Пасспорт ашиглахад хязгаарлалт тавих, зорчих, түр оршин суухыг хориглох
Пасспорт ашиглахад хязгаарлалт тавих, зорчих, түр оршин суухыг хориглох
- Байгалийн гамшиг, үймээн самуун гэх мэт гадаад оронд үүссэн аюултай нөхцөл байдлаас хүмүүсийн амь нас, эрүүл мэнд, эд хөрөнгийг хамгаалах зорилгоор тусгайлан заасан гадаадын улс, бүс нутагт зорчих буюу түр оршин суухыг түр хугацаагаар зогсоох шаардлагатай хэмээн үзсэн тохиолдолд Гадаад хэргийн сайд тодорхой хугацаа тогтоон, пасспорт ашиглахад хязгаарлалт тавих буюу тухайн улс, бүс нутаг руу зорчих, түр оршин суухыг хориглож болно (Пасспортын тухай хуулийн 17 (1)-р зүйлийн үндсэн бичвэр; Пасспортын тухай хуулийг хэрэгжүүлэх тухай зарлигийн 28-р зүйл).
Пасспорт ашиглахад хязгаарлалт тавьсан тухай мэдэгдэх
- Гадаад хэргийн сайд хязгаарлалт тавихаар төлөвлөсөн бол пасспорт ашиглахыг хязгаарласан улс, бүс нутаг, хамрах хүрээ, хязгаарлалтын нөхцөл, хугацаа, пасспорт ашиглах, зорчих, түр оршин суух зөвшөөрөл хүсэх журмыг тодорхойлж, мэдэгдэнэ (Пасспортын тухай хуулийн 17 (2)-р зүйл; Пасспортын тухай хуулийг хэрэгжүүлэх тухай зарлигийн 30-р зүйл)
- Гадаад оронд үүссэн аюултай нөхцөл байдал намжсаны улмаас пасспорт ашиглахад тавьсан хязгаарлалтыг үргэлжлүүлэх шаардлагагүй хэмээн үзвэл Гадаад хэргийн сайд цаг алдалгүй тус хязгаарлалтыг зогсоож, энэ тухай мэдэгдэнэ (Пасспортын тухай хуулийн 17 (3)-р зүйл)
Онцгой шалтгаанаар пасспорт ашиглахыг зөвшөөрөх
Зөвшөөрөл олгох шалтгаан
- Гадаад хэргийн сайд доорх шалтгаанаар аялах тохиолдолд пасспорт ашиглах, зорчих, түр оршин суух зөвшөөрөлөгч болно (Пасспортын тухай хуулийн 17 (1)-д заасан нөхцөл; Пасспортын тухай хуулийг хэрэгжүүлэх тухай зарлигийн 29 (1)-р зүйл)
1. Пасспорт ашиглахыг хязгаарласан улс, бүс нутагт байнга оршин суух эрх, түүнтэй дүйх бусад эрх авсан хүн тухайн улс, бүс нутагт амьдарч, удаан хугацаагаар оршин суух болсон нь нотлогдсон;
2. Нийтийн ашиг сонирхлыг хамгаалах буюу түүнд нийцүүлэхэд шаардлагатай болсон;
3. Гадаадад түр оршин суугаа доорх хүмүүсийн аль нэг нь нас барсан буюу маш хүндээр өвдсөн, осолд орсны улмаас тус улсаас яаралтай явах шаардлагатай болсон:
√ Эхнэр/нөхөр
√ Өөрийн эцэг эх, өвөө эмээ, үр хүүхэд, ач гуч зэрэг цусан төрлийн хүн, төрсөн ах дүү;
√ Эхнэр/нөхрийн эцэг эх, өвөө эмээ, үр хүүхэд, ач гуч зэрэг цусан төрлийн хүн, төрсөн ах дүү;
4. Гадаадад оршин суугаа Солонгосын иргэдийг хамгаалах дипломат эсвэл аюулгүй байдлыг сахиулах үүрэг гүйцэтгэгч дотоодын төрийн байгууллага, олон улсын байгууллага нийгмийн өмнө хүлээсэн үүргээ гүйцэтгэхэд шаардлагатай болсон;
5. Холбогдох төрийн захиргааны төв байгууллагын даргын тодорхойлолт (тухайн албан үүргийн зорилго, нарийвчилсан мэдээллийг тодорхой заасан тодорхойлолтыг хэлнэ)-оор үндэсний эрх ашиг, байгууллагын үйл ажиллагаатай холбоотой албан үүрэг гүйцэтгэхэд шаардлагатай болсон;
6. Дээрх 1 – 5-р зүйлд заасантай дүйх, Гадаад хэргийн сайд онцгой шаардлагатай гэж үзсэн бусад тохиолдол.
- Дээрх 2 – 5-р зүйлд заасан аль нэг онцгой шалтгаанаар пасспорт ашиглах зөвшөөрөл авах хүсэлтэй этгээдөөрийнхарьяалагдах байгууллагын даргаас зөвшөөрлийн бичиг авч, Гадаад хэргийн сайдад өгнө(Пасспортын тухай хуулийг хэрэгжүүлэх тухай зарлигийн 29 (2)-р зүйл)
- Гадаад хэргийн сайд пасспорт ашиглах, зорчих/түр оршин суухыг зөвшөөрвөл холбогдох зөвшөөрлийн бичгийг олгоно (Пасспортын тухай хуулийг дагаж мөрдөх журмын 15 (3)-р зүйл, 7-р хавсралтын маягтууд)
Зөрчлийн эсрэг ноогдуулах шийтгэл
- Зорчих, түр оршин суухыг хориглосон болохыг нийтэд мэдэгдсэн улс, бүс нутагт зөвшөөрөл авахгүйгээр зорчих, оршин суухад пасспортаа ашигласан этгээдийг 1 жил хүртэлх хугацаагаар хорих ялаар шийтгэх буюу 10 сая воноор торгоно (Пасспортын тухай хуулийн 26 (3)-р зүйл).
※ Пасспорт ашиглахыг хязгаарласан үед гэх мэт онцгой тохиолдолд зөвшөөрөл олгох, зөрчлийн эсрэг ноогдуулах шийтгэлийн талаарх нарийвчилсан заалтууд аяллын үнэмлэхэд мөн ижил үйлчилнэ (Пасспортын тухай хуулийн 14 (3), 26 (3)-р зүйл)
Пасспортыг хууль бусаар ашиглахыг хориглох
Пасспортыг хууль бусаар ашиглахыг хориглох
- Дараах үйлдэл гаргахыг хориглоно [Пасспортын тухай хуулийн 16 (2) - (5)-р зүйл].
·Өөр хүний нэр дээр олгосон пасспортыг ашиглах;
· Пасспортыг өөр хүнд ашиглуулахаар өгөх, зээлдүүлэх, пасспортыг бусдад дамжуулах, зээлэх явдлыг зохион байгуулах;
·Өөр хүний нэр дээр олгосон пасспортыг ашиглах зорилгоор авах, зээлэх;
· Пасспортыг үүргийн биелэлтийн баталгаа болгон өгөх, авах (барьцаалах).
Пасспортыг хураах
- Дээр дурдсан үйлдэлд холбогдсон этгээдийн гадаад паспортыг Гадаад хэргийн яам, Орон нутгийн өөрөө удирдах байгууллагын паспорт олгох ажлыг хариуцсан ажилтан цагдаагийн албан хаагч, Орон нутгийн цагдаагийн байгууллага, Гадаадын иргэн, харьяатын асуудал эрхэлсэн алба, Шалган нэвтрүүлэх алба зэрэг байгууллагад ажилладаг эрүүгийн цагдаагийн ажил үүрэг бүхий ажилчин өөрийн биеэр хураан авах эрхтэй. (「Гадаад паспортын тухай хууль」-ийн 20-р зүйл, 21-р зүйлийн 3-р заалт).
Зөрчлийн эсрэг ноогдуулах шийтгэл
- Бусдын пасспортыг ашиглах зорилгоор авсан, зээлсэн этгээдийг 2 жил хүртэлх хугацаагаар хорих эсвэл 20 сая хүртэлх воноор торгох арга хэмжээ авна (Пасспортын тухай хуулийн 25-р зүйл)
- Үүргийн биелэлтийн баталгаа болгож пасспорт барьцаалсан хэрэгт холбогдсон этгээдийг 1 жил хүртэлх хугацаагаар хорих эсвэл 10 сая хүртэлх воноор торгох арга хэмжээ авна (Пасспортын тухай хуулийн 26 (1), (2)-р зүйл)