Солонгос хэлний түвшин тогтоох шалгалтанд(EPS-KLT) тэнцэх
Шалгалт өгөх хүн
- Мэргэжлийн бус ажил эрхлэгч(E-9) оршин суух эрхээр БНСУ-д ажиллах гэж байгаа гадаад ажилчин нь тухайн гадаадын иргэний эх оронд зохион байгуулагдаж буй Солонгос хэлний түвшин тогтоох шалгалтад тэнцсэн байх ёстой(「Гадаад ажилчны ажил эрхлэлтийн тухай хууль」 7-р зүйлийн 2-р заалт).
- Онцгой тохиолдолд ажиллуулж болох Айлчлангаа ажиллагч(H-2) эрхтэй гадаад ажилчин нь Солонгос хэлний түвшин тогтоох шалгалтанд тэнцээгүй байсан ч болно.
- 3 жилийн ажиллах хугацаагаа дуусгаад эх орондоо очсоны дараа 6 сар болоод дахин БНСУ-д ажиллах гэж байгаа гадаад ажилчин ч гэсэн дахин Солонгос хэлний түвшин тогтоох шалгалтанд тэнцсэн байх ёстой.
Тавигдах шаардлага
- Солонгос хэлний түвшин тогтоох шалгалт өгөх гэж байгаа бол дараах шаардлагыг хангасан байх ёстой.
√ 18-аас дээш, 39-ээс доош настай байх
√ Хорих ял эдэлж байгаагүй
√ БНСУ-аас албадан гаргаагүй буюу хууль бусаар ажиллаж амьдраагүй байх
√ Өөрийн улсаас гарах эрхээ хязгаарлуулаагүй байх
Солонгос хэлний түвшин тогтоох шалгалт зохион байгуулах
- Солонгос хэлний түвшин тогтоох шалгалтыг жил бүр 1-с дээш удаа зохион байгуулдаг бөгөөд, шалгалтыг сонгох хариулт бүхий тестээр авах зарчимтай ч бичих хариулт бүхий асуултыг нэмэлтээр оруулж болно(「Гадаад ажилчны ажил эрхлэлтийн тухай хуулийг хэрэгжүүлэх зарлиг」 13-р зүйлийн 3-р заалт).
※ Илүү тодорхой мэдээллийг Солонгосын хүний нөөцийн хөгжлийн агентлагийн цахим хуудасны(www.hrdkorea.or.kr) ≪Гол үйл ажиллагаа-Гадаадын иргэний хөдөлмөр эрхлэлтийг дэмжих≫ цэснээс уншина уу.
Шаардлага хангасан эсэхийг үнэлэх
Шаардлага хангасан эсэхийг үнэлэх арга болон агуулга
- Шаардлага хангасан эсэхийг бичгийн шалгалт, ур чадварын шалгалт, ярилцлага зэрэг аргаар үнэлэнэ「Гадаад ажилчны ажил эрхлэлтийн тухай хуулийг хэрэгжүүлэх зарлиг」 13-р зүйлийн 2-ын 1-р заалтын 1).
- Шаардлага хангасан эсэхийг дараах байдлаар үнэлнэ (「Гадаад ажилчны ажил эрхлэлтийн тухай хуулийг хэрэгжүүлэх зарлиг」 13-р зүйлийн 2-ын 1-р заалтын 2).
· Тухайн ажлын байранд ажиллахад шаардагдах ур чадварын түвшин
· Ажил хайж буй гадаад иргэний биеийн хүч, тамир тэнхээ
· Ажлын туршлага
· Ажиллах хүчний бусад эрэлт шаардлагыг хангаж байгаа эсэхийг тодорхойлохын тулд хэрэгтэй гэж үзсэн бусад зүйлс
Гадаадын иргэн ажилд ороход бэлтгэх сургалтанд сурч төгсөх
Сургалтанд сурч төгсөх үүрэг
- БНСУ- хамрагдах ёстой(「Гадаад ажилчны ажил эрхлэлтийн тухай хууль」 11-р зүйл, 「Гадаад ажилчны ажил эрхлэлтийн тухай хуулийг хэрэгжүүлэх журам」 11-р зүйл).
- Мэргэжлийн бус ажил эрхлэгч(E-9) эрхтэй гадаад ажилчны сургалтын зардлыг ажил олгогч хариуцах ёстой(「Гадаад ажилчны ажил эрхлэлтийн тухай хуулийг хэрэгжүүлэх журам」 11-р зүйлийн 4-р заалт).
- Айлчлангаа ажиллагч(H-2) эрхтэй гадаад ажилчны сургалтын зардлыг суралцагч өөрөө хариуцна.
Сургалтын хугацаа болон агуулга
- Гадаадын иргэнийг ажилд ороход бэлтгэх сургалт нь 16 цагаас дээш хугацаагаар зохион байгуулагддаг. Харин ажиллах хугацаа нь дууссан гадаад ажилчин зохих журмын дагуу Солонгос улсад дахин ажиллахаар ирсэн бол гадаад ажилчныг ажилд ороход бэлтгэх сургалтын хугацааг 16 цагаас доош хугацаатай болгон товчилж болно(「Гадаад ажилчны ажил эрхлэлтийн тухай хуулийг хэрэгжүүлэх журам」 11-р зүйлийн 2-р заалт).
- Гадаад ажилчныг ажилд ороход бэлтгэх сургалтаар дараах агуулгыг зааж сургана(「Гадаад ажилчны ажил эрхлэлтийн тухай хуулийг хэрэгжүүлэх журам」 11-р зүйлийн 3-р заалт Эх баримт бичиг).
1. Ажиллах гэж буй салбар тус бүрт шаардагдах үндсэн ур чадварын талаар
2. Гадаад ажилчин авч ажиллуулах зөвшөөрлийн тогтолцооны талаар
3. Хөдөлмөрийн аюулгүй байдал, эрүүл ахуйн талаар
4. 「 Хөдөлмөрийн тухай хууль」, 「Гадаадын иргэн, харьяатын тухай хууль」 зэрэг холбогдох хуулийн талаар
5. Солонгосын соёл, амьдралын хэв маягийн талаар
6. Хөдөлмөр эрхлэхэд хэрэгцээтэй гэж Хөдөлмөрийн яамны сайдын үзсэн бусад зүйлсийн талаар
- Ажиллах хугацаа нь дуусаад эх орондоо буцсан гадаад ажилчин Солонгос улсад дахин ирээд сургалтанд хамрагдах тохиолдолд 1. болон 5. дахь агуулгыг суралцахгүй алгасаж болно(「Гадаад ажилчны ажил эрхлэлтийн тухай хуулийг хэрэгжүүлэх журам」 11-р зүйлийн 3-р заалт Тайлбар).
Сургалтанд хамрагдсан гэрчилгээ олгох
- Ажилд ороход бэлтгэх сургалтанд сурч төгссөн гадаадын иргэнд сургалтанд хамрагдсан гэрчилгээ олгодог(「Гадаад ажилчны ажил эрхлэлтийн тухай хуулийг хэрэгжүүлэх журам」 11-р зүйлийн 4-р заалт болон хавсралтын 8-р маягт).