Визгүй зорчих эрхтэй гадаадын иргэд
Үндсэн зарчим
- Виз бол Солонгос улсад нэвтрэхийг зөвшөөрөх үндсэн шаардлага бөгөөд БНСУ-д нэвтрэх хүсэлтэй гадаадын иргэн зарчмын хувьд визтэй байх шаардлагатай (Цагаачлалын албаны хяналтын тухай хуулийн 7(1)-р зүйл).
Чөлөөлөгдөх нөхцөл
- Дор дурдсан тохиолдлуудын аль нэгэнд хамаарах гадаадын иргэн БНСУ-ын хилээр визгүй нэвтэрч болно (Цагаачлалын албаны хяналтын тухай хуулийн 7(2)-р зүйл).
1. Дахин нэвтрэх эрхтэй буюу эргэн нэвтрэх зөвшөөрөл авахаас чөлөөлөгдсөн этгээд зөвшөөрөгдсөн буюу чөлөөлөгдсөн хугацаа дуусахаас өмнө БНСУ-д нэвтэрч буй.
2. БНСУ-тай визгүй зорчих гэрээ байгуулсан орны иргэнийхээ хувьд уг гэрээгээр виз авах шаардлагаас чөлөөлөгдөх эрхтэй этгээд
3. Улс хоорондын найрамдалт харилцааг бэхжүүлэх зорилгоор, аяллын зорилгоор эсвэл БНСУ-ын үндэсний эрх ашгийн төлөө БНСУ-д нэвтэрч буй этгээд энэ зорилгынхоо дагуу нэвтрэх зөвшөөрөл тусад нь авсан.
4. 50 сая воноос дээш дүнтэй дотоодын татвар, гаалийн буюу орон нутгийн татвар, 30 сая воноос дээш хэмжээний орон нутгийн албан татварыг төлөх хугацааны дотор хүндэтгэх шалтгаангүйгээр төлөөгүй этгээд
※ Дээрх 2 ба 3-р заалтын талаар доор дэлгэрэнгүй тайлбарлав.
Аяллын зөвшөөрөл урьдчилан авах тухай
- Хууль зүйн яамнаас нийтийн хэв журмыг сахиулах ажил, төрийн эрх ашигт нийцтэй гэж үзсэн тохиолдолд дараахь шаардлагыг хангасан гадаад иргэдэд визгүй аялах зөвшөөрөл олгож болно(「Цагаачлалын албаны хяналтын тухай хууль」-н 7-3-р зүйлийн 1-р заалт).
· БНСУ-тай визгүй зорчих хэлэлцээр байгуулсан орны иргэний хувьд уг хэлэлцээрийн дагуу визгүй зорчих шаардлагыг хангасан хүн;
· Олон улсын найрамдалт харилцаа, аялал жуулчлалын хөтөлбөр зэрэг БНСУ-ын эрх ашигт нийцсэн үйл ажиллагаа зохион байгуулах зорилгоор хилээр орох тусгай зөвшөөрөлтэй хүн;
· Бусад хууль тогтоомжийн дагуу визгүй хилээр орох эрхтэй хүн;
- Аяллын зөвшөөрөл урьдчилан авах гэж байгаа хүн дараахь шаардлагыг хангасан байна. Онлайнаар өргөдөл гаргах боломжтой бөгөөд 10,000 вонын хураамж төлнө(「Цагаачлалын албаны хяналтын тухай хуулийг хэрэгжүүлэх журам」-н 8-3-р зүйл, 8-4-р зүйлийн 2 болон 3-р заалт, 72(1)-р зүйлийн 2-р заалт).
· Хүчин төгөлдөр гадаад паспорт;
· Хилээр орохыг хориглосон, татгалзсан арга хэмжээ авагдаагүй байх(「Цагаачлалын албаны хяналтын тухай хууль」-н 11-р зүйл);
· Хилээр орж байгаа зорилго оршин суух визийн ангилалтай тохирч байх;·
· Зөвшөөрөгдсөн оршин суух хугацааны дотор БНСУ-н хилээр буцаж гарах баталгаатай байх;
· Бусад Хууль зүйн яамнаас тогтоосон шаардлагыг хангасан байх;
- Аяллын зөвшөөрлийн бичгийг БНСУ-ын хилээр орохдоо биедээ авч явна(「Цагаачлалын албаны хяналтын тухай хууль」-н 7-3-р зүйлийн 2-р заалт).
БНСУ-тай визгүй зорчих гэрээ байгуулсан орны иргэн болохынхоо хувьд виз авах шаардлагаас чөлөөлөгдөх эрхтэй этгээд
БНСУ-тай визгүй зорчих гэрээтэй улс орнууд
- 2021 оны 2 сарын байдлаар 110 орон БНСУ-тай визгүй зорчих хэлэлцээр хийсэн бөгөөд эдгээр орны иргэд хэлэлцээрийн дагуу БНСУ-д визгүй зорчих боломжтой(Эх сурвалж: БНСУ-н визний тухай мэдээллийн портайл сайт-Виз олгох журам-Визний төрөл-Визгүй зорчих тухай).
Хилээр нэвтрэх журам
- Нэвтрэх зөвшөөрлийг авсан гадаад иргэн нь гадаадын иргэн, харъяатын асуудал эрхэлсэн албаны дарга(цаашид "албаны дарга" гэх), гадаадиын иргэн, харъяатын асуудал эрхэлсэн газрын дарга(цаашид "газрын дарга" гэх), гадаадын иргэн, харъяатын асуудал эрхэлсэн салбарын дарга болон гадаадын иргэн, харъяатын асуудал эрхэлсэн газрын салбарын дарга(цаашид "салбарын дарга" гэх)-аас гадаад паспортон дээрээ хилээр нэвтрэх хяналтын тэмдэглэгээг хийлгэж, зөвшөөрөгдсөн оршин суух эрх болон хугацааг тодорхойлуулж авна(「Цагаачлалын албаны хяналтын тухай хууль」-ийн 12-р зүйлийн 5-р заалт, 「Цагаачлалын тухай хуулийг хэрэгжүүлэх тогтоол」-ын 15- р зүйлийн 7-р заалт).
Визгүй зорчих гэрээний хэрэгжилтийг түр зогсоох
- Олон нийтийн дэг журмыг сахиулах, БНСУ-ын эрх ашгийг хамгаалахад шаардлагатай гэж үзвэл Хууль зүйн сайд БНСУ-тай визгүй зорчих гэрээ байгуулсан улсын иргэн болохынхоо хувьд тухайн гэрээний дагуу визнээс чөлөөлөгдөх эрхтэй гадаадын иргэнд визгүй зорчих гэрээ үйлчлэхийг түр зогсоож болно (Цагаачлалын албаны хяналтын тухай хуулийн 7(3)-р зүйл).
Улс хоорондын найрамдалт харилцааг бэхжүүлэх зорилгоор, аяллын зорилгоор эсвэл БНСУ-ын үндэсний эрх ашгийн төлөө БНСУ-д нэвтэрч буй, энэ зорилгынхоо дагуу нэвтрэх зөвшөөрөл тусад нь авсан этгээд.
Ангилалд хамаарах иргэд
- Дээрх ангилалд хамааоах гадаадын иргэдийн хамрах хүрээ нь дараахтай адил байна (Цагаачлалын албаны хяналтын тухай хуулийн 7(2) 3-р зүйл; Цагаачлалын албаны хяналтын тухай хуулийг хэрэгжүүлэх тухай зарлигийн 8(1)-р зүйл; Цагаачлалын албаны хяналтын тухай хуулийг дагаж мөрдөх журмын 15(2)-р зүйл)
1. Зайлшгүй шалтгаанаар БНСУ-д визгүй нэвтрэх хүсэлтэй, гадаад улсын засгийн газар эсвэл олон улсын байгууллагын ажлыг явуулж буй этгээд
2. 30 хүртэлх хоногийн хугацаанд танилцах аялал хийх эсвэл дамжин өнгөрөх зорилгоор БНСУ-д нэвтрэх хүсэлтэй этгээд
3. Мөн түүнээс гадна Хууль зүйн сайдын БНСУ-ын эрх ашгийн тулд Солонгос улсад нэвтрүүлэх шаардлагатай гэж үзсэн хүн