Жолоочийн үнэмлэх гэх зэрэг баримт бичгийг авч явах, үзүүлэх үүрэг
Олон улсын жолоочийн үнэмлэх авч явах үүрэг
- Та жолоодож байхдаа дараах баримт бичгийн аль нэгийг байнга биедээ авч явах ёстой (「Замын хөдөлгөөний тухай хуулийн」92.(1)-р зүйл):
· Жолоочийн үнэмлэх, олон улсын жолоочийн үнэмлэх, харилцан хүлээн зөвшөөрөгдсөн гадаад жолооны үнэмлэх болон барилгын машин механизмын операторын үнэмлэх (цаашид "жолоочийн үнэмлэх гэх зэрэг" гэнэ);
· Жолоочийн үнэмлэхийг орлох бусад баримт бичиг;
√ Жолоочийн түр гэрчилгээ;
√ Торгууль төлсөн баримт, зарлан дуудах хуудас эсвэл
√ Эгнээ баримтлах дүрэм эсвэл зогсох/зогсоолд байрлуулах дүрмийг зөрчсөний улмаас торгууль төлөх мэдэгдэл;
Олон улсын жолоочийн үнэмлэх үзүүлэх үүрэг
- Цагдаагийн албан хаагч жолоочийн үнэмлэх эсвэл түүний оронд гэрчилгээ үзүүлэхийг хүсвэл эсвэл хөдөлгөөний аюулгүй байдлыг хангах эсвэл хөдөлгөөний эмх цэгцийг хангах зорилгоор тухайн хүний хэн болох эсвэл жолоочийн үнэмлэхийг баталгаажуулахын тулд асуулт асуувал жолооч ийм хүсэлтийг биелүүлнэ.(「Замын хөдөлгөөний тухай хуулийн」92.(2)-р зүйл).
- Аливаа цагдаагийн ажилтан жолоочийн үнэмлэхээ үзүүлэх эсвэл жолоочийг танихын тулд мэдүүлэг өгөхийг хүсэхэд хүсэлтийг биелүүлээгүй аливаа этгээдийг 200,000-с илүүгүй воноор торгож эсвэл албадан саатуулна.(「Замын хөдөлгөөний тухай хуулийн」155 дүгээр зүйл).
Жолоочийг үнэмлэхийг гээсэн эсвэл гэмтээсэн тохиолдолд шинээр олгох
Шинээр олгох хүсэлт
- Хэрэв та жолоочийн үнэмлэхээ гээсэн эсвэл үнэмлэх хуучирч ашиглах боломжгүй болсон бол та яаралтай жолоочийн үнэмлэх шинээр олгох хүсэлтийг жолооны шалгалт авах байгууллагын даргад гаргах ёстой. (「Замын хөдөлгөөний тухай хуулийг хэрэгжүүлэх журмын」59-р маягт) Хэрэв таны үнэмлэх хуучирч ашиглах боломжгүй болсон гэсэн шалтгаанаар шинээр олгохыг хүсэж байгаа бол та хүсэлтийн хамт хуучирсан үнэмлэхээ өгөх ёстой. (「Замын хөдөлгөөний тухай хуулийн」86-р зүйл, 「Замын хөдөлгөөний тухай хуулийг хэрэгжүүлэх журмын」80.(1)-р зүйл).
Гээсэн жолоочийн үнэмлэхийг сэргээх
- Жолооны үнэмлэхээ хаяж гээгдүүлээд дахин гаргуулж авснаас хойш олсон үнэмлэхийг оршин суугаа газрын харъяа хот·аймгийн цагдаагийн ерөнхий газарт долоо хоногийн дотор тушаана(「Замын хөдөлгөөний тухай хууль」-н 95- р зүйлийн 1- р заалтын 3).
Жолоочийн үнэмлэх буцаах
Жолоочийн үнэмлэхийг буцааж өгөх шалтгааныг доор жагсаав (「Замын хөдөлгөөний тухай хуулийн」95.(1)-р зүйл).
- Хэрэв жолооны үнэмлэхийг хүчингүй болгосон, жолоодох эрхийг түдгэлзүүлсэн, үнэмлэхээ гээгээд шинээр авсны дараа гээсэн үнэмлэхээ олсон, жолоодох дадлагын үнэмлэхтэй этгээд 1- р ангиллын энгийн юм уу 2- р ангиллын энгийн жолооны үнэмлэх авсан, жолооны үнэмлэхээ сунгуулж шинээр авсан бол үнэмлэхээ хураалгана.
- Эрх бүхий байгууллагад хураалгах ёстой байсан үнэмлэхээ өгөөгүй аливаа этгээдийн эзэмшиж буй жолоочийн үнэмлэхийг цагдаагийн ажилтан шууд хураан авч болно. (「Замын хөдөлгөөний тухай хуулийн」95.(2)-р зүйл).
- Жолоодох эрхийг нь түдгэлзүүлсний улмаас үнэмлэхээ хураалгасан бол тухайн түдгэлзсэн хугацаа өнгөрсний дараа тэр даруй жолооны үнэмлэхээ буцаан авч болно(「Замын хөдөлгөөний тухай хууль」- ийн 95- р зүйлийн 3- р заалт).
Зөрчигчдөд хүлээлгэх хариуцлага
- Хэрэв та жолоочийн үнэмлэхээ хураалгах ёстой байсан боловч хураалгаагүй бол30,000 воны торгууль төлөх болно. (「Замын хөдөлгөөний тухай хуулийг хэрэгжүүлэх тогтоолын」хавсралт 7.70-р хүснэгт).
Жолоочийн үнэмлэх хураах
Хэрэв та автомашин эсвэл мотоцикл жолоодож байхдаа дээрх үйлдлийн аль нэгийг үйлдвэл цагдаагийн ажилтан газар дээр нь торгууль төлөх мэдэгдэл эсвэл зарлан дуудах хуудас танд өгч, таны жолоочийн үнэмлэх(олон улсын жолоочийн үнэмлэх, харилцан хүлээн зөвшөөрөгдсөн гадаад жолооны үнэмлэх эсвэл барилгын машин механизмын операторын үнэмлэх)-ийг хураан авч болно. (「Замын хөдөлгөөний тухай хуулийн」138.(1)-р зүйл).
- Зам тээврийн осол гарахад хүргэх;
- Жолоочийн үнэмлэхээ хүчингүй болгуулах эсвэл түдгэлзүүлүүлэх шалтгаан эсвэл
- Олон улсын жолооны үнэмлэхтэй хүн автомашин жолоодож байхдаа 「Замын хөдөлгөөний тухай хууль」- ийн 162- р зүйлийн 1- р заалтанд заасан гэмт хэргийг үйлдсэн бол
Хэрэв таны жолоочийн үнэмлэхийг хураасан бол та торгуулийг төлөх эсвэл хүрэлцэн ирэх тушаалыг биелүүлэх өдөр хүртэл жолоочийн үнэмлэхтэй адил хүчинтэй хэвээр байна. (「Замын хөдөлгөөний тухай хуулийн」138.(2)-р зүйл).
Жолоочийн түр гэрчилгээ
Жолоочийн түр үнэмлэхтэй олгох үндэслэл
- Жолоочийн түр гэрчилгээ хүссэн өргөдлийг дараахь заалтад үндэслэн хот·аймгийн цагдаагийн ерөнхий газарт гаргаж болно(「Замын хөдөлгөөний тухай хууль」-н 91.(1)-р зүйл).
· Та жолоочийн үнэмлэхээ гээсэн эсвэл үнэмлэх хуучирч ашиглах боломжгүй болсон бөгөөд та шинээр олгох өргөдөл гаргаж байгаа
· Та энгийн чадварын шалгалт өгөх, жолоочийн үнэмлэх шинээр олгох эсвэл онцгой чадварын шалгалт өгөх өргөдөл гаргаж байгаа
· Таны жолоочийн үнэмлэхийг хүчингүй болгох эсвэл түдгэлзүүлэх гэж байгаа бөгөөд та жолоочийн үнэмлэхээ хураалгуулсан байгаа
- Та чадварын шалгалт өгөх, жолоочийн үнэмлэх шинээр олгох эсвэл онцгой чадварын шалгалт өгөх өргөдөл гаргаж байгаа бол өргөдөл гаргах үндэслэл, өргөдлийн огноо, үнэмлэх олгохоор товлосон өдөр, хариуцсан хүний нэр/тамга/гарын үсгийг ар талд нь тэмдэглэсэн таны жолоочийн үнэмлэх жолоочийн түр гэрчилгээг орлож болно. (「Замын хөдөлгөөний тухай хуулийн」(91.(1)-р зүйл, 「Замын хөдөлгөөний тухай хуулийг хэрэгжүүлэх журмын」89-р зүйл).
Жолоочийн түр гэрчилгээний хүчинтэй байдал, хүчинтэй байх хугацаа
- Хууль ёсны дагуу олгосон жолоочийн түр гэрчилгээ (「Замын хөдөлгөөний тухай хуулийг хэрэгжүүлэх журмын」79-р маягт) тухайн хүчинтэй хугацаагаар жолоочийн үнэмлэхийн адил хүчинтэй байна. (「Замын хөдөлгөөний тухай хуулийг хэрэгжүүлэх журмын」88.(1)-р зүйл).
- Жолоочийн түр үнэмлэх 20 хүртэлх хоног хүчинтэй хэвээр байх боловч жолоочийн үнэмлэхийг нь хүчингүй болгосон эсвэл түдгэлзүүлсэн хүний хувьд хүчинтэй хугацаа нь 40 хүртэлх хоног байж болох бөгөөд шаардлагатай гэж үзвэл 20 хүртэлх хоногоор нэг удаа сунгаж болно. (「Замын хөдөлгөөний тухай хуулийг хэрэгжүүлэх журмын」88.(2)-р зүйл).
※ Жолоочийн түр гэрчилгээг олгох үндэслэл, хүчинтэй байх хугацаа
|
Түр жолооны үнэмлэх олгох үндэслэл
|
Хүчинтэй хугацаа
|
|
1. Жолооны үнэмлэхээ гээсэн юм уу, үнэмлэх хуучирч ашиглах боломжгүй болсон үед дахин авахаар өргөдөл гаргасан бол
|
20 хоног хүртэл (нэг удаа 20 хүртэл хоногоор сунгаж болно)
|
|
2. Ээлжит ур чадварын шалгалт өгөх, жолооны үнэмлэх сунгаж шинээр авах, ээлжит бус ур чадварын шалгалт өгөхөөр өргөдөл гаргасан бол
|
20 хоног хүртэл (нэг удаа 20 хүртэл хоногоор сунгаж болно)
|
|
3. Жолооны үнэмлэхийг нь хүчингүй болгосон, жолоодох эрхийг нь түдгэлзүүлсэн этгээд жолооны үнэмлэхээ хураалгасан бол
|
40 хоног хүртэл (нэг удаа 20 хүртэл хоногоор сунгаж болно)
|