ការគណនាកំណត់រយៈពេលបន្តធ្វើការងារ
គោលគំនិតនៃរយៈពេលបន្តធ្វើការងារ
- “រយៈពេលបន្តធ្វើការងារ” គឺសំដៅលើរយៈពេលធ្វើការការងារចាប់ពីថ្ងៃចុះកិច្ចសន្យាការងារ រហូតដល់ថ្ងៃបញ្ចប់កិច្ចសន្យា។ ក្នុងករណីជាកិច្ចសន្យាការងារដែលមានពេលវេលាកំណត់ ជាគោលការគឺត្រូវយកថ្ងៃបញ្ចប់កិច្ចសន្យាការងារនោះ ជាថ្ងៃបញ្ចប់ទំនាក់ទំនងផ្តល់ការងារ (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』 ទំព័រ 38 និង ការបកស្រាយរដ្ឋបាល ផ្នែកកំណែទម្រង់ការផ្តល់ការងារ -2457, 2013. 12. 6., ក្រសួងមុខរបរ និង ការងារ)។
- និយោជិកដែលមានរយៈពេលបន្តធ្វើការងារលើសពី 1ឆ្នាំ ហើយធ្វើការងារលើសពី 15ម៉ោង ក្នុង 1សប្តាហ៍ ដោយយក4សប្តាហ៍ជាមធ្យម និយោជិកនោះអាចទទួលប្រាក់សោធនចូល និវត្តបាន (「ច្បាប់ស្តីពីការធានាប្រាក់សោធនចូលនិវត្តនិយោជិក」 មាត្រា 4 កថាខ័ណ្ឌលេខ 1 កថាលក្ខខ័ណ្ឌ)។
Q1. បើរយៈពេលនៃកិច្ចសន្យាគឺចាប់ពីថ្ងៃទី2 ខែមករាឆ្នាំនេះ រហូតដល់ថ្ងៃទី1 ខែមករា(ថ្ងៃឈប់សំរាក)ឆ្នាំក្រោយ តើខ្ញុំអាចទទួលប្រាក់សោធនចូល និវត្តបានទេ?
A1. ប្រសិនបើក្នុងរយៈពេលនៃកិច្ចសន្យាការងារបានចែងរួច ទោះបីជាមិនបានផ្តល់ការងារ ដោយសារថ្ងៃទី 1មករា ជាថ្ងៃដែលត្រូវលើកលែងការផ្តល់ការងារ(ថ្ងៃឈប់សំរាកកន្លែងការ ងារ) ក៏ដោយ ក៏ត្រូវចាត់ទុកថាជារយៈពេលដែលស្ថិតក្នុងទំនាក់ការងារដែរ ហើយថ្ងៃដែល និយោជិកចេញពីកន្លែងការងារគឺថ្ងៃទី2 ខែមករា ដូច្នេះហើយ និយោជកត្រូវផ្តល់ប្រាក់បំណាច់ឆ្នាំដល់និយោជិក (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, សូមមើលទំព័រទី 47)។
Q2. តើថ្ងៃឈប់សម្រាក់ការងារត្រូវរាប់បញ្ចូលក្នុងរយៈពេលបន្តធ្វើការងារដែរទេ?
A2. ‘រយៈពេលបន្តធ្វើការងារ’ សំដៅលើការក្សានូវទំនាក់ទំនងឋានៈក្នុងការងារជាមួយម្ចាស់ការងារ ដូច្នេះហើយការសម្រាក់ការងារបណ្តោះអាសន្នដែលបានទទួលការអនុញ្ញាតិ ត្រូវរាប់បញ្ចូល ក្នុងរយៈពេលបន្តធ្វើការងារដែរ។ ប៉ុន្តែ សម្រាប់រយៈពេលឈប់សំរាកការងារដែលជាមូល ហេតុផ្ទាល់ខ្លួន ដូចជាការទៅបន្តិការងារសិក្សា នោះរយៈពេលនោះអាចនឹងមិនត្រូវបញ្ចូល នៅក្នុងរយៈពេលបន្តធ្វើការងារដើម្បីគណនាកំណត់ប្រាក់បំណាច់ឆ្នាំ ដោយផ្អែកលើកិច្ចសន្យាជាក្រុម ឬ បទបញ្ជាផ្ទៃក្នុងការងារបាន (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, សូមមើលទំព័រទី 57)។
Q3. តើរយៈពេលហ្វឹកហាត់(សាកល្បងការងារ) រាប់បញ្ចូលក្នុងរយៈពេលបន្តធ្វើការងារដែរទេ?
A3-1. ប្រសិនបើក្នុងរយៈពេលហ្វឹកហាត់(សាកល្បងការងារ) ត្រូវបានទទួលការងារជាទំនាក់ទំនងជាមួយនិយោជក នោះរយៈពេលហ្វឹកហាត់(សាកល្បងការងារ) ក៏ត្រូវរាប់បញ្ចូលក្នុង រយៈពេលបន្តធ្វើការងារដើម្បីគណនាកំណត់ប្រាក់បំណាច់ឆ្នាំដែរ (តុលាការដំបូងក្រុងក្វាងជូ ប្រកាសថ្ងៃទី 2004. 4. 18. សាលក្រមលេខ 2002 Gadan 1180 )។
A3-2. ក្នុងករណីដែលចូលធ្វើការងារជាអ្នកហ្វឹកហាត់(សាកល្បង)ការងារ បន្ទាប់ត្រូវបានយកជា បុគ្គលិកពេញសិទ្ធិដោយធ្វើការបន្តមករហូតគ្មានចន្លោះ ហើយទោះបីជាទ្រង់ទ្រាយនៃ ការផ្តល់ការងារមានការផ្លាស់ប្តូឬក៏ដោយ ក៏រយៈពេលហ្វឹកហាត់(សាកល្បង)ការងារ ត្រូវរាប់បញ្ចូលជារយៈពេលពលកម្មដែលជាមូលដ្ឋានក្នុងកំណត់រយៈពេលបន្តធ្វើការងារ។ (តុលាការកំពូល ប្រកាសថ្ងៃទី 1995. 7. 11. សាលក្រមលេខ 93 da 26168)។
ការបន្តថ្មី ឬ បន្តដដែលៗនៃរយៈពេលបន្តធ្វើការងារ
- ក្នុងករណីដែលកិច្ចសន្យាការងារបានបញ្ចប់ ហើយត្រូវបានបន្តថ្មី ឬ បន្តដដែលៗនៃរយៈពេលកិច្ចសន្យាការងារដោយស្របតាមលក្ខខ័ណ្ឌដូចគ្នា នោះត្រូវគណនារយៈពេលដែល ត្រូវបានបន្តថ្មី ឬ បន្តដដែលៗ បញ្ចូលក្នុង រយៈពេលបន្តធ្វើការងារទាំងអស់ (តុលាការកំពូល ប្រកាសថ្ងៃទី 1995. 7. 11. សាលក្រមលេខ 93 da 26168)។
- ទោះបីជាក្នុងកំឡុងបន្តថ្មី ឬ បន្តដដែលៗនៃរយៈពេលកិច្ចសន្យាការងារមានរយៈពេលចន្លោះ មួយផ្នែកក៏ដោយ តែប្រៀបធៀបនឹងរយៈពេលទាំងមូល មិនមានរយៈពេលវែង ឬ ជាពេល ផ្លាស់ប្តូររដូវកាល ឬ ពេលវេលាដូចជាវិសមកាលការងារ ដែលត្រូវការពេលវេលាសម្រាក ដើម្បីបង្កើនថាមពល។ ដូច្នេះហើយ ប្រសិនបើមានហេតុផលដែលអាចទទួលយកបានថា ទោះបីជារយៈពេលនោះមិនមានផ្តល់ការងារ ឬ មិនបានផ្តល់ប្រាក់ឈ្នួលក៏ដោយ ក៏ត្រូវចាត់ ទុកថាជានិរន្តរភាពនៃទំនាក់ទនងការងារដែរ (តុលាការកំពូល ប្រកាសថ្ងៃទី 2006. 12. 7. សាលក្រមលេខ 2004 da 29736)។
ករណីផ្សេងៗពាក់ព័ន្ធនឹងរយៈពេលបន្តធ្វើការងារ
របៀបគណនាកំណត់រយៈពេលបន្តធ្វើការងាររបស់និយោជិកដែលធ្វើការគិតជាថ្ងៃ
- “និយោជិកដែលធ្វើការគិតជាថ្ងៃ” គឺសំដៅលើនិយោជិកដែលបញ្ចប់ការងារក្នុងកិច្ចសន្យារយៈពេល 1ថ្ងៃ ដែលទំនាក់ទងការត្រូវបញ្ចប់ក្នុងថ្ងៃនោះ ដោយមិនមានបន្តទំនាក់ការងារទៀតឡើយ (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, ទំព័រ 40)
- ទោះបីជាងារ ត្រូវហៅថា និយោជិកដែលធ្វើការគិតជាថ្ងៃក៏ដោយ ប្រសិនជាបានទទួលការងារ ដែលមិនបានកំណត់រយៈពេលនៅក្នុងការដ្ឋានសំណង់ ហើយទំនាក់ទំនងពលកម្មនោះ មានរយៈពេលច្រើន ព្រមទាំងត្រូវបំពេញការងាររហូតដល់បញ្ចប់ការសាងសង់ក្នុងករណីដែលគ្មានមូលហេតុណាមួយ នោះត្រូវចាត់ទុកទំនាក់ការងារបានបន្តរហូតដល់ថ្ងៃដែលបញ្ចប់ ការដ្ឋានសំណង់ (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, ទំព័រ 40)។
- ក្នុងករណីដែលធ្វើការមានរយៈពេលផ្លាស់ប្តូរ ដោយថ្ងៃខ្លះច្រើនជាង 15ម៉ោងក្នុងមួយថ្ងៃ ហើយ ថ្ងៃខ្លះតិចជាង 15ម៉ោងក្នុងមួយថ្ងៃ ក្នុងរយៈពេល 1សប្តាហ៍ នោះត្រូវកំណត់រយៈពេលបន្តពល កម្មដោយយកថ្ងៃឈប់ពីការងារជាបទដ្ឋាន ប៉ុន្តែត្រូវដកថ្ងៃដែលធ្វើការក្រោម 15ម៉ោងក្នុងមួយ ថ្ងៃចេញពីថ្ងៃធ្វើការងារសរុប (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, ទំព័រ 41)។
- ទោះបីជាការដ្ឋានសំណង់របស់អ្នកធ្វើការសំណង់គិតប្រាក់ជាថ្ងៃផ្លាស់ប្តូរក៏ដោយ ក៏ត្រូវចាត់ ទុកថាជារយៈពេលបន្តធ្វើការងារ ហើយបើរយៈពេលនោះសរុបលើសពីមួយឆ្នាំ ជាគោលការណ៍និយោជិកនោះ អាចទទួលប្រាក់បំណាច់ឆ្នាំនោពេលឈប់ធ្វើការងារនៅការដ្ឋានសំណង់ចុងក្រោយបាន(ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, ទំព័រ 41)។
របៀបគណនាកំណត់រយៈពេលបន្តធ្វើការងារនៅពេលផ្ទេរទទួលមុខរបរ
- “ការផ្ទេរទទួលមុខរបរ” គឺសំដៅលើការផ្ទេរនូវធនធានមនុស្ស ធនធានសម្ភារៈ ទាំងស្រុងដែល ជាប្រព័ន្ធគ្រប់គ្រងទៅតាមគោលដៅនៃមុខរបរ។ ក្នុងករណីបែបនេះ ជាគោលការណ៍ ទំនាក់ទងការងាររបស់ និយោជិកនឹងត្រូវផ្ទេរបន្ទទាំងស្រុងទៅសហគ្រាសដែលផ្ទេរទទួលបន្ត នោះ។ (តុលាការកំពូល ប្រកាសថ្ងៃទី 2005. 2. 25. សាលក្រមលេខ 2004 da 34790 )។
※ ឆ្លងកាត់តាមការវាយតំលៃពីទំនាក់ទំនងរវាងសហគ្រាស A និង សហគ្រាស B ថាតើបាន ព្រមព្រៀងគ្នាយ៉ាងច្បាស់លាស់ទាក់ទងនឹងការផ្ទេរ ឬ ទទួលមុខរបរដែរឬទេ ឬ មានការ ទទួលបំណុល សិទ្ធិសំណងរបស់សហគ្រាស A ហើយប្រសិនបើពិនិត្យឃើញថាពិតជាស្ថិត ក្នុងលក្ខខ័ណ្ឌផ្ទេរ ឬ ទទួលមុខរបរមែន នោះរយៈពេលដែលបានធ្វើការងារក្នុងសហគ្រាស A ត្រូវយកមកគណនាជារយៈពេលបន្តធ្វើការងារដើម្បីកំណត់ប្រាក់បំណាច់នៅក្នុងសហ គ្រាស B (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, ទំព័រ 51)។
- តែប្រសិនបើពិនិត្យឃើញថា នេះគ្រាន់តែជាការឆ្លងកាត់តាមនីតិវិធីគំរូនៃការឈប់ ឬ ការចូល ធ្វើការងារ ដោយយោងតាមសេចក្តីសម្រេចឯកត្តោភាគីនៃការគ្រប់គ្រងរបស់សហគ្រាស់ ដែលបានផ្ទេរ និង ទទួលមុខរបរតាមរយៈការផ្ទេរតែផ្នែកខ្លះនៃមុខរបរ ហើយនិយោជិក បានទទួលប្រាក់បំណាច់ឆ្នាំ នោះមិនអាចនិយាយថា និយោជិកមានចេទនាក្នុងការងារផ្តាច់ ទំនាក់ទំនងការងារឡើយ ដែលមានន័យថា ទំនាក់ទំនងបន្តពលកម្មនៅតែមាន។ ក្នុងករណី បែបនេះ បើនិយោជកបញ្ឈប់ការងារនៅក្នុងសហគ្រាសដែលបានទទួលផ្ទេរបន្ត នោះអាច ទទួលប្រាក់បំណាច់ឆ្នាំនៅក្នុងកន្លែងការងារនោះចំពោះរយៈពេលបន្តធ្វើការងារបាន ប៉ុន្តែត្រូវលើកលែងចំនួនប្រាក់ដែលបានទទួលរួចហើយចេញ (តុលាការកំពូល ប្រកាសថ្ងៃទី 2005. 2. 25. សាលក្រមលេខ 2004 da 34790 )។
របៀបគណនារយៈពេលបន្តធ្វើការងាររបស់និយោជិកបរទេសដែលចូលស្រុកម្តងទៀត
- ‘រយៈពេលបន្តធ្វើការងារ’ សំដៅលើការក្សានូវទំនាក់ទំនងឋានៈក្នុងការងារជាមួយម្ចាស់ការងារ ដូច្នេះហើយការសម្រាក់ការងារបណ្តោះអាសន្នដែលបានទទួលការអនុញ្ញាតិ ត្រូវរាប់បញ្ចូល ក្នុងរយៈពេលបន្តធ្វើការងារដែរ(ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, សូមមើលទំព័រទី 48-49)។
· ប្រសិនបើម្ចាស់ក្រុមហ៊ុនបំពេញលើ “លិខិតរាយការណ៍សកម្មភាពចូលស្រុកម្តងទៀតដើម្បី ធ្វើការ” ដោយដាក់លក្ខខ័ណ្ឌថានឹងបន្តផ្តល់ការងារដល់និយោជិក ហើយនិយោជិកនោះធ្វើមាតុ ភូមិនិវត្តក្នុងរយៈពេលកំណត់ណាមួយ ហើយត្រលប់ចូលមកធ្វើការងារ នោះរយៈពេល ទាំងអស់ត្រូវបូកបញ្ចូលជារយៈពេលបន្តធ្វើការងារ។
· ប៉ុន្តែ ប្រសិនការចាកចេញទៅ គ្មានការងារជាក់ស្តែងធ្វើ នោះទំនាក់ទំនងការងារត្រូវបាន បញ្ចប់ ហើយកំណត់ថា នៅពេលត្រលប់មកវិញ ត្រូវចាប់ផ្តើមជាថ្មី នោះត្រូវវាយតំលៃទៅ តាមស្ថានភាពជាក់ស្តែងនោះ
របៀបគណនាកំណត់រយៈពេលបន្តធ្វើការងារនៅពេលផ្លាស់ប្តូរប្រភេទការងារ
- ការវាយតំលៃចំពោះការហ្វឹកហាតការងារបន្តដើម្បីគណនាប្រាក់បំណាច់ឆ្នាំរបស់និយោជិក ដែលបានធ្វើការដោយប្តូរពីនិយោជិកធ្វើការងារគិតជាថ្ងៃ មកពីនិយោជិកពេញច្បាប់មានមុខងារ នៅក្នុងកន្លែងការដូចគ្នា ត្រូវពិចារណារូមលើទំនាក់ទំនាក់ជាក់ស្តែងលំអិត (ក្រសួងមុខរបរ និង ការងារ, 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』, សូមមើលទំព័រទី 49-50)។
· ប្រសិនបើនិយោជិកមានចេទនាលាលែងពីការងារគិតជាថ្ងៃដោយខ្លួនឯង ហើយដាកពាក្យប្រ លងដើម្បីប្តូរការងារជាបុគ្គលិកពេញសិទ្ធិ ឬ បុគ្គលិកមានមុខងារដោយឆ្លងកាត់នីតិវិធីជ្រើសរើសបុគ្គលិក នោះអាចចាត់ទុកថា ទំនាក់ទំនងការងារត្រូវបានបញ្ចប់។
· ប៉ុន្តែ ប្រសិនបើការផ្តល់ការងារ ត្រូវបានឆ្លងកាត់តាមនីតិវិធីពិសេសក្នុងស្ថានភាពដែលបន្ត ទំនាក់ទំនងការងារចំពោះការងារគិតប្រាក់ជាថ្ងៃ ហើយបានដាក់ពាក្យសុំឈប់ពីការងារគិត ជាថ្ងៃ ដោយប្តូរជាការងារជាបុគ្គលិកពេញសិទ្ធិ ឬ បុគ្គលិកមានមុខងារ នោះអាចចាត់ទុកថា ទំនាក់ទំនងការងារត្រូវបានបញ្ចប់។
※ ពត៌មានលំអិតទាក់ទងនឹងរបៀបនៃការគណនារយៈពេលបន្តធ្វើការងារតាមករណីនីមួយៗ អាចពិនិត្យនៅក្នុង 『ច្បាប់ស្តីពីការធានាប្រាក់សោធនចូលនិវត្តនិយោជិក កម្រងសំនួរចំលើយ』 ឬ ទាក់ទងមកក្រសួងមុខ របរ និង ការងារ(http://www.moel.go.kr, ☏ 1350)បាន