मालिक
मालिक‚ आदि ।
- घरको मालिकसँग सम्झौता सम्पन्न गरेको कुनै व्यक्तिले‚ घर मालिकको स्थानीय पञ्जीकरण प्रमाणपत्रमा लेखिएको जानकारी पञ्जीकृत मालिकको व्यक्तिगत जानकारी अनुसार भए–नभएको जाँच्नुपर्नेछ ।
- कुनै घरको संयुक्त मालिकमध्ये केहीसँग सम्झौता गरेको कुनै व्यक्तिले‚ पञ्जीकाको खण्ड A मा उल्लेख भएको संयुक्त स्वामित्वको अभिलेख अनुसार उनीहरुको स्वामित्व कुल सम्पत्तिको आधाभन्दा बढी भए–नभएको जाँच्नुपर्नेछ ।
एजेन्ट
घर मालिकको एजेन्टसँग सम्झौता सम्पन्न गरेको कुनै व्यक्तिले एजेन्टको ID, मालिकको व्यक्तिगत छापसँग जोडिएको प्रतिनिधित्व अधिकार र व्यक्तिगत छापको प्रमाणपत्रको संस्करण जाँच्नु पर्नेछ ।
- अख्तियारको हस्तान्तरण गरिएको अधिकारममा अचल सम्पत्ति भएको स्थान‚ सम्पत्ति मालिकको नाम र सम्पर्क जानकारी‚ सम्झौताको प्रयोजन‚ एजेन्टको नाम‚ ठेगाना र स्थानीय पञ्जीकरण नम्बरर‚ सम्झौता र अख्तियार हस्तान्तरण सम्बन्धी सबै मामिलाहरुको वक्तव्य संलग्न हुनुपर्नेछ‚ र मालिकको छापसहित हस्ताक्षर गरिएको हुनुपर्नेछ ।
लीजमा लिईएको सम्पत्ति पुन: लीजमा लिने व्यक्ति (लीजमा लिने व्यक्ति)
घरको मालिक वा मालिको एजेन्टको साटो लीजमा लिईएको सम्पत्ति पुन: लीजमा दिने व्यक्ति (लीजमा लिने व्यक्ति) सँग कुनै व्यक्तिले पुन: लीजमा लिने सम्झौता गरे‚ नीजले लीजमा दिने व्यक्तिले सम्झौता उपर मञ्जुरी दिएनदिएको जाँच गर्नुपर्नेछ ।
अनुमतिप्राप्त रियल ईस्टेट एजेन्ट
दलाली कार्यालय पञ्जीकरण प्रमाणपत्र‚ अनुमतिप्राप्त रियल ईस्टेट एजेन्टको प्रमाणपत्र‚ व्यवसाय दर्ता प्रमाणपत्र आदि जाँच गरेपछि सि/गुन/गु का प्रमुखले पञ्जीकरण गरेको दलाली कार्यालयमा कुनै सम्झौता पूरा गर्नु घरको लीज सम्झौता सम्पन्न गर्न चाहने व्यक्तिका लागि सुरक्षित हुन्छ (अनुमतिप्राप्त रियल ईस्टेट एजेन्ट ऐनको धारा9 हेर्नुहोस्) ।
दलाली कार्यालयमा प्रदर्शन गरिए जसरी एजेन्ट कुनै ग्यारेन्टी बीमा वा “ग्यारेन्टी सिर्जना भएको पुष्टि गर्ने कागजातहरु” सहित म्युचुअल एडको ग्राहक भए–नभएको जाँच गरेपछि अनुमतिप्राप्त रियल ईस्टे६ एजेन्टबाट लीज सम्झौता सम्पन्न गराउनु सुरक्षित हुनेछ (अनुमतिप्राप्त रियल ईस्टेट एजेन्ट ऐनको कानून कार्यान्वयन नियमको धारा 10 हेर्नुहोस्) ।