ប្រព័ន្ធអប់រំនៅសាលារៀននៃសាធារណរដ្ឋកូរ៉េប្រជាពលរដ្ឋនៃសាធារណរដ្ឋកូរ៉េទាំងអស់ មានឱកាសស្មើៗគ្នាចំពោះការសិក្សានៅសាលាបឋមសិក្សាមធ្យមសិក្សា និងកម្រិតខ្ពស់ជាងនេះ ដោយគ្មានការរើសអើង ដោយមិនគិតអំពីសមត្ថភាពរបស់ពួកគេឡើយ។ កុមារទាំងអស់ ត្រូវទទួលបានការសិក្សាដែលជាកាតព្វកិច្ច ដែលមានរយៈពេល 9 ឆ្នាំ ដោយគិតចាប់ពីសាលាបឋមសិក្សា រហូតដល់ថ្នាក់មធ្យមសិក្សា ហើយការសិក្សាសម្រាប់រយៈពេលនេះ មិនគិតថ្លៃឡើយ។
នីតិវិធីនៃការអនុញ្ញាតឱ្យចូលរៀនសម្រាប់កុមារដែលមានសញ្ជាតិនៃសាធារណរដ្ឋកូរ៉េ
នីតិវិធីនៃការអនុញ្ញាតឱ្យចូលរៀនសម្រាប់ការសិក្សាដែលជាកាតព្វកិច្ច
- នីតិវិធីនៃការអនុញ្ញាតឱ្យចូលរៀន និងការផ្ទេរសាលាបឋមសិក្សា
· ប្រធាន Eup/Myeon/Dong ត្រូវផ្តល់ជូនអាណាព្យាបាលរបស់កុមាររៀននៅសាលានូវលិខិតជូនដំណឹង ដែលអាចមាននាពេលខាងមុខ ដើម្បីឱ្យមកចូលរៀននៅត្រឹមថ្ងៃទី 20 ខែធ្នូ ឆ្នាំមុន ដែលជាឆ្នាំតាមកាលបរិច្ឆេទចូលរៀនតាមសាលារៀន ដោយមានការរៀបចំសាលារៀននាពេលខាងមុខសម្រាប់ពួកគេ ដើម្បីចូលរៀន និងការកំណត់កាលបរិច្ឆេទអនុញ្ញាតឱ្យចូលរៀន (មាត្រា 17 (1) នៃសេចក្តីសម្រេចអនុវត្ត ច្បាប់អប់រំសាលាបឋមសិក្សា និងមធ្យមសិក្សា)។
· ក្នុងករណីសិស្សានុសិស្សនៃសាលាបឋមសិក្សាណាមួយមានបំណងផ្លាស់ប្តូរសាលារៀនដោយសារតែមានការផ្លាស់ប្តូរអាសយដ្ឋាននោះ អាណាព្យាបាលរបស់គាត់ត្រូវជូនដំណឹងទៅនាយកសាលារៀនដែលកំពុងសិក្សា និងនាយកសាលាដែលត្រូវប្តូរទៅដោយបានទទួលការចង្អុលបង្ហាញពីអភិបាលឃុំសង្កាត់ (「អនុក្រិត្យនៃច្បាប់ស្តីពីការអប់រំបឋមនិង មធ្យមសិក្សា」 មាត្រា 21(1))។
· នាយកសាលាដែលត្រូវផ្លាស់ប្តូរការជូនដំណឹងខាងលើត្រូវពិនិត្យមើលទិន្នន័យព័ត៌មានអំពីការចុះឈ្មោះអ្នករស់នៅតាមអេឡិចត្រូនិកតាមរយៈការចែករំលែកព័ត៌មានផ្នែករដ្ឋបាល តាមមាត្រា 36 (1) នៃច្បាប់អេឡិចត្រូនិករដ្ឋាភិបាល ទោះយ៉ាងណាក៏ដោយ ប្រសិនបើអាណាព្យាបាលសិស្សមិនយល់ព្រមចំពោះការបញ្ជាក់នោះគាត់/នាងត្រូវមានអាណាព្យាបាលដែលពាក់ព័ន្ធដាក់ជូនឯកសារដែលបញ្ជាក់អំពីការផ្លាស់ប្តូរអាស័យដ្ឋាន(មាត្រា 21 (3) នៃ「សេចក្តីសម្រេចអនុវត្តច្បាប់អប់រំសាលាបឋមសិក្សា និងមធ្យមសិក្សា」)។
- នីតិវិធីនៃការអនុញ្ញាតឱ្យចូលរៀនសាលាមធ្យមសិក្សា
· បុគ្គលដែលមានបំណងចូលរៀនសាលាមធ្យមសិក្សា ត្រូវដាក់ជូនសំណុំបែបបទបែងចែកលៃបម្រុងទុកសម្រាប់ សាលាមធ្យមសិក្សាជូនទៅគណកម្មាធិការគ្រប់គ្រងការបែងចែកអនុញ្ញាតឱ្យចូលរៀនសាលាមធ្យមសិក្សាចំពោះសាលាបឋមសិក្សាណាមួយដែលគាត់បានបញ្ចប់ការសិក្សា (មាត្រា 43 (2) នៃច្បាប់អប់រំសាលាបឋមសិក្សា និងមធ្យមសិក្សា និងមាត្រា 71 នៃសេចក្តីសម្រេចអនុវត្តច្បាប់អប់រំសាលាបឋមសិក្សា និងមធ្យមសិក្សា)។
· ប្រធានការិយាល័យអប់រំខណ្ឌឬស្រុក ត្រូវបែងចែកសាលារៀននានាសម្រាប់អ្នកដាក់ពាក្យសុំអនុញ្ញាតឱ្យ ចូលរៀននៅសាលាមធ្យមសិក្សា ដើម្បីចូលរៀនតាមការបែងចែកស្របតាមខណ្ឌឬស្រុក និងក្រុមសាលារៀន (មាត្រា 43 (2) នៃច្បាប់អប់រំសាលាបឋមសិក្សា និងមធ្យមសិក្សា និងមាត្រា 68 នៃសេចក្តីសម្រេចអនុវត្ត ច្បាប់អប់រំសាលាបឋមសិក្សា និងមធ្យមសិក្សា)។
នីតិវិធីនៃការអនុញ្ញាតឱ្យចូលរៀនសម្រាប់កុមារដែលមានសញ្ជាតិបរទេស
នីតិវិធីនៃការអនុញ្ញាតឱ្យចូលរៀន និងការផ្ទេរសាលារៀន
អាណាព្យាបាលរបស់កូនឬសិស្សបរទេស អាចដាក់ពាក្យសុំអនុញ្ញាតឱ្យចូលរៀន ឬផ្ទេរសាលារៀនរបស់កូនឬ សិស្សបរទេសជូនទៅនាយកសាលាបឋមសិក្សានៅសាលារៀនខណ្ឌឬស្រុក ដែលទីលំនៅរបស់គាត់នៅទីនោះ ដោយជំនួសឱ្យនីតិវិធីនានាខាងក្រោមសម្រាប់ការអនុញ្ញាតឱ្យចូលរៀន និងការផ្ទេរសាលារៀនតាមមាត្រា 17 និង 21 នៃសេចក្តីសម្រេចអនុវត្តច្បាប់អប់រំសាលាបឋមសិក្សា និងមធ្យមសិក្សា (មាត្រា 19 (1) នៃសេចក្តីសម្រេចអនុវត្តច្បាប់អប់រំសាលាបឋមសិក្សា និងមធ្យមសិក្សា) ។
※ នាយកសាលាបឋមសិក្សាដែលទទួលបានពាក្យសុំបែបនេះ ត្រូវផ្ទៀងផ្ទាត់ព័ត៌មានលម្អិតអំពីលិខិតបញ្ចាក់អំពី ការចូល និងការចាកចេញពីប្រទេសកូរ៉េ ឬលិខិតបញ្ជាក់អំពីការចុះបញ្ជីឈ្មោះជនបរទេសតាមមាត្រា 88 នៃច្បាប់ត្រួតពិនិត្យអន្តោប្រវេសន៍តាមរយៈការរចែករំលែកព័ត៌មានរដ្ឋបាលតាមមាត្រា 36 (1) នៃច្បាប់អេឡិចត្រូនិករដ្ឋាភិបាល៖ ប្រសិនបើ ករណីអាណាព្យាបាលកូនឬសិស្សបរទេស មិនយល់ព្រមចំពោះការបញ្ជាក់បែបនេះ នាយកសាលាដែលពាក់ព័ន្ធ ត្រូវឱ្យគាត់ដាក់ជូនឯកសារណាមួយនៃឯកសារខាងក្រោម (មាត្រា 19 (2) នៃសេចក្តីសម្រេចអនុវត្តច្បាប់អប់រំសាលាបឋមសិក្សា និងមធ្យមសិក្សា)៖
ឯកសារដែលបញ្ជាក់អំពីការចូល និងការចាកចេញពីប្រទេសកូរ៉េ និងផ្ទៀងផ្ទាត់ការចុះបញ្ជីឈ្មោះជនបរទេស;
ឯកសារដែលបញ្ជាក់អំពីការស្នាក់នៅរបស់គាត់នៅប្រទេសកូរ៉េ ដូចជាកិច្ចសន្យាជួលជាលាយលក្ខណ៍អក្សរ ឬលិខិតធានាពីអ្នកជិតខាងរបស់គាត់។