गणतन्त्र कोरियामा विवाह दर्ता
विवाह दर्ता सम्बन्धी सामान्य प्रकृया
- यदि कोरिया गणतन्त्रमा कुनै कोरियाली नागरिकले भियतनामी नागरिकसँग विवाह गरेमासम्बन्धित विवाहका पक्षहरूले आफ्नो विवाहलाई <अन्तर्राष्ट्रिय विवाहको सामान्य जानकारी–अन्तर्राष्ट्रिय विवाहको संरचना–अन्तर्राष्ट्रिय विवाहका आवश्यकताहरू> अन्तर्गत “विवाहका लागि प्रकृयागत आवश्यकताहरू” मा उल्लेख गरिएको प्रकृया अनुसार दर्ता गराउनु पर्नेछ ।
- भियतनामी पति वा पत्नीले समाजवादी गणतन्त्र भियतनामको कानून अनुसार सम्पूर्ण आवश्यकताहरू पूरा गरेको पुष्टि गर्न‚ सम्बन्धित व्यक्तिले तल उल्लेख गरिएका कागजी प्रमाणपत्रहरू बुझाउनु पर्नेछ ।
विवाहको संरचनाको आवश्यकता अनुसार प्रमाणपत्रहरू बुझाउने
- विवाह दर्ता गराउँदा‚ सम्बन्धित विवाहका पक्षहरूले भियतनामी पति वा पत्नीले समाजवादी गणतन्त्र भियतनामको कानूनले व्यवस्था गरे बमोजिमका सबै आवश्यकता पूरा गरेको तल उल्लिखित कागजपत्रहरू संलग्न गर्नुपर्नेछ ।
1. भियतनामी राजदूत वा दक्षिण कोरियाका दूतले जारी गरेको विवाह सम्बन्धी पूर्वशर्त प्रमाणपत्र (कोरियाली नागरिक र भियतनामी नागरिकबीच हुने विवाहको प्रशासनिक प्रकृयाको निर्देशिकाको फारम 9)
2. भियतनामी पति वा पत्नीको राष्ट्रियता पुष्टि गर्ने कागजपत्र (समाजवादी गणतन्त्र भियतनामको कानून अनुसार नातासम्बन्ध कायम गरिएको कागजपत्र‚ जन्म दर्ता‚ राहदानी आदिको प्रमाणित प्रतिलिपी‚ आदि) र कोरियाली भाषामा अनुवाद गरिएको यी कागजातहरू
- समाजवादी गणतन्त्र भियतनामको विवाह तथा परिवार सम्बन्धी कानून अनुसार‚ पुरुषका लागि विवाहयोग्य उमेर 20 वर्ष र महिलाको हकमा 18 वर्ष तोकिएको छ । यदि विवाह दर्ता गर्ने दिनमा कुनै भियतनामी नागरिकको उमेर विवाहयोग्य उमेरभन्दा कम भए‚ सम्बन्धित व्यक्तिको आमाबाबुले विवाहको मञ्जुरी आदि तयार गरिए पनि विवाह दर्ता हुने छैन ।
भियतनाममा विवाह दर्ता
विवाहका लागि सामान्य प्रकृया
- कुनै कोरियाली र भियतनामी नागरिकले भियतनामको विधि अनुसार भियतनाममा विवाह गरेको भएता पनि‚ सम्बन्धित कोरियाली नागरिकको पारिवारिक नातासम्बन्ध दर्ता किताबमा उनीहरूको विवाह दर्ता गराउन सम्बन्धित पक्षहरूले गणतन्त्र कोरियाको नागरिक ऐन अनुसार उनीहरूको विवाह दर्ता गराउनु पर्नेछ ।
विवाहको प्रमाणीकरण
- विवाह दर्ता प्रमाणपत्र बुझाउने
· विवाह दर्ता गराउँदा भियतनाममा भियतनामी पति वा पत्नीको अन्तिम ठेगानामा (वा स्थायी ठेगाना) अख्तियार प्राप्त पिपल्स कमिटीका प्रमुखले जारी गरेको विवाह दर्ता र त्यसको अनुवाद [कोरियाली नागरिक र भियतनामी नागरिकबीच हुने विवाहको प्रशासनिक प्रकृयाको निर्देशिकाको फारम 5र6] (पारिवारिक सम्बन्धको दर्ता आदि सम्बन्धमा बनेको ऐनको अनुच्छेद 35 (1), पारिवारिक सम्बन्धको दर्ता आदि सम्बन्धमा बनेको नियमको अनुच्छेद 30 (2))
- विवाह दर्ता प्रमाणपत्र कहाँ बुझाउने
· भियतनाममा बस्ने कुनै कोरियाली नागरिकले भियतनामको विधि अनुसार विवाह सम्बन्धी कागजी प्रमाणहरू तयार गरेको अवस्थामा‚ सम्बन्धित व्यक्तिले सम्बन्धित क्षेत्रमाथि अख्तियारी पाएको कोरियाली कुटनीतिक नियोगको प्रमुखलाई ती कागजी प्रमाणहरूको प्रमाणित प्रतिलिपी तीन महिनाभित्र बुझाइसक्नु पर्नेछ (पारिवारिक नातासम्बन्धको दर्ता सम्बन्धी ऐनको धारा 35 (1) आदि) ।