पकेटमारहरूदेखि सावधान हुनुहोस्
तपाईंको पटकेमार गर्न सकिने धेरै तरिकाहरू
- सबवे र बसहरूमा तपाईं सतर्क रहनुपर्ने एउटा सम्भावना भनेको तपाईंको पकेटमार हुन सक्ने सम्भावना हो।
- पकेटमारहरूले यति धेरै पत्ता लगाउन नसकिने माध्यमहरू प्रयोग गर्छन् कि तपाईंले आफू उनीहरूको सिकार बनेको विश्वास गर्न सक्नुहुन्न। तल यस कार्यका सबैभन्दा सामान्य उपायहरूहरू छन्:
· ब्याग खोल्ने वा रेजर ब्लेडले च्यात्ने।
· ज्याकेट वा कोटको भित्री खल्ती रेजर ब्लेडले काटने।
· बसमा गन्तव्यहरूको बारेमा र अन्य जानकारीहरू सोधेर ध्यान भङ्ग गर्ने र उक्त समयमा अर्को सह-अपराधीले पीडितको पकेटमार गर्ने।
· पीडितलाई दुई सह-अपराधीहरूको बीचमा राखेर बसमा चढ्ने, अगाडि रहेको सह-अपराधीले चालकलाई प्रश्नहरू सोधेर समय निकाल्न सक्छ। पछाडि रहेको सह-अपराधीले अगाडि रहेको पीडितलाई ठेल्छ र ध्यान भङ्ग भएको केही समयमै पकेट मार गर्छ।
· एउटा सह-अपराधीले सिक्का वा चाबीको छल्ला जस्ता सामानहरू पीडितको खुट्टानजिक खसाउँछ। पीडित झुकेको समयमा, अर्को सह-अपराधीले पीडितको सिक्रिको चेन भाँचिदिन्छ र खोस्छ।
· (प्राय: जसो सबवेहरूमा) शेल्फबाट यात्रुहरूको सामान जबरजस्ती ग्रहण गर्ने र ढोकाहरू बन्द हुनुअगाडि कार बाहिर जाने।
· धेरै सह-अपराधीहरू एकैपल्ट चढ्छन्। त्यसपछि तिनीहरूले चर्को आवाजमा झगडा गरेर यात्रुहरूको ध्यान भङ्ग गर्छन्। त्यसपछि, यात्रुहरूको ध्यान झगडामा भएको समयमा तिनीहरूले पकेटमार गर्छन्।
<स्रोत: प्रहरी एजेन्सी ब्लग>
आफ्नो सुरक्षा आफै गर्नुहोस्!
- माथि उल्लिखित भन्दा अन्य धेरै पकेटमार गर्ने तरिकाहरू हुनसक्छन्, तर तपाईंले आफूलाई अपराधबाट जोगाउन सावधानीहरू अपनाउन सक्नुहुन्छ। केही सामान्य तर पनिप्रभावकारी उपायहरू यसअनुसार छन्:
· पर्स र झोलाहरू सधै आफ्नो अगाडि बोक्नुहोस्।
· मद्यपान गरेर सबवे कार वा स्टेशनमा नसुत्नुहोस्।
· भीडको फाइदा उठाएर ठोकिन आउने व्यक्तिहरूदेखि सतर्क रहनुहोस्।
· आफ्नो वालेटलाई पछाडिको खल्तीमा नराख्नुहोस् ।
· झोलाहरू जस्ता बहुमूल्य सामानहरूलाई सबवेको शेल्फमा नराख्नुहोस्।
<स्रोत: सिओल मेट्रो ब्लग>
सजाय के हो?
- दोषी फेला परेमा, पकेटमारलाई बढीमा 6 वर्षको जेल सजाय वा बढीमा 10 मिलियन KRW को जरिवाना लगाइनेछ (फौजदारी ऐनको धारा 329)।
· 5 जना वा बढी मानिसहरूसँग मिलेर संयुक्त रूपमा बानी अनुरूप माथि उल्लिखित अपराध गर्ने वा अपराध गर्ने प्रयास गर्ने जो कोहीलाई पनि कम्तिमा 2 वर्ष र बढीमा 20 वर्षको जेल सजाय हुनसक्छ (विशिष्ट अपराधहरूको आक्रामक सजाय, आदि सम्बन्धी ऐनको धारा 5-4 ②)।
- घातक हतियारको साथमा वा 2 वा बढी मानिसहरूको समूहमा पकेटमार गरिरहेको भेटिएमा, कम्तीमा 1 वर्ष र बढीमा 10 वर्षको जेल सजाय हुन सक्छ (फौजदारी ऐनको धारा 331②)।
· 5 जना वा बढी मानिसहरूसँग मिलेर संयुक्त रूपमा बानी अनुरूप माथि उल्लिखित अपराध गर्ने वा अपराध गर्ने प्रयास गर्ने जो कोहीलाई पनि कम्तिमा 2 वर्ष र बढीमा 20 वर्षको जेल सजाय हुनसक्छ (विशिष्ट अपराधहरूको आक्रामक सजाय, आदि सम्बन्धी ऐनको धारा 5-4 ②)।
सबवे र बसमा यौनजन्य अपराधहरू: तपाईंले यी कामहरू गर्न सक्नुहुन्छ
आफूलाई कसरी सुरक्षित राख्ने र कसरी प्रतिक्रिया दिने
- उत्पीडन र लुकाइएका क्यामेराहरूद्वारा अनुचित फिल्मांकन गर्ने जस्ता यौनजन्य अपराधहरू, बसमा र सबवेहरूमा बढीरहेका छन् भनी बताउने रिपोर्टहरू छन्।
- तपाईंले आफूलाई बचाउन कस्तो सावधानी अपनाउन सक्नुहुन्छ र यस्तो भयो भने कसरी प्रतिक्रिया जनाउन सक्नुहुन्छ?
· सबवे स्टेशनका सिंढीहरू अग्लो भएको वा स्वचालित सिंढीहरूको लामो चढाई भएका ठाउँहरूमा, तपाईंको झोला वा किताबजस्ता अन्य सामानहरू आफ्नो पछाडि बोक्नुहोस्। अगाडि फर्किँदाभन्दा साइडतिर फर्किँदा पनि मद्दत पुग्न सक्छ।
· कसैले अनावश्यक रूपमा शारीरिक सम्पर्क गर्छ भने, साधारण भएपनि, तुरून्तै तपाईंको अप्रसन्नता देखाउनुहोस् र टाढा सर्नुहोस्।
· भिडभाड भएको सबवे कारमा, सम्भव भएसम्म पहिलो वा अन्तिम कार प्रयोग गर्दा मद्दत हुनसक्छ। पत्ता लगाइएको खण्डमा उत्पीडकहरू बच्ने बाटोहरूको बारेमा अवगत हुन्छन्। पहिलो र अन्तिम कारहरूमा एक दिशामा मात्र बढ्न सम्भव भएकाले, उनीहरूले यी कारहरूको प्रयोग गर्न मन पराउँदैनन्।
· भिडभाड भएको बस वा सबवे कारमा कुनै अनजान व्यक्ति पछाडिबाट तपाईंको निकट आउन खोज्छ भने, तपाईंले उसलाई 45-डिग्रीको कोणमा राख्नाले वा आसन परिवर्तन गरेर काँधलाई हलुका घुमाउनाले, अपराधलाई रोकथाम गर्न निकै मद्दत पुग्छ।
· सम्भव भएसम्म अर्को स्थानमा सर्नुहोस्।
· आफ्नो सेल फोनबाट 112 मा सन्देश पठाउने प्रयास गर्नुहोस्।
√ उत्पीडकहरूले प्रायजसो पीडितहरू अपराध रिपोर्ट गर्न लाज मान्ने वा अपमानित महसुस गर्ने तथ्यलाई भरोसा गर्छन्। त्यसकारण अग्रसक्रिय रिपोर्टिङ यस्तो खालको अपराधलाई रोकथाम गर्ने एकदमै प्रभावकारी माध्यम बन्नसक्छ।
√ सबवे वा बसमा तपाईंले उत्पीडन भइरहेको देख्नुहुन्छ वा तपाईं उत्पीडनको पीडित बन्नुहुन्छ भने, आफ्नो फोन निकाल्नुहोस् र 112 मा सन्देश पठाउनुहोस्।
√ विशेषगरी सबवेहरूमा, तपाईं सवार भएको सबवे कारको नम्बर (ढोकाहरूको माथि र कारको माथिल्लो भित्तामा अवस्थित) र रेल अगाडि बढेको दिशा पठाउनुहोस्। तपाईंले पार गर्नुभएको स्टेशन पनि सामेल गर्नुभयो भने अझै राम्रो हुन्छ। उदाहरणको लागि: अहिले बिहानको 8:20 बजे Sadang देखि Bangbae तर्फ अगाडि बढिरहेको सबवे कार नम्बर 4169 3-4 का ढोकाहरूको बीचमा। उत्पीडक कालो ज्याकेट लगाएको 20 वर्षको छ, कृपया मद्दत गर्नुहोस्।
√ रिपोर्ट आइसकेपछि, सबवेको इलाका स्टेशन वा सबवे ट्रेनको नजिकैको प्रहरी चौकीले शंकास्पद व्यक्तिलाई पक्राउ गर्न तुरुन्तै अधिकारीलाई पठाउनेछ।
<स्रोत: सिओलमेट्रो ब्लग, सबवेमा आपतकालीन अवस्थाहरूका लागि उपायहरू हेर्नुहोस्>
सजाय के हो?
- सबवे वा बसमा उत्पीडन गर्ने कुनै पनि व्यक्तिलाई बढीमा 1 वर्षको जेल सजाय र KRW 3 मिलियन जरिवाना लाग्न सक्छ (यौनजन्य अपराधहरूको सजाय, आदिसँग सम्बन्धित विशेष मामिलाहरू सम्बन्धी ऐनको धारा 11)।
- सबवे वा बसमा क्यामेरामा, सेल फोन र स्मार्टफोन, आदी जस्ता क्यामेराका जस्तै समान प्रकार्यहरू भएका मेकानिकल यन्त्र प्रयोग गरेर अर्को व्यक्तिको इच्छा विपरीत यौन चाहनालाई उत्तेजित गर्न सक्ने वा अपमान गराउने शरीरका अंगहरूको कुनै पनि फोटो खिच्ने वा कुनै पनि भिडियो रेकर्ड गर्ने कुनै पनि व्यक्तिलाई, बढीमा 5 वर्षको जेल सजाय वा बढीमा KRW 30 मिलियनको जरिवाना लगाइन सक्छ (यौनजन्य अपराधहरूको सजाय, आदिसँग सम्बन्धित विशेष ऐनको धारा 14 ① )।
- त्यसरी खिचिएका वा रेकर्ड गरिएका फोटोहरू वा भिडियोहरू वा त्यसको कुनै पनि प्रतिलिपि (प्रतिलिपिहरूका प्रतिलिपिहरू सहित; यसमा पनि समान लागू हुन्छ) वितरण गर्ने, बिक्री गर्ने, उपलब्ध गराउने वा खुला रूपमा प्रदर्शन गर्ने वा देखाउने (यसपछि "वितरण, आदि" भनिनेछ) कुनै पनि व्यक्ति र फोटोहरू खिच्ने वा भिडियोहरू रेकर्ड गर्ने कार्य खिच्ने वा रेकर्ड गर्ने समयमा फोटो खिचिएको वा रेकर्ड गरिएको व्यक्तिको इच्छाविपरीत नभएतापनि, अघिल्लो व्यक्तिको इच्छाविपरीत फोटोहरू, भिडियोहरू वा यसका प्रतिलिपिहरू पछि वितरण,आदी गर्ने व्यक्तिलाई बढीमा 5 वर्षको जेल सजाय वा बढीमा KRW 30 मिलियन जरिवाना लगाइनेछ (यौनजन्य अपराधहरूको सजाय, आदिसँग सम्बन्धित विशेष मामिलाहरूको ऐनको धारा 14 ②)।
- फोटो खिचिएको वा रेकर्ड गरिएको व्यक्तिको इच्छा विपरित जानकारी सञ्चार सञ्जालहरू मार्फत माथिका फोटोहरू वा भिडियोहरू वितरण, आदि गर्ने कुनै पनि व्यक्तिलाई श्रमसँगै बढीमा 7 वर्षको जेल सजाय हुन सक्छ (यौनजन्य अपराधहरूको सजाय सम्बन्धी विशेष ऐनको धारा 14 ③)।