Буцах зардлын даатгал·Итгэмжилсэн хадгаламжинд даатгуулах
Буцах зардлын даатгал·Итгэмжилсэн хадгаламж гэж юу вэ?
- Оршин суух хугацаа нь дууссан гадаад ажилчинг Солонгос улсаас гарахад нь чиглүүлж, хууль бусаар оршин суухаас сэргийлэх, эх орондоо буцахад нь хэрэгтэй зардалд нэмэр болгох зорилгоор гадаад ажилчин заавал даатгуулах ёстой даатгал болон итгэмжилсэн хадгаламжийг хэлнэ.
Даатгуулах хүн
- Мэргэжлийн бус ажил эрхлэгч(E-9) болон Айлчлангаа ажиллагч(H-2) эрхтэй гадаад ажилчин зэрэг БНСУ-д ажиллаж байгаа бүх хүн буцах зардлын даатгал, итгэмжилсэн хадгаламжинд даатгуулна(「Гадаад ажилчны ажил эрхлэлтийн тухай хууль」 15-р зүйлийн 1-р заалт).
Даатгуулах хугацаа
- Хөдөлмөрийн гэрээ хүчин төгөлдөр болсон өдрөөс эхлээд 3 сарын дотор нутаг буцах зардлын даатгал, итгэмжилсэн хадгаламжинд даатгуулах ёстой(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 22-р зүйлийн 1-р заалт).
※ Хөдөлмөрийн гэрээ хүчин төгөлдөр болсон өдөр гэж юу вэ?
· Мэргэжлийн бус ажил эрхлэгч(E-9) гадаад ажилчин : Солонгост ирсэн өдөр
· Айлчлангаа ажиллагч(H-2) гадаад ажилчин : Хөдөлмөрийн гэрээнд тусгасан ажиллаж эхлэх өдөр
· Одоо Солонгос улсад ажиллаж байгаа гадаад ажилчин ажлын байраа өөрчлөх тохиолдолд : Хөдөлмөрийн гэрээнд тусгасан ажиллаж эхлэх өдөр
Төлөх ёстой даатгалын хураамж
- Гадаадажилчин нь улс тус бүрээр заасан доорх хураамжийг нэг удаа эсвэл 3 удаа хуваажтөлнө(「Гадаад ажилчны ажил эрхлэлтийн тухай хуулийгхэрэгжүүлэх зарлиг」 22-р зүйлийн 1-р заалтын 1·3-р заалт болон Гадаад иргэдийн нутаг буцах зардлындаатгалд төлөх мөнгөн дүн).
Ангилал
|
Улс (Гадаад ажилчны иргэншил)
|
Хураамж
|
1-р бүлэг
|
Хятад, Филиппин, Индонез, Тайланд, Вьетнам
|
400,000 вон
|
2-р бүлэг
|
Монгол болонбусад орнууд
|
500,000 вон
|
3-р бүлэг
|
Шриланка
|
600,000 вон
|
Даатгалын төлбөр олгох нөхцөл
- Гадаад ажилчин нь доорх шалтгаануудаас аль нэг нь үүссэн тохиолдолд нутаг буцах зардлын даатгалын мөнгийг нэг дор нэхэмжлэн авах боломжтой(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 22-р зүйлийн 2-р заалт).
1. Оршин суух хугацаа нь дуусч нутаг буцах гэж байгаа бол
2. Хувийн шалтгаанаар оршин суух хугацаа дуусахаас өмнө нутаг буцах(түр хугацаагаар явахыг тооцохгүй) гэж байгаа бол
3. Аж ахуйн нэгж болон ажлын байраа орхиж явсан гадаад ажилчин сайн дураар буюу албадан нутаг буцаж байгаа бол
- Нутаг буцах зардлын даатгалын төлбөрийн нэхэмжлэлийг хүлээн авсан даатгалын компани харьяалах Гадаадын иргэн, харьяатын асуудал эрхэлсэн албаны дарга, Гадаадын иргэн, харьяатын асуудал эрхэлсэн хэлтсийн даргаас тухайн гадаад ажилчны хилээр орсон гарсан лавлагааг авсны дараа даатгалын мөнгийг олгох ёстой(「Гадаад ажилчны ажил эрхлэлтийн тухай хуулийг хэрэгжүүлэх захирамж」-ийн 22-р зүйлийн 1- р заалтын 3).
- Нутаг буцах зардлын даатгалын мөнгийг тус мөнгийг авах шалтгаан үүссэн өдрөөс хойш 3 жилийн дотор нэхэмжлэн авах хэрэгтэй. 3 жилийн дотор нэхэмжлээгүй бол хуулийн хүчинтэй хугацаа дуусах бөгөөд хугацаа нь дууссан даатгалын мөнгийг Солонгосын хүний нөөцийн хөгжлийн агентлагт шилжүүлнэ(「Гадаад ажилчны ажил эрхлэлтийн тухай хууль」 13-р зүйлийн 4-р заалт болон 15-р зүйлийн 3-р заалт).
Журам зөрчсөн тохиолдолд авах арга хэмжээ
- Гадаад ажилчин нутаг буцах зардлын даатгалд даатгуулаагүй бол 800,000 воноор торгоно(「Гадаад ажилчны ажил эрхлэлтийн тухай хууль」 32-р зүйлийн 1-р заалтын 6 болон 「Гадаад ажилчны ажил эрхлэлтийн тухай хуулийг хэрэгжүүлэх зарлиг」 хавсралтын 4).
Гэнэтийн ослын даатгалд даатгуулах
Гэнэтийн ослын даатгал гэж юу вэ?
- Гадаад ажилчин ажлаас хамааралгүй нөхцөлд өвдөх, амь насаа алдах зэрэгт бэлтгэлтэй байх үүднээс даатгуулах ёстой даатгалыг хэлдэг. Гадаад ажилчин нь ажил олгогч нь үйлдвэрлэлийн ослын даатгалд даатгуулсан байсан ч гэнэтийн ослын даатгалд зайлшгүй даатгуулах ёстой.
Даатгуулах хүн
- Мэргэжлийн бус ажил эрхлэгч(E-9) болон Айлчлангаа ажиллагч(H-2) эрхтэй, БНСУ-д ажиллах буй гадаад ажилчид бүгд гэнэтийн ослын даатгалд даатгуулна(「Гадаад ажилчны ажил эрхлэлтийн тухай хууль」 23-р зүйлийн 2-р заалт болон 「Гадаад ажилчны ажил эрхлэлтийн тухай хуулийг хэрэгжүүлэх зарлиг」 28-р зүйлийн 1-р заалт).
Даатгуулах хугацаа
- Хөдөлмөрийн гэрээ хүчин төгөлдөр болсон өдрөөс хойш 15 өдрийн дотор гэнэтийн ослын даатгалд даатгуулах ёстой(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 28-р зүйлийн 2-р заалт).
※ Хөдөлмөрийн гэрээ хүчин төгөлдөр болсон өдөр гэж юу вэ?
· Мэргэжлийн бус ажил эрхлэгч(E-9) гадаад ажилчин : Солонгост ирсэн өдөр
· Айлчлангаа ажиллагч(H-2) гадаад ажилчин : Хөдөлмөрийн гэрээнд тусгасан ажиллаж эхлэх өдөр
· Одоо Солонгос улсад ажиллаж байгаа гадаад ажилчин ажлын байраа өөрчлөх тохиолдолд : Хөдөлмөрийн гэрээнд тусгасан ажиллаж эхлэх өдөр
Даатгалын хураамж
- Гадаад ажилчны нас, хүйс, даатгуулах хугацаанаас хамаарч хураамж нь харилцан адилгүй байна.
Даатгалын төлбөр олгох нөхцөл
- Гадаад ажилчин нас барсан юм уу өвдсөн тохиолдолд өөрөө болон талийгаачийн ар гэрийнхэн даатгалын компанид даатгалын мөнгийг боломжтой(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 28-р зүйлийн 2-р заалтын 2).
Журам зөрчсөн тохиолдолд авах арга хэмжээ
- Гадаад ажилчин гэнэтийн ослын даатгалд даатгуулахгүй бол 5,000,000 хүртэл воноор торгох шийтгэл ноогдуулдаг(「Гадаад ажилчны ажил эрхлэлтийн тухай хууль」 30-р зүйлийн 2).
Нутаг буцах зардлын даатгал болон цалинг нөхөн төлөх баталгааны даатгалын мөнгө авах
Нутаг буцах зардлын даатгал·итгэмжилсэн хадгаламжийн мөнгө нэхэмжлэх
- Гадаад ажилчин тасралтгүй 1-ээс дээш жил ажиллаад нутаг буцах(түр хугацаар нутаг буцахыг тооцохгүй) юм уу нас барах, оршин суух эрх нь өөрчлөгдөх тохиолдолд хуримтлагдсан мөнгийг бүгдийг нь нэхэмжлэн авч болно(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 21-р зүйлийн 2-р заалтын 2 Эх баримт бичиг).
- Нутаг буцах зардлын даатгал·итгэмжилсэн хадгаламж нь ажил олгогчийн сар бүр төлдөг даатгалын хураамжаас хуримтлагдсан мөнгө юм. Харин ажил олгогч нь гадаад ажилчны хөдөлмөрийн харилцаа дуусах юм уу оршин суух эрх нь өөрчлөгдөх тохиолдолд нутаг буцах зардлын даатгалын мөнгө нь ажлаас гарсны тэтгэмжээс бага байх тохиолдолд түүний зөрүүг гадаад ажилчинд олгох ёстой(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 21-р зүйлийн 3-р заалт).
- Нутаг буцах зардлын даатгалын мөнгийг даатгуулагч нутаг буцсанаас хойш 14 хоногийн дотор(оршин суух эрх өөрчлөгдсөн, нас барсан, нутаг буцсаны дараа нэхэмжлэл гаргасан тохиолдолд нэхэмжлэл гаргасан өдрөөс хойш 14 хоногийн дотор) олгоно(「Гадаад ажилчны ажил эрхлэлтийн тухай хууль」 13-р зүйлийн 3-р заалт).
Цалинг нөхөн төлөх баталгааны даатгалын мөнгө нэхэмжлэх
- Цалингийн баталгааны тухай хууль」 үйлчилдэггүй юм уу ② 300 хүртлэх тооны байнгын ажилчин ажиллуулдаг аж ахуйн нэгж болон ажлын байранд[Айлчлангаа ажиллагч(H-2) эрхтэй гадаад ажилчныг ажиллуулж буй барилгын компаний ажил олгогч үүнд хамаарахгүй] цалинг олгохгүй хойшлуулаад байвал гадаад ажилчин эхлээд Хөдөлмөрийн яамны Орон нутгийн хөдөлмөрийн албаны хөдөлмөрийн байцаагч болон Хөдөлмөрийн биржид энэ тухай мэдэгдэх хэрэгтэй. Цалинг олгохгүй байгаа нь үнэн гэж тогтоогдвол Солонгосын хүний нөөцийн хөгжлийн агентлагт даатгалын мөнгийг нэхэмжилж болно.
- Ажил олгогчийн олгоогүй цалин нь даатгалын мөнгөөс хэтэрсэн байсан ч гэсэн тухайн даатгалын мөнгөнөөс илүүг олгохгүй бөгөөд зөрүү мөнгийг ажил олгогчоос өөрийн биеэр нэхэмжлэх юм уу Хөдөлмөрийн яамны хөдөлмөрийн байцаагчаас лавлан тодруулж болно.