Олон улсын жолоочийн үнэмлэхтэй жолоодох
Гадаад улсын олгосон олон улсын жолоочийн үнэмлэхээр Солонгос улсад жолоодохыг зөвшөөрдөг.
- Дараах олон улсын конвенц, гэрээ, хэлэлцээрийн аль нэгэнд нэгдэн орсон улсын эрх бүхий байгууллагаас олгосон олон улсын жолооны үнэмлэхтэй гадаад иргэн БНСУ-ын гаалиар нэвтэрснээс хойш 1 жилийн дотор тус улсын нутаг дэвсгэр дээр тээврийн хэрэгсэл жолоодох эрхтэй.(「Замын хөдөлгөөний тухай хуулийн」 96(1)-р дүгээр заалт).
√ 1949 онд Женев хотноо гарын үсэг зурсан Замын хөдөлгөөний тухай Конвенц (Замын хөдөлгөөний тухай Женевийн конвенц)
√ 1968 онд Вена хотноо гарын үсэг зурсан Замын хөдөлгөөний тухай Конвенц (Замын хөдөлгөөний тухай Венийн конвенц)
√ БНСУ болон гадаад орнуудын хооронд олон улсын жолооны үнэмлэхийг харилцан хүлээн зөвшөөрөхөөр байгуулсан конвенц, гэрээ, хэлэлцээр
Та олон улсын жолоочийн үнэмлэхээр ямар төрлийн тээврийн хэрэгсэл жолоодож болох тухай
- Олон улсын жолооны үнэмлэх эзэмшигч нь зөвхөн тухайн үнэмлэхэнд тэмдэглэсэн төрлийн тээврийн хэрэгслийг жолоодож болно. (「Замын хөдөлгөөний тухай хууль」- ийн 96-р зүйлийн 1-р заалт).
- Олон улсын жолоочийн үнэмлэх эзэмшигч нь Зорчигч тээврийн үйлчилгээний тухай хууль эсвэл Ачаа тээврийн бизнесийн тухай хуульд заасан төрлийн тээврийн хэрэгслийг жолоодохгүй. (「Замын хөдөлгөөний тухай хуулийн」96.(2)-р зүйл).
Олон улсын жолоочийн үнэмлэхтэй жолоодохыг хориглох тухай
Олон улсын жолоочийн үнэмлэхтэй жолоодохыг хориглох тохиолдлууд
- Хэрвээ олон улсын жолооны үнэмлэхээр БНСУ-д тээврийн хэрэгсэл жолоодож байгаа хүн дараахь нөхцлийн аль нэг заалтад хамрагдаж байвал түүний оршин суугаа газрынх нь харъяа хот аймгийн Цагдаагийн ерөнхий газраас жолоо барих эрхийг нь 1 жилээс доош хугацаагаар хасна(Замын хөдөлгөөний тухай хууль」-н 97.(1)-р зүйл).
√ хэрэв тухайн хүн энгийн сэтгэцийн шалгалт өгөөгүй эсвэл тэнцээгүй;
√ жолоодож байхдаа тэрээр санаатай эсвэл хайхрамжгүй байдлаас болж зам тээврийн осол гарахад хүргэсэн;
√ Тэрээр жолоочийн үнэмлэх нь хүчингүй болсон эсвэл жолоодох эрхээ хасуулсан Солонго улсын иргэн мөн бөгөөд эрх хасах хугацаа дуусаагүй эсвэл;
√ Тэрээр механикжсан тээврийн хэрэгсэл, мотоцикл жолоодохтой холбоотой заалтыг зөрчсөн.
- Дээр дурьдсан шалтгаанаар олон улсын жолооны үнэмлэхээр жолоо барих хориг арга хэмжээ авахуулсан хүн олон улсын жолоочийн үнэмлэхээ нэн даруй хот аймгийн Цагдаагийн ерөнхий газарт хүлээлгэж өгнө(「Замын хөдөлгөөний тухай хууль」-н 97.(2)-р зүйл).
- Та хориглох хугацаа өнгөрсний дараа эсвэл хориотой хугацаанд Солонгос улсаас явахдаа өөрөө хүсэлт гаргаж хураалгасан олон улсын жолоочийн үнэмлэхээ буцаан авч болно. (「Замын хөдөлгөөний тухай хуулийн」97.(3)-р зүйл).
※ Олон улсын жолоочийн үнэмлэх (ашиглахыг хориглосон эсвэл хүчингүй болсон тохиолдлыг оролцуулан) эсвэл Солонгос улсын жолоочийн үнэмлэх (жолоодох эрхийг хассан тохиолдлыг оролцуулан) аль алиныг аваагүй этгээд Солонгос улсад жолоодвол үнэмлэхгүй жолоодсон гэж үзэж, түүнийг нэг жил хүртэлх хугацаагаар хорьж эсвэл 3 сая хүртэлх воноор торгож болно. (「Замын хөдөлгөөний тухай хуулийн」152.(1)-р зүйл).
- Тус улсын хуулийн дагуу жолоочийн үнэмлэх эзэмших эрхээ хасуулах үндэслэлд багтсан бөгөөд холбогдох хугацаа дуусаагүй байгаа этгээд олон улсын жолоочийн үнэмлэхээр тус улсад аливаа механикжсан тээврийн хэрэгслийг жолоодохгүй.(「Замын хөдөлгөөний тухай хуулийн」96.(3)-р зүйл).
※ Тус улсын хуулийн дагуу жолоочийн үнэмлэх эзэмших эрхийг хасах үндэслэл бүхий хугацаанд гадаад улсад олгосон олон улсын жолоочийн үнэмлэхээр тээврийн хэрэгсэл жолоодсоны улмаас торгууль төлөх эсвэл хүнд шийтгэлээр шийтгүүлсэн этгээдэд холбогдох зөрчлийг (эсвэл жолоочийн үнэмлэхийг түдгэлзүүлсэн хугацаанд жолоодсоны улмаас хүчингүй болгосон өдөр) гаргасан өдрөөс эхлэн дээрх эрх хасах хугацаа ө.х. нэг жил (эсвэл мотоциклийн жолоочийн үнэмлэхийн хувьд зургаан сар) өнгөртөл жолоочийн үнэмлэх авахыг зөвшөөрөхгүй. (「Замын хөдөлгөөний тухай хуулийн」82(1)-р зүйл). Тухайн гэмт хэргийг гурван удаа үйлдсэний улмаас баригдсан бол жолоодох эрхийг нь хасах хугацаа ө.х. холбогдох зөрчил гаргасан өдрөөс хоёр жил өнгөртөл тухайн хүнд жолоочийн үнэмлэх авахыг зөвшөөрөхгүй.(「Замын хөдөлгөөний тухай хуулийн」82(2) .2 дугаар зүйл).
※ Жич, торгуулийн шийтгэл нь шүүхийн шийдвэрээр баталгаажсан, тэнсэн авсан, түдгэлзүүлсэн, 「Насанд хүрээгүй хүүхдийн тухай хууль」-н 32 дугаар зүйлд заасны дагуу хамгаалах арга хэмжээ авахуулагдсан бол хориглосон хугацааны дотор жолооны үнэмлэх авч болно(「Замын тээврийн тухай хууль」-н 82 дугаар зүйлийн 2 дугаар заалт).