गणतन्त्र कोरियामा विवाह दर्ता
विवाह दर्ता गराउने सामान्य प्रकृया
- सम्बन्धित विवाहका पक्षहरूले आफ्नो विवाहलाई <अन्तर्राष्ट्रिय विवाहको सामान्य जानकारी–अन्तर्राष्ट्रिय विवाहको संरचना–अन्तर्राष्ट्रिय विवाहका आवश्यकताहरू> अन्तर्गत “विवाहका लागि प्रकृयागत आवश्यकताहरू” मा उल्लेख गरिएको प्रकृया अनुसार दर्ता गराउनु पर्नेछ ।
विवाहको संरचनाका लागि आवश्यक प्रमाणपत्रहरू बुझाउने
- विवाह दर्ता गराउँदा‚ सम्बन्धित पक्षहरूले जनगणतान्त्रिक चीनको कानूनले व्यवस्था गरे अनुसार चीनियाँ पति वा पत्नीले सबै आवश्यकताहरू पूरा गरेको कागजी प्रमाणपत्रहरू संलग्न गर्नुपर्नेछ (चीनियाँ पति वा पत्नी अविवाहित रहेको प्रमाणपत्र जनगणतान्त्रिक चीनको अख्तियार प्राप्त अधिकारीले जारी गर्नुपर्नेछ र जनगणतान्त्रिक चीनको विदेशी मामिला मन्त्रालय वा प्रान्त‚ स्वशासित क्षेत्र र नगरपालिकाको कुनै पनि विदेशी मामिला कार्यालयले प्रमाणित गरेको हुनुपर्नेछ) ।
चीनमा विवाह दर्ता
विवाह दर्ता सम्बन्धी सामान्य जानकारी
- कुनै कोरियाली र चीनियाँ नागरिकले चीनको विधि अनुसार चीनमा विवाह गरेको भएता पनि‚ सम्बन्धित कोरियाली नागरिकको पारिवारिक नातासम्बन्ध खातामा उनीहरूको विवाह दर्ता गराउन सम्बन्धित पक्षहरूले गणतन्त्र कोरियाको नागरिक ऐन अनुसार उनीहरूको विवाह दर्ता गराउनु पर्नेछ ।
विवाहको प्रमाणीकरण
- विवाह दर्ता प्रमाणपत्र बुझाउने
· विवाह दर्ता गराउँदा‚ सम्बन्धित विवाहका पक्षहरूले चीनको विधि अनुसार विवाह गरेको पुष्टि गर्ने कागजी प्रमाणहरू संलग्न गर्नेपर्नेछ‚ जसलाई जनगणतान्त्रिक चीनको विदेशी मामिला मन्त्रालय वा प्रान्त‚ स्वशासित क्षेत्र र नगरपालिकाको कुनै पनि विदेशी मामिला कार्यालयले प्रमाणित गरेको हुनुपर्नेछ । (पारिवारिक सम्बन्धको दर्ता आदि सम्बन्धमा बनेको ऐनको अनुच्छेद 35 (1))
- विवाह दर्ता प्रमाणपत्र कहाँ बुझाउने
· चीनमा बस्ने कुनै कोरियाली नागरिकले चीनको विधि अनुसार विवाह सम्बन्धी कागजी प्रमाणहरू तयार गरेको अवस्थामा‚ सम्बन्धित व्यक्तिले सम्बन्धित क्षेत्रमाथि अख्तियारी पाएको कोरियाली कुटनीतिक नियोगको प्रमुखलाई ती कागजी प्रमाणहरूको प्रमाणित प्रतिलिपी तीन महिनाभित्र बुझाइसक्नु पर्नेछ (पारिवारिक नातासम्बन्धको दर्ता सम्बन्धी ऐनको धारा 35 (1) आदि) ।