តម្រូវការទាមទារសម្រាប់ការចូលសញ្ជាតិដែលមានការសម្របសម្រួល (កថាខណ្ឌរង 1 មាត្រា 5 និង 6 (2) នៃច្បាប់សញ្ជាតិ) ។
បុគ្គលដែលបានរៀបការជាមួយពលរដ្ឋនៃសាធារណៈរដ្ឋកូរ៉េ;
បុគ្គលដែលបានរស់នៅសាធារណៈរដ្ឋកូរ៉េ;
- រយៈពេលស្នាក់នៅបណ្តោះអាសន្ន
· អ្នកដាក់ពាក្យសុំត្រូវមានការស្នាក់អាស្រ័យនៅក្នុងសាធារណរដ្ឋកូរ៉េ ដែលមានរយៈពេលយ៉ាងតិច 2 ឆ្នាំជាប់ៗគ្នា ដោយបានរៀបការជាមួយពលរដ្ឋនៃសាធារណៈរដ្ឋកូរ៉េ។ ឬរយៈពេល 3 ឆ្នាំកន្លងផុតទៅ ចាប់តាំងពីគាត់បានរៀបការជាមួយពលរដ្ឋនៃសាធារណៈរដ្ឋកូរ៉េ ហើយមានការស្នាក់អាស្រ័យនៅក្នុង សាធារណរដ្ឋកូរ៉េ ដែលមានរយៈពេលយ៉ាងតិច 1 ឆ្នាំជាប់ៗគ្នា។
- ការគណនារយៈពេលស្នាក់នៅបណ្តោះអាសន្ន
· ថ្ងៃដែលអ្នកដាក់ពាក្យសុំបានបំពេញតាម ដំណើរការចុះបញ្ជីឈ្មោះជនបរទេសដោយស្របច្បាប់នោះ ត្រូវបានចាត់ទុកថាជាការចាប់ផ្តើមរយៈពេលស្នាក់នៅបណ្តោះអាសន្ន ចាប់តាំងពីនោះមកអ្នកដាក់ពាក្យសុំ ត្រូវស្នាក់នៅសាធារណរដ្ឋកូរ៉េ ដែលមានរយៈពេលយ៉ាងតិចពីរឆ្នាំជាប់ៗគ្នា។ ទោះជាយ៉ាងណាក៏ដោយ ប្រសិនបើវាស្ថិតនៅក្រោមកថាខណ្ឌរងខាងក្រោមនេះ អ្នកដាក់ពាក្យសុំត្រូវបានចាត់ទុកថាបានស្នាក់នៅក្នុង សាធារណរដ្ឋកូរ៉េដែលមានរយៈពេលជាប់ៗគ្នា ដែលរួមមានរយៈពេលទាំងអស់ដែលគាត់បានស្នាក់នៅក្នុង ប្រទេសកូរ៉េ (មាត្រា 5 នៃបទបញ្ជាអនុវត្តច្បាប់សញ្ជាតិ)។
1. នៅពេលអ្នកដាក់ពាក្យសុំ បានទទួលលិខិតអនុញ្ញាតឱ្យចូលជាថ្មីទៅសាធារណរដ្ឋកូរ៉េមុនពេលផុត កំណត់រយៈពេលស្នាក់នៅដែលបានអនុញ្ញាតនោះ បានចាកចេញពីប្រទេសកូរ៉េ ហើយបានចូលជាថ្មី នៅក្នុងរយៈពេលដែលបានអនុញ្ញាត;
2. នៅពេលអ្នកដាក់ពាក្យសុំបានចាកចេញពីសាធារណរដ្ឋកូរ៉េជាបណ្តោះអាសន្ន ដោយសារតែគាត់មិន អាចបន្តរយៈពេលស្នាក់នៅរបស់គាត់ នៅអំឡុងពេលគាត់ស្នាក់នៅក្នុងប្រទេសកូរ៉េ ហើយបានចូលជាថ្មី ដោយមានទិដ្ឋាការចូលប្រទេសក្នុងរយៈពេល 1 ខែ;
3. នៅពេលរដ្ឋមន្ដ្រីក្រសួងយុត្ដិធម៌ទទួលស្គាល់ថាការបន្ថែមរយៈពេលទាំងអស់ ដែលគាត់បាន ស្នាក់នៅក្នុង ប្រទេសកូរ៉េ គឺសមហេតុផលដោយសារតែមូលហេតុនានាដែលបានរៀបរាប់នៅក្នុង កថាខណ្ឌរង 1 និង 2 ឬមូលហេតុប្រហាក់ប្រហែលគ្នាផ្សេងទៀត។
- ករណីលើកលែងដែលទាក់ទងនឹងតម្រូវការទាមទារសម្រាប់រយៈពេលស្នាក់នៅបណ្តោះអាសន្ន
· ប្រសិនបើវាស្ថិតក្រោមកថាខណ្ឌរងណាមួយខាងក្រោមនេះ ហើយរដ្ឋមន្ដ្រីក្រសួងយុត្ដិធម៌ចាត់ទុកថាជាករណី ដែលសមហេតុផលនោះ អ្នកដាក់ពាក្យសុំដែលខកខានមិនបានបំពេញតាមតម្រូវការទាមទារសម្រាប់រយៈពេលស្នាក់នៅបណ្តោះអាសន្ន ដូចដែលបានរៀបរាប់ខាងលើនេះ អាចដាក់ពាក្យសុំលិខិតអនុញ្ញាតចូលសញ្ជាតិដែលមានការសម្របសម្រួល បន្ទាប់ពីគាត់បំពេញតាមតម្រូវការទាមទារចំពោះ រយៈពេលដែលនៅសល់។
1. នៅពេលអ្នកដាក់ពាក្យសុំមិនអាចជួយទ្រទ្រង់ចំណងអាពាហ៍ពិពាហ៍ដោយសារតែការស្លាប់ ឬ ការបាត់ខ្លួនប្តីឬប្រពន្ធជនជាតិកូរ៉េរបស់ខ្លួន ការលែងលះប្តីប្រពន្ធ ឬការបែកបាក់រស់នៅ ដោយឡែកពីគ្នា នៅពេលកំពុង រៀបការជាប្តីប្រពន្ធដែលបានរៀបរាប់រួចមកហើយ;
2. នៅពេលអ្នកដាក់ពាក្យសុំកំពុងមើលថែទាំកូនតូចដែលកើតនៅក្នុងចំណោមពួកគេ និងប្តីប្រពន្ធជនជាតិកូរ៉េ របស់ខ្លួន។
បុគ្គលដែលជាមនុស្សពេញវ័យ (អាយុចាប់ពី 19 ឡើងទៅ) ដោយស្របតាមច្បាប់រដ្ឋប្បវេណីនៃ សាធារណរដ្ឋកូរ៉េ;
បុគ្គលដែលត្រូវបានគេចាត់ទុកថាជាបុគ្គលដែលមានចរិយាល្អ;
បុគ្គលដែលអាចឧបត្ថម្ភទ្រទ្រង់ខ្លួនឯងបាន;
បុគ្គលដែលមានចំណេះដឹងជាមូលដ្ឋាន ជាពលរដ្ឋនៃសាធារណៈរដ្ឋកូរ៉េ;
នីតិវិធីស្តីពីការអនុញ្ញាតឱ្យចូលសញ្ជាតិដែលមានការសម្របសម្រួល
ការដាក់ពាក្យសុំលិខិតអនុញ្ញាតចូលសញ្ជាតិ
- ករណីទូទៅ
· ដើម្បីទទួលបានលិខិតអនុញ្ញាតចូលសញ្ជាតិដែលមានសម្របសម្រួលនោះបុគ្គលដែលបានដាក់របាយការណ៍អាពាហ៍ពិពាហ៍ហើយបានរក្សាចំណងអាពាហ៍ពិពាហ៍ធម្មតាជាមួយប្តីប្រពន្ធជនជាតិកូរ៉េរបស់ខ្លួនត្រូវដាក់ពាក្យសុំចូលសញ្ជាតិ(ទម្រង់បែបបទ2 នៃបទបញ្ជាអនុវត្តច្បាប់សញ្ជាតិ) និងឯកសារខាងក្រោមនេះជូនទៅប្រធានមន្ទីរអន្តោប្រវេសន៍និងបរទេសប្រធានការិយាល័យអន្តោប្រវេសន៍និងជនបរទេសឬប្រធានសាខានៃស្ថាប័ននោះ(មាត្រា3 នៃសេចក្តីសម្រេចអនុវត្តច្បាប់សញ្ជាតិនិងមាត្រា3 (2) នៃបទបញ្ជាអនុវត្តច្បាប់សញ្ជាតិ)៖
1. ឯកសារបញ្ជាក់ថា អ្នកដាក់ពាក្យសុំជាជនបរទេស;
2. ឯកសារដែលស្ថិតនៅក្រោមករណីណាមួយដូចខាងក្រោមនេះ ដែលបញ្ជាក់ថាអ្នកដាក់ពាក្យសុំ ឬសមាជិក គ្រួសាររបស់ខ្លួន ដែលរស់នៅជាមួយគាត់ អាចឧបត្ថម្ភទ្រទ្រង់ខ្លួនឯងបាន។
A. អ្នកដាក់ពាក្យសុំចូលសញ្ជាតិទូទៅ ត្រូវប្រគល់ជូនឯកសារមួយច្បាប់នៃឯកសារដូចខាងក្រោម៖
① លិខិតបញ្ជាក់ប្រាក់ចំណូលដែលបញ្ជាក់ពីប្រាក់ចំណូលលើសពីប្រាក់ចំណូលថ្នាក់ជាតិសរុប (GNI) ក្នុងមនុស្សម្នាក់ៗនៅឆ្នាំមុន ដែលបានជូនដំណឹងដោយធនាគារកូរ៉េ (ចេញដោយប្រធានការិយាល័យពន្ធដារខណ្ឌឬស្រុក) ។
② ឯកសារបញ្ជាក់អំពីទ្រព្យសម្បត្តិហិរញ្ញវត្ថុ (ប្រាក់តម្កល់ ការសន្សំប្រាក់តាមការបង់រំលោះ ស្តុកឬ សញ្ញាប័ណ្ណ ជាដើម) ដែលមានតម្លៃច្រើនជាង 60 លានវ៉ុន;
③ ឯកសារថតចម្លងកិច្ចសន្យាជួលអចលនទ្រព្យ ថវិកាទិញដូរជាក់ស្តែង ឬ តំលៃប្រកាសជាផ្លូវការពីធនាគារ ដូចជាឯកសារថតចម្លងដែលបានបញ្ជាក់អំពីបញ្ជីអចលនទ្រព្យដោយមានតម្លៃដីដែលបានវាយតម្លៃជាផ្លូវការ ដែលមានទឹកប្រាក់លើសពី 60 លានវ៉ុន ប្រាក់តម្កល់ពីការជួលដែលមានតម្លៃជាង 60 លានវ៉ុន ជាដើម។
④ ឯកសារផ្សេងទៀតដែលត្រូវបានគេចាត់ទុកថាអាចជំនួសបាន ① ដោយ ③ ហើយអាចមានហេតុផល សមរម្យពីរដ្ឋមន្ត្រីក្រសួងយុត្ដិធម៌។
B. អ្នកដាក់ពាក្យសុំចូលសញ្ជាតិដែលមានការសម្របសម្រួល ត្រូវប្រគល់ជូនឯកសារមួយច្បាប់នៃ ឯកសារ ដូចខាងក្រោម៖
① ឯកសារបញ្ជាក់អំពីទ្រព្យសម្បត្តិហិរញ្ញវត្ថុ (ប្រាក់តម្កល់ ការសន្សំប្រាក់តាមការបង់រំលោះ ស្តុកឬ សញ្ញាប័ណ្ណ ជាដើម) ដែលមានតម្លៃច្រើនជាង 30 លានវ៉ុន;
② ឯកសារថតចម្លងកិច្ចសន្យាជួលអចលនទ្រព្យ ថវិកាទិញដូរជាក់ស្តែង ឬ តំលៃប្រកាសជាផ្លូវការពីធនាគារ ដូចជាឯកសារថតចម្លងដែលបានបញ្ជាក់អំពីបញ្ជីអចលនទ្រព្យដោយមានតម្លៃដីដែលបានវាយតម្លៃជាផ្លូវការដែលមានទឹកប្រាក់លើសពី30 លានវ៉ុន ប្រាក់តម្កល់ពីការជួល ដែលមានតម្លៃជាងសាមសិបលានវ៉ុន ជាដើម
③ លិខិតបញ្ជាក់ការងារ ឬលិខិតបញ្ជាក់ការងារដែលអាចមាននាពេលខាងមុខ
④ ឯកសារផ្សេងទៀតដែលត្រូវបានគេចាត់ទុកថាអាចជំនួសបាន ① ដោយ ③ ហើយអាចមាន ហេតុផល សមរម្យពីរដ្ឋមន្ត្រីក្រសួងយុត្ដិធម៌។
3. នៅពេលដែលបុគ្គលម្នាក់កំពុងដាក់ពាក្យសុំទិញជាដៃគូ ត្រូវមានឯកសារបញ្ជាក់ពីទំនាក់ទំនង។
4. វិញ្ញាបនបត្របង្ហាញទំនាក់ទំនងគ្រួសារដែលមានព័ត៌មានលម្អិតរបស់ប្តីប្រពន្ធជាសាសន៍កូរ៉េ។ ទោះជាយ៉ាងណាក៏ដោយប្រសិនបើអ្នករៀបការនៅបរទេស ហើយមិនមានកំណត់ត្រាអាពាហ៍ពិពាហ៍នៅក្នុងបញ្ជីទំនាក់ទំនងគ្រួសាររបស់ប្តីប្រពន្ធជាសាសន៍កូរ៉េទេនោះអាចជំនួសបានដោយឯកសារដែលបញ្ជាក់ពីការពិតនៃអាពាហ៍ពិពាហ៍។
ការត្រួតពិនិត្យការដាក់ពាក្យសុំចូលសញ្ជាតិ
- ការត្រួតពិនិត្យលក្ខណៈសម្បត្តិគ្រប់គ្រាន់សម្រាប់ការចូលសញ្ជាតិ
· រដ្ឋមន្ដ្រីយុត្ដិធម៌ធ្វើការវាយតម្លៃលើការយល់ដឹងតាមមាត្រា 48 (2)-3 នៃសេចក្តីសម្រេចអនុវត្តច្បាប់ត្រួតពិនិត្យអន្តោប្រវេសន៍ (តាមន័យនេះ "ការវាយតម្លៃលើការយល់ដឹង") និងការត្រួតពិនិត្យដោយផ្អែកលើការធ្វើសម្ភាសន៍បេក្ខជនចូលសញ្ជាតិ (មាត្រា 4 (3) នៃសេចក្តីសម្រេចអនុវត្តច្បាប់សញ្ជាតិ)។
¡Øអ្នកទាំងនោះដែលបានលើកលែងពីការវាយតម្លៃលើការយល់ដឹង
ការវាយតម្លៃលើការយល់ដឹងត្រូវមានការចូលសញ្ជាតិដែលមានសម្របសម្រួលត្រូវបានលើកលែងចំពោះអ្នកទាំងនោះដែលបានបញ្ចប់កម្មវិធីសមាហរ័ណកម្មសង្គម (តាមន័យនេះ ¡°សមាហរ័ណកម្មសង្គម¡± ដែលរួមមានទាំងការអប់រំការផ្តល់ព័ត៌មាននិងការផ្តល់ប្រឹក្សាយោបល់ដែលរដ្ឋមន្ត្រីយុត្តិធម៌ផ្តល់ជូនការសម្របសម្រួលសង្គមដោយអ្នកទាំងនោះដែលបានដាក់ពាក្យសុំការចូលសញ្ជាតិដែលមានសម្របសម្រួលដោយផ្អែកលើអន្តោប្រវេសន៍មានចំណងអាពាហ៍ពិពាហ៍និងជនបរទេសទាំងឡាយដែលមានបំណងចង់ទទួលបានសញ្ជាតិសាធារណរដ្ឋកូរ៉េឬលិខិតអនុញ្ញាតស្នាក់នៅអចិន្ត្រៃយ៍ហើយអ្នកទាំងនោះដែលបានទទួលពិន្ទុ 60 ឬច្រើនជាងនៃពិន្ទុ 100 ពេញលេញក្នុងការវាយតម្លៃលើការយល់ដឹងក្នុងរយៈពេល 3 ឆ្នាំចុងក្រោយ (មាត្រា 39 (1) ) នៃច្បាប់គ្រប់គ្រងអន្តោប្រវេសន៍មាត្រា 4 (1)-5, 5-2, 6 នៃវិធានអនុវត្តច្បាប់សញ្ជាតិនិងមាត្រា 7 (1)-3 នៃគោលការណ៍ណែនាំសម្រាប់ការទទួលឬការប្រើសេវាកម្មនានាដែលពាក់ព័ន្ធនឹងសញ្ជាតិ) ។
បទសម្ភាសន៍នេះពិនិត្យសមត្ថភាពភាសាកូរ៉េរបស់អ្នកដាក់ពាក្យសុំនិងតម្រូវការទាមទារជាមូលដ្ឋានសម្រាប់សញ្ជាតិសាធារណរដ្ឋកូរ៉េដែលរួមមានរបៀបឈរឬអង្គុយឬអាកប្បកិរិយាជាពលរដ្ឋសាធារណរដ្ឋកូរ៉េនិងជឿជាក់លើច្បាប់ប្រជាធិបតេយ្យសេរីជាមូលដ្ឋាន (មាត្រា 4 (4) នៃវិធានអនុវត្តច្បាប់សញ្ជាតិ)។
¡Øបទសម្ភាសន៍នេះត្រូវលើកលែងចំពោះអ្នកទាំងនោះដែលជាជនអន្តោប្រវេសន៍មានចំណងអាពាហ៍ពិពាហ៍ដែលបានរក្សាចំណងអាពាហ៍ពិពាហ៍ធម្មតាជាមួយប្តីឬប្រពន្ធនិងអ្នកទាំងនោះដែលបានទទួលពិន្ទុ 60 ឬច្រើនជាងនៃពិន្ទុ 100 ពេញលេញក្នុងការវាយតម្លៃលើការយល់ដឹងក្នុងចំណោមអ្នកទាំងនោះដែលបានបញ្ចប់កម្មវិធីសមាហរ័ណកម្មសង្គម ( មាត្រា 4 (4) នៃវិធានអនុវត្តច្បាប់សញ្ជាតិនិងមាត្រា 8 (3)-2 នៃគោលការណ៍ណែនាំសម្រាប់ការទទួលឬការប្រើសេវាកម្មនានាដែលពាក់ព័ន្ធនឹងសញ្ជាតិ)។
ការចេញលិខិតអនុញ្ញាតចូលសញ្ជាតិ ជាដើម
- ការប្រលងចូលសញ្ជាតិនឹង ទទួលបានសញ្ជាតិរបស់សាធារណរដ្ឋកូរ៉េ (ដែលតពីនេះទៅត្រូវបានហៅថា មាត្រា 4 (3) នៃ “ច្បាប់សញ្ជាតិ”)។
- នៅពេលដែលអ្នកស្នើសុំចូលសញ្ជាតិទទួលបានសញ្ជាតិរបស់ខ្លួនរដ្ឋមន្ត្រីយុត្ដិធម៌នឹងជូនដំណឹងដល់ប្រធានការិយាល័យចុះឈ្មោះទំនាក់ទំនងគ្រួសារ ដោយមិនពន្យារពេលហើយជូនដំណឹងដល់មន្ត្រីសារព័ត៌មានជាលាយលក្ខណ៍អក្សរជាផ្លូវការ