भिसाको स्थितिको परिवर्तनका आधारभूत सिद्धान्तहरू
भिसाको स्थितिको परिवर्तनको अनुमति
- गणतन्त्र कोरियामा अस्थायी बसोबास गर्दै आइरहेको विदेशी नागरिकले आफ्नो आवासको स्थिति अनुसार पाएको अनुमति भन्दा फरक किसिमका गतिविधिहरूमा संलग्न हुन चाहन्छ भने निजले कानुन मन्त्रालयबाट भिसाको स्थितिको परिवर्तनका लागि पूर्व अनुमति लिनुपर्छ (अध्यागमन नियन्त्रण ऐनको धारा 24(1))।
- निम्नमध्ये कुनै पनि व्यक्तिले आफ्नो स्थितिमा आएको परिवर्तनको कारणले आफ्नो आवासको स्थिति परिवर्तन गर्न चाहन्छ भने निजले आफ्नो स्थितिमा आएको परिवर्तनको 30 दिन भित्रमा कानुन मन्त्रालयबाट आफ्नो आवासको स्थितिको परिवर्तनका लागि अनुमति माग्नु पर्दछ (अध्यागमन नियन्त्रण ऐनको धारा 24(2), धारा 31(1); अध्यागमन नियन्त्रण ऐनको प्रवर्तन नियमको धारा 45(1))।
· गणतन्त्र कोरियामा रहेका विदेश कूटनीतिक मिसन (राजदूतावास र वाणिज्य दूतावास सहित) र अन्तर्राष्ट्रिय संस्थाहरूमा कार्यरत कर्मचारीहरू तथा तिनका परिवारहरू
· गणतन्त्र कोरियाको सरकारसँग गरिएको सम्झौता अन्तर्गत रहेर ती कूटनीतिज्ञ वा राजदूतहरू सरह विशेषाधिकार तथा अधिकारको प्रयोग गर्ने विदेशी नागरिकहरू
· गणतन्त्र कोरिया सरकारद्वारा निमन्त्रित व्यक्ति र निजको परिवार, जो महत्त्वपूर्ण कूटनीतिक, औद्योगिक र/या रक्षा कार्यहरूसँग सम्बन्धित छ, या कुनै अन्य व्यक्ति जसलाई न्याय मन्त्रीद्वारा विदेशी पंजीकरणको प्रावधानबाट छुट दिइएको छ ।
भिसाको स्थितिको परिवर्तनका लागि अनुमति लिने प्रक्रियाहरू
आवेदनसँगै पेश गर्नुपर्ने कागजातहरू
- आफ्नो प्रवेशाज्ञा परिवर्तन गर्न अनुमति प्राप्त गर्न चाहने व्यक्तिले आफ्नो पासपोर्ट, विदेशी पंजीकरण प्रमाणपत्र (यदि सम्बन्धित भएमा), तथा उनीहरूको बसाइको लागि आवश्यक कुनै पनि अन्य कागजातहरूको साथ उनीहरूको स्थिति परिवर्तन गर्न निवेदन पेश गर्नुपर्छ माथिका कागजातहरू अध्यागमन सेवा प्रमुख (यसपश्चात "सेवा प्रमुख" उल्लेख गरिएको), अध्यागमन कार्यालयको प्रमुख (यसपश्चात "कार्यालय प्रमुख" उल्लेख गरिएको), वा अध्यागमन शाखा कार्यालयको प्रमुख (यसपश्चात " शाखा कार्यालयको प्रमुख" उल्लेख गरिएको) लाई पेश गर्नुपर्छ ।(अध्यागमन ऐन को प्रवर्तन निर्णयको अनुच्छेद 30 (1), र अध्यागमन ऐन को प्रवर्तन नियमको फारम 34)
- विद्युतीय सरकार ऐनको धारा 36(1) अन्तर्गत रहेर प्रशासनिक जानकारीको संयुक्त प्रयोग मार्फत पेश गर्नुपर्ने कागजातहरू बारेको जानकारी पुष्टि गर्न सकिन्छ भने, पेश गर्नुपर्ने कागजातलाई उक्त पुष्टिले प्रतिस्थापन गर्न सक्नेछ (अध्यागमन नियन्त्रण ऐनको प्रवर्तन नियमको धारा 76(3))।
भिसाको स्थिति परिवर्तन गर्न अनुमति माग्ने आवेदक 17 वर्षभन्दा कम उमेरको भएमा
- भिसाको स्थिति परिवर्तनको अनुमतिका लागि आवेदन दिन चाहने व्यक्ति 17 वर्षभन्दा कम उमेरको छ, र अनुमतिका लागि आवेदन पेश गर्न सक्दैन भने, निजका आमबुवा, वास्तविक सहयोगी, दाजुभाई तथा दिदिबहिनी, चिनेको व्यक्ति, वा अन्य सँगै बस्ने व्यक्तिहरूले निजको तर्फबाट अनुमतिका लागि आवेदन दिन पाउनेछन् (अध्यागमन नियन्त्रण ऐनको धारा 79 को उपधारा2; अध्यागमन नियन्त्रण ऐनको प्रवर्तन विधानको धारा 89(1); अध्यागमन नियन्त्रण ऐनको प्रवर्तन नियमको धारा 34 को उपधारा 2)।
प्रवेशाज्ञा परिवर्तन गर्न अनुमतिको लागि निवेदन शुल्क
- प्रवेशाज्ञा परिवर्तन परमिट निवेदन शुल्क 100,000 वन [स्थायी निवासी (एफ- 5) को लागि 200,000 वन । ( अध्यागमन ऐन प्रवर्तन नियम को अनुच्छेद 72 को आइटम 5 )
आवेदनको स्वीकृति तथा प्रक्रिया
- जब न्याय मन्त्रीद्वारा कुनै निवेदन स्वीकृत हुन्छ, सेवा प्रमुख, कार्यालय प्रमुख वा शाखा कार्यालयको प्रमुखले बसाइको स्थिति परिवर्तनको लागि स्थिति, अवधि र कार्यस्थल तोकी निवेदकको राहदानीमा छाप लगाउन वा स्थिति परिवर्तनको स्वीकृतिको लागि स्टिकर टाँस्न सक्नेछन् । (अध्यागमन ऐन को प्रवर्तन निर्णयको अनुच्छेद 30 (3))
- यदि भिसाको स्थिति परिवर्तनलाई अनुमति दिइएन भने आवेदकलाई अस्थायी बसाइ अवधि थप्ने कुरा अस्वीकृत भएको एउटा सूचना जारी गरिनेछ। यस अवस्थामा, विदेशी नागरिकलाई पहिले नै अनुमति दिइएको बसाइको अवधिका लागि अस्थायी बसोबासको अनुमति दिन सकिनेछ (अध्यागमन नियन्त्रण ऐनको प्रवर्तन विधानको धारा 33(1); अध्यागमन नियन्त्रण ऐनको प्रवर्तन नियमको फारम 43-3) ।
- यदि कोरिया बसाइको म्याद थप अस्वीकृत गरिएको खण्डमा गणतन्त्र कोरियाबाट प्रस्थानको लागि अस्वीकृत भएको 14 दिनको समय रहनेछ । यद्यपि, यदि आवश्यक भएमा,अनुमतिको म्याद सकिने मिति प्रस्थानको लागि म्याद निर्धारित हुन सक्छ । यदि म्याद थप स्वीकृत गरिएको खण्डमा प्रस्थानको म्याद निर्धारण नगर्न सकिनेछ (अध्यागमन ऐनको प्रवर्तन निर्णय को अनुच्छेद 33 (2) र अध्यागमन ऐनको प्रवर्तन नियम को फारम 43-3) ।
भिसाको स्थिति परिवर्तनको अनुमतिको खारेजी तथा परिवर्तन
व्यक्तिहरूको भिसाको स्थितिको परिवर्तनका लागि दिइएको अनुमति खारेज वा परिवर्तन गर्न सकिनेछ
- यदि विदेशी नागरिक निम्न अवास्थाहरू अन्तर्गत पर्दछ भने, कानुन मन्त्रालयले भिसाको स्थिति परिवर्तनको अनुमति खारेज वा परिवर्तन गर्न सक्नुहुनेछ (अध्यागमन नियन्त्रण ऐनको धारा 89(1))।
· जामानत बसेको व्यक्तिले आफ्नो विश्वसनीयता जमानत फिर्ता लिएमा वा त्यसपछि जमानत बस्ने व्यक्ति नभएमा
· गलत वा अन्य गैर-कानुनी तरिकाले अनुमति प्राप्त गरेको भएमा
· उक्त अनुमतिका सर्तहरूको उल्लङ्घन भएमा
· परिस्थितिहरूमा आएको परिवर्तनले गर्दा सो उप्रान्त उक्त अनुमति मान्य नरहने ठोस कारण भएमा
· र, अध्यागमन नियन्त्रण ऐन वा अन्य कुनै पनि ऐनको वैधता गम्भीर चिन्ता देखिएमा, वा अध्यागमन नियन्त्रण अधिकारीद्वारा जारी गरिएको कुनै पनि कानुनी पदेन आदेशको उल्लङ्घन भएमा
विचारहरूको सुनुवाई
- भिसाको स्थिति परिवर्तनका लागि दिइएको अनुमतिको खारेजी वा परिवर्तन जरूरी ठानिएमा, कानुन मन्त्रालयले सम्बन्धित आवेदकलाई धारा 79 अन्तर्गत निज आवेदकको विचार सुन्नका लागि निजलाई उपस्थित हुन आदेश दिन सक्नु हुनेछ (अध्यागमन नियन्त्रण ऐनको धारा 89(2))।
- आवेदकको विचार सुन्न, कानुन मन्त्रालयले निजलाई भिसाको स्थिति परिवर्तनको अनुमति खारेज वा परिवर्तन गर्नुपर्ने आधारहरू, उपस्थित हुने समय तथा स्थान बारे उपस्थित हुुनुअघि 7 दिन पहिले जानकारी गराउनुपर्छ (अध्यागमन नियन्त्रण ऐनको धारा 89(3))।
भिसाको स्थिति परिवर्तनका लागि अनुमति नलिँदा हुने सजायहरू
बलपूर्वक निर्वासन
- गणतन्त्र कोरियामा अस्थायी बसोबास गर्दै आइरहेको विदेशी नागरिकले कानुन मन्त्रालयबाट आफ्नो भिसाको स्थिति परिवर्तनका लागि पूर्व अनुमति नलिइकन आफ्नो आवासको स्थिति अनुसार पाएको अनुमति भन्दा फरक कसिमका गतिविधिहरूमा संलग्न भएको छ भने निजलाई गणतन्त्र कोरियाबाट बलपूर्वक निर्वासित गरिनेछ (अध्यागमन नियन्त्रण ऐनको धारा 46(1) 8)।
सजाय
- कुनै पनि विदेशीले माथि उल्लेखित उल्लंघनहरू गरेको खण्डमा, बढीमा 3 वर्षको कारागार सजाय वा बढीमा KRW30 मिलियन जरिवाना तिर्नुपर्नेछ (अध्यागमन नियन्त्रण ऐनको धारा 94(16))।