लीज सम्झौताको स्वतन्त्रता
सिद्धान्तत:‚ हाउजिङ लीज सम्झौताका पक्षहरुले सम्झौताको अवधि‚ सम्झौता रद्द हुने अवस्थाहरु‚ आदि जस्ता सम्झौताका विवरणहरु स्वतन्त्र रुपमा निर्धारण गर्न सक्नेछन् र कुनै लिखित सम्झौता तयार गर्नुपर्ने कुनै आवश्यकता छैन । यद्यपि‚ सम्भावित विवादहरु रोकथाम गर्न एउटा लिखित लीज सम्झौता तयार गर्न सल्लाह दिईन्छ ।
लिखित लीज सम्झौताको तयारी
लिखित लीज सम्झौताको तयारी
- लीज सम्झौताका पक्षहरुले स्वतन्त्र रुपले सम्झौताका विवरणहरु निर्धारण गर्न सक्ने भएकाले‚ त्यसतो लिखित सम्झौताको कुनै निर्धारित खाँका छैन । यद्यपि‚ अनुमतिप्राप्त रियल ईस्टेट एजेन्ट मार्फत सम्पन्न गरिएको हाउजिङ लीजमा तल उल्लेख गरिएका विषयवस्तु हुनुपर्नेछ (अनुमतिप्राप्त रियल ईस्टेट एजेन्ट ऐनको धारा 26 (1) र अनुमतिप्राप्त रियल ईस्टेट एजेन्ट ऐनको कानून कार्यान्वयन विधानको धारा 22 (1)):
· कारोबारका पक्षहरुको व्यक्तिगत जानकारी;
· सामग्रीको उल्लेख;
· सम्झौताको गरिएको मिति;
· कारोबार मुल्य र सम्झौताको धितोको रकम र भुक्तान गरिएको मिति जस्ता भुक्तान सम्बन्धी विषयवस्तुहरु;
· सामग्री हस्तान्तरण गरिएको मिति र समय;
· सम्बन्धित अधिकारको हस्तान्तरण गरिएको विवरणहरु;
· शर्त र बन्देजहरु वा सम्झौताको समयसीमा‚ यदि भएमा;
· स्विकृती वितरण गरिएको मिति र दलाली गरिएको बस्तुको व्याख्यात्मक टिपोट;
· अन्य शर्तका विवरणहरु ।
सम्झौताका पक्षहरुको व्यक्तिगत जानकारी
- सम्झौताका पक्षहरुको व्यक्तिगत जानकारी पक्षहरुको पहिचान जाँच गर्न प्रयोग गरिनेछ । पारस्परिक सम्पर्कका लागि आवश्यक कुनै पनि जानकारी जस्तै नाम‚ ठेगाना‚ स्थानीय पञ्जीकरण नम्बर‚ फोन नम्बर‚ आदि आवश्यक भए उक्त लिखित सम्झौतामा उल्लेख गर्न सकिनेछ ।
कारोबार मूल्य र भुक्तानको मिति
- हाउजिङ लीज सम्पन्न भएको समयमा भुक्तान गरिएको कारोबार मुल्य सामान्यतया सम्झौताको धितोमा विभाजन गरेर‚ अन्तरिम भुक्तान‚ वा बाँकी रकममा भुक्तान गर्नुपर्दछ वा अन्तरिम भुक्तानबिनाको बाँकी रकमका रुपमा भुक्तान गर्न सकिनेछ ।
- कुल धितोको 10% सम्झौता धितोका रुपमा सम्झौताके समयमा र बाँकी रकम घर भाडामा लिएको व्यक्ति गृह प्रवेश गरेको दिन भुक्तान गरिने भनेर लिखित सम्झौतामा लेख्न सल्लाह दिईन्छ ।
लीजको अवधि
- सामान्यतया लीजको अवधि 2 वर्षको हुन्छ । यदि अवधि 1 वर्षका लागि तय गरिएको खण्डमा‚ घर भाडामा लिने व्यक्ति लीजमा लिईएको घरमा 2 वर्षसम्म बस्न सक्नेछ (हाउजिङ लीज प्रोटेक्सन ऐनको धारा 4 (1)) ।
लीज सम्झौताका विशेष शर्तहरु
लिखित लीज सम्झौतामा विशेष शर्तहरु पनि राख्न सकिनेछ जसलाई सामान्यतया अचल सम्पत्ति दलाली कार्यालयहरुले प्रयोग गर्दछन् ।
लीज सम्झौता सम्पन्न भएपछि घर लीजमा लिने व्यक्तिले पाउने कागजातहरु
हाउजिङ लीजका लागि लिखित सम्झौता
दलालीको सामग्को पुष्टिकरण र व्याख्यात्मक टिपोट
म्युचुअल एडको प्रमाणपत्र
※ धितोको आधारमा लीजको वास्तविक कारोबार मुल्य र मासिक लीजबारे बुझ्न मिनिस्ट्री अफ ल्यान्ड ईन्फ्रास्ट्रक्चर एन्ड ट्रान्सफरको रियल ट्रान्ज्याक्सन प्राईसेज डिस्क्लोजर सिस्टम (rt.molit.go.kr) वा ओन्नारा रियल ईस्टेट ईन्फोर्मेसन पोर्टल हेर्नुहोस् (https://seereal.lh.or.kr/main.do) ।