गणतन्त्र कोरियाको नागरिक ऐन नै लागू हुने कानून भएको अवस्थामा विवाह बदर
विवाह बदर हुने कारणहरू
- पक्षहरूबीच विवाह गर्ने कुनै सहमति नभएको अवस्थामा विवाह अमान्य र बदर हुनेछ (नागरिक ऐनको धारा 815) ।
विवाह बदर गर्ने मुद्दामामिला
- विवाह बदर गर्नलाई सहमति आवश्यक छैन । पारिवारिक मुद्दामामिला ऐन」 ले अधिकारक्षेत्र‚ बदर गर्न संस्थागत गरिएको आधिकारिक व्यक्तिहरू‚ मुद्दामामिलाका अन्य पक्ष‚ आदिलाई परिभाषित गर्दछ । (पारिवारिक मुद्दामामिलामा ऐन」को धारा 2 (1), र धारा 22 देखि 24सम्म । धारा 50, (1) अन्तर्गत तोकिएको छ।).
विवाह बदर गर्नुका प्रभाव
- विवाहका पक्षहरूलाई प्रभाव
· एक पटक विवाह अमान्य र बदर भएपछि‚ विवाहका पक्षहरूलाई पति वा पत्नी मानिने छैन । विवाहित हैसियतमा भएका उत्तराधिकार र कुनै पनि अधिकारको परिवर्तन पनि बदर हुनेछ ।
· पक्षहरूबीच विवाह बदर भए‚ त्यसबाट उत्पन्न हुने कुनै पनि मानसिक वा सम्पत्तिको क्षतिपूर्तीका लागि एक पक्षले दाबी गर्न सक्नेछ (नागरिक ऐनको धारा 806 र 825) ।
- बालबालिकामाथि हुने प्रभाव
· पक्षहरूको सन्तानलाई वैवाहिक सम्बन्धबाट जन्मिएका बालबालिका मानिनेछ (नागरिक ऐनको धारा 855 (1) ।
गणतन्त्र कोरियाको नागरिक ऐन नै लागू हुने कानून भएको अवस्थामा विवाह बदर हुने
विवाह बदर हुने कारणहरू
- पारिवारिक अदालतको मिलापत्रको आधारमा वा तल उल्लेख गरिएका कुनै पनि उपदफा अन्तर्गत भएमा विवाहका पक्षहरूले अदालतमा गई विवाह बदर गर्ने हकदाबी पेश गर्न सक्नेछन्:
1. विवाहका कुनै पक्षले विवाहयोग्य उमेर पुरा नगरेको अवस्थामा (18 वर्ष (नागरिक ऐनको धारा 807 र 817);
2. मञ्जुरी आवश्यक भएको विवाहमा मञ्जुरी नलिईएको भए (नागरिक ऐनको धारा 808 र 817);
3. हाडनाताभित्र विवाह भएको (नागरिक ऐनको धारा 816 को उपदफा 1 र धारा 809);
※ यदि यिनीहरू विवाह अमान्य हुने कुनै पनि कारणमा नपरे यस्ता मामिलाहरू विवाह बदर हुने कारणमा पर्दछन् ।
4. यदि विवाहको समयमा कुनै एक पक्ष प्राणघातक रोगबाट पीडित भएको वा वैवाहिक जीवन बिताउन असक्षम बनाउने अन्य कुनै पनि कारण भएकोबारे अर्को पक्ष अज्ञात भएको खण्डमा (नागरिक ऐनको धारा 816 को उपदफा 2);
※ यस्ता कारणबारे जानकार भएको दिनदेखि ६ महिनाभित्र कुनै हकदाबी पेश नगरिए विवाह बदर गर्ने दाबी गर्न सकिने छैन ।
5. धोखा वा दबावले विवाह गरिएको खण्डमा (नागरिक ऐनको धारा 816 को उपदफा 3) ।
※ धोखा भएकोबारे थाहा पाएको‚ वा दबावबाट मुक्त भएको दिनदेखि तीन महिनासम्म कुनै पनि हकदाबी पेश नगरिए‚ विवाह बदर गर्ने दाबी गर्न पाईने छैन ।
विवाह बदर गर्ने दाबेदार
- तल उल्लिखित पक्षहरूले विवाह बदर गर्ने दाबी पेश गर्न सक्नेछन् (नागरिक ऐनको धारा 817 र 818) ।
1. मञ्जुरी आवश्यक हुने विवाहमा मञ्जुरी नलिईएको भए वा विवाहका पक्षमध्ये कुनै एकले विवाहयोग्य उमेर पूरा नगरेको भए: कुनै एक पक्ष वा वैधानिक प्रतिनिधि
2. हाडनाताभित्र विवाह भएको खण्डमा: कुनै एक पक्ष, उनीहरूको वंशका व्यक्ति वा चौथो श्रेणीको नातासम्बन्धभित्र पर्ने नजिकको नातेदार
3. दोस्रो विवाह भएको खण्डमा: मुख्य व्यक्ति‚ सम्बन्धित व्यक्तिको पति/पत्नी, वंशभित्रका नातेदार, चौथो श्रेणीको नातासम्बन्धभित्र पर्ने नजिकको नातेदार वा सार्वजनिक अभियोक्ता
विवाह बदर हुँदाको प्रभाव
- प्रभावको गैर–प्रतिक्रियात्मकता
· अदालतले विवाह बदर भएको निर्धारण गरेपछि‚ यो भविष्यका लागि लागू हुनेछ र प्रतिक्रियात्मक रुपमा प्रभावकारी हुने छैन (नागरिक ऐनको धारा 824) ।
· विवाह दौरान जन्मिएका सन्तानले वैवाहिक सम्बन्धबाट जन्मिएका सन्तानको हैसियत गुमाउने छैनन् ।
- सन्तान लालन–पालन गरेको जिम्मेवारी र भेटघाट गर्ने अधिकारहरू
· विवाह बदर भएको अवस्थाहरूमा‚ पारिवारिक अदालतले पदेन रुपमा संरक्षक निर्धारण गर्नेछ‚ र बालबालिकाको लालनपालन गर्ने व्यवस्था र सहमति अनुसार पारपाचुके भएपछि सन्तान भेटघाट गर्ने अधिकार बालबालिका लालनपालनको जिम्मेवारी र भेटघाट अधिकार अनुसार लागू हुनेछ (नागरिक ऐनको धारा 909 (5) र 824-2) ।
· त्यसैले‚ सम्बन्धित पक्षहरूले उनीहरूको सन्तानको लालनपालन गर्ने मामिला सहमतिका आधारमा तय गर्नेछन् । लालनपालन गर्ने सहमति गर्न नसकिए वा नगरिए‚ पारिवारिक अदालतले कुनै एक पक्ष वा पदेन संरक्षकको अनुरोधमा निर्णय गर्न सक्नेछ (नागरिक ऐनको धारा 837 (1) र (4) को पूर्व अंश) ।
· यसका साथै‚ सन्तानको लालनपालन नगर्ने आमा वा बाबु र सम्बन्धित व्यक्तिको बालबालिकासँग भेटघाटको अधिकार हुनेछ । यदि बालबालिकाको कल्याणसँग सम्बन्धित भए‚ कुनै एक पक्ष वा पदेन संरक्षकको अनुरोधमा‚ पारिवारिक अदालतले त्यस्तो भेटघाटको अधिकार निषेध वा वर्जित गर्न सक्नेछ (नागरिक ऐनको धारा 837-2) ।