गृह प्रवेश सूचना र निश्चित मिति लिने सम्बन्धमा
नयाँ स्थानमा बसाईं सरेको 14 दिनभित्र सम्बन्धित घरमूलीले उक्त नयाँ स्थानमाथि अख्तियारप्राप्त सि/गुन/गु का प्रमुख समक्ष गृह प्रवेश गरेको सूचना दर्ता गराउनु पर्नेछ (स्थानीय पञ्जिकरण ऐनको धारा 16 (1)) ।
- उपयुक्त कारण बिना नयाँ स्थानमा बसाईं सरेको मितिले 14 दिनभित्र गृह प्रवेश दर्ता नगराउने व्यक्तिलाई 50,000 वोन ननाघ्ने गरी प्रशासनिक जरिवाना गरिनेछ (स्थानी पञ्जिकरण ऐनो धारा 40 (4)) ।
लीजको धितो सुरक्षाका लागि अधिमान्य पुनर्भुक्तान अधिकार प्राप्त गर्न‚ गृह प्रवेश दर्ता गराउँदा लीजको लिखित सम्झौता ल्याउनु पर्नेछ र निश्चित मिति प्राप्त गर्नुपर्नेछ ।
सवारी साधनको परिवर्तित ठेगाना दर्ता गराउने सम्बन्धमा
कुनै सवारी साधनको ठेगाना परिवर्तन भएको खण्डमा‚ त्यस्तो परिवर्तन भएको मितिले 30 दिनभित्र सम्बन्धित सवारीधनीले सि/गुन/गु का प्रमुख समक्ष परिवर्तन भएको ठेगाना दर्ता गराउन आवेदन दिनुपर्नेछ (सवारी सधान व्यवस्थापन ऐनको धारा 11 (1) र सवारी साधन दर्ता विधानको धारा 22 (1)) ।
- यदि सवारीधनीको पञ्जिकृत बासस्थान नै त्यस्तो सवारी सवारी साधन प्रयोग हुने मुख्य स्थान भए (यदि सवारी साधन व्यक्तिगत स्वामित्वमा भए‚ सवारीधनीको पञ्जिकृत ठेगाना)‚ स्थानीय पञ्जिकरणका लागि गृह प्रवेश दर्ता बुझाउँदा नै ठेगाना परिवर्तनबारे आवेदन दर्ता गराईएको बुझिनेछ (सवारी साधन दर्ता विधानको धारा 22 (2)) ।
- ठेगाना परिवर्तन नगर्ने व्यक्तिलाई 500,000 वोन ननाघ्ने गरी प्रशासनिक जरिवाना गराईनेछ (सवारी साधन व्यवस्थापन ऐनको धारा 84 (5)) ।
अर्को विद्यालयमा स्थानान्तरण
नयाँ प्राथमिक विद्यालयमा स्थानान्तरण
- ठेगाना परिवर्तन भएकोले प्राथमिक विद्यालयका विद्यार्थीले विद्यालय परिवर्तन गर्न चाहेमा‚ सम्बन्धित विद्यार्थीका अभिभावकले विद्यार्थी भर्ना भएको विद्यालय र स्थानान्तरण गर्न चाहेको विद्यालयलाई जानकारी गराउनु पर्नेछ ।
नयाँ माध्यमिक विद्यालयमा स्थानान्तरण
- कुनै विद्यार्थीले स्थानान्तरण गर्न चाहेको निम्न माध्यमिक विद्यालय सो विद्यार्थीको बसोबार क्षेत्रको प्राथमिक विद्यालयको स्कूल डिस्ट्रिक्टसँग सम्बन्धित हुनु पर्नेछ वा निम्न माध्यमिक विद्यालयसँग सम्बन्धित हुनु पर्नेछ । यस्तो अवस्थामा, विद्यालय समूह परिवर्तनका लागि निवेदनको कागजात प्राप्त भएको 7 दिनभित्र जिल्ला शिक्षा कार्यालयको प्रमुखले कुनै निम्न माध्यमिक विद्यालय दिइसक्नु पर्नेछ, र निम्न माध्यमिक स्कूल डिस्ट्रिक्टको निम्न माध्यमिक विद्यालयको प्रमुखले निम्न माध्यमिक स्कूल डिस्ट्रिक्टलाई यस्तो परिवर्तनको स्वीकृति दिनुपर्नेछ । (प्राथमिक विद्यालय माध्यमिक शिक्षा ऐन कार्यान्वयन आदेशको धारा 73 (1)) ।
नयाँ हाई स्कूलमा स्थानान्तरण
- कुनै मानक क्षेत्रमा अवस्थित कुनै सामान्य दिवा कालिन् हाइ स्कूलबाट अन्य कुनै दिवा कालिन् हाइ स्कूलमा स्थानान्तरण गर्दा स्थानान्तरण गर्न चाहने व्यक्तिको अन्य विद्यालय समूह वा शहरबाट पुनः स्थानान्तरित भई आएको स्थानमा सिमित गरिनु पर्नेछ, र उसलाई/उनलाई शिक्षा कार्यालयको सुपरिवेक्षकले विद्यालय प्रदान गर्नु पर्नेछ (प्राथमिक तथा माध्यमिक शिक्षा ऐन लागू गर्ने आदेशको धारा 89 (2) को पछिल्लो अंश तथा भर्ना प्रकृया शिक्षा सुपरिवेक्षकले सञ्चालन गर्ने व्यवस्था भएका जिल्लाका नियमावलीहरू ) ।