Метроны аюулгүйн удирдлага хэрхэн явагддаг вэ?
Метроны бүхээг болон метроны байгууламжийн аюулгүйн удирдлага
- Метроны үйл ажиллагаа эрхлэгч, метроны туслах байгууламжийн удирдлага(цаашид “Метроны үйл ажиллагаа эрхлэгч” гэх. Төмөр замын үйлчилгээний байгууллага үүнд орохгүй) нь метроны үйлчилгээ үзүүлэх, метроны туслах байгууламжид хяналт тавихад шаардлагатай боловсон хүчин, барилга байгууламж, тээврийн хэрэгсэл, авто бүхээг, тоног төхөөрөмжид тавигдах шаардлагыг хангаж, үйлчилгээ үзүүлэх журам, сургалтын хөтөлбөр, аваарын үед авах арга хэмжээний тухай төлөвлөгөө гарган, аюулгүй ажиллагааны систем(цаашид “аюулгүй ажиллагааны систем” гэх)-ээр бүрэн хангасны дараа Зам, тээвэр хөгжлийн яамны сайдаас зөвшөөрөл авна(「Төмөр замын аюулгүй байдлын тухай хууль」-н 7 дугаар зүйлийн 1 болон 3 дугаар заалт).
· Аюулгүйн удирдлагын системийн зөвшөөрөлгүйгээр метроны үйл ажиллагаа эрхлэх юмуу метроны байгууламжийг удирдан зохион байгуулсан этгээд нь 3 ба түүнээс доош жилийн хорих ял болон 30 сая ба түүнээс доош воны шийтгэлийн төлбөр төлөхөөр шийтгүүлж(「Төмөр замын аюулгүй байдлын тухай хууль」 ийн 79 дугаар зүйлийн 2 дугаар заалтын 1 дүгээр тоот), хуурамч эсвэл түүнээс бусад шудрага бус аргаар аюулгүнй удирдлагын системийн зөвшөөрлийг авсан этгээд нь 2 ба түүнээс доош жилийн хорих ял болон 20 сая вон хүртэлх хэмжээний шийтгэлийн төлбөр төлөхөөр шийтгүүлнэ(「Төмөр замын аюулгүй байдлын тухай хууль」 ийн 79 дугаар зүйлийн 3 дугаар заалтын 1 дүгээр тоот).
- Метроны үйл ажиллагаа эрхлэгч зэрэг нь метроны үйл ажиллагаа эрхлэх юмуу метроны байгууламжийг удирдан зохион байгуулах тохиолдолд дээрх журмын дагуу зөвшөөрөгдсөн аюулгүйн удирдлагын системийг тасралтгүй үргэлжлүүлэн хэрэгжүүлэх ёстой(「Төмөр замын аюулгүй байдлын тухай хууль」 ийн 8 дугаар зүйлийн 1 дүгээр заалт).
· Метроны үйл ажиллагаа юмуу метроны байгууламжийн удирдлагад онц ноцтой бөгөөд илт тодорхой саад учруулсан этгээд нь 2 жил ба түүнээс доош жилийн хорих ял эсвэл 20 сая ба түүнээс доош хэмжээний шийтгэлийн төлбөр төлөхөөр шийтгүүлнэ(「Төмөр замын аюулгүй байдлын тухай хууль」 ийн 79 дугаар зүйлийн 3 дугаар заалтын 2 дугаар тоот).
<Гал түймэр зэрэг яаралтай нөхцөл байдал үүсэх тохиолдолд ийм арга хэмжээ аваарай!>
· Метроны буудлаас утгаа гарах юмуу гал гарвал платформ буюу зорчигчийн тавцан дах яаралтай тусламжийн дотуур холбооны утсаар ажилтанд шууд мэдэгдээрэй.
· Буудлын ажилтаны зааврын дагуу сандралгүйгээр шилжин зайлсхийгээрэй.
√ Газар дээшээ шилжин гарах : Гэрлэн шугмыг даган шатаар цувран шилжин зайлсхийнэ. Нойтон алчуур, хувцасны ханцуй зэргээр амаа дарж доош бөгтийсэн байдлаар явна.
√ Нүхэн гарцаас шилжин гарах : Зорчигчийн тавцаны төгсгөлд байх төмөр замын хаалгыг нээсний дараа төмөр зам дамжин явна. Нойтон алчуур, хувцасны ханцуй зэргээр амаа дарж доош бөгтийсөн байдлаар явна.
· Яаралтай тусламжийн дотуур холбооны утас, яаралтай тусламжийн гэрэлтүүлэг зэрэг, химийн хорт хийн маск, буудлын гал унтраагуур ашиглах арга зэргийн талаар дэлгэрэнгүй агуулгын талаар <Сөүл хотын зам тээврийн газрын албан ёсны блог> -оос танилцах боломжтой.
<Ашигласан материал : Сөүл хотын зам тээврийн газрын албан ёсны блог>
Аюулгүй үйл ажиллагааны удирдлага нь хэрхэн явагддаг вэ?
Метроны үйл ажиллагааны түр зогсолт
- Дараахь заалтын аль нэг нөхцөл байдал үүссэн тохиолдолд галт тэрэгний аюулгүй үйл ажиллагаанд асуудал үүссэнд тооцож метроны үйлчилгээг түр зогсоож болно(「Төмөр замын аюулгүй байдлын тухай хууль」-н 40 дүгээр зүйлийн 1 дүгээр заалт).
· Газар хөдлөх, далайн шуурга, аадар, их цас орох зэрэг давагдашгүй хүчин зүйл болон цаг агаарын муу байдлаас шалтгаалан осол аваар үүсэх юмуу осол аваар үүсч болзошгүй бол
· Үүнээс бусад галт тэрэгний үйл ажиллагаанд онц ноцтой саад үүссэн юмуу үүсч болзошгүй бол
Аюултай зүйл биедээ авч явахыг хориглох
- Хэн ч байсан зэвсэг, тэсрэх бодис, хорт химийн бодис болон шатах тэсрэх өндөр магадлалтай бодис зэрэг зорчигчдод аюул учруулах юмуу учруулж болзошгүй дараах зүйлс болон бодис(Цаашид "Аюулт зүйл")-ийг метронд биедээ авч явж болохгүй(「Төмөр замын аюулгүй байдлын тухай хууль」 ийн 42 дугаар зүйл болон「Төмөр замын аюулгүй байдлын тухай хуулийг хэрэгжүүлэх журам」 ын 78 дугаар зүйлийн 1 дүгээр заалт).
1. Тэсрэх бодис
2. Өндөр даралтат хий
3. Шатамхай шингэн
4. Шатамхай шинж чанартай бодис
5. Исэлдэх шинж чанартай бодис
6. Хорт бодис, өвчний вирус халдаахад хялбар бодис зэрэг хорт шингэн зүйлс
7. Цацраг туяаны шинж чанартай бодис
8. Амьд биетийн бүтэцэд хүчтэй хор учруулах юмуу галт тэргэнд материаллаг хохирол учруулах идэмхий бодис
9. Бүхээгний үйлчлэгч хэвийн байдлаар ажлаа хийж чадахгүй хэмжээнд хүргэх туйлын зовиуртай юмуу тав тухгүй байдлыг бий болгодог мэдээ алдуулах шинж чанартай бодис
10. Галт зэвсэг·сэлэм зэрэг үүнтэй төстэй зэвсэг
11. Дээрх 1.-ээс 10. хүртэлхээс бусад зүйлийн хувьд химийн өөрчлөлт зэргээс шалтгаалан хүмүүст аюул учруулах юмуу галт тэргэн дотор ачигдсан ачаа бараанд материаллаг хохирол учруулж болзошгүй бодис
- Төмөр замд ажилдаг ажилтан нь галт тэргэнд аюулт эд зүйл зэргийг биедээ авч яваа хүн эсвэл тэрхүү аюулт эд зүйлийг галт тэрэгнээс гаргах юмуу устгаж болно(「Төмөр замын аюулгүй байдлын тухай хууль」 ийн 50 дугаар зүйлийн 1 дүгээр тоот).
- Тодорхой шалтгаангүйгээр галт тэргэнд аюулт эд зүйлийг биедээ авч явах юмуу ачсан хүн нь 2 ба түүнээс доош жилийн хорих ял болон 20 сая ба түүнээс доош воны шийтгэлийн төлбөр төлөхөөр шийтгүүлнэ(「Төмөр замын аюулгүй байдлын тухай хууль」 ийн 79 дугаар зүйлийн 3 дугаар заалтын 16 дугаар тоот).
Зорчигчдийн аюулгүй байдалд зориулсан аюулгүйн хамгаалалтын шалгалт
- Төмөр замын хууль сахиулах тусгай ангийн цагдаа нь метроны бүхээгний аюулгүй ажиллагаа болон метроны байгууламжийн хамгаалалтыг хийхийн тулд шаардлагатай тохиолдолд галт тэргэнд сууж, бууж буй хүний биедээ болон гартаа авч яваа эд зүйл, ачаа тээшинд хамгаалалтын шалгалтыг явуулах боломжтой(「Төмөр замын аюулгүй байдлын тухай хууль」 ийн 48 дугаар зүйлын 2 -ын 1 дүгээр заалт).
· Төмөр замын хууль сахиулах тусгай ангийн цагдаагийн удирдлага нь дээр заасны дагуу ажил үүргээ гүйцэтгэхийн тулд шаардлагатай гэж хүлээн зөвшөөрөгдөх тодорхой шалтгаан байх тохиолдолд үндэслэлтэйгээр шийдвэрлэн шаардлагатай хэмжээнд тааруулан гав,олс, газын буу, цахилгаан бороохой, хамгаалалтын дохиур гэх мэт ажил үүргийн хэрэгслийг ашиглах боломжтой(「Төмөр замын аюулгүй байдлын тухай хууль」-ийн 48 дугаар зүйлийн 3-ын 1 дүгээр заалт·2 дугаар заалт).
· Төмөр замын ажилтан нь дээрх хамгаалалтын шалгалтыг эсэргүүсэн хүнийг галт тэрэгнээс буулгах юмуу метроны буудлаас гаргах арга хэмжээ авах боломжтой(「Төмөр замын аюулгүй байдлын тухай хууль」 ийн 50 дугаар зүйлийн 6 дугаар тоот).
Төмөр замын ажилтаны ажил үүргийн шаардлагаар тавьж буй зааврыг мөрдөх
- Галт тэрэг эсвэл метроны байгууламжаар үйлчлүүлэх тохиолдолд төмөр замын аюулгүй байдал·хамгаалалт болон дэгийг мөрдүүлэхийн тулд хийж байгаа төмөр замын ажилтаны ажил үүргийн шаардлагаар тавьж буй зааврыг дагаж мөрдөх ёстой(「Төмөр замын аюулгүй байдлын тухай хууль」 ийн 49 дүгээр зүйлийн 1 дүгээр заалт).
· Төмөр замын ажилтан нь төмөр замын ажилтаны ажил үүргийн шаардлагаар тавьж буй зааврыг дагаж мөрдөөгүй хүнийг галт тэрэгнээс эсвэл метроны буудлаас гаргах боломжтой(「Төмөр замын аюулгүй байдлын тухай хууль」 ийн 50 дугаар зүйлийн 7 дугаар тоот).
·Төмөр замын ажилтаны ажил үүргийн шаардлагаар тавьж буй зааврыг дагаж мөрдөөгүй этгээдэд 10 сая ба түүнээс доош воны торгууль оногдуулна(「Төмөр замын аюулгүй байдлын тухай хууль」 ийн 82 дүгээр зүйлийн 1-ийн 14 дүгээр тоот).
- Хэн ч байсан хүчирхийлэл·айлган сүрдүүлэлтээр төмөр замын ажилтаны ажил үүрэгт саад учруулж үл болно(「Төмөр замын аюулгүй байдлын тухай хууль」 ийн 49 дүгээр зүйлийн 2 дугаар заалт).
·Төмөр замын ажилтан нь өөрийн ажил үүргийг гүйцэтгэж байхад саад учруулсан этгээдийг галт тэрэгнээс буулгах эсвэл метроны буудлаас гаргах боломжтой(「Төмөр замын аюулгүй байдлын тухай хууль」 ийн 50 дугаар зүйлийн 7 дугаар тоот).
·Хүчирхийлэл·айлган сүрдүүлэлтээр төмөр замын ажилтаны ажил үүрэгт саад учруулсан этгээд нь 5 ба түүнээс доош жилийн ял эсвэл 50 сая хүртэлх воны шийтгэлийн төлбөр төлөхөөр шийтгүүлнэ(「Төмөр замын аюулгүй байдлын тухай хууль」 ийн 79 дугаар зүйлийн 1 дүгээр заалт).
Метронд ийм үйлдэл хийж болохгүй шүү!
Метронд дараахтай адил үйлдэл хийж үл болно(「Төмөр замын аюулгүй байдлын тухай хууль」-ийн 47 дугаар зүйлийн 1 дүгээр заалт, 「Төмөр замын аюулгүй байдлын тухай хуулийг хэрэгжүүлэх журам」-ын 79 дүгээр зүйл болон 80 дугаар зүйл).
1. Тодорхой шалтгаангүйгээр жолоодлогын тасалгаа, хөдөлгүүрийн тасалгаа, генераторын тасалгаа, нэвтрүүлгийн тасалгаа зэрэг зорчигч орохыг хориглосон газар орох үйлдэл
2. Тодорхой шалтгаангүйгээр явж байхад яаралтай тусламжийн товчлуурыг дарах юмуу төмөр замын тээврийн хэрэгслийн хажууд байрлах зорчих хаалгыг нээх зэрэг төмөр замын тээврийн хэрэгслийн төхөөрөмж, эд зүйлийг оролдох үйлдэл
3. Галт тэрэгний гадна талд байгаа хүнийг аюулд оруулах магадлалтай зүйлийг галт тэрэгний гадагш шидэх үйлдэл
4. Тамхи татах үйлдэл
5. Төмөр замын ажилтан болон зорчигчид бэлгийн(性的) гутамшигт байдлыг үүсгэх үйлдэл
6. Согтууруулах ундаа уух юмуу эм хэрэглэж бусдад аюул учруулах үйлдэл
7. Зорчигчдод аюул учруулах магадлалтай амьтан·ургамалыг аюулгуйн хамгаалалтгүйгээр авч суух юмуу биедээ авч явах үйлдэл
8. Хуулиар заасан халдварт өвчтэй этгээд төмөр замын ажилтаны зөвшөөрөлгүйгээр галт тэргэнд суух үйлдэл
9. Төмөр замын ажилтаны зөвшөөрөлгүйгээр хандив гуйх юмуу эд зүйл зарах·тараах түүнчлэн ухуулга сурталчилгаа·уриалга зэргийг хийж зорчигчдод таагүй байдал үүсгэх үйлдэл
- Жолооны ажил үүрэг гүйцэтгэгч, зорчигч тээврийн үйлчлэгч түүнчлэн зорчих буудлын үйлчилгээний ажилтан нь дээрх хориотой үйлдэлийг хийсэн хүнд шаардлагатай тохиолдолд хориотой үйлдлийн хориг болон хориотой үйлдлийн дуун бичлэг·дүрс бичлэг түүнчлэн бичлэгийг хийх боломжтой(「Төмөр замын аюулгүй байдлын тухай хууль」 -ийн 47 дугаар зүйлийн 2 дугаар заалт).
Ингэж шийтгэх боломжтой.
- Төмөр замын ажилтан нь дээрх хориглосон үйдэлийг хийсэн этгээд болон тэрхүү эд зүйлийг галт тэрэгнээс гаргах эсвэл метроны буудлаас гаргах, устгах боломжтой(「Төмөр замын аюулгүй байдлын тухай хууль」 ийн 50 дугаар зүйлийн 4 дүгээр тоот).
- Дээрхи 1 болон 3 дахь заалтыг зөрчиж орохыг хориглосон газарт нэвтэрсэн, галт тэрэгний цонхоор юм шидсэн зорчигчдод 5 сая воноос ихгүй мөнгөн торгууль ногдуулна(「Төмөр замын аюулгүй байдлын тухай хууль」-н 82 дугаар зүйлийн 2-н 8 дугаар заалт).
- Дээрхи 2 дахь заалтыг зөрчин үйлчилгээнд явж байгаа тээврийн хэрэгслийн аваарын товчийг дарсан, өргөх төхөөрөмжийн хаалгыг онгойлгосон хүнд 2-с доош жилийн хорих ял, 20 сая воноос ихгүй мөнгөн торгууль ногдуулна(「Төмөр замын аюулгүй байдлын тухай хууль」-н 79 дүгээр зүйлийн 3-н 18 дугаар заалт).
- Дээрхи 4 дэх заалтыг зөрчин зорчигчдын зааланд тамхи татсан хүнд 1 сая воноос ихгүй мөнгөн торгууль ногдуулна(「Төмөр замын аюулгүй байдлын тухай хууль」-н 82 дугаар зүйлийн 4-н 2 дүгээр заалт).
- Дээрхи 5 дахь заалтыг зөрчиж бэлгийн шинжтэй үйлдэл гаргасан хүнд 5 сая воноос ихгүй мөнгөн торгууль ногдуулна(「Төмөр замын аюулгүй байдлын тухай хууль」-н 79 дүгээр зүйлийн 5 дугаар заалт).
- Дээрхи 6 дахь заалтыг зөрчиж согтууруулах ундаа, мансууруулах үйлчилгээтэй эм, эмэн бүтээгдэхүүн хэрэглэж бусдад хохирол учруулахуйц үйлдэл гаргасан хүнд 1 хүртэлх жилийн хорих ял, 10 сая воноос ихгүй мөнгөн торгууль ногдуулна(「Төмөр замын аюулгүй байдлын тухай хууль」-н 79 дүгээр зүйлийн 4-н 12 дугаар заалт).
- Дээрхи 7 дугаар заалтыг зөрчиж олон нийтэд болон зорчигчдод хохирол учруулахуйц үйлдэл гаргасан хүнд 5 зуун мянган воноос ихгүй мөнгөн торгууль ногдуулна(「Төмөр замын аюулгүй байдлын тухай хууль」-н 82 дугаар зүйлийн 5-н 2 дугаар заалт).