विभेदमाथिको प्रतिबन्ध
रोजगारदाताले विदेशी कामदारमाथि विभेद गर्ने छैनन्‚ वा विदेशी कामदार भएकै आधारमा अन्यायपूर्ण व्यवहार गर्ने छैनन् (विदेशी कामदारको रोजगार ऐनको धारा 22‚ आदि)
रोजगार सम्झौताको मापदण्डको कार्यान्वयन
कुनै विदेशी कामदारलाई काममा राख्न चाहने कुनै रोजगारदाताले सम्बन्धित विदेशी कामदारसँग रोजगार सम्झौता फारमको मापदण्ड अनुसारको रोजगार सम्झौता गर्नुपर्नेछ । नियमको उल्लंघन गर्नेलाई लापरवाही गरेकोमा 50 लाख कोरियाली वोनसम्म जरिवाना हुनेछ (विदेशी कामदारको रोजगार ऐनको धारा 9 (1) र धारा 32 (1) – 1‚ आदि)
पारिश्रमिकको प्रत्यक्ष‚ पूर्ण र नियमित भुक्तान
कुनै कामदारलाई मासिक रुपमा निश्चित मितिमा प्रत्यक्ष रुपमा पूर्ण भुक्तान गर्नुपर्नेछ । नियमको उल्लंघन गर्नेलाई सजाय वापत तीन वर्षसम्म बाध्यकारी श्रम वा 3 करोड कोरियाली वोनसम्मको जरिवाना गराईनेछ । यद्यपि‚ यो मामिलामा पीडितको विशेष अभिप्रायको विरुद्ध अभियोग लगाईने छैन (श्रम मापदण्डको ऐनको धारा 43 र 109)
न्युनतम पारिश्रमिकको आवश्यकताको निरीक्षण
विदेशी कामदारको पारिश्रमिक स्थानिय कामदार बराबर हुनु आवश्यक छैन र उनीहरुको अनुभव र उत्पादन क्षमताको आधारमा फरक हुनसक्छ ।
यद्यपि‚ कुनै पनि विदेशी कामदारलाई न्युनतम पारिश्रमिक ऐन अन्तर्गत न्यनुतम प्रति घण्टा दरले पारिश्रमिक भुक्तान गर्नुपर्नेछ । त्यस्तो पारिश्रमिक वैधानिक भएकै आधारमा कुनै पनि कामदारको पारिश्रमिक प्रारम्भिक तहबाट न्युनतम पारश्रमिकमा घटाउन पाईने छैन (न्युनतम पारिश्रमिक ऐनको धारा 6) ।
※ न्युनतम पारिश्रमिक घरेलु कामदारको हकमा (नोकर र माली लगायतका साधारण घरेलु मामिलाका लागि काममा राखिएका व्यक्तिहरु) लागु हुने छैन ।
काम गर्ने समय र ओभरटाईम काम‚ आदि ।
विश्रामको समय बाहेक (बीस जनाभन्दा कम नियमित कामदार भएको कार्यस्थलका लागि 44 घण्टा)‚ काम गर्ने समय दैनिक आठ घण्टा र सातामा चालिस घण्टाभन्दा बढी हुने छैन । सम्बन्धित पक्षहरुको सम्झौता भएमा‚ काम गर्ने समय सातामा बाह्र घण्टासम्म लम्ब्याउन सकिनेछ (श्रम मापदण्डको ऐनको धारा 50 र 53 (1)) ।
※ नियमको उल्लंघन गर्नेलाई सजाय वापत दुई वर्षसम्मको बाध्यकारी श्रम वा 2 करोड कोरियाली वोनसम्मको जरिवाना गराईनेछ (श्रम मापदण्डको ऐनको धारा 110–1) ।
एक रोजगारदाता साधारण वेतन को अतिरिक्त थप काम आदिको लागि निम्न रकम थप तिर्नेछ। (श्रमको मापदण्डको ऐनको धारा 56)।
- थप काम : सामान्य वेतन को 50%
- छुट्टी काम 8 घण्टा वा कम : 50% साधारण वेतन
- छुट्टीमा 8 घण्टा भन्दा बढीको काम : सामान्य वेतन को 100%
- राती काम (10:00 बजे देखी 6:00 बजे सम्मको काम) : सामान्य वेतन को 50%