हाउजिङ लीज प्रोटेक्सन ऐन अन्तर्गत सुरक्षित व्यक्ति तथा संस्थाहरु
प्राकृतिक व्यक्तिहरु
- सिद्धान्तत:‚ हाउजिङ लीज प्रोटेक्सन ऐनले गणतन्त्र कोरियाका नागरिकहरुलाई सुरक्षा दिनेछ (हाउजिङ लीज प्रोटेक्सन ऐनको धारा 1) ।
विदेशी नागरिक र विदेशमा बसोबास गर्ने कोरियाली नागरिकहरु
- घर लीजमा लिएका विदेशी नागरिकले बसोबासको स्थान परिवर्तन गरी ठाउँ सरेको जानकारी गराएको खण्डमा‚ सम्बन्धित व्यक्तिलाई हाउजिङ लीज प्रोटेक्सन ऐनले असाधारण सुरक्षा प्रदान गर्नेछ (अध्यागमन ऐनको धारा 88-2 (2) र डिसेम्बर 16‚ 1993‚ मा सोल सिभिल डिस्ट्रिक्ट कोर्टको फैसला‚ मुद्दा नं. 93Gahap 73367 11: निर्धारित).
- दीर्घकालीन बसाईंका लागि घर लीजमा लिएका कुनै पनि कोरियाली नागरिक हाउजिङ लीज प्रोटेक्सन ऐनबाट सुरक्षित हुनेछन् (अध्यागमन ऐनको धारा 6 (1) र विदेशमा बसोबास गर्ने कोरियाली नागरिकहरुको कानूनी हैसियत) ।
निगमहरु
- कोरया ल्यान्ड एन्ड हाउजिङ कर्पोरेसन र आवासीय मामिलाका लागि स्थापित स्थानीय सार्वजनिक संस्था बाहेक‚ कुनै विशेष परिस्थिति नभएसम्म निगमहरुलाई हाउजिङ लीज प्रोटेक्सन ऐनले सुरक्षा दिने छैन (हाउजिङ लीज प्रोटेक्सन ऐनको धारा 3 (2) को पछिल्लो अंश र हाउजिङ लीज प्रोटेक्सन ऐनको कानून कार्यान्वयन विधानको धारा 2) ।
हाउजिङ लीज प्रोटेक्सन ऐन कार्यान्वयन हुने क्षेत्र
घरको लीज
- हाउजिङ लीज प्रोटेक्सन ऐन आवासीय भवन (घर) को सम्पूर्ण वा केही अंशको लीजमा लागू हुनेछ । लीजमा लिईएको घर आवासीय बाहेक अन्य प्रयोजनका लागि लिईएको लीजमा पनि लागू हुनेछ । आवासीय बाहेक अन्य प्रयोजनका लागि घरको कुनै अंश भाडामा लिईएको खण्डमा पनि यो व्यवस्था लागू हुनेछ (हाउजिङ लीज प्रोटेक्सन ऐनको धारा 2) ।
धितोको आधारमा घरको दर्ता नगरिएको लीज
- जोन्सेग्वोन (धितोका आधारमा घर भाडामा लिने–दिने) दर्ता नगरिको धितोको आधारमा लीजको सम्झौतामा पनि हाउजिङ लीज प्रोटेक्सन ऐन लागू हुनेछ (धितोका आधारमा घरको दर्ता नगरिएको लीज) (हाउजिङ लीज प्रोटेक्सन ऐनको धारा 12) ।
हाउजिङ लीज प्रोटेक्सन ऐनको कार्यान्वयनबाट छुट
अस्थायी प्रयोजनको लीज
- लीज अस्थायी प्रयोजनका लागि भएको स्पष्ट भए‚ हाउजिङ लीज प्रोटेक्सन ऐन लागू हुने छैन (हाउजिङ लीज प्रोटेक्सन ऐनको धारा 11) ।