តើប្រាក់បៀវត្សពេលគ្មានការងារធ្វើគឺជាអ្វី?
និយមន័យនៃពាក្យប្រាក់បៀវត្សពេលគ្មានការងារធ្វើ
- “ប្រាក់បៀវត្សពេលគ្មានការងារធ្វើ” គឺសំដៅលើប្រព័ន្ធមួយនៃគម្រោងធានាការងារដើម្បីធានានូវស្ថេរភាពនៃជីវិតរស់នៅប្រចាំថ្ងៃរបស់កម្មករជាដើម និង ជំរុញសកម្មភាពស្វែងរកការងារក្នុងកំឡុងពេលគ្មានការងារធ្វើ។ (「ច្បាប់ការធានារ៉ាប់រងផ្តល់ការងារ」 មាត្រា 1 និង មាត្រា 4)។
※ “ភាពអត់ការងារធ្វើ” សំដៅលើស្ថានភាពដែលមិនអាចរកការងារបាន ទោះបីមានឆន្ទៈ និងសមត្ថភាពធ្វើការក៏ដោយ (「ច្បាប់ការធានារ៉ាប់រងផ្តល់ការងារ」មាត្រា 2 ចំណុច3)។
※ អាជីវកម្មធានារ៉ាប់រងការងារ រួមមានស្ថិរភាពការងារនិងគម្រោងអភិវឌ្ន៍សមត្ថភាពវិជ្ជាជីវៈ ប្រាក់បៀវត្សពេលគ្មានការងារធ្វើ អត្ថប្រយោជន៍ច្បាប់សម្រាកសម្រាប់ថែទាំកូនភាព និងអត្ថប្រយោជន៍ប្រាក់ឈ្នួលពេលសំរាលកូន (「ច្បាប់ធានារ៉ាប់រងការងារ មាត្រា 4 (1)」) ។
បុគ្គលដែលអាចទទួលប្រាក់បៀវត្សពេលគ្មានការងារធ្វើ
សមាជិកធានារ៉ាប់រងផ្តល់ការងារ
- ប្រាក់បៀវត្សពេលគ្មានការងារធ្វើផ្តល់ដល់ពលករ ឬ អ្នកប្រកបមុខរបរផ្ទាល់ខ្លួន(ខាងក្រោមហៅថា “សមាជិកធានារ៉ាប់រង”) ដែលបានចុះឈ្មោះជាសមាជិកធានារ៉ាប់រងផ្តល់ការងារ ដូចខាងក្រោម (「ច្បាប់ការធានារ៉ាប់រងផ្តល់ការងារ」 មាត្រា 2 លេខ1)។
· ពលករដែលចាត់ទុកថាបានចុះឈ្មោះជាសមាជិកធានារ៉ាប់រងដោយអនុលោមតាម「ច្បាប់ស្តីពីការដកថ្លៃសេវាកម្មធានារ៉ាប់រងនៃការធានារ៉ង់ការងារ និង ធានារ៉ាប់រងសំណងគ្រោះថ្នាក់ឧស្សាហកម្ម」 មាត្រា 5 កថាខ័ណ្ឌលេខ1 •កថាខ័ណ្ឌលេខ 2, មាត្រា 6 កថាខ័ណ្ឌលេខ1, មាត្រា 8 កថាខ័ណ្ឌលេខ1 •កថាខ័ណ្ឌលេខ2)។
· អ្នកប្រកបមុខរបរផ្ទាល់ខ្លួនដែលចាត់ទុកថាបានចុះឈ្មោះជាសមាជិកធានារ៉ាប់រងដោយអនុលោមតាម 「ច្បាប់ស្តីពីការដកថ្លៃសេវាកម្មធានារ៉ាប់រងនៃការធានារ៉ង់ការងារ និង ធានារ៉ាប់រងសំណងគ្រោះថ្នាក់ឧស្សាហកម្ម」 មាត្រា 49(2) កថាខ័ណ្ឌលេខ1 •កថាខ័ណ្ឌលេខ2
អ្នកមានសិទ្ធិគ្រប់គ្រាន់ក្នុងការទទួលប្រាក់បៀវត្ស
- “បុគ្គលដែលអាចទទួលប្រាក់ឧបត្ថម្ភ”សំដៅលើជនដែលត្រូវបានទទួលស្គាល់ពីប្រធានមជ្ឈមណ្ឌលផ្តល់ការងារថាជាបុគ្គលដែលមានលក្ខខ័ណ្ឌគ្រប់គ្រាន់ក្នុងការទទួលប្រាក់បៀវត្សរបស់ជនស្វែងរកការងារ (សូមមើល「ច្បាប់ការធានារ៉ាប់រងផ្តល់ការងារ」 មាត្រា 43(1)(2)(4))។