករណីដែលប្រធានមជ្ឈមណ្ឌលផ្តល់ការងារទទួលស្គាល់ថាមិនចាំបាច់ធ្វើសកម្មភាពស្វែង រកការងារផ្សេងទៀត ដោយសារការចូលរួមក្នុងស្ថាប័នបណ្តុះបណ្តាលអភិវឌ្ឍន៍សមត្ថភាព(បូកបញ្ចូលទាំងនីតិបុគ្គល)អនុលោមតាម「ច្បាប់ស្តីពីការអភិវឌ្ឍសមត្ថភាពវិជ្ជាជីវៈពេញមួយជីវិត」 ឬ ចូលរួមសិក្សាដើម្បីស្វែងរកការងារថ្មី នៅវិទ្យាស្ថានអនុលោមតាម 「ច្បាប់ស្តីពីការបង្កើតប្រតិបត្តិការសាលារៀន ឬ ការបង្រៀនក្រៅម៉ោង」
7. ករណីចូលរួមសកម្មភាពបំរើស្ម័គ្រចិត្តក្នុងសង្គមដែលណែនាំដោយប្រធានមជ្ឈមណ្ឌល ផ្តល់ការងារ ព្រោះពិនិត្យឃើញថា ត្រូវការដឹកនាំឲ្យមានមុខរបរ ដោយសារពេលកំពុងជួបផល់វិបាកក្នុងការផ្តល់ពត៌មាន ព្រោះលក្ខខ័ណ្ឌទីផ្សារពលកម្ម ដូចជាកង្វះខាតក្រុមហ៊ុនស្វែងរកបុគ្គលិកជាដើម
8. ក្នុងករណីធ្វើសកម្មភាពដោយសកម្ម ដូចជា ការផ្សព្វផ្សាយពត៌មានដើម្បីស្វែងរកពលករធ្វើការងារ ឬ ការស្វែងរកកន្លែងសម្រាប់ធ្វើអាជីវកម្មផ្ទាល់ខ្លួន ការកក់ទីកន្លែង(បូកបញ្ចូលទាំងការកក់បណ្តោះអាសន្ន) ឯកសារសកម្មភាពសិក្សាអំពីទីផ្សារ ឬ ការព្រមព្រៀងជាមួយស្ថាប័នផ្សេងៗ។
9. ករណីកំពុងរៀបចំផែនការទាក់ទងនឹងសកម្មភាពស្វែងរកការងារថ្មី ដោយទទួលការគាំពារពីមជ្ឈមណ្ឌលផ្តល់ការងារ
10. ករណីដូចចំណុចណាមួយខាងក្រោយ ហើយស្របនឹងចំណុចលេខ1. ដល់លេខ 9. ខាងលើ
1) ករណីចូលរួមកម្មវិធីណែនាំការងារ ឬ កម្មវិធីចង្អុលបង្ហាញបណ្តុះបណ្តាលការងារ ដូចជា ការណែនាំការងារ ឬ កម្មវិធីបំពេញការងារដែលរៀបចំដោយមជ្ឈមណ្ឌលផ្តល់ ការងារ ឬ ចូលរួមកម្មវធីចង្អុលបង្ហាញបណ្តុះបណ្តាលការងារផ្សេងទៀតដេលជាកម្មវិធី គាំពារស្វែងរកការងារ(ប៉ុន្តែ , ក្នុងករណីចូលរួមកម្មវិធី គាំពារស្វែងរកការងារ ឬ កម្មវិធីណែនាំការងារ ក្រោម 8 ម៉ោង នោះចាត់ទុកថាបានធ្វើសកម្មភាពស្វែងរកការងារ ជាអតិបរមា ចំនួន 2សប្តាហ៍)
2) ករណីដែលបានចូលរួមកម្មវធី ដូចជា ការណែនាំការងារ(សម្រាប់ករណីដែលគិតវត្តមានច្បាស់លាស់) ដែលប្រព្រឹត្តិទៅគោរពតាម កម្មវធីរបស់ស្ថាប័នទទួលស្គាល់ការងារ នៅស្ថាប័នគាំពារការងារសាធារណៈ ឬ ឯកជន
3) ករណីចូលរួមកម្មវិធីចង្អុលបង្ហាញបណ្តុះបណ្តាលការងាររបស់ស្ថាប័នទទួលស្គាល់ការ ងារ (ករណីដែលចូលរួម ហើយមិនប្រលងធ្លាក់ពាក់កណ្តាលទី នោះនឹងត្រូវទទួល ស្គាល់ទាំងស្រុងនៃរយៈពេលទទួលស្គាល់ថាគ្មានការងារធ្វើ)
4) ករណីអ្នករស់នៅកោះដាច់ស្រយាល ឬ ជនពិការ(សម្រាប់ជនពិការដែលពិបាកធ្វើចលនាដោយខ្លួនឯងប៉ុណ្ណោះ) ដែលត្រូវបានទទួលស្គាល់ក្នុងលក្ខខ័ណ្ឌពិសេសថាជាអ្នកគ្មានការងារធ្វើ ហើយបានប្រឹក្សាយោបល់ស្វែងរកការងារ តាមការណែនាំរបស់ មជ្ឈមណ្ឌលផ្តល់ការងារជាមនុស្សអ្នកស្វែងរកបុគ្គលិកតាមរយៈទូរស័ព្ទជាដើម
5) ករណីដែលបានដាក់ឯកសារស្វែងរកការងារទៅក្រុមហ៊ុនបញ្ចូនពលករដែលបានទទួលសិទ្ធិអនុញ្ញាតិពីរដ្ឋមន្ត្រីក្រសួងមុខរបរ និង ការងារ ឬ ករណីដែលបានចុះបញ្ជី ស្វែងរកបុគ្គលិកនៅស្ថាប័នចុះបញ្ជីស្វែងរកបុគ្គលិក និងការងារកាប៉ាល់ (សម្រាប់តែអ្នកដែលបានដាក់ពាក្យ ឬ ចុះបញ្ជីក្នុងកំឡុងពេលទទួលស្គាល់ថាគ្មានការងារធ្វើ ប៉ុណ្ណោះ)
6) ករណីពលករធ្វើការគិតជាថ្ងៃ ប្រសិនបើបានទទួលការងារដែលអនុលោមតាម 「អនុក្រិតច្បាប់ការធានារ៉ាប់រងផ្តល់ការងារ」 មាត្រា 92 កថាខ័ណ្ឌលេខ3 ក្នុងកំឡុងពេលទទួលស្គាល់ថាគ្មានការងារធ្វើ
7) ករណីបានបង្ហាញខ្លួងក្នុងថ្ងៃផ្សេងក្រៅពីថ្ងៃដែលទទួលស្គាល់ថាគ្មានការងារធ្វើ តាម ការចង្អុលបង្ហាញរបស់ប្រធានស្ថាប័នទទួលស្គាល់ការងារ ដើម្បីចូលរួមកម្មវិធីណែនាំ ការងារ ដែលមានដូចជា ការប្រឹក្សាយោបល់ការងារជាដើម
8) ករណីដែលប្រធានមជ្ឈមណ្ឌលផ្តល់ការងារទទួលស្គាល់ថាបានធ្វើសកម្មភាពស្វែងរក ការងារយ៉ាងសកម្មដើម្បីមានចេទនា និង សមត្ថភាពធ្វើការងារតាមផ្នត់គំនិតទូទៅក្នុង សង្គម ហើយត្រូវនឹងចំណុចលេខ 1) ដល់ 7) ខាងលើ
ករណីដែលមិនត្រូវបានទទួលស្គាល់ថាបានធ្វើសកម្មភាពស្វែងរកការងារថ្មី- ក្នុងករណីណាមួយដូចចំណុចខាងក្រោម នោះត្រូវចាត់ទុកថាមិនបានធ្វើសកម្មភាពស្វែង រកការងារឡើងវិញដោយមានចេទនា និង សមត្ថភាព ហើយមិនត្រូវបានទទួលស្គាល់ថា គ្មានការងារធ្វើឡើយ (「អនុក្រិតច្បាប់ការធានារ៉ាប់រងផ្តល់ការងារ」 មាត្រា 87 កថាខ័ណ្ឌលេខ2 និង 「បទបញ្ញតិទទួលភាពគ្មានការងារ និង គាំពារការស្វែងរកការងារថ្មី」 មាត្រា 10 កថាខ័ណ្ឌលេខ5)។ល
1. ករណីដែលពិនិត្យឃើញថា ពិបាកក្នុងការកំណត់ថាមូលហេតុនៃការផ្លាស់ប្តូរការងាររបស់ មនុស្សដែលផ្លាស់ប្តូរការងារដោយហេតុផលមានផ្ទៃពោះ សម្រាលកូន ចិញ្ចឹមទារក មើលថែ ចាស់ជរា ឬ ហេតុផលក្នុងកិច្ចការផ្ទះណាផ្សេងទៀត មិនទាន់បានកន្លងផុតនៅឡើយ
2. ករណីដែលត្រូវគេទទួលស្គាល់ថា មិនទាន់អាចចូលធ្វើការងារធម្មតាបានដោយសារ លក្ខខ័ណ្ឌស្មារតី ឬ រាងកាយដែលមានដូចជា ជំងឺ របួស ជាដើម
3. ករណីដែលបានក្លាយជាអ្នកទទួលប្រាក់បៀវត្សព្យួរការងារ (「ច្បាប់ស្តីពីសំណងការធានារ៉ាប់រងគ្រោះថ្នាកឧស្សាហកម្ម」 មាត្រា52)
4. ករណីដែលមិនបានបង្ហាញខ្លួនដើម្បីចូលរួមនៅកន្លែងការងារ ឬ កម្មវិធីណែនាំការងារ ដែលប្រធានមជ្ឈមណ្ឌលផ្តល់ការងារណែនាំ ដោយគ្មានមូលហេតុសមស្រប (សម្រាប់តែរយៈពេលដែលមិនបង្ហាញខ្លួនប៉ុណ្ណោះ)
5. ករណីដូចចំណុច 1. ដល់ 4. ហើយស្ថិតក្នុងចំណុចណាមួយដូចខាងក្រោម
1) ករណីដែលធ្វើការស្វែងរកការងារដដែលនៅកន្លែងការងារតែមួយដូចគ្នា
2) ករណីស្វែងរកពត៌មាននៃការស្វែងរកបុគ្គលិកតាមរយៈទូរស័ព្ទ ឬ អ៊ីនធើនែត ជាដើម
3) ករណីដែលបុគ្គលនោះចង់តែបានលក្ខខ័ណ្ឌការងារដែលមិនអាចទទួលបាន នៅពេល ពិចារណាលើបទពិសោធន វ័យ មុខងារ និង ស្ថានភាពទីផ្សារការងាររបស់អ្នកមានសិទ្ធិ ទទួលប្រាក់
4) ករណីជាអ្នកកំពុងត្រៀមបើកមុខរបរផ្ទាល់ខ្លួន គឺករណីដែលគិតតែពីពិនិត្យលើទីកន្លែង ឬ ស្រាវជ្រាវទីផ្សាដដែល ដែលមិនមែនជាសកម្មភាពត្រៀមការងារ
5) ករណីដែលមិនត្រៀមសម្រាប់មុខរបរផ្ទាល់ខ្លួនផ្សេងទៀត ក្រៅពីការចូលរួមវគ្គបណ្តុះ បណ្តាល វគ្គអប់រំសម្រាប់មុខរបរ ឬ សម្រាប់ដំណើរការមុខរបរ ឬ ដើម្បីបង្កើតសាខាជំនួយធានារ៉ាប់រង ឬ អ្នកស្វែងរកសមាជិកធានារ៉ាប់ រង(ក្រុមហ៊ុនគូសប្លង់សម្រាប់ជីវភាពរស់នៅ ជាដើម) ដោយអនុលោមតាម「ច្បាប់ស្តីពីការលក់ទំនិញដោយទស្សនកិច្ចផ្ទាល់」 (ប៉ុន្តែ ការចូលរួមវគ្គបណ្តុះ បណ្តាល វគ្គអប់រំ 1លើកក្នុងរយៈទទួល ប្រាក់ នោះត្រូវចាត់ទុកថាបានធ្វើសកម្មភាពស្វែងរកការងារក្នុងរយៈពេលនោះ)
6) ក្នុងករណីសកម្មភាពស្វែងរកការងារខុសគ្នាយ៉ាងខ្លាំងពីទម្រង់ពាក្យសុំការងាររបស់អ្នកទទួលដូចជាការងារការងារអាជីពការអប់រំតម្រូវការចាំបាច់ដូចជាប្រភេទការងារ បទពិសោធន៍ការងារ កម្រិតវប្បធម៌ និង វិញ្ញាបនបត្រ ជាដើម។ល។
7) ក្នុងករណីដែលនិយោជកមិនបានបំពេញសកម្មភាពការងារថ្មីដូចជាសកម្មភាពស្វែងរកការងារតាមការចង្អុលបង្ហាញពីប្រធានស្ថាប័នទទួលស្គាល់ការងារដោយគ្មានហេតុផលត្រឹមត្រូវ
8) ករណីដាក់ពាក្យតាមប្រព័ន្ធអ៊ីមែលអេឡិចត្រួនិកអនុលោមតាមច្បាប់មូលដ្ឋាននៃគោលនយោបាយការងារ មាត្រា15 (លើកលែងក្នុងករណីចូលធ្វើការងារតាមការណែនាំពីស្ថាប័នទទួលស្គាល់ការងារ) លើសពី4លើក(អ្នកទទួលប្រាក់ប្រចាំថ្ងៃ ក្រោម120ថ្ងៃ) ឬ 6លើក(អ្នកទទួលប្រាក់ប្រចាំថ្ងៃ ក្រោម150ថ្ងៃ)
9) យ៉ាងនេះក្តី ក្នុងករណីណែនាំអ្នកស្គាល់គ្នានៅកន្លែងធ្វើការដែលមិនមានការប្រកាសដំណឹងការងារ អ្នកអាចដាក់បញ្ជូនការបញ្ជាក់ពីការធ្វើការសម្ភាសន៍នៅទីកន្លែងធ្វើការនោះ ហើយសម្រេចចិត្តថាតើទទួលយកការជួលឲ្យធ្វើការឡើងវិញដែរឬទេ។
10) ករណីផ្សេងទៀតដែលដូចបញត្តិក្នុង 1) ដល់ 9) ខាងលើ
- Copyright(c)1997-2023 Ministry of Government Legislation. All rights reserved.
- creativecommons