CAMBODIA

- ប្រសិនបើអ្នកចង់បើកប្រាក់បៀវត្សស្វែងរកការងារ អ្នកត្រូវតែរាយការណ៍ពីការគ្មានការងារធ្វើទៅមជ្ឈមណ្ឌលផ្តល់ការងារដោយគ្មានបង្អង់ឡើយ ក្រោយពេលបាត់បង់ការងារ (អត្ថបទចម្បងនៃ「ច្បាប់ការធានារ៉ាប់រងផ្តល់ការងារ」 មាត្រា 42 (1))។

- នៅក្នុងការរាយការណ៍ពីការគ្មានការងារធ្វើ គឺមានទាំំងពាក្យស្នើសុំស្វែងរកការងារ និង ពាក្យស្នើសុំទទួលស្គាល់សិទ្ធិគ្រប់គ្រាន់ក្នុងការទទួលប្រាក់ (「ច្បាប់ការធានារ៉ាប់រងផ្តល់ការងារ」 មាត្រា 42 កថាខ័ណ្ឌលេខ2)។

- ប្រសិបចង់រាយការណ៍ពីការគ្មានការងារធ្វើ អ្នកត្រូវដាក់ពាក្យស្វែងរកការងារតាមរយៈប្រព័ន្ធអេឡិកត្រូនិច (គេហទំព័របណ្តាញការងារ 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 61 កថាខ័ណ្ឌលេខ1)។

- ប្រសិនបើចង់ទទួលប្រាក់បៀវត្សរបស់អ្នកស្វែងរកការងារធ្វើ អ្នកត្រូវដាក់ពាក្យស្នើសុំទៅប្រធានមជ្ឈមណ្ឌលផ្តល់ការងារដើម្បី ទទួលស្គាល់ថា អ្នកជាមនុស្សដែលគ្រប់លក្ខណៈដើម្បីទទួលទទួលប្រាក់បៀវត្សរបស់អ្នកស្វែងរកការងារ(ដែល ពីនេះតទៅត្រូវបានហៅថា “សិទ្ធិទទួលប្រាក់”) (「ច្បាប់ការធានារ៉ាប់រងផ្តល់ការងារ」 មាត្រា 43 កថាខ័ណ្ឌលេខ1)។

- អ្នកដែលបានដាក់ពាក្យស្វែងរកការងារ ត្រូវដាក់ពាក្យស្នើសុំទទួលស្គាល់សិទ្ធិទទួលប្រាក់ ទៅមជ្ឈមណ្ឌលផ្តល់ការងារ មានសមត្ថកិច្ចក្នុងតំបន់ដែលខ្លួនរស់នៅ។ (អត្ថបទចម្បងនៃ「អនុក្រិតនៃច្បាប់ការធានារ៉ាប់រងការងារ」 មាត្រា 61 (2) នៃ 「អនុក្រិតនៃច្បាប់ធានារ៉ាប់រងការងារ」 មាត្រា 82 (2) និង ឧបសម្ព័ន្ធ សំណុំបែបបទលេខ 75)។

- ករណីដែលអ្នកដាក់ពាក្យស្នើសុំការទទួលស្គាល់សិទ្ធិទទួលប្រាក់មានគ្រប់លក្ខណៈសម្បត្តិ ទាំងអស់ដូចខាងក្រោម នោះសេចក្តីសម្រេចទាក់ទងនឹងការទទួលស្គាល់សិទ្ធិទទួលប្រាក់ នឹងកំណត់តាមស្តង់តានៃការងារដែលផ្លាស់ប្តូរចុងក្រោយ (「ច្បាប់ការធានារ៉ាប់រងផ្តល់ការងារ」 មាត្រា 43 កថាខ័ណ្ឌលេខ 3 កថាតួសេចក្តី)។

- ប៉ុន្តែ ក្នុងករណីដែលពេលប្តូរការងារចុងក្រោយជាពលករធ្វើការគិតប្រាក់ជាថ្ងៃ ហើយរយៈ ពេលធានារ៉ាប់រងមានរយៈពេលក្រោម 1ខែ ដែលមិនមានសិទ្ធិទទួលប្រាក់ នោះត្រូវកំណត់ តាមស្តង់ដាការងារដែលផ្លាស់ប្តូរចុងក្រោយ ដែលមិនមែនជាពលករគិតប្រាក់ជាថ្ងៃ (「ច្បាប់ការធានារ៉ាប់រងផ្តល់ការងារ」 មាត្រា 43 កថាខ័ណ្ឌលេខ3 កថាលើកលែង)។

- ជនម្នាក់ដែលមានចេតនាប្រុងរាយការណ៍ពីភាពអត់មានការងារធ្វើដើម្បីទទួលបានអត្ថប្រយោជន៍ការស្វះស្វែងរកការងារអាចនឹងស្នើសុំម្ចាស់នៃអាជីវកម្មដែលគាត់បានលាឈប់ពី ឬត្រូវបានបញ្ឈប់ពីឲ្យចេញឯកសារដែលអាចបញ្ជាក់ពីរយៈកាលដែលត្រូវបានធានារ៉ាប់រងដោយស្ថាប័ននោះ និងដាក់បញ្ញត្តិម៉ោងធ្វើការងារប្រចាំថ្ងៃនៅមុនការលាឈប់ ឬការបញ្ឈប់។ល។ (ផ្នែកពីមុននៃមាត្រាទី 42 កថាខ័ណ្ឌលេខ 3 នៃច្បាប់ធានារ៉ាប់រងការងារ)។

- ប្រសិនបើអ្នកស្នើសុំត្រូវបានទទួលស្គាល់ថា មានសិទ្ធិទទួលប្រាក់ អ្នកនោះនឹងទទួល លិខិតបញ្ជាក់សិទ្ធិទទួលប្រាក់ ធានារ៉ាប់រង(ខាងក្រោមហៅថា “លិខិតបញ្ជាំក់សិទ្ធិទទួលប្រាក់”)ពីប្រធានមជ្ឈមណ្ឌលផ្តល់ការងារ នៅថ្ងៃដែលទទួលស្គាល់ ថាគ្មានការងារធ្វើលើកដំបូង (「ច្បាប់ការធានារ៉ាប់រងផ្តល់ការងារ」 មាត្រា 43 កថាខ័ណ្ឌលេខ2, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 62 កថាខ័ណ្ឌលេខ1, 「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 83 កថាខ័ណ្ឌលេខ1 និង ឧបសម្ព័ន្ធ សំណុំបែបបទលេខ 76)។

- ក្នុងករណីដែលអ្នកមានសិទ្ធិទទួលប្រាក់បានចូលធ្វើការដោយបន្សល់ទុកនូវចំនួនថ្ងៃខ្លះ នៃថ្ងៃដែលត្រូវទទួលប្រាក់បៀវត្សដែលកំណត់ ឬ ចំនួនថ្ងៃនៃការពន្យារយៈពេលទទួល ប្រាក់បៀវត្សស្វែងរកការងារ ហើយផ្លាស់ប្តូរការងារម្តងទៀតក្នុងពេលទទួលប្រាក់ ឬ បញ្ឈប់ការធ្វើមុខរបរដើម្បីប្រាក់ចំណូលក្នុងគោលបំណងទទួលប្រាក់បៀវត្សស្វែងរកការងារ នោះត្រូវតែរក្សាលិខិតបញ្ជាក់សិទ្ធិទទួលប្រាក់នោះ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 83 កថាខ័ណ្ឌលេខ2)។

- ក្នុងករណីដែលអ្នកមានសិទ្ធិទទួលប្រាក់ ត្រូវបានទទួលស្គាល់ថាមានសិទ្ធិទទួលប្រាក់ ផ្សេងទៀតក្នុងកំឡុងពេលកំពុងទទួលប្រាក់(「ច្បាប់ការធានារ៉ាប់រងផ្តល់ការងារ」 មាត្រា 48) ឬ រយៈពេលទទួលប្រាប់បៀវត្សបន្ថែម(「ច្បាប់ការធានារ៉ាប់រងផ្តល់ការងារ」 មាត្រា 54 កថាខ័ណ្ឌលេខ1) អ្នកនោះត្រូវទទួល ប្រាក់បៀវត្សស្វែងរកការងារដោយយកសិទ្ធិទទួលប្រាក់ដែលទទួលបានថ្មីធ្វើជាស្តង់ដា (「ច្បាប់ការធានារ៉ាប់រងផ្តល់ការងារ」 មាត្រា43 កថាខ័ណ្ឌលេខ5)។

- ប្រសិនបើអ្នកដាក់លិខិតស្នើសុំការទទួលស្គាល់សិទ្ធិទទួលប្រាក់ នោះអ្នកត្រូវបង្ហាញខ្លួន នៅមជ្ឈមណ្ឌលផ្តល់ការងារ ដើម្បីទទួលបាននូវ ការកំណត់ និង សេចក្តីប្រកាសពីថ្ងៃដែលត្រូវទទួលការបញ្ជាក់ពីការគ្មានការងារធ្វើ (「អនុក្រិតនៃច្បាប់ការធានារ៉ាប់រងផ្តល់ការងារ」 មាត្រា 61 កថាខ័ណ្ឌលេខ4)។