Гадаадын иргэний бүртгэлийн гол агуулга
Гадаадын иргэний бүртгэлийн тухай ойлголт
- БНСУ нь солонгост удаан хугацаагаар оршин сууж байгаа гадаадын иргэний өнөөгийн байдлыг мэдэж төрөл бүрийн тав тухаар хангахын тулд гадаадын иргэний бүртгэлийн системийг хэрэгжүүлж байгаа болно. Үүнээс шалтгаалан солонгост 90 хоногоос илүү хугацаагар оршин суух гадаадын иргэн нь гадаадын иргэний бүртгэлийг хийлгэсний дараа оршин суух эрхийн үнэмлэхийг авах шаардлагатай.
Гадаадын иргэний бүртгэл хийлгэх этгээд
- Хилээр нэвтрэн орсон өдрөөс эхлэн 90 хоногоос илүү хугацаар БНСУ-д оршин суух гадаад оюутан нь хилээр орсон өдрөөс эхлэн 90 хоногийн дотор харъяалах улсын хилээр орж гарах асуудал эрхэлсэн алба · гадаад иргэдийн харъяатын асуудал эрхэлсэн алба(цаашид “албаны дарга” гэх), улсын хилээр орж гарах асуудал эрхэлсэн алба · гадаад иргэдийн асуудал эрхэлсэн газар(цаашид “газрын дарга” гэх), улсын хилээр орж гарах асуудал эрхэлсэн алба · гадаад иргэд харъяатын асуудал эрхэлсэн албаны төлөөлөгчийн газар түүнчлэн улсын хилээр орж гарах асуудал эрхэлсэн алба · гадаад иргэдийн асуудал эрхэлсэн газрыгн төлөөлөгчийн газар(цаашид “албаны дарга · газрын дарга түүнчлэн төлөөлөгчийн газрын дарга” гэх)-т гадаад иргэний бүртгэлээ хийлгэж гадаад иргэний үнэмлэх авах шаардлагатай(「Улсын хилээр орж гарах асуудал зохицуулах тухай хууль」-ийн 31 дүгээр зүйлийн 1 дүгээр заалт болон 33 дугаар зүйлийн 1 дүгээр заалтын үндсэн заалт).
- Гэвч гадаад оюутан 17 -оос доош насны байх тохиолдолд гадаад иргэний үнэмлэх олгогдох боломжгүй. Энэ тохиолдолд 17 нас хүрвэл гадаад иргэний үнэмлэх авах хүсэлтээ гаргах боломжтой(「Улсын хилээр орж гарах асуудал зохицуулах тухай хууль」-ийн 33 дугаар зүйлийн 1 дүгээр заалтын дан заалт).
※Үүнийг зөрчин гадаадын иргэний бүртгэл хийлгэхгүй бол БНСУ-аас албадан гаргах бөгөөд, 1хүртэлх жилийн хорих ял болон 10 сая хүртэлх вөн торгууль ноогдуулна(“Улсын хилээр орж гарахыг зохицуулах тухай хууль”-ийн 46 дугаар зүйлийн 1- 12, 95 дугаар зүйлийн 7).
Хурууны хээ болон нүүр царай мэдээлэл өгөх гэх мэт
- Гадаадын иргэний бүртгэл хийлгэх шаардлагатай этгээд бөгөөд (“Улсын Хилээр Орж, Гарахыг Зохицуулах тухай Хууль”-ийн 38 дугаар зүйлийн 2 дугаар заалтад заасны дагуу гадаадын иргэний бүртгэл хийхээр төлөвлөж буй этгээдээс бусад) болон “Улсын Хилээр Орж Гарах Журам” болон “Гадаад дахь Солонгосчуудын Хууль Эрхзүйн Байдал”-ын тухай хуульд заасны дагуу дотоодын оршин суугаа газрын талаар тайлан гаргахыг хүссэн аливаа хүн гадаадын иргэний бүртгэлийг хийлгэхдээ улсын хилээр орж, гарахыг зохицуулах асуудал эрхэлсэн газрын ажилтны тогтоосон мэдээлэлжүүлэх аппаратаар хурууны хээ·фото зураг·арьсны өнгө, гарын алганы венийн судасны хэлбэр зэрэг хувийн мэдээлэл(цаашид "биометрик мэдээлэл" гэх)-гуншуулна. Зөвхөн 17 нас хүрэхээсээ өмнө гадаадын иргэний бүртгэлийг хийлгэсэн буюу дотоодын оршин суугаа газрын талаар тайлан гаргасанэтгээд нь 17 нас хүрсэн өдрөөс хойш 90 хоногийн дотор хурууны хээ болон нүүр царайны мэдээллийг өгөх шаардлагатай (“Улсын Хилээр Орж, Гарахыг Зохицуулах тухай Хууль”-ийн 38 дугаар зүйлийн 1 дүгээр заалтын 1, “Улсын Хилээр Орж, Гарахыг Зохицуулах тухай Хуулийг Хэрэгжүүлэх Журам”-ын 50 дугаар зүйлийн 1 дүгээр заалт).
- Цагаачлалын алба·нэгж, тэдгээрийн төлөөлөгчийн газар биометрик мэдээлэл өгөхөөс татгалзсан гадаад иргэнд 「Улсын хилээр орж гарахыг зохицуулах тухай хууль」-н заалтын дагуу оршин суух зөвшөөрөл өгөхөөс татгалзаж болно(「Улсын Хилээр Орж, Гарахыг Зохицуулах тухай Хууль”-ийн 38 дугаар зүйлийн 2 дугаар заалт).
Гадаадын иргэний бүртгэл хийлгэх шат дараалал
Хүсэлт гаргагч
- Гадаадын иргэний бүртгэл хийлгэх хүсэлтийг гадаад оюутан өөрийн биеэр хийх боломжтой. Зөвхөн гадаад оюутан нь 17 нас хүрээгүй тохиолдолд өөрөөс нь гадна эцэг эх, тэтгэгч, ах эгч, батлан даагч болон бусад хамтран амьдрагчид нь гаргах боломжтой(“Улсын хилээр орж гарахыг зохицуулах тухай хууль”-ийн 79 дүгээр зүйлийн 5 болон “Улсын хилээр орж гарахыг зохицуулах тухай хуулийг хэрэгжүүлэх тогтоол”-ын 89 дүгээр зүйл).
- Үүнээс гадны доор заасан хүн нь гадаад оюутныг орлон түр оршин суух хугацааг сунгуулаххүсэлтийг гаргах боломжтой [“Улсын Хилээр Орж, Гарахыг Зохицуулах тухай Хуулийг Хэрэгжүүлэх Журам”-ын 34 дүгээр зүйлболон “Янз бүрийн түр оршин суух зөвшөөрөл авах”тухай Төлөөлөгчийн хүсэлт гаргах болон хүлээн авах Журмын Хавсралт” болон 2 дугаар зүйл, (Хууль зүйн яамны мэдэгдэл 2020-520 дугаартай, 2020 оны 12 дүгээр сарын 9-нд батлагдаж, 2020 оны 12 дүгээр сарын 10-нд батлагдаж хүчин төгөлдөр болсон)].
Оршин суух эрх
|
Төлөөлөгч
|
Сургалт
|
√ Сурч байгаа болон сурах гэж байгаа байгууллагын ажилтан √ Сургалтын төлбөр болон солонгос дахь амьжиргааны зардалыг хариуцаж байгаа байгууллагын ажилтан болон хувь хүн √ Солонгос улсад оршин сууж буй өөрийн гэр бүл(「Иргэний хууль」 779 дугаар зүйлийн 1-т холбогдох этгээд)
|
Энгийн дадлагажигч
|
√ Дадлагажиж байгаа болон дадлагажих гэж байгаа байгууллагын ажилтан √ Дадлагын зардал болон солонгос дахь амьжиргааны зардалыг хариуцаж буй этгээд √ Солонгос улсад оршин сууж буй өөрийн гэр бүл(「Иргэний хууль」 779 дугаар зүйлийн 1-т холбогдох этгээд)
|
Хүсэлт гаргах байгууллага болон бүрдүүлэх бичиг баримт
- Гадаад иргэний бүртгэлдбүртгүүлэхийн тулд харъяа алба·хэлтэс·салбарын даргын нэр дээр гадаадиргэнээр бүртгүүлэх хүсэлтийн хамтаар дараах бичиг баримтыг гаргаж өгөхшаардагатай(「Улсын хилээр орж гарах асуудал зохицуулах тухай хууль」-ийн31 дүгээр зүйл, 「Улсын хилээр орж гарах асуудал зохицуулах тухай хуулийгхэрэгжүүлэх захирамж」-ийн 40 дүгээр зүйл, 「Улсын хилээр орж гарах асуудалзохицуулах тухай хуулийг хэрэгжүүлэх журам」-ын 76 дугаар зүйлийн 2 дугаарзаалтын 6 дугаар тоот болон хавсралт 5-ын 2).
Оршин суух эрх
|
Бүрдүүлэх материал
|
Гадаадад суралцах (D-2)
|
·Гадаад паспорт ·Өнгөт цээж зураг(3.5 × 4.5cm) 1ширхэг ·Сургуульд сурч байгаа тодорхойлолт
|
Энгийн дадлага (D-4)
|
·Гадаад паспорт ·Өнгөт цээж зураг(3.5 × 4.5cm) 1ширхэг ·Сургуульд сурч байгаа тодорхойлолт(Их сургуулийн харъяа Солонгос хэлний дамжаанд суралцаж байгаа тохиолдол болон бага · дунд · ахлах сургуульд суралцаж байгаа сурагчид хамаарна) ·Дадлага зохион байгуулж буй байгууллагын байгуулагдсантай холбогдсон баримт бичиг(бусад дадлага хийж байгаа тохиолдол хамаарна)
|
Гадаад иргэний үнэмлэх олгогдох
- Гадаадын иргэний бүртгэлд бүртгүүлбэл орон нутгийн улсын хилээр орж гарах асуудал эрхэлсэн алба гадаад иргэдийн харъяатын асуудал эрхэлсэн газрын дарга нь тухайн гадаад иргэнд хувь хүн тус бүрт гадаад иргэний бүртгэлийн дугаарыг олгож гадаад иргэний үнэмлэхийг олгоно(「Улсын хилээр орж гарах асуудал зохицуулах тухай хууль」-ийн 31 дүгээр зүйлийн 5 дугаар заалт, 33 дугаар зүйлийн 1 дүгээр заалт болон 「Улсын хилээр орж гарах асуудал зохицуулах тухай хуулийг хэрэгжүүлэх захирамж」-ийн 41 дүгээр зүйл).
Гадаад иргэний үнэмлэхийн хүчин төгөлдөр байдал
- Гадаад иргэний үнэмлэхтэй холбогдуулан хэн ч байсан дараахын аль нэгэнд хамаарах үйлдэлийг хийж болохгүй(“Улсын хилээр орж гарахыг зохицуулах тухай хууль” 33 дугаар зүйлийн 2)
1. Гадаад иргэний гадаад паспорт болон гадаад иргэний үнэмлэхийг ажилд орохтой холбогдуулан гэрээ хийх эсвэл өр барагдуулах баталгааны эд зүйлээр өгөх түүнчлэн өгөхийг албадах буюу тохиролцох;
2. Гадаад иргэний бүртгэлийн дугаарыг хуурамчаар үйлдэн өөрөө болон бусдын эд зүйл, өмч хөрөнгийн ашиг сонирхолд зориулан түүнийгээ ашиглах буюу тохиролцох;
3. Гадаад иргэний бүртгэлийн дугаарыг хуурамчаар үйлдэх программыг бусдад дамжуулах юмуу тараах буюу тохиролцох;
4. Бусад хүний гадаад иргэний үнэмлэхийг ашиглах, өөрийн гадаад иргэний үнэмлэхийг бусдад хуурамчаар ашиглуулах буюу тухайн гадаад иргэний үнэмлэхийг тус тусдаа ашиглах буюу өгөхийг тохиролцох;
5. Бусад хүний гадаад иргэний бүртгэлийн дугаарыг өөрийн болон бусдын эд зүйлс, өмч хөрөнгийн ашиг сонирхлын төлөө шудрага бусаар ашиглах буюу тухайн үйлдлийг тохиролцох.
- Гадаад иргэний үнэмлэх нь гадаад оюутан ① Улсын хилээр гарах юмуу ② БНСУ-ын иргэн болох эсвэл ③нас барах тохиолдолд буцаан хураагдана. Гэхдээ дараахын аль нэгэнд хамаарах тохиолдолд гадаад иргэний үнэмлэхийг буцаан хураахгүй байж болно. (“Улсын хилээр орж гарахыг зохицуулах тухай хууль” 37 дугаар зүйлийн 1, 2 болон “Улсын хилээр орж гарахыг зохицуулах тухай хуулийг хэрэгжүүлэх тогтоол”-ын 46 дугаар зүйлийн 2).
1. Дахин улсын хилээр орох зөвшөөрөл авч улсын хилээр түр гарч байгаад зөвшөөрлийнхөө хугацаанд дахин хилээр нэвтрэн орж ирэх гэж байгаа тохиолдол
2. Олон удаагийн визтэй этгээд түүнчлэн дахин улсын хилээр нэвтрэн орох зөвшөөрлөөс чөлөөлөгдсөн улсын иргэнийхээ хувьд улсын хилээр түр гарч байгаад оршин суух зөвшөөрлийнхөө хугацаанд дахин улсын хилээр нэвтрэн орж ирэх гэж байгаа тохиолдол
※ Гадаад иргэний үнэмлэхээ буцаан хураалгах үүргээ зөрчих тохиолдолд 1 сая вон хүртэл хэмжээний торгуулийг ноогдуулна(“Улын хилээр орж гарахыг зохицуулах тухай хууль”-ийн 100 дугаар зүйлийн 2-1, “Улсын хилээр орж гарахыг зохицуулах тухай хуулийг хэрэгжүүлэх тогтоол” 102 дугаар зүйл болон хавсралтын 2-4)
Гадаад иргэний үнэмлэх зэргээ биедээ авч явах үүрэг
|
БНСУ-д оршин сууж буй гадаад оюутан нь байнга гадаад иргэний үнэмлэх · гадаад паспорт · гадаад иргэн улсын хилээр нэвтрэн орох тухай зөвшөөрлөө биедээ авч явах ёстой ба(17 наснаас доош бол үүнд хамаарахгүй), улсын хилээр орж гарахыг зохицуулах газрын албан хаагч эсвэл эрх мэдэл бүхий төрийн албан хаагч өөрийн ажил үүргээ гүйцэтгэж байхдаа гадаад иргэний үнэмлэхээ шалгуулахыг шаардлах тохиолдолд түүний шаардлагыг биелүүлэх ёстой(“Улсын хилээр орж гарахыг зохицуулах тухай хууль” 27 дугаар зүйл). ※ Үүнийг зөрчих тохиолдолд 1сая хүртэл воны торгууль ноогдуулна(“Улсын хилээр орж гарахыг зохицуулах тухай хууль”-ийн 98 дугаар зүйлийн 2).
|
Өөрчлөлт орсон зүйлийг мэдэгдэх тухай
Гадаад иргэний бүртгэлийн байдалд орсон өөрчлөлтийг мэдэгдэх тухай
- Гадаад оюутан нь дараахын аль нэгэнд хамаарах зүйлд өөрчлөлт орсон бол 15 хоногийн дотор гадаад иргэдийн бүртгэлтэй холбогдсон өөрчлөлтийг мэдэгдэх хуудсанд гадаад иргэний үнэмлэх болон гадаад паспортоо хавсарган оршин суугаа газрын харъяа албаны дарга · газрын дарга болон томилолтын газрын даргад гадаад иргэний бүртгэлтэй холбоотой өөрчлөлтөө мэдэгдэх шаардлагатай(「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」- 「Улсын хилээр орж гарах асуудлыг зохицуулах тухай хуулийг хэрэгжүүлэх журам」-ын 49 дүгээр зүйлийн 2).
1. Овог нэр·хүйс·төрсөн он сар өдөр болон харъяалал
2. Гадаад паспортын дугаар·олгосон өдөр болон хүчинтэй хугацаа
3. Харъяалагддаг байгууллага болон олон нийтийн байгууллагын өөрчлөлт(нэр өөрчлөгдөх зэрэг нь хамаарна)
4. 「Улсын хилээр орж гарахыг зохицуулах тухай хуулийг хэрэгжүүлэх журам」-н 47 дугаар зүйлийн 4-т заасны дагуу оюутан, сурагчдын статуст өөрчлөлт оруулах тухай
- Гадаад иргэний үнэмлэхээ дахин авах гэж буй гадаад оюутан нь тухайн шалтгаан үссэн өдрөөс эхлээд 14 хоногийн дотор гадаад иргэний үнэмлэх дахин авах хүсэлтийн анкетан дээр 1 хувь зургаа наагаад оршин суугаа газрын харъяа албаны дарга · газрын дарга болон томилолтын газрын даргад мэдүүлэх шаардлагатай бөгөөд, 30 мянган воны үнэ бүхий гадаад иргэний үнэмлэх дахин авах шимтгэлээ тушаах шаардлагатай(「Улсын хилээр орж гарах асуудлыг зохицуулах тухай хуулийг хэрэгжүүлэх захирамж」-ийн 42 дугаар зүйлийн 1 дүгээр заалт · 2 дугаар заалт болон 「Улсын хилээр орж гарах асуудлыг зохицуулах тухай хуулийг хэрэжүүлэх журам」-ын 72 дугаар зүйлийн 10 тоот)
- Гадаад иргэний бүртгэлийн байдалд өөрчлөлт орсон мэдэгдэл нь бүртгэгдвэл албаны дарга · газрын дарга түүнчлэн хэлтэсийн дарга нь бүртгэлтэй гадаад ирэний хувийн хүснэгтийг цэгцлэн гадаад иргэний үнэмлэхийг дахин олгож, гадаад иргэний бүртгэлийн байдалд орсон өөрчлөлтийг тухайн гадаад иргэний оршин сууж буй хот · сум · дүүрэг болон тосгон · баг · хорооны даргад мэдэгдэх шаардлагатай(「Гадаадын иргэн, харъяатын тухай хуулийг хэрэгжүүлэх захирамж」 -ын 44 –р зүйлийн 2 –р заалт).
※ Гадаад иргэний үнэмлэх нь гадаад иргэний бүртгэлийн байдалд орсон өөрчлөлтийг мэдэгдэх тохиолдод дахин авч болох боловч, дараахын аль нэгэнд хамаарах тохиолдолд дахин авна(“Улсын хилээр орж гарахыг зохицуулах тухай хуулийг хэрэгжүүлэх тогтоол” –ын 42 дугаар зүйлийн 1).
1. Гадаадийн иргэний үнэмлэхээ гээгдүүлсэн тохиолдолд
2. Гадаад иргэний үнэмлэх нь хуучирч хэрэглэх боломжгүй болсон тохиолдол
3. Гадаад иргэний үнэмлэхний тэмдэглэгээний хэсэг зайгүй болсон тохиолдолд
4. Оршин суух эрхийн өөрчлөлтийн зөвшөөрлийг авсан тохиолдолд
5. Овог нэр, хүйс, төрсөн он сар өдөр болон иргэншилтэй холбогдсон гадаад иргэний бүртгэлийн агуулгад өөрчлөлт оруулах мэдэгдэл хүлээн авсан тохиолдолд
6. Хуурамч бичиг баримтаас сэргийлэхийн тулд гадаад иргэний үнэмлэхээ нэгэн зэрэг шинэчлэх шаардлагатай болсон тохиолдолд
Оршин суугаа газрын өөрчлөлтийг мэдэгдэх
- Гадаад оюутан нь оршин суугаа газраа өөрчилсөн бол тухайн оюутан эсвэл түүнийг төлөөлөн гадаад иргэний бүртгэлийг хийж болох хүн шинэ хаяг руу нүүж ирснээс хойш 15 өдрийн дотор тухайн оршин суугаа газрыг харьяалах хот, дүүрэг, сумын дарга юм уу шинээр нүүж ирсэн газрыг харьяалах албаны дарга, хэлтсийн дарга, салбарын даргадоршин сууж буй газрын өөрчлөлтийн тухай мэдэгдлийг гадаад иргэний үнэмлэхний хамт өгч шилжсэн тухайгаа мэдэгдэх шаардлагатай(「Гадаадын иргэн, харьяатын тухай хууль」-ийн 36-р зүйлийн 1,2-р заалт, 79-р зүйлийн 7-р заалт, “「Гадаадын иргэн, харьяатын тухай хуулийг хэрэгжүүлэх захирамж」-ын 45-р зүйлийн 1-р заалт болон 89-р зүйл).
- Шилжиж ирсэн тухай мэдэгдвэл хот, дүүрэг, сумын дарга юм уу шинээр нүүж ирсэн газрыг харьяалах албаны дарга, хэлтсийн дарга, салбарын дарга нь гадаад иргэний үнэмлэх дээр тэрхүүөөрчлөлт орсон байдлыг тэмдэглэсний дараа оршин сууж буй газрын өөрчлөлт хийгдсэнийг батлах дардсыг дараад мэдэгдэл хийсэн гадаадын иргэнд буцаан өгөх ёстой(「Гадаадын иргэн, харьяатын тухай хууль」-ийн 36-р зүйлийн 2-р заалт болон 「Гадаадын иргэн, харьяатын тухай хуулийг хэрэгжүүлэх захирамж」-ийн 45-р зүйлийн 2-р заалт).
※ Оршин суугаа газрын хаягын өөрчлөлт хийж түүнийгээ мэдэгдэх үүргээ зөрчвөл 1 сая вон хүртэл хэмжээний торгууль ноогдуулна(“Улсын хилээр орж гарахыг зохицуулах тухай хууль”-ийн 98 дугаар зүйлийн 2)