Группын виз гэж юу вэ?
Группын визний талаарх үндсэн ойлголт
- “Группын виз” гэдэг нь дипломат төлөөлөгчид, олон улсын арга хэмжээнд оролцогчид, сургалтын аяллаар явж буй суралцагчид эсвэл БНСУ-д нэг усан онгоц, нисэх онгоц, галт тэрэг, автомашин зэргээр хамтдаа ирэх энэ төрлийн хүмүүс гэх мэт бүлэг хүмүүст БНСУ-аас гадаадад суугаа дипломат төлөөлөгчийн газар (улс орон бүрт байрлах БНСУ-ын элчин сайдын яам, төлөөлөгчийн газар, суурин төлөөлөгч, ерөнхий консулын газар, консулын газрыг хэлэх ба цаашид энэ утгаар орно)-ын даргаас олгосон виз юм (Цагаачлалын тухай хуулийг дагаж мөрдөх журмын 11 (1)-р зүйл; БНСУ-аас гадаадад суух дипломат төлөөлөгчийн газруудыг байгуулах тухай хуулийн 2-р зүйл)
Группын виз олгох
- Группын визийг БНСУ-тай визгүй зорчих гэрээгүй БНХАУ-ын 3 ба түүнээс дээш тооны иргэнээс бүрдэх бүлэг жуулчдад олгоно (Соёл, спорт, аялал жуулчлалын яамны 2016 оны 11-р сарын 7-ны өдрийн 2016-0 дугаарын удирдамж, Хятадын бүлэг аялагчдыг татах чиглэлээр аялал жуулчлалын агентлагуудтай холбоотой бизнесийг хэрэгжүүлэх удирдамжийн 2-р зүйлийн 1-р заалтыг харна уу)
Группын виз хэрхэн мэдүүлэх вэ?
Группын виз мэдүүлэх
- БНСУ-ын хилээр нэвтрэх зорилгоор группын виз авах хүсэлтэй хүмүүс өөрсдийн төлөөлөгч буюу хоёр талын гэрээний дагуу нэг этгээдийг томилсон байх ба тухайн томилогдсон этгээд хүмүүсийн пасспорт, шаардлагатай баримт бичгүүдийг БНСУ-аас гадаадад суугаа дипломат төлөөлөгчийн газрын даргад өгнө (Цагаачлалын тухай хуулийг дагаж мөрдөх журмын 11 (2)-р зүйл).
※ Группын виз авахад шаардлагатай бичиг баримтыг <Хятад улсад суугаа БНСУ-ын Элчин сайдын яам>-наас асуун тодруулж болно.
Хүлээн авах, шалгах
- Доорх шаардлагууд хангагдсан эсэхийг нягтлан шалгасны үндсэн дээр БНСУ-аас гадаадад суугаа дипломат төлөөлөгчийн газрын дарга группын виз олгоно (「Гадаадын иргэн, харьяатын тухай хуулийг хэрэгжүүлэх журам」-ын 9-р зүйлийн 2].
· Пасспорт хүчинтэй эсэх
· Цагаачлалын албаны хяналтын тухай хуулийн 11-р зүйлд заасан хилээр нэвтрүүлэхийг хориглох буюу татгалзах нөхцөлд хамаарах эсэх.
· 「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」-ийн хавсралт 1-ээс эхлээд хавсралт 1-ийн 3 хүртэлхд заасан оршин суух эрх(БНСУ-д нэвтрэх гэж буй гадаадын иргэний хангасан айх ёстой тодорхой эрхийг хэлнэ, цаашид адил)-д хамаарах эсэх
· 「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」 -ийнхавсралт 1-ээс эхлээд хавсралт 1-ийн 3 хүртэлхд зааж буй эрхэд нийцсэн нэвтрэх зорилгоо тодорхой тайлбарлаж байгаа эсэх
· Оршин суух эрхийн хугацаанд эх орондоо буцах нь тодорхой эсэх
· Мөн「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」-ийн хавсралт 1-ээс эхлээд хавсралт 1-ийн 3 хүртэл оршин суух эрх тус бүрээр хууль зүйн яамны сайд стусгайлан тогтоосон шалгуурыг хангаж байгаа эсэх
Цагаачлалын албаны үйлчилгээний хураамж төлөх
- Группын виз мэдүүлэхэд хүн бүрийн төлбөл зохих Цагаачлалын албаны үйлчилгээний хураамж доор заасны дагуу байна (Цагаачлалын тухай хуулийн 87 (1); Цагаачлалын тухай хуулийг дагаж мөрдөх журмын 71 (1)-р зүйл)
· 90 хоног хүртэлх хугацаатай нэг удаагийн виз: АНУ-ын мөнгөн тэмдэгтээр тооцвол 40 доллартай тэнцэх хэмжээний мөнгө (цаашид “ам.доллар” гэх).
· 91 хоногоос дээш хугацаатай нэг удаагийн виз: 60 ам.доллартай тэнцэх хэмжээний мөнгө.
· 2 удаа ороход хүчинтэй олон удаагийн виз: 70 ам.доллартай тэнцэх хэмжээний мөнгө.
· Орох тоог хязгаарлахгүй олон удаагийн виз: 90 ам.доллартай тэнцэх хэмжээний мөнгө.
- Үйлчилгээний хураамжийг харгалзах мөнгөн дүнтэй тэнцэх хэмжээний татвар хураамжийн наалт, бэлэн мөнгө, бэлэн мөнгөний төлбөрийн баримтаар төлнө(Цагаачлалын тухай хуулийг дагаж мөрдөх журмын 73-р зүйлийн 3 дахь заалт).
Группын виз олгох
- Гадаадад суугаа дипломат төлөөлөгчийн газрын дарга группын виз олгосон тохиолдолд тухайн группыг төлөөлж буй хүний пасспорт дээр визний наалт нааж, визний тамгын доохно зүүн гар талд группын визний мэдүүлгийн хуулбарын хоосон зайд тамга дарна. Гадаадад суугаа дипломат төлөөлөгчийн газрын дарга шаардлагатай гэж үзвэл визний тамгыг виз мэдүүлсэн хүн тус бүрийн пасспорт дээр дарж болно. Энэ тохиолдолд визний тамгын доор тухайн хүнийг группт харьяалагдаж байгааг илтгэх тэмдэглэгээ хийнэ (Цагаачлалын тухай хуулийг дагаж мөрдөх журмын 11 (3)-р зүйл).