ការចូលប្រទេសមានទិដ្ឋាការ
ការដាក់ពាក្យសុំចេញទិដ្ឋាការ- សមាជិកគ្រួសារ ឬសាច់ញាតិរបស់ជនបរទេសដែលបានរៀបអាពាហ៍ពិពាហ៍ជាមួយពលរដ្ឋនៃសាធារណរដ្ឋកូរ៉េ ត្រូវដាក់ពាក្យសុំចេញទិដ្ឋាការដែលមានបេសកកម្មការទូត (សំដៅចំពោះស្ថានទូត និងស្ថានកុងស៊ុលនៃ សាធារណរដ្ឋកូរ៉េ; តាមន័យនេះ មានដូចគ្នាដែលត្រូវអនុវត្ត) ដើម្បីចូលសាធារណរដ្ឋកូរ៉េ។ ជនបរទេសដែល មានបំណងចូលសាធារណរដ្ឋកូរ៉េ សម្រាប់គោលបំណងទេសចរណ៍ ឬដំណើរទស្សនកិច្ចទៅជួបសាច់ញាតិ របស់ខ្លួន ត្រូវបានចេញទិដ្ឋាការទស្សនកិច្ចរយៈពេលខ្លី (C-3) ដែលអនុញ្ញាតឱ្យគាត់ស្នាក់នៅក្នុងសាធារណរដ្ឋកូរ៉េ រយៈពេលរហូតដល់ 3 ខែ។
- អ្នកដាក់ពាក្យសុំអាចត្រូវបានគេចេញទិដ្ឋាការទស្សនកិច្ចរយៈពេលខ្លី (C-3) យ៉ាងងាយស្រួលថែមទៀត តាមរយៈ ការដាក់ជូនលិខិតអញ្ជើញ ឯកសារយោង (បានបញ្ជាក់នៅសាធារណរដ្ឋកូរ៉េ) ជាដើម ដែលបង្ហាញ ពីគោលបំណងនៃដំណើរទស្សនកិច្ចរបស់ខ្លួន ដែលផ្តល់ដោយជនបរទេសនៅសាធារណរដ្ឋកូរ៉េ នៅពេលចុះបញ្ជីឈ្មោះសម្រាប់ការដាក់ពាក្យសុំទិដ្ឋាការ។
ឯកសារត្រូវដាក់ជូនឯកសារដែលត្រូវការសម្រាប់ការចេញទិដ្ឋាការប្រែប្រួលពីប្រទេសមួយទៅប្រទេសមួយដូច្នេះអ្នកអាចស្វែងយល់បន្ថែមតាមរយៈស្ថានទូតនៃប្រទេសដែលដាក់ពាក្យសុំ។
ការប្រុងប្រយ័ត្នចំពោះការចេញទិដ្ឋាការ- ក្នុងករណីអ្នកដាក់ពាក្យសុំមានបំណងទទួលបានទិដ្ឋាការក្រោយពេលផុតកំណត់រយៈពេល 3 ខែ ដោយគិតចាប់ពីកាលបរិច្ឆេទដាក់ពាក្យសុំទិដ្ឋាការនោះ គាត់ត្រូវដាក់ពាក្យសុំថ្មីមួយសម្រាប់ការចេញទិដ្ឋាការម្តងទៀត (មាត្រា 12 (3) នៃបទបញ្ជាអនុវត្តច្បាប់ត្រួតពិនិត្យអន្តោប្រវេសន៍)។