របាយការណ៍អាពាហ៍ពិពាហ៍នៅសាធារណរដ្ឋកូរ៉េ
នីតិវិធីទូទៅសម្រាប់របាយការណ៍អាពាហ៍ពិពាហ៍
- គូស្វាមីភរិយារៀបអាពាហ៍ពិពាហ៍ ត្រូវរាយការណ៍អំពីអាពាហ៍ពិពាហ៍របស់ខ្លួន ដោយស្របតាមនីតិវិធីដែល កំណត់ក្នុង “តម្រូវការទាមទារនីតិវិធីនៃការរៀបអាពាហ៍ពិពាហ៍” នៃ <ព័ត៌មានទូទៅអំពីការរៀបអាពាហ៍ពិពាហ៍អន្តរជាតិ ដែលមានតម្រូវការទាមទារអាពាហ៍ពិពាហ៍អន្តរជាតិ សម្រាប់អាពាហ៍ពិពាហ៍អន្តរជាតិ>។
ការដាក់ជូនលិខិតបញ្ជាក់នានាដែលតម្រូវឱ្យមានសម្រាប់ការរៀបអាពាហ៍ពិពាហ៍
- នៅពេលដាក់ជូនរបាយការណ៍អាពាហ៍ពិពាហ៍ គូស្វាមីភរិយាត្រូវភ្ជាប់លិខិតបញ្ជាក់ឯកសារ (លិខិតបញ្ជាក់ដែល បង្ហាញថាប្តីឬប្រពន្ធជនជាតិចិននៅលីវ ត្រូវចេញដោយអាជ្ញាធរមានសមត្ថកិច្ចនៃសាធារណរដ្ឋប្រជាមានិតចិន ហើយត្រូវបញ្ជាក់ដោយក្រសួងការបរទេសនៃសាធារណរដ្ឋប្រជាមានិតចិន ឬការិយាល័យកិច្ចការបរទេសនៅ តាមខេត្ត តំបន់ស្វយ័ត និងទីក្រុងណាមួយ) ដែលបង្ហាញថាប្តីប្រពន្ធជនជាតិចិនបំពេញតាមតម្រូវការទាមទារ សម្រាប់ការរៀបអាពាហ៍ពិពាហ៍ ដែលមានចែងដោយច្បាប់នៃសាធារណរដ្ឋប្រជាមានិតចិន។
របាយការណ៍អាពាហ៍ពិពាហ៍នៅប្រទេសចិន
នីតិវិធីទូទៅសម្រាប់របាយការណ៍អាពាហ៍ពិពាហ៍
- ទោះបីជាជនជាតិកូរ៉េ និងជនជាតិចិន បានរៀបអាពាហ៍ពិពាហ៍នៅប្រទេសចិនស្របតាមបែបបទដែលបានអនុម័តដោយប្រទេសចិនក៏ដោយ ក៏ពួកគេត្រូវរាយការណ៍អំពីអាពាហ៍ពិពាហ៍របស់ពួកគេស្របតាមច្បាប់រដ្ឋប្បវេណីនៃសាធារណរដ្ឋកូរ៉េ ដើម្បីឱ្យឋានៈអាពាហ៍ពិពាហ៍របស់ពួកគេត្រូវបានចុះបញ្ជីនៅក្នុងបញ្ជីឈ្មោះសាច់ញាតិក្រុមគ្រួសារនៃពលរដ្ឋកូរ៉េផងដែរ។
ការផ្ទៀងផ្ទាត់អាពាហ៍ពិពាហ៍
- ការដាក់ជូនលិខិតបញ្ជាក់សាច់ញាតិក្រុមគ្រួសារ
· នៅពេលដាក់ជូនរបាយការណ៍អាពាហ៍ពិពាហ៍គូស្វាមីភរិយារៀបអាពាហ៍ពិពាហ៍ត្រូវភ្ជាប់លិខិតបញ្ជាក់ឯកសារដែលបង្ហាញថាអាពាហ៍ពិពាហ៍របស់ពួកគេត្រូវបានរៀបចំឡើងតាមបែបបទដែលអនុម័តដោយប្រទេសចិនដែលបញ្ជាក់ដោយក្រសួងការបរទេសនៃសាធារណរដ្ឋប្រជាមានិតចិនឬការិយាល័យកិច្ចការបរទេសនៅតាមខេត្តតំបន់ស្វយ័តនិងទីក្រុងណាមួយ។(យោងមាត្រាទី35(1)「ច្បាប់ស្តីអំពីការចុះបញ្ជីទំនាក់ទំនងគ្រួសារ」)
- ទីកន្លែងដាក់ជូនលិខិតបញ្ជាក់សាច់ញាតិក្រុមគ្រួសារ
· ទីកន្លែងពលរដ្ឋកូរ៉េរស់នៅប្រទេសចិន បានរៀបចំលិខិតបញ្ជាក់ឯកសារសម្រាប់ការរៀបអាពាហ៍ពិពាហ៍ដែល ទាក់ទងនឹងរបាយការណ៍តាមបែបបទដែលអនុម័តនៅប្រទេសចិននោះ គាត់ត្រូវដាក់ជូនឯកសារថតចម្លង ដែលបានបញ្ជាក់អំពីលិខិតបញ្ជាក់ឯកសារមួយច្បាប់ជូនទៅប្រធានបេសកកម្មការទូតកូរ៉េនៅបរទេសដែលមានសមត្ថកិច្ចនៅតំបន់ពាក់ព័ន្ធក្នុងរយៈពេល 3 ខែ (មាត្រា 35 (1) នៃច្បាប់ស្តីពីការចុះបញ្ជីឈ្មោះ ញាតិភាពក្រុមគ្រួសារ ។ល។