विवाहका सान्दर्भिक आवश्यकताहरू
गणतन्त्र कोरियाको नागरिक ऐन नै प्रचलित कानून हुँदा विवाहका लागि सान्दर्भिक आवश्यकताहरू
1. दुवै पक्ष विवाह गर्न सहमत हुनुपर्नेछ; (नागरिक ऐनको धारा 815को उपदफा 1);
2. दुवै पक्षको विवाह गर्ने उमेर पुगेको हुनु पर्ने छ (18 वर्ष उमेर) (देबानी ऐनको धारा 807);
※विवाहयोग्य उमेर गणना गर्दा‚ सम्बन्धित व्यक्ति जन्मेको दिनलाई समावेश गरिनेछ ।
3. –नाबालिग वा उमेर नपुगेका वयस्कले विवाह गरेमा, उसले/उनले स्वीकृतिका लागि निम्न प्रकृयाहरू अपनाउनु पर्नेछ (नागरिक ऐनको धारा 808);
क. कुनै पनि नाबालिग (19 वर्षभन्दा कम उमेरको) ले विवाहका लागि माता पिता दुवैको स्वीकृति लिनु पर्नेछ । यदि नाबालिगको माता पिता मध्ये एकलाई स्वीकृति दिने अधिकार नभएमा दुवैमध्ये कुनै एकले स्वीकृति दिन सक्नेछन् । यदि माता पिता मध्ये कसैले पनि स्वीकृति दिने अधिकार नभएमा, नाबालिगले आफ्नो अभिभावकको स्वीकृति लिन सक्नेछन् ( नागरिक ऐनको धारा 808 (1)) ।
ख. उमेर पुगेका नाबालिगले आफ्ना माता/पिता वा वयस्क अभिवावकसँग स्वीकृति लिन सक्नेछन् (नागरिक ऐनको धारा 808 (2)) ।
4. यस्तो विवाह हाडनाताभित्र हुने छैन (नागरिक ऐनको धारा 809) ।
5. यस्तो विवाह दोस्रो विवाह हुने छैन (नागरिक ऐनको धारा 810) ।
विवाहका लागि प्रकृयागत आवश्यकताहरू
- कुनै पनि विवाहले कानूनी मान्यता पाउन‚ विवाहका पक्षहरूले आफ्नो विवाहलाई पारिवारिक नातासम्बन्धको दर्ता सम्बन्धी ऐन आदि‚ अन्तर्गतको व्यवस्था अनुसार दर्ता गर्नुपर्नेछ (नागरिक ऐनको धारा 812 (1) ।
※ आधिकारिक अधिकारीले कुनै विवाहलाई दर्ता गरेपछि‚ पारिवारिक नातासम्बन्धमा दर्ता नगरिए पनि उक्त विवाहले कानूनी मान्यता पाउनेछ ।
- विवाह दर्ता गराउने प्रकृया र विधि तल उल्लेख गरिएको छ ।
· विवाह दर्ताका पक्षहरू
√ सम्बन्धित विवाहका पक्षहरूले व्यक्तिगत रुपमा उपस्थित भएर विवाह दर्ता गराउनु पर्नेछ (नागरिक ऐनको धारा 812 (2) ।
· विवाह दर्ता गरिएको स्थान
√ विदेशी नागरिकको पति वा पत्नीले गणतन्त्र कोरियाको नागरिकको पारिवारिक नातासम्बन्ध दर्ता गराउने स्थानमा रहेको विवाह दर्ता किताबमा विवाह दर्ता गराउन सकिनेछ, वा विवाह गर्ने पक्षहरूको स्थानीय ठेगानामा दर्ता गर्न सकिनेछ (पारिवारिक नाता आदि सम्बन्धी दर्ता ऐनको धारा 20(1)) ।
· विवाहको प्रतिवेदनमा समावेश गर्नुपर्ने विषयवस्तुहरू‚ आदि ।
√ तल उल्लिखित विषयवस्तुलाई विवाहको प्रतिवेदनमा समावेश गर्नुपर्नेछः उपअनुच्छेद 3 मा पर्ने अवस्थाहरूमा, विवाह गर्ने पक्षहरूबीचको सम्झौता संलग्न गर्नु पर्नेछः (पारिवारिक नाता आदि सम्बन्धी दर्ता ऐनको धारा 71) ।
1. विवाहका पक्षहरूको नाम‚ थरको उत्पत्ति‚ जन्म मिति‚ निवासी पञ्जीकरण संख्या र दर्ता गरिएको स्थान;
※ विवाहको कुनै पक्ष विदेशी नागरिक भए नाम‚ राष्ट्रियता‚ र विदेशी पञ्जीकरण संख्या ।
2. विवाहका पक्षहरूको आमाबाबु र धर्मसन्तान भएको हकमा धर्मसन्तान राख्ने आमाबाबुको नाम‚ दर्ता गरिएको स्थान र निवासी पञ्जीकरण संख्या;
3. विवाहका पक्षहरूले उनीहरूको सन्तानको थर के राख्ने भनेर गरिएको सहमतिको तथ्य (नागरिक ऐनको धारा 781 (1);
4. यस्तो विवाह हाडनाता सम्बन्धभित्र नभएको तथ्य (नागरिक ऐनको धारा 809 (1) ।
· विवाह प्रतिवेदनको विधि
√ विवाहको प्रतिवेदन दुवै पक्ष र दुई वयस्क साक्षीहरूको हस्ताक्षर सहित लिखितमा बुझाउनुपर्नेछ (नागरिक ऐनको धारा 812 (2)) ।