Халаасны хулгайчаас болгоомжлоорой!
Халаасны хулгайчын арга, үнэхээр олон төрөл байдаг юм байна шүү.
- Метро юмуу автобусаар үйлчлүүлэхдээ байнга анхаарах хэрэгтэй зүйл байдаг биз? Энэ бол халаасны хулгай юм.
- Халаасны хулгай ба түүний арга нь үнэхээр олон төрөл ба мэдэхийн аргагүй болохоор би өөрөө яах ийхийн зуургүй өртөх тохиолдол их байдаг. Түүний дундаас гол төлөөлөл болсон дараах аргууд байдаг юм байна шүү.
· Цүнхийг онгойлгох юмуу сахлын хутгаар зүсдэг арга
· Хүрэм юмуу куртик зэргийн дотор халаасыг сахлын хутгаар зүсдэг арга
· Автобусанд суух үед гэмт үйлдэлд өртөгчөөс шугмын чиглэл зэргийг асууж анхааралыг татсны дараа хамт яваа бусад нь үнэт зүйлсийг нь хулгайлдаг арга
· Автобусанд суух үед голдоо гэмт үйлдэлд өртөгчийг оруулан гэмт этгээдүүд урд ардаас нь орон сууж жолоочоос явах чиглэл асуух зэрэг үйлдэл хийн цаг хожих үед ард байгаа этгээд нь хурдан ор гэж түлхэнгээ үнэт эдлэлийг нь хулгайлдаг арга
· Гэмт үйлдэлд өртөгчийн орчин тойрноор эргэлдэж байгаад гэмт үйлдэлд өртөгчийн хөлийн ойролцоо зоосон мөнгө юмуу түлхүүр зэрэг зүйлээ унагааж гэмт үйлдэлд өртөгч тэрхүү зүйлийг авах гэж тонгойх хооронд хамт байсан бусад хамтрагч нь хүзүүний зүүлтийг нь таслан зугтаах арга
· (Голдуу метронд) хаалга хаагдахын яг өмнө тавиур дээр тавьсан өөр зорчигчийн эд зүйлийг аваад буух арга
· Хэд хэдэн гэмт этгээдүүд хамтдаа сууж чанга дуугаар муудалцан хэрүүл шуугиан тарьж анхааралыг татаад тэр хооронд нь халаасны хулгай хийх арга
<Ашигласан материал : Цагдаагийн ерөнхий газрын блог Пол ин Лов>
Ийм арга хэмжээ аваарай.
- Дээр танилцсан аргуудаас гадна тоо томшгүй олон төрлийн халаасны хулгайн арга байдаг хэдий ч байнга анхаарал болгоомжтой байж, нухацтай арга хэмжээ авч чадвал хчинээр мундаг халаасны хулгайч байлаа ч яаж ч чадахгүй биз дээ? За, тэгвэл юуг яавал зохих билээ? Энд хялбархан боловч мэдэхэд илүүдэхгүй халаасны хулгайгаас урьдчилан сэргийлэхэд хэрэгтэй аргыг танилцуулж байна.
· Гар цүнх болон цүнхээ заавал урдаа үүрнэ.
· Согтууруулах ундаа хэрэглэсний дараа цахилгаан машин болон буудалд дотор зүүрмэглэхгүй байна.
· Замбараагүй байдлыг ашиглан хүчтэй мөргөлдөн зөрөх үнээс зайлсхийнэ.
· Хэтэвчээ өмдний арын халаасанд хийхгүй байна.
· Тавиур дээр чухал цүнх зэргээ тавихгүй байна.
<Ашигласанматериал : Сөүл хотын зам тээврийн ерөнхий газрын албан ёсны блог>
Хэрхэн шийтгүүлдэг вэ?
- Халаасны хулгай хийж байгаад баригдвал 6 хүртэлх жилийн ял эсвэл 10 сая хүртэлх воны шийтгэлийн төлбөр төлөхөөр шийтгүүлнэ(「Эрүүгийн хууль」 ийн 329 дүгээр зүйл).
5 ба түүнээс олуулан хамтран давтамжтайгаар дээрх гэмт үйлдэл хийсэн болон гэмт үйлдлийг хийх гэж оролдсон этгээд нь 2-оос 20 хүртэлх жилийн ялаар шийтгүүлнэ(「Тусгай ангийн гэмт хэргийг хүндрүүлэн шийтгэх тухай хууль」 ийн 5 дугаар зүйлийн 4-ийн 2 дугаар заалт).
- Зэвсэг биедээ авч явах юмуу 2 ба түүнээс дээш этгээд нийлэн халаасны хулгай хийж байгаад баригдвал шийтгэл хүндэрч 1-ээс 10 хүртэл жилийн ялаар шийтгүүлнэ(「Эрүүгийн хууль」 ийн 331 дүгээр зүйлийн 2 дугаар заалт).
5 хүн ба түүнээс дээш этгээд нийлэн давтамжтайгаар дээр гэмт хэргийг үйлдсэн эсвэл үйлдэх гэж завдсан этгээд нь 2-оос 20 жил хүртэлх хорих ялаар шийтгүүлнэ(「Тусгай ангийн гэмт хэргийн хүндрүүлэн шийтгэх тухай хууль」 ийн 5 дугаар зүйлийн 4 –ийн 2 дугаар заалт).
Метро юмуу автобусанд хүчингийн гэмт хэрэг, ийм арга хэмжээ аваарай!
Ийм арга хэмжээ аваарай.
- Сүүлийн үед автобус юмуу метронд бэлгийн дарамт юмуу нууц камер зэрэг таагүй зүйлээр эмэгтэйчүүд хохирол амсах явдал ихсэж байгаа талаар тааламжгүй мэдээлэлтэй байнга тулгардаг болсон шүү дээ.
- Та бүхэн ийм зүйлтэй огт таарахгүй байгаасай гэсэн сэтгэлээр метро эсвэл автобусанд хүчингийн гэмтт хэргээс сэргийлэх болон авах арга хэмжээ! Танилцуулж байна.
· Метроны буудлын шатны налуу хэт налуу ба урсдаг цахилгаан шат урт байдаг газарт цүнхээ ардаа үүрэх юмуу гартаа барьж яваа ном зэргээ ардаа барина. Түүнчлэн хажуу тийшээ харж зогсох нь ч бас гэмт хэргээс сэргийлэхэд нэмэр болдог гэж байна шүү.
· Хөнгөн хэлбэрээр биед хүрсэн ч байсан тэр дороо шууд таагүй байгаагаа илэрхийлж арга хэмжээ авах ёстой.
· Хүн ихтэй метронд болж өгвөл хамгийн урд тал юмуу арын бүхээгээр үйлчлүүлбэл тустай. Хүчингийн гэмт хэрэгтэнгүүд нь дандаа гэмт үйлдэл нь илэрэх тохиолдолоос зайлсхийн зугтаах нөхцөл байдлаа толгойдоо байлгадаг бөгөөд, хамгийн урд талын юмуу эсвэл арын бүхээгт бол зөвхөн нэг тал руу л зугтаах боломжтой байдаг учраас гэмт үйлдэл хийхэд тохиромжгүй гэж үздэг юм байна шүү.
· Хүн ихтэй автобус юмуу метронд танихгүй эрэгтэй хүн араас чинь дагаад байвал нуруугаа харуулахаас илүүтэйгээр 45 хэмийн ташуу байрлалтайгаар зогсох юмуу байрлалаа өөрчлөн мөрөө өргөж өгвөл гэмт хэргээс сэргийлэхэд тустай.
· Байрлалаа өөрчлөх боломжтой тохиолдолд өөр газар руу зоригтойгоор зайлсхийх нь зүйтэй.
· Гар утсаа ашиглан 112 дугаарт зурвас илгээгээрэй.
√ Хүчингийн гэмт хэрэгтэнгүүд нь эмэгтэйчүүд гутамшигтай байдалд орох болон доромжлуулсан байдалд орох зэргээсээ болоод амархан мэдэгдэл гаргаж чаддаггүй гэсэн талыг муугаар ашиглан гэмт үйлдлээ хийдэг тохиолдол их байдаг гэнэ шүү. Тийм болохоор мэдэгдэнэ гэдэг юу юунаас илүү хамгийн үр дүнтэй урьдчилан сэргийлэх арга болж болох бөгөөд
√ Хэрвээ автобус юмуу метронд хүчингийн гэмт хэрэгтэнг харах юмуу өөрөө хохирол амссан бол шууд гар утсаараа 112 дугаар руу зурвас илгээгээрэй.
√ Ялангуяаметроны хувьд сууж яваа метроныхоо бүхээгний дугаар(галт тэрэгний бүхээгний орж гарах хаалга, галт тэрэгний зорчигчдын бүхээгийг холбосонкоридорын хананы дээд талд наасан байдаг!)-тай хамт явж буй чиглэлээ бичиж(явжөнгөрсөн буудлын нэрээ хамт явуулбал бүүр сайн) явуулна(Жишээлбэл, Одоо 08:20 минутын байдлаар Садан-Ёгоос Банбэг чиглэн хөдөлсөн 4169 дугаартай галт тэрэгний 3~4 дүгээр хаалганы хооронд, бэлгийн дарамт үзүүлсэн хар өнгийн куртиктэй 20 орчимнасны эрэгтэй хүнийг барьж өгөөч).
√ Мэдэгдлийг хүлээж авбал тухайн галт тэрэгтэй хамгийн ойрхон байрлах метроны цагдаагийн хэлтэс юмуу ойр байрлах цагдаагийн газраас шууд хөдлөж гэмт этгээдийг баривчилна.
<Ашигласан материал : Сөүл хотын зам тээврийн ерөнхий газрын албан ёсны блог, галт тэргэн дотор үүссэн аюултай нөхцөл байдлын үед авах арга хэмжээг>
Хэрхэн шийтгэх вэ?
- Метро юмуу автобусанд хүнийг дарамталсан этгээд 1 хүртэлх жилээр хорих ял эсвэл 3 сая хүртэлх воны шийтгэлийн төлбөр төлөхөөр шийтгүүлнэ(「Хүчингийн гэмт хэргийн шийтгэл зэргийн тухай тусгай хууль」 ийн 11 дүгээр зүйл).
- Автобус юмуу метронд камер, гар утас, ухаалаг утас зэрэг камертай ижил төстэй үзүүлэлттэй төхөөрөмжийг ашиглан бэлгийн шунал хүсэл түүнчлэн гутамшигтай байдлыг өдөөж болзогүй хүний бие махбодыг зураг авалтанд өртөгчийн санал хүсэлтийг эсэргүүцэн зураг авсан этгээд нь 5 ба түүнээс доош жилийн ял түүнчлэн 30 сая вонба түүнээс доош хэмжээний мөнгөн торгуульд орно(「Бэлгийн хүчирхийлэлийн гэмт хэргийн шийтгэл зэрэгтэй холбоотой тусгай хууль」-ийн 14 дүгээр зүйлийн 1 дүгээр заалт).
- Дээр тусгагдсан зураг авалтын агуулга бүхий зүйл түүнчлэн хувилсан зүйл(хувилсан зүйлийн хувилбар хамаарна. Цаашид адил)-ийг тараах·худалдаалах·түрээслэх·үзүүлэх түүнчлэн нийтэд дэлгэн үзүүлэн болгох·үзүүлсэн(цаашид "тараах гэх мэт" гэнэ) этгээд түүнчлэн дээрх холбогдолтой зургыг авах үед зураг авалтанд өртөгчийн санал хүсэлтийг эсрэг ашиглааггүй тохиолдолд ч цаашид тухайн бичлэг болон түүний хувилбарыг зураг авалтанд өртөгчийн санал хүсэлтийн эсрэг тараах зэрэг үйлдлийг хийсэн этгээд нь 5 ба түүнээс доош жилийн ял эсвэл 30 сая вон ба түүнээс доош хэмжээний торгуулийн шийтгэл хүлээнэ(「Бэлгийн хүчирхийлэлийн гэмт хэргийн шийтгэл зэргийн тухай тусгай хууль」-ийн 14 дүгээр зүйлийн 2 дугаар заалт).
- Ашгийн зорилготойгоор зураг авалтанд өртөгчийн санал хүсэлтийн эсрэг мэдээлэл харилцааны сүлжээг ашиглан тараах зэрэг үйлдлийг хийсэн этгээд 7 жил ба түүнээс доош хугацааны ялаар шийтгүүлнэ(「Бэлгийн хүчирхийлэлийн гэмт хэргийн шийтгэл зэргийн тухай тусгай хууль」 -ийн 14 дүгээр зүйлийн 3 дугаар заалт).