Виз олгох журам
Виз мэдүүлэх
- БНСУ-ын виз авах хүсэлтэй гадаадын иргэд оршин суух ангилалд шаардлагатай баримт бичгийг хавсарган, бичгээр гаргасан визний мэдүүлгийг өөрийн пасспортын хамт Хууль зүйн яаманд хүргүүлнэ(「Цагаачлалын албаны хяналтын тухай хуулийг хэрэгжүүлэх зарлиг」-н 7(1)-р зүйл).
※ Виз мэдүүлэхэд, оршин суух ангилалд тохируулан хавсаргах шаардлагатай баримт бичгүүдийн талаарх мэдээллийг Цагаачлалын албаны хяналтын тухай хуулийг дагаж мөрдөх журмын 5-р хавсралтаас харж болно.
Цагаачлалын албаны үйлчилгээний хураамж төлөх
-Виз мэдүүлэхэд төлөх Цагаачлалын албаны үйлчилгээний хураамж доор заасны дагуу байна (группын визний хувьд хүн тус бүрийн төлөх төлбөрийг хэлнэ) (Цагаачлалын албаны хяналтын тухай хуулийн 87(1)-р зүйл; Цагаачлалын албаны хяналтын тухай хуулийг дагаж мөрдөх журмын 71(1)-р зүйл)
· 90 хоног хүртэлх хугацаатай нэг удаагийн виз: АНУ-ын мөнгөн тэмдэгтээр тооцвол 40 доллартай тэнцэх хэмжээний мөнгө (цаашид “ам.доллар” гэх).
· 91 хоногоос дээш хугацаатай нэг удаагийн виз: 60 ам.доллартай тэнцэх хэмжээний мөнгө.
· 2 удаа ороход хүчинтэй олон удаагийн виз: 70 ам.доллартай тэнцэх хэмжээний мөнгө.
· Орох тоог хязгаарлахгүй олон удаагийн виз: 90 ам.доллартай тэнцэх хэмжээний мөнгө.
- Үйлчилгээний хураамжийг харгалзах мөнгөн дүнтэй тэнцэх хэмжээний татвар хураамжийн наалт, бэлэн мөнгө, бэлэн мөнгөний төлбөрийн баримтаар төлнө (Цагаачлалын тухай хуулийг дагаж мөрдөх журмын 73-р зүйлийн 3 дахь заалт).
- Шаардлагатай гэж үзвэл Хууль зүйн сайд дор дурдсан шалтгаанаар үйлчилгээний хураамжаас чөлөөлж болно (Цагаачлалын тухай хуулийг дагаж мөрдөх журмын 74 (1)-р зүйл).
· Олон улсын хамтын ажиллагааны хөтөлбөр хэрэгжүүлж буй Солонгосын нийгэмлэг холбоо, байгууллага, Хууль зүйн сайдын зөвшөөрсөн байгууллагаас нислэгийн тийз, амьжиргааны зардлуудыг хариуцахаар шийдвэрлэсэн эсвэл БНСУ-д хүмүүнлэгийн шалтгаанаар урьсан гадаадын иргэнийг хилээр нэвтрэх зөвшөөрөл, виз олгохтой холбоотой төлбөр хураамжаас чөлөөлөх шаардлагатай хэмээн үзсэн бол
· БНСУ-ын засгийн газар, засгийн газрын дэмжлэгтэй судалгааны институт, засгийн газраас санхүүждэг шинжлэх ухаан/технологийн судалгааны институт эсвэл тусгайлан заасан судалгааны институтээс БНСУ-д урилгаар ирсэн гадаадын иргэний тус улсад байх хугацааны амьжиргааны зардал, сургалтын төлбөрийг даахаар шийдвэрлэсэн бөгөөд тухайн иргэн Цагаачлалын тухай хуулийг хэрэгжүүлэх тухай зарлигийн 1-р хавсралтанд заасан 4. Соёл урлаг (D-1), 5. Гадаад оюутан (D-2) эсвэл 7. Ерөнхий сургалт (D-4) зэрэг үйл ажиллагаанд оролцохоор ангилал/оршин суух хугацаанд өөрчлөлт оруулах, эргэн нэвтрэх зөвшөөрөл хүссэн бол
· 「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」-ийн хавсралт 1-ийн 2 дунаас оршин суух эрх 1. Гадаад харилцаа(A-1) эхлээд 3. хэлэлцээр(A-3) хүртэл түүнчлэн оршин суух эрх 11. Аж ахуйн нэгжийн хөрөнгө оруулалт(D-8)-ийн эрхэд хамаарах хүн
· 「Гадаадын иргэн, харьяатын тухай хуулийг хэрэгжүүлэх журам」-ын 72-р зүйлийн 11, 12-т заасан зөвшөөрлийн бичгийг электрон байдлаар шалгаж, хүргүүлэхийг зөвшөөрсөн бол
·Үндэсний эрх ашиг, хүмүүнлэгийн шалтгааныг харгалзан үзсэний үндсэн дээр Хууль зүйн сайд хураамжаас чөлөөлөх шаардлагатай хэмээн үзсэн бол
· Доорх ангилалд багтах хэн боловч тус улсаас гарсан/орсонтой холбоотой баримтыг шалгуулахыг хүссэн тохиолдолд
√ Үндэсний тусгаар тогтнолын төлөөх тусгай албаны ажилтнууд, тэдний хойно үлдэж хоцорсон гэр бүлийнхэн (зөвхөн давуу эрх олгогдсон хүмүүс)
√ БНСУ-ын тусгай албаны ажилтнууд, тэдний хойно үлдэж хоцорсон гэр бүлийнхэн (зөвхөн давуу эрх олгогдсон хүмүүс)
√ Вьетнамын дайны үеэр ашигласан хорт бодист хордсон хохирогчид, эцгээсээ энэ өвчнийг удамшуулж авсан хүмүүс
√ Ахмад дайчид
√ Гуанжугийн ардчиллын хөдөлгөөний үеэр улс эх орондоо хүндтэй гавьяа байгуулсан хүмүүс (зөвхөн давуу эрх олгогдсон хүмүүс)
√ Улсынхаа төлөө тусгай даалгавар амжилттай биелүүлсэн хүмүүс, тэдний хойно үлдэж хоцорсон гэр бүлийнхэн (зөвхөн давуу эрх олгогдсон хүмүүс)
- БНСУ-тай хураамжаас чөлөөлөх гэрээ байгуулсан доорх улс орнуудын аль нэгнийх нь харьяат иргэд хураамжаас чөлөөлөгдөх эрхтэй.
Хүлээн авах, шалгах
- Хууль зүйн сайд виз олгохыг батлах үед эсвэл гадаадад суугаа дипломат төлөөлөгчийн газрын дарга Хууль зүйн сайдаас олгосон эрхийн дагуу виз олгох үед виз мэдүүлэгч гадаадын иргэн доорх шаардлагуудыг хангасан эсэхийг шалгаж, баталгаажуулна (Цагаачлалын албаны хяналтын тухай хуулийг дагаж мөрдөх журмын 9-2-р зүйл).
· Пасспорт хүчинтэй эсэх
· Цагаачлалын албаны хяналтын тухай хуулийн 11-р зүйлд заасан хилээр нэвтрүүлэхийг хориглох буюу татгалзах нөхцөлд хамаарах эсэх.
· 「Цагаачлалын албаны хяналтын тухай хуулийг хэрэгжүүлэх тухай зарлиг」-н 1-ээс 1.3 дахь хавсралтад заасан оршин суух ангилалд тавигдах шаардлагыг багтаж байгаа эсэх;
· 「Цагаачлалын тухай хуулийг хэрэгжүүлэх тогтоол」-н 1-ээс 1.3 дахь хавсралтад заасан оршин суух ангилалд нийцсэн зорилго тавьж байгаа эсэх;
· Оршин суух ангилалд тохируулан Солонгос улсад оршин суухыг зөвшөөрсөн хугацаанаас хэтрэлгүй эх орондоо эргэж ирэх нь баталгаатай эсэх.
· 「Цагаачлалын албаны хяналтын тухай хуулийг хэрэгжүүлэх тухай зарлиг」ийн 1-ээс 1.3 дахь хавсралтанд заасан оршин суух ангилал тус бүрээр Хууль зүйн сайдын тусгайлан тогтоосон шалгуур үзүүлэлтийг хангаж байгаа эсэх.
Виз олгох
- Хууль зүйн яамны сайд нь виз олгоход шаардлагатай хэмээн үзвэл виз авах гэж буй этгээдэл холбогдох төрийн захиргааны төв байгууллагын даргаас тодорхойлолт гаргуулан авч өгөх шаардлага тавих юмуу холбогдох төрийн захиргааны төв байгууллагын даргаас тухайн этгээдийн талаар санал авч болно(「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」 7 дугаар зүйлийн 5 дүгээр заалт).
- Хууль зүйн яамны сайд нь ажилд орж хөдөлмөр эрхлэх боломжтой оршин суух эрхэд хамаарах виз олгох тохиолдолд Солонгосы улсын дотоодынхоо хөдөлмөрийн нөхцөл байдлыг харгалзан үзнэ(「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」 -ийн 7 дугаар зйлийн 7 дугаар заалт).
- Виз олгогдсон үед оршин суух ангилал, хугацаа зэрэг чухал шаардлагатай мэдээллийг визэнд бичих ба виз мэдүүлэгчийн пасспортанд нааж өгнө (Цагаачлалын албаны хяналтын тухай хуулийг хэрэгжүүлэх тухай зарлигийн 7(2)-р зүйл).
Олгосон визийг цуцлах, өөрчлөлт оруулах тухай
Виз цуцлах, өөрчлөлт оруулах шийдвэрт хамрагдах этгээд
- Гадаадын иргэн дараах тохиолдлуудын аль нэгэнд хамаарах бол Хууль зүйн сайд визийг цуцлах буюу өөрчилж болно (Цагаачлалын албаны хяналтын тухай хуулийн 89(1)-р зүйл).
· Батлан даагч нь батлан даалтаа цуцалсан эсвэл батлан даагчгүй болсон
· Худал мэдүүлсэн, хууль бус аргаар оршин суух зөвшөөрөл авсан авсан нь тогтоогдсон;
· Зөвшөөрөлд заасан нөхцөлийг биелүүлээгүй
· Нөхцөл байдал өөрчлөгдсөний улмаас зөвшөөрлийг цаашид хүчинтэй байлгах боломжгүй болсон ноцтой шалтгаан үүссэн
· Цагаачлалын албаны хяналтын тухай хууль, бусад хуулийг ноцтой зөрчсөн эсвэл Цагаачлалын албаны хяналтын ажилтны хуулийн дагуу гаргасан зүй ёсны шаардлагыг биелүүлээгүй.
Ярилцлага
- Визийг цуцлах буюу өөрчлөх шийдвэр гаргахад шаардлагатай хэмээн үзвэл Хууль зүйн сайд виз мэдүүлэгчтэй 79-р зүйлийн дагуу ярилцах зорилгоор ирж уулзахыг шаардаж болно (Цагаачлалын албаны хяналтын тухай хуулийн 89(2)-р зүйл).
- Виз мэдүүлэгчийг ярилцлаганд дуудахдаа Хууль зүйн сайд тухайн этгээдэд визийг цуцлах, өөрчлөх үндэслэл болон ирж уулзах хугацаа, байршлыг ярилцлагын өдрөөс 7 хоногийн өмнө мэдэгдэнэ (Цагаачлалын албаны хяналтын тухай хуулийн 89(3)-р зүйл).