Автобусаар үйлчлүүлж байхдаа осол аварт өртсөн тохиолдол
Автобус мөргөлдөх осол, гэнэт зогсох болон хөдлөсний улмаас, аадар бороо болон их хэмжээний цас орсноос автобус дотор хальтиргаа үүссэн гэх мэт... төрөл бүрийн шалтгаанаар автобусаар үйлчлүүлж байхдаа гэмтэх юмуу биедээ авч явсан зүйл эвдрэх тохиолдол үүсдэг. Хэрвээ надад ийм зүйл тохиолдвол яавал зохих вэ?
Ямар арга хэмжээ авагддаг вэ?
- Автобусаар үйлчлүүлж байх явцад осол аваар гарсан тохиолдолд тухайн автобусны жолооч юмуу түүнээс бусад үйлчлэгч(цаашид "жолооч гэх мэт" гэх) нь шууд зогсож гэмтэж бэртсэн этгээдийг аврах зэрэг шаардлагатай арга хэмжээг авах ёстой(「Зам тээврийн тухай хууль」 ийн 54 дүгээр зүйлийн 1 дүгээр заалт).
※ Дээрх арга хэмжээг аваагүй этгээд нь 5 хүртэлх жилийн ял юмуу 15 сая хүртэлх воны шийтгэлийн төлбөр төлөхөөр шийтгүүлнэ(「Зам тээврийн тухай хууль」 ийн 148 дугаар зүйл).
- Дээрх тохиолдолд тухайн автобусны жолооч гэх мэт нь цагдаагийн албан хаагч тухайн газарт байхад тэрхүү цагдаагийн албан хаагчид, цагдаагийн албан хаагч тухайн газарт байхгүй үед хамгийн ойрхон цагдаагийн газар(хэлтэс, хэсэг гэх мэт хөдөлгөөнт хэлтэс зэрэг хамаарна)-т дараах нөхцөл байдлыг саадгүйгээр мэдэгдэх ёстой. Гэхдээ, явж байсан автобус л зөвхөн эвдэрч сүйдсэн нь тодорхой ба зам дээр аюулгүйн хамгаалалт болон зам харилцаан үйл ажиллагаанд саад учруулахгүйгээр шаардлагатай арга хэмжээг авсан тохиолдолд тийм биш байж болно(「Зам тээврийн тухай хууль」 ийн 54 дүгээр зүйлийн 2 дугаар заалт).
· Осол аваар гарсан газар
· Амь насаа алдсан болон гэмтэж бэртсэн хүний тоо болон гэмтлийн хэмжээ
· Эвдэрч сүйдсэн эд зүйл болон эвдрэлийн хэмжээ
· Түүнээс бусад авсан арга хэмжээний байдал зэрэг
※ Дээр заасны дагуу осол аваар гарсан тохиодолд авсан арга хэмжээний байдал зэргийн талаар мэдэгдээгүй этгээд нь 300 мянган вон хүртэлх хэмжээний шийтгэлийн төлбөр юмуу баривчилгаагаар шийтгэнэ(「Зам тээврийн тухай хууль」 ийн 154 дүгээр зүйлийн 4 дүгээр тоот).
- Зам тээврийн осол аваар гарсан тохиолдолд хэн ч байсан дээр заасны дагуу жолооч гэх мэтийн авах арга хэмжээ болон мэдэгдэх үйлдэлд саад учруулж үл болно(「Зам тээврийн тухай хууль」 ийн 55 дугаар зүйл).
※ Үүнийг зөрчин зам тээврийн осол аваар гарсан тохиолдолд арга хэмжээ болон мэдэгдэх үйлдэлд саад учруулсан этгээд нь 6 хүртэлх сарын ял юмуу 2 сая хүртэлх воны шийтгэлийн төлбөр эсвэл баривчилгаагаар шийтгүүлнэ(「Зам тээврийн тухай хууль」 ийн 153 дугаар зүйлийн 5 дугаар тоот).
- Осол аваар гарсан тухай мэдэгдэл хүлээн авсан цагдаагийн газрын цагдаагийн албан хаагч нь гэмтэж бэртсэн хүмүүсийг аврах бусад зав тээврийн аюулаас сэргийлэх шаардлага байна гэж үзвэл цагдаагийн албан хаагч (бие даасан цагдаагийн албан хаагчаас бусад) нь тухайн газарт очих хүртэл жолооч зэрэгт тухайн газраа хүлээж байхыг тушаах боломжтой(「Зам тээврийн тухай хууль」 ийн 54 дүгээр зүйлийн 3 дугаар заалт).
- Цагдаагийн албан хаагч нь зам тээврийн осол аваар гаргасан автобусны жолооч зэрэгт тухайн газарт гэмтэж бэртсэн хүмүүсийг аврах болон зэм тээврийн аюулгүй байдалд зориулсан шаардлагатай зааварчилгааг тушаах боломжтой(「Зам тээврийн тухай хууль」 ийн 54 дүгээр зүйлийн 4 дүгээр заалт).
Хохиролын нөхөн төлбөрийг хэрхэн авах вэ?
- Автобусаар үйлчлүүлж байхдаа осол аваарт өртөж бие махбодийн болон эд хөрөнгийн хохирол амссан тохиолдолд осол аваарын хариуцагч нь 「Автомашины гэнэтийн ослын нөхөн төлбөр олгох тухай хууль」ийн 3 дугаар зүйл, 「Иргэний хууль」 ийн 750 дугаар зүйл болон 756 дугаар зүйлд заасны дагуу тэрхүү хохиролын нөхөн төлөх ёстой.
- Автобусаар үйлчлүүлж байхдаа осол аваарт өртөн бие махбодийн болон эд хөрөнгийн хохирол амссан тохиолдолд ерөнхийдөө автобус нэгтгэлээр дамжуулан нөхөн төлбөр олгох ажиллагаагаар дамжуулан нөхөн төлбөр авах болно. Үүний дагуу нөхөн төлбөр авсан тохиолдолд тусдаа「Автомашины гэнэтийн ослын нөхөн төлбөр олгох тухай хууль」 юмуу 「Иргэний хууль」д заасны дагуу хохиролын нөхөн төлбөрийг нэхэмжлэх боломжгүй.
- Цаашлаад нийтийн тээврийн гэнэтийн ослын даатгэл зэрэг нийтийн тээврээр үйлчлүүлж байхад үүссэн хохиролыг нөхөн төлүүлэх даатгалд даатгуулсан бол тухайн даатгалын компаниад осол аваар гарсан тухайгаа мэдэгдэж цагдаагийн газарт мэдэгдсэн эсэхийн талаар зөвөлгөө аван түргэн шуурхай нөхөн төлбөрийн үйлчилгээг авах боломжтой.
Метрогоор үйлчлүүлж байхад осол аваар гарсан тохиолдолд
Галт тэрэгний мөргөлдөөн·замаас гарах осол, гал түймэр зэрэг төрөл бүрийн шалтгаанаар метрогоор үйлчлүүлж байхадбие махбодийн·эд хөрөнгийн хохирол үүсч болно. Ийм үед ямар арга хэмжээ авбал зохистой бол?
Ямар арга хэмжээ авагдах вэ?
- Төмөр замын үйл ажиллагаа эрхлэгч болон төмөр замын байгууламжийн удирдлага(цаашид "Төмөр замын үйл ажиллагаа эрхлэгч зэрэг" гэх) нь төмөр замын осол аваар болон үйл ажиллагааны доголдол(цаашид "Төмөр замын осол аваар зэрэг" гэх) үүссэн үед нас барсан болон гэмтэж бэртсэн этгээдийг аврах, үлдсэн эд зүйл –ийг хамгаалах, зорчигчдийг шилжүүлэх болон төмөр замын байгууламж сэргээх зэрэг хүний хохирол болн эд хөрөнгийн хохирлыг дээд зэргээр багасгаж галт тэргийг хэвийн үйл ажиллагаанд оруулахад шаардлагатай арга хэмжээг авах ёстой(「Төмөр замын аюулгүй байдлын тухай хууль」ийн 60 дугаар зүйлийн 1 дүгээр заалт).
· "Төмөр замын осол аваар" гэдэг нь төмөр замын нийтийн тээврийн үйлчилгээ, төмөр замын байгууламжийн засвар үйлчилгээний ажлын явцад хүний амь нас хохирч, бэртэх гэмтэх, эд хөрөнгөнд эвдрэл гэмтэл учруулахуйц осол буюу дараахь нөхцөл үүсэхийг хэлнэ(「Төмөр замын аюулгүй байдлын тухай хууль」-н 2дугаар зүйлийн 11 дүгээр заалт, 「Төмөр замын аюулгүй байдлын тухай хуулийг хэрэгжүүлэх журам」-н 1 дүгээр зүйлийн 2 дугаар заалт).
1. Төмөр замын осол аваар: Галт тэрэг мөргөлдөх, царигнаас мултарч унах, гал түймэр гарах зэрэг бусад төмөр замын осол
2. Төмөр замын аюулгүй ажиллагааны хангалтгүй байдлаас үүдэлтэй осол аваар: Төмөр зам дээр гарсан гал түймэр, төмөр замын байгууламжийн эвдрэл гэмтлээс үүдэлтэй осол, бусад төмөр замын аюулгүй ажиллагааны хангалтгүй байдлаас үүдэлтэй осол аваар
· "Төмөр замын том осол" гэдэг нь төмөр замын аюулгүй ажиллагааны хангалтгүй байдлаас үүдэн гарч их хэмжээний хохирол учруулахуйц осол буюу дараахь нөхцөл байдал үүсэхийг хэлнэ(「Төмөр замын аюулгүй байдлын тухай хууль」-н 2 дугаар зүйлийн 12 дугаар заалт, 「Төмөр замын аюулгүй байдлын тухай хуулийг хэрэгжүүлэх журам」-н 1 дүгээр зүйлийн 3 дугаар заалт).
1. Нийтийн тээврийн үйлчилгээний зөвшөөрөлгүй маршрутаар явж байгаа галт тэрэг;
2. Галт тэрэгний зам дээр саад байгаа үед явах дохио өгөх. Жич, Хяналтын төвийн зөвшөөрөлтэйгээр сэргээн засварлах ажил, урсгал засвар хийж байгаа бол үүнд хамаагүй.
3. Галт тэрэг, төмөр замын тээврийн хэрэгсэл зөвшөөрөлгүйгээр зогсох дохио өнгөрөх;
4. Галт тэрэг, төмөр замын тээврийн хэрэгсэл буудал, буудлын дунд хальтарч замаас гарах;
5. Галт тэрэгний тээврийн үйлчилгээг хаагаад, засвар үйлчилгээ хийж байгаа хэсэгт галт тэрэг орох;
6. Тээврийн үйлчилгээний аюулгүй ажиллагаанд сөрөг нөлөө үзүүлэхээр царигны гэмтэл, стандартаас хэтэрсэн царигны гажилт;
7. Тээврийн үйлчилгээний аюулгүй ажиллагаанд сөрөг нөлөө үзүүлэхүйц галт тэрэгний дугуй, тэнхлэгт эвдрэл гарч, шааригны тэнцвэр алдагдах;
8. Төмөр замын тээврийн үйлчилгээний хэрэгсэлд тэсрэх аюултай, хортой бодис илрэх;
9. Дээрхи 1~8 дахь нөхцөл байдал үүсвэл асар том осол аваар гарахад хүргэнэ.
· "Үйл ажиллагааны доголдол" буюу тээврийн үйлчилгээнийн саатал гэдэг нь төмөр замын их, бага хэмжээний ослоос гадна төмөр замын тээврийн хэрэгслийн үйлчилгээнд саатал учруулахуйц доорхи нөхцөл байдал үүсэхийг хэлнэ(「Төмөр замын аюулгүй ажиллагааны тухай хууль」-н 2 дугаар зүйлийн 13 дугаар заалт, 「Төмөр замын аюулгүй ажиллагааны тухай хуулийг хэрэгжүүлэх журам」-н 1 дүгээр зүйлийн 4 дүгээр заалт).
1. Хяналтын төвийн зөвшөөрөлгүйгээр метроны буудлаар явж өнгөрөх;
2. Доорхи нөхцлөөр цаг хоцорсон галт тэрэг. Жич, төмөр замын осол, төмөр замын тээврийн үйлчилгээний саатлын улмаас хоцорсон бол үүнд хамаагүй.
А. Хурдны галт тэрэг, цахилгаан галт тэрэг: 20 минутаас дээш
Б. Ердийн зорчигч тээврийн галт тэрэг: 30-с дээш минут
В. Ачааны галт тэрэг, бусад галт тэрэг: 60-с дээш минут
- Төмөр замын осол аваар зэрэг үүссэн тохиолдолд тухайн төмөр замын тээврийн хэрэгслийн жолоодлогын ажилтан блон зорчигчдод үйлчлэх үйлчилгээний ажилтан нь төмөр замын осол аваар гарсан газраас гарч үл болох бөгөөд, дараах холбогдох арга хэмжээг авах ёстой(「Төмөр замын аюулгүй байдлын тухай хууль」 ийн 40 дүгээр зүйлийн 2 –ны 5 дугаар заалтын үндсэн хэсэг болон 「Төмөр замын аюулгүй байдлын тухай хуулийг хэрэгжүүлэх журам」 ын 76 дугаар зүйлийн 8-ны 1 дүгээр заалт).
1. Удирдлагын төвийн ажилтан болон ойр орчмын буудлын байгууламжийн төмөр замын ажилтанд төмөр замын осол аваар зэргийн нөхцөл байдлыг дамжуулан хүргэх
2. Төмөр замын тээврийн хэрэгсэл дотор зарлал явуулах
※ Гэхдээ, нэвтрүүлэх төхөөрөмжөөр зарлах боломжгүй тохиолдолд чанга яригч зэргийг ашиглан зарлах ёстой.
3. Зорчигчдын аюулгүй байдлыг хангахын тулд шаардлагатай тохиолдолд төмөр замын тээврийн хэрэгсэл дотор зорчигчдийг шилжүүлэн зайлуулах
4. 2 дахь осол аваар гарахаас сэргийлэхийн тулд төмөр замын тээврийн хэрэгсэл өнхөрөхгүй байхаар арга хэмжээ авах
5. Зорчигчийн аюулгүй байдлыг хангахын тулд шаардлагатай тохиолдолд төмөр замын тээврийн хэрэгслийн аваарын хаалгыг онгойлгох
6. Амь насаа алдсан болон гэмтэж бэртсэн хүн байх тохиолдолд яаралтай өвчтөнд түргэн тусламжийн арга хэмжээ авах юмуу эмчилгээний байгууллагад яаралтай шилжүүлэхэд дэмжлэх үзүүлэх
- Төмөр замын осол аваар зэрэг үүссэн тохиолдолд төмөр замын үйл ажилллагаа эрхлэгч зэрэг нь дараах зүйлсийг мөрдөх ёстой다(「Төмөр замын аюулгүй байдлын тухай хууль」 ийн 60 дугаар зүйлийн 2 дугаар заалт болон 「Төмөр замын аюулгүй байдлын тухай хуулийг хэрэгжүүлэх захирам」ийн 56 дугаар зүйл).
· Осол аваарыг засч залруулах болон эргэн сэргээх ажиллагааг хийхдээ хүн аврах бүтэц болон хамгаалалтанд нэн тэргүүнд тавих
· Амь насаа алдсан болон гэмтэж бэртсэн хүн гарсан тохиолдолд онцгой байдалд авах арга хэмжээний дагуу яаралтай арга хэмжээ, эмчилгээний байгууллагад яаралтай шилжүүлэх, холбогдох байгууллагуудаас дэмжлэг туслалцаа хүсэх зэрэг шаардлагатай арга хэмжээг түргэн шуурхай авах
· Төмөр замын тээврийн хэрэгсэл ажиллах боломжгүй болсон тохиолдолд онцгой байдалд авах арга хэмжээний дагуу орлуулах тээврийн хэрэгслийг бэлтгэх зэрэг шаардлагатай арга хэмжээг авах
Хохиролын нөхөн төлбөрийг хэрхэн авах вэ?
- Метрогоор үйлчлүүлж байхдаа осол аваараар бие махбодийн болон эд хөрөнгийн хохирол амссан тохиолдолд осол аваарыг хариуцагч нь 「Иргэний хууль」 ийн 750 дугаар зүйл болон 756 дугаар зүйл зэргийн дагуу тэрхүү хохиролыг нөхөн төлөх ёстой.
- Метрогоор үйлчлүүлж байхдаа осол аваараар бие махбодийн болон эд хөрөнгийн хохирол амссан тохиолдолд ерөнхийдөө тухайн метроны үйл ажиллагаа эрхлэгч байгууллагын элссэн үйл ажиллагааны нөхөн төлбөрийн хариуцлагын даатгал болон орон нутгийн бие даасан байгууллагын нөхөн төлбөрийн хариуцлагын даатгалын нөхөн төлбөр олгох ажиллагаагаар дамжуулан нөхөн төлбөр авах болно. Үүний дагуу нөхөн төлбөр авсан тохиолдолд тусдаа「Иргэний хууль」д заасны дагуу хохиролын нөхөн төлбөр нэхэмжлэх боломжгүй.
※ "Хариуцлагын даатгал" гэдэг нь даатгуулагч даатгалын хугацаанд осол аваараар 3 дагч этгээдэд нөхөн төлөх хариуцлага үүрсэн тохиолдолд даатгалын компани нь даатгуулагчийн хариуцлагын гүйцэтгэлээр үүсэх хохиролыг нөхөн төлөх зорилгоор байгуулдаг хохиролын даатгалыг гэрээг хэлнэ(Хууль тогтоох байгууллага·Солонгосын хууль зүйн судалгааны хүрээлэн, хууль тогтоомжийн нэр томъёоны толь бичиг).
- Цаашлаад нийтийн тээврийн гэнэтийн ослын даатгал зэрэг нийтийн тээврээр үйлчлүүлж байхад үүссэн хохиролыг нөхөн төлүүлэх боломжтой даатгалд хамрагдсан бол тухайн даатгалын компанид ослын тухай мэдэгдэж цагдаагийн газарт мэдэгдэх эсэх талаар зөвөлгөө авахын зэрэгцээ түргэн шуурхай нөхөн төлбөрийн үйлчилгээг авах боломжтой.
<Метро хоцорч ирсний улмаас үүссэн хохирол, нөхөн төлбөр авах боломжтой юу?>
· Яаралтай нөхцөл байдал үүссэн, цаг агаарын муу байдлын улмаас метронд эвдрэл гарах зэргийн шалтгаанаар метро хоцорч ирэн эвгүй байдалд орсон асуудал, хэн ч гэсэн ядаж нэг удаа тулгарч л байсан биз дээ. Метро хоцорч ирсний улмаас хохирол амссан бол нөхөн төлбөр авах боломжтой юу?
· Метро явдал дундаа зогсох юмуу хоцрох зэргийн улмаас амссан хохиролын нөхөн төлбөр нь ерөнхийдөө тухайн метроны үйл ажиллагааг эрхлэгч байгууллагын зорчигч тээврийн журамд заасны дагуу хийгдэнэ. Тиймээс илүү дэлгэрэнгүй нөхөн төлбөрийн агуулгыг тухайн байгууллагын цахим хуудсанд нийтлэгдсэн журамаас нягталж үзэх боломжтой.