पारिश्रमिक र श्रम मापदण्ड सम्बन्धी मामिलाहरु
- तल उल्लिखित कुनै पनि मामिलामा‚ विदेशी कामदारले उनीहरुको कार्यस्थलमाथि निर्णयाधिकार भएको क्षेत्रीय रोजगार र श्रम प्रशासनको श्रम पर्यवेक्षण प्रभागसँग परामर्श गर्न सक्नेछन् ।
1. पारिश्रमिक वा अवकाश लाभको भुक्तानी नभएमा;
2. रोजगारदाता वा प्रबन्धकबाट शारीरिक हिंसा भएमा; वा
3. कामदारको मञ्जुरी बिना कार्य समय लम्ब्याईए वा बाध्यकारी श्रम गराईए ।
औद्योगिक सुरक्षा सम्बन्धी मामिलाहरु
- उनीहरुको कार्यक्षेत्रमा सुरक्षा र स्वास्थ्य सम्बन्धी गुनासोका लागि‚ विदेशी कामदारहरुले उनीहरुको कार्यस्थलमाथि निर्णयाधिकार भएको क्षेत्रीय रोजगार र श्रम प्रशासनको औद्योगिक सुरक्षा प्रभावसँग परामर्श गर्न सक्नेछन् ।
रोजगार सम्बन्धी मामिलाहरु
- तल उल्लिखित कुनै पनि मामिलाहरुमा‚ विदेशी कामदारहरुले उनीहरुको कार्यस्थलमाथि निर्णयाधिकार भएका कार्य रोजगार केन्द्रसँग परामर्श गर्नसक्नेछन्
1. कार्यस्थल परिवर्तन वा रोजगारका लागि परामर्श आवश्यक भए;
2. गणतन्त्र कोरियामा उनीहरुको प्रवास दौरान जारी गर्नुपर्ने रोजगार प्रमाणपत्र जस्ता विभिन्न प्रामाणिक कागजपत्रहरु; वा
3. रोजगारको अवधी दौरान आवश्यक पर्ने गुनासो सम्बन्धी परामर्श
भाषा सहयोग सम्बन्धी मामिलाहरु
- तल उल्लेख गरिएका कुनै पनि मामिलामा‚ विदेशी कामदारले ग्राहक केन्द्र (टेलिफोन नम्बर : 1350) वा रोजगार र श्रम मन्त्रालयको विदेशी जनशक्ति नीति प्रभागसँग परामर्श गर्न सक्नेछ
1. विदेशी कामदारको भाषामा परामर्श वा जानकारी दिन आवश्यक भए; वा
2. विभिन्न नागरिक परामर्श र उजुरी व्यवस्थापन गर्ने संस्थाबारे जानकारी दिन आवश्यक भए ।
प्रवास सम्बन्धी मामिलाहरु
- निम्न मध्ये कुनै पनि अवस्थाहरूमा, विदेशी कर्मचारीले कोरिया अध्यागमन सेवाको सल्लाह लिन सक्छन्। :
1. विदेशी पञ्जीकरण कार्ड‚ प्रवासको अवधी लम्ब्याउने ‚ कार्यस्थल परिवर्तन गर्ने अनुमति जारी गर्ने लगायत गणतन्त्र कोरियामा प्रवास सम्बन्धी मामिलामा परामर्श आवश्यक भएमा; वा
2. वास्तवमै अन्यायपूर्ण व्यवहार भए वा अध्यागमन वा देशको प्रवासको क्रममा झेल्नुपर्ने अपेक्षा भए ।
औद्योगिक दुर्घटना क्षतिपूर्ति सम्बन्धी मामिलामा
- विदेशी कामदारले औद्योगिक दुर्घटना कारण क्षतिपूर्तीको निवेदन वा नर्सिङका लागि कोरिया वर्कर्स कम्पेन्सेसन एन्ड वेल्फेयर सर्भिससँग परामर्श गर्न सक्नेछन्
अपराध सम्बन्धी मामिलाहरु
- रोजगार अवधी दौरान कुनै आपराधिक क्षति वा अन्यायपूर्ण व्यवहार भएको खण्डमा‚ विदेशी कामदारले प्रहरीमा सम्पर्क गर्न सक्नेछन् (टेलिफोन : 112) ।